روايه قمرى

البارت التالت

روايه قمرى..... بقلم آيه شعبان
البارت التالت
الام قومى يا زفته اصحى هتتاخرى على الشركه
قمر...حاضر سبينى شويه والنبي
الام...اسيبك ايه الساعه 7ونص
قمر...شويه وهقوم حاضر حاضر
الام...يا بت قومى...طيب يظهر ان الزوق مش بيجى معاكى بفايده ومسكت رجل قمر وشدتها وقعتها من على السرير
قمر....اااااه يا رجلى اااااه حراام عليكي فى حد يصحى حد كدا
الام...ايوه لو وحده زيك مينفعش تصحى غير كدا  .... انا اكيد ربنا بيخلص منى ذنوب بسببك عمرى فى حياتى ما شفت حد نومه قتيل كدا
انا مش عارفه هتعملى ايه لما تتحوزى انت بهيمه .... دا غير الزريبه الى عايشه فيها دى كتبها مرميه فى كل حته وهدومها مرميه فى الارض عايشه حياتها بطريقه فوضويه جدا
قمر....هى الساعه كام دلوقتي بنعاس
الام....بقالى ساعه بقولك7ونص يا زفته
قمر....بقولى ايه وجريت تغسل وشها ولبست بسرعه ياربي يعنى انا ناقصه هو مش طايقنى لوحدى ودلوقتي بقا ليه حجه وهيقعد يتلكك 😡

وهى فى التاكسي...افتكرت ذكرياتها مع احمد 😔

احمد رن على قمر وكان واقف تحت عماره قمر بالليل
قمر...الو ايوه يا احمد
احمد...اطلعى فى البلكونه دلوقتي
قمر.....ليه
احمد اطلعى بس وانتى هتفهمى
قمر...طيب ثواني اللبس الطرحه
طلعت البلكونه لقيت احمد واقف ومعاه جيتار
قمر...انت بتعمل ايه هنا يا مجنون
احمد...وحشتيني.
قمر...مش بترد
احمد...ايه مش هتقولي حاجه 
احمد..لسه زعلانه منى يا قمر ....انا اسف وهقولهالك مليون مره انا اسف والله هى الى كلمتنى من جروب الدفعه وانا كنت بكلمها زى الاصدقاء بس..... انا مقدرتش اقعد فى بيتنا وانام وانتى زعلانه منى
قمر...احمد انت لو عاوز تبطل تكلم بنات هتبطل بس انت الى غاوى  معنى انك تكلم بنات وانا معاك ملهوش غير تفسير واحد وهو انى مش كافيه ليك
احمد.... قمر متسبنيش انا مقدرش اعيش من غيرك...والله لو سبتينى هقتل نفسي واريحك منى على الاخر
قمر....معلش سيبنى شويه يا احمد مع نفسي لازم اخد فتره علشان اعرف افكر كويس
احمد...لا مش هسيبك تنامى وانتى زعلانه منى  .انتى فاهمه
قمر....انت عاوز ايه دلوقتى
احمد....قولى انك سامحتينى والله انا بحبك ومقدرش اعيش من غيرك متسودهاش فى وشى وانتى عارفه انى عندى مشاكل وبعمل المستحيل علشان اجى اتقدملك
قمر...خلاص سامحتك
احمد....من قلبك
قمر....من جوه قلبي
احمد...صافى يا لبن
قمر....حليب يا قشطه
احمد.....بحبك
وعلشان انتى سامحتينى انا هغنيلك غنيه ف الشارع
قمر....يا مجنون تغنى ايه انت فاكر نفسك فى مرينا دة بابا لو رجع من الشغل وشافك هيعلقك على باب الجامع
احمد....يعلق مين يا حجه دا احنا جامدين اوى
قمر....طيب يالا امشي
احمد....مش همشي غير لما تقولى بحبك لاما مش همشي وغنيلك برضوا
قمر....بطل هبل وامشي
احمد....انا حذرتك وانتى مصدقتيش وشغل الجيتار وغنى كل مره بشوفك فيها بحس نفسي ااااه
قمر....جتك اووه يا ابن المجنونه امشي فضحتنا
احمد برضوا مش هتقوليلي بحبك
قمر....لا برضوا
احمد....طيب انتى الى جبتيه لنفسك وغنى