بَـــرْآءٌ

بداية(١)

هاي غاييييز🖐

هذي رواية جديدة🌚 آي نو بعدني ممكمله السابقات بس شسووووووي😭

ادعموني اوك🙄🌚❤️

اخليكم مع المقدمه🙂💜

-----------------------------

هل حقاً كل الطُرق تؤدي اليك؟ أم اني لا اعرف سوى طريقك!؟

•••••••••••••••••••••••••••••••••••••

ب بيت كبير او بالأحرى فيلا بوسط بغداد بمساحة١٠٠٠ متر، كانت عايشة عائلة متكونه من ٢اولاد وام وأب

الابن الاكبر حازم متزوج ومنفصل عن اهله(بعدين تعرفون قصته)

اما الابن الاصغر شهاب، عازب وعايش معاهم بالبيت

الاهم هانده متوفيه اما الاب عارف ف كبير بالعمر بس بعده بقوته

بالصالة الكبيره والفخمه، كان الاب عارف قاعد وينتضر ابنه شهاب يجي من الشغل حتى يتكلم وياه بموضوع مهم

دقايق وجاء شهاب، سلم ع أبوه وقعد ع الكنبه يمه

شهاب/ها حجي أمرني؟ قلت عندك موضوع مهم!

عارف/اي يا ابني ومااعرف منين ابدي!

شهاب عقد حواجبه/خير!

عارف تنهد/مااعتقد اكو خير!

شهاب/حجي خوفتني!

عارف وهو يرتب الكلام بباله/تدري اني ماچنت اريد اخو يتزوج بنت الحي الشعبي!

شهاب/شذكرك بالسالفه صارلهه اكثر من ١٥سنه! وحازم مشفناه بعد بأمرك!

عارف/بس اني كنت مخلي احد يراقبه خاف يصير له شي بالنهاية اني أب!

شهاب/والحجيه أم!! وماتت بحسرة شوفة حازم!

عارف بدون مقدمات اكثر/حازم سوه حادث خطير

شهاب الي انصدم من الي سمعه/ش شنو!

عارف بأسف/حالته كلش خطيره و زوجته ت توفت..

هز شهاب راسه بأسف ع أبوه وقام طلع من البيت حتى يروح ل اخوه الي اجبره عارف ان يقطع صلته بي وان مايساعده طوال السنوات السابقه الي اتزوج بيها من بنت الحي الشعبي!

بعد ان اجره اتصالاته اخيراً عرف اخوه بأي مستشفى وراح متوجه اله بسرعه، ربع ساعه و وصل، ركن سيارته ونزل واتجه للباب الرئيسي

سئل الريسبشن عن اخوه وفعلاً اعطوه رقم الغرفه والطابق

راح بسرعه وهو ميحس بنفسه شلون يمشي بس يريد يطمئن ع اخوه، اخيرا واصل للغرفة، تنفس بعمق وفتح الباب شويه شويه

الغرفه كانت هادئه ومحد ماكو بيها غير الرجال الي ممدد ع السرير والي م كان غير اخوه حازم...