#الكاتبة ت/ك#
اعرفكم بالشخصيات .....
الساحر : ابو حكيم . . العمر 55سنه ساحر سفلي كافر يستعمل السحر الاسود والصابئي والافريقي .... خرب شكد بيوت واذى ناس وسلط شياطين على ناس جان انسان قذر معنده ضمير ولا انسانيه وهو كافر يتقرب للشيطان ويسوي طقوس خاصة .... فاسد جان عايش بيت ٤٠٠متر .... هذا الحجي ب1999ب 2008 او 2010 هذا الساحر انقتل محد يعرف منو قتلة ... والبيت ماله صاحب غير ابو حكيم نزلو بالمكتب العقاري يستفادون منه ...
ب2012 اجت عائلة تدور بيت تسكن بي العائلة تتكون من الاب ابو طه والام والولد خمسة (علي ومنير ومحمد واحمد وزهير ) . وبنات ( ابرار ومنار وانوار )
الولد مزوجين بس احمد وزهير بعدهم . بسبب الوضع المعيشي مايكدرون يسكنون وحدهم وقررو يسكنون وي اهلهم ....
ابو طه: ان شالله الكه بيت زين وعلى كد فلوسنه نخلص من سالفة الاجار ☹ ...
ام طه : اي والله تعبنه لشوكت نبقى ندفع اجار اريد انام مرتاحه محد يدك بابي .... 🤲
ابو طه راح للمكتب العقاري البيوت غاليه دزو لمكتب بي بيوت عسى ولعل يلكه بيت زين ...
ابو طه : السلام عليكم
ابو جواد : اهلا اهلا وعليكم السلام ورحمة الله وبركاته.. تفضل حياك الله زارتنه البركة ...
تناقشو على بيت
ابو جواد انطا هذا البيت وبسعر مناسب
اخذ ام طه والبنات ابرار وانوار ومنار حتى ينظفن البيت ...
ابرار : دخلنه للبيت ياستار يارب بي ريحة عفونه فضيعه 🤢 ...
فتحنه الشبابيك .... وضلينه نظف ... ونلكه شغلات منعرفها ...
منار : رحت انظف الغرف ريحة عفن 🤢😷فتحت الشبابيك وكانما اكل باقي معفن ... ويابس
انوار : مارتاحيت نهائيا واول مادخلت راسي لزمني صداع 🤕😷
اختنكت 🥵 ... رحت امشي بالبيت واشوف الغرف ... اسمع الباب انسد وحده كلت الهوى 😑 ...
ضلينه مستمرين تنظيف البيت وصخ كمية الوصخ البي مانتخيلها 😮
تعبنه .... تمددنه بالكاع اجه ابوي كال :
ابو طه : امشن يمعودات وين تنامن لافراشات ولا مخدات تنامن عالكاع 😐 .. رجعنه لبيتنه نمنه ...
😴
😴
😴
ثاني يوم نقلنة غراضنه للبيت وحيل تعبنه ..... يعني هوسة الطريق والغراض وجهال اخواني ونسوانهم ..... وعزلنه البيت .... لليل كملنه نص ..
ماكدرنه نكمل من التعب ... نمنه بلا عشة ....
منار : نمت بغرفتي ميته تعب 😪
حسيت حركة بالغرفة .... فزيت 😧
فتحت الضوة ماكو شي .... طفيت الضوة انفتح باب الكنتور وحده😮
صدك خفت 😦 ..
ياستار ياربي ... ضليت اقنع بنفسي ماسادته زين ...
نمت وحلمت ... انفتح باب الكنتور وطلعت منه مرة لابسه اسود واني سالتها منو انتي وهي صرخت بوجهي 😰 شكلها رعب ولحد الان اذكر ملامح وجها ..... فزيت من الحلم .... الساعه ب٣🕒 بليل ...
جسمي يرجف جريت نفس .... وسمعت صوت همس باذني اطلعي .... اطلعي
اني جمدت بمكاني 🥶...... يمه شنو هاي ....
أنت تقرأ
بيت الشيطان 👿
Spiritualقصة رعب تدور احداثها عن بيت قديم يعود الى ساحر وتوفي الساحر بظروف غامضه _ وسكن البيت عائلة ماذا سيحدث لهم ؟
