#الكاتبة ت/ك#
احمد : هاي البنيه اسمها (ليا ) .. ضليت احبها وهي دوم وياي بالغرفة ارجع للبيت الكاها موجودة .... ومادري ليش اهلي ضلو يباوعلي بنظرات غريبة ويتجنبوني ..... واني هم ماعرف شبيه احسهم مايردون بالبيت .... وضليت انعزل عنهم ....
ضليت احبها ..... حيل كولشي بحياتي
انوار : استمرت معاناتي وي هذا الرعب الي يصيرلي بليل .... جنت نايمه واسمع صوت ولد يم اذني يهمس (احبج ) بصوت مرعب وبعدها حسيت مثل الحرارة بجسمي ضليت اهذي منوووو منو انت ؟ 🥵
كال اني (حبيبج) الاسم ماكدر اكتبه لتجنب الخطر تعذروني *****
فزيت واني الاسم ماذكره ....
تعبت من هاي الوضعية .... اهلي بالبيت وضعهم مو زين ....
ابوي صاح عليه انوار انوار راح يجون بيت عمج يلا بويه اسرعن نظفن كملن غداجن ..... رحت للمطبخ لكيتهن مخبوصات شمرن عليه الجهال اخذيهم ....
كعدت يم الجهال ..... حسوني ابن اخويه كال عمه نونه ... اني كعدت لكيت الدب مكطوع راسه 🙁😢 ليش ؟
كتلة خلي يولي اني اجيبلك يمكن مومو لو نينه شككو ... جان يكول لا هذا قزومي .... كتلة منو قزومي ..... كال هذا وصخ دوم ياخذ سياراتي ودبب مني وضل يبجي اني خفت وحضنته احاول اطمنه ماكو شي هذا ابن جيرانه ..... خلي يولي .... صفنت حتى الجهال هم متاذين ياربي سترك واشلون تاليها ....
اجو بيت عمي .... ٤ ولد و٣ بنات كعدنه وياهن واخذتنه السوالف صابرين بكدي صديقتي كولشي احجيلها .... كتلها اكلج من دخلنة هل البيت ومحد بينه مرتاح ... كوابيس واذيه وحجيت كولشي حتى سالفة الكتاب هنا صابرين طفرت بوجهي وووووولج عزة العزاج😱 ميصير تقرونه غير بي جن ويمرعدونكم تمرعد امداج انوار روحي لسيد شي ولج خاف ملبوسه .... 😯
انوار : كتلها لا خيه لاتخوفيني كلشي ماكو اسكتي سدي الموضوع ....
صابرين : بكيفج يطبج طوب ... ☹
كملنه غدة وجلبنه بيهم للعشة وتونسه شويه ....
المغرب دخلت صابرين للحمام وطلعت تصرخ وتبجي ماابقى مابقى ماريد ......
صابرين : دخلت للحمام اغسل وشفت الحمام مابي ماي بي دم 😱 تخبلت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وواحد فاتح حلكه وينزل دم وسمعت صوت يكول اطلعييييي
حسوني : خايف وخاتل ورا امه ... وكال قزومي يكول دوم اطلع منا هذا مو بيتكم .... امه كالتلة اسكت لاتضل تجذب .... 😡
أنت تقرأ
بيت الشيطان 👿
Spiritualقصة رعب تدور احداثها عن بيت قديم يعود الى ساحر وتوفي الساحر بظروف غامضه _ وسكن البيت عائلة ماذا سيحدث لهم ؟
