في جوف قلبك

الـبـارت الـثـالـث

بارت الثالث من قصه في جوف قلبك
بقلمي ايات وعد،،،
قراءة مـمـتعه 🤍✨

كمت اركضضض وشايله حواف العبا منا ومنا بديني ثنينهن واركض فاتحه حلكي
لاكاني محسن مشكوك قميصه من يم بطنه كال ههها شو تركضين

ولكك محيسننن ذوله سا،،، ولد وبنيه يتباوسين

عاط ااااا عباااس عليج وينهم خل اشوفهم

يم يم بيتنه

طبي اني اروحلهم

طبيت خالهه نايمه ورجليهه وحده فوك الثانيه وهيه غافيه
طبيت كببل لغرفت البنات نهاد وزهرا
هاا يبنات
كعدننن

زهرا حجت بمياعه اوووي واحد بيته ميرتاااح

اوووي الفاهيييه كومي والي شالت مخدتهه وراحت لامهه تنام يمهه
يالله شلون يكدرون ينامون بهل حر
نهاد نهاد كعدي ماكو صوت نهاااد هلستهه ماكو طببت اصابع اديني بعيونهه بس مو حيل خاف يتفكسن

وجان تجفلل صاحتتت يمااا عبالي حلمانه بجني زين ربج طلعتي انتي

اي
ولج نهااد لو تدرين ششفت اليوم

شفتي

شفت ثنين يتباوسون يم بيتنه وره الحاويه

كمزت وردت كعدت ع ركبهه ولزمت اديني ودنكت عليه لعبااسس عليجج تحجين صدوك شصرنه احنه مكو،،،،،

قريبن نصير

استغفرك ربي

ديله كومي خلي نسوي اكل جوعانه

نهاد يله كومي اني بتليت بهل مزعطه

سمره تره هنه سنتين بيناتنه بطلي هنبله

دمشي امشي

سوتنه بتيتات محتركات وجابتنه دبس الرمان صارله دهر عدهم مجعوص اكلناهن حجينه شويه وزهرا ضايجه من حجينه زهرا فد وحده معقده قليل تحجي متطلع هوواي عبالك بيهه توحد
نحاول نحجي وياهه متقبل وجه النعال عساس ميته عليهه عشتووو دللناهه زياده
خالتي كالت ايي بعلي صدكتي

يله مع السلامه يابه
الله وياج

طلعت اشمر برجليني بلمشي وديني اطيرهن لسمه وصلت لللبيت لكيت امي نايمه ماما هاي مكعدتي

لا ماما تعبانه شوي جسمي نحلان ايدي ماكدر اشيلهه اني متت خوف خاف يصير بيهه شي ماعدي غيرهه
ضلت ماما سوبوع عله هاي حالتهه

ساعه 10:38 صباح جديد

نزلت جوه لكيت صوت نسوان
كعدت بنص ساعه وحدي صحت ماما جت ماما كتلهه منو ذوله
ماما كبرتي وكامو يجوج خطابه يالشكره
عزززه يااا يمااا صدوووك
طرديهن ماما صدوك تحجين اني مال زواج انييي

هسس سكتي ليسمعن عيب منهن تعالي وراي وهاي كلاصات مي حطي اربعه بصينيه وتعاي

استغفرك ربيي

سويت الكالته وطبيت ههللووو

كولهن ردن وعليكم السلام فشلني بنات الرقاصه

دنكت انطيهن وحده كالت الله ومصلي ع محمد وال محمد شنو هل جمال

بتسمتلهه دنكت عود خجلانه احمم

كعدت شوي وماما كلاتلي روحي ماما هناك شلت لكلاصات ورحت
حطيتهم بلمطبخ ودحست اذاناتي بلباب ضلن يحجن
والله يا ام حماده
(حماده اخويه الله يرحمه)
احنه سئلنه عليكم وطقسنه ولبنيه ماكو بادبهه وحابين انطلب بنيتكم لبنه
وطبعأ ابني قاسم ضابط ورويتبه زين

والله ايا ام سحر الي الشرف ان اناسبكم وشغلت الراتب بحث اخر شي ميخصني السعاده و الحب مينشرن بفلوس اني اخذ رأيهه وشور عمامهه ونسأل عنكم وردلكم الخبر باذن الله

صح السانج ام حماده عله راسي انتي وهيه وعمامهه نحترم رأيكم مهمأ كان الرد ونبقه اهل

وتبادلن الرقام وراحت

طبيت طايره يمااا عفيه شو ذوله ممرتاحتلهم يحجون معلك
ماما نسأل عمامج ونشوف اذا خوش قسمه ليش نضيعهه

ماما اني ماعوفج صدوك تحجين شتسألين يا عيني توني وعيت عدنيه شفت من الحياة شحققت من احلامي

يا بنتي اني مدايمه الج تعبانه يا ماما ودا اشوف نفسي مو راعيت طويله خليني اطمأن عليج قبل لا ربج ياخذ امانتي فدوه يماما اذا طلعو خوش ناس لا تعارضين طيعيني يبنت الغالي

تنهدت الي يريحكم سوو

بنيتي العاقله وباستني من راسي وراحت لغرفتهه
رحت فوك وافكر ودرويش الي ماخذ عقلي يمكن احبه ويمكن لا هسه درويش مسافر هوه واصدقائه بيوم الراح اجه ودعنه

ثاني يوم خابرت ماما عمامي وخبرتهم كلولهه نشوف ونردلج خبر

وره شهر مملل بين بيت

خالتي هند
ونهاد
ومحسن
وزهرا

وبيتنه وامي الي حالتهه الصحيه بنازل

واني مالي خلك لا اسولف لا اضحك مكضيتهه مكابله ماما ودعي ربي احفضهه الي لا تحرمني من حضنهه من حنانهه من نضرت عيونهه كلامهه اله الاخر

ساعات اكعد بوحدي واضل ابجييي ماريدهه تعوفني لان دا اشوفهه تذبل كدامي والي شاغل بالي اكثر نوديهه لدكتور يكول مبيهه شي ؟

ليوم الضهر ساعه 2:3 ندك الباب رحت فتحته لكيته عمو وجدو هلوووو عمو تفضل جدوو يحبيبي طب
دخلو جبتلهم مي سويت جاي قدمتلهم وفتحو موضوع قسمه اوو اقصد قاسم

عمو احمد يكول خوش ولد وحرامات نضيعـه هيج قسمه وضابط والمنطقه تحلف باخلاقه وكذا وشوي بهارات صفره

لمهم وافقنه ودرويش محد كله
لان مسافر وندك علي مغلق عمامي كالو ميعترض اكيد

اني قلبي يوجعني من هل زواجه ودرويش من نخطبت كمت افكر بي اكثر

راحت ايام واجت ايام وقررنا الخطوبه سبوع الجاي وحضرت نفسي من جميع الجهات خلص لسبوع بضوجه وومكتئبه من هل زواجه الي ماعرف شنو بدايتهه وشنو نهايتهه

يتبع

رأيكم بسرد

اسفه عاتخخير
بقلمي ايات وعد،،،