الفصل التاسع
قرر د علي أنه يعمل مفاجأة لأهله ، وانطلق فورا الي البيت ورن الجرس وانفتح الباب
د علي: لو سمحت ياافندم ممكن ادخل
حسن والد علي : علي حمد لله ع السلامة ياحبيبي واحشتني اووي
علي: الله يسلمك يا والدي العزيز ، وانت كمان واحشني جداااا
حسن: تعالي ادخل ادخل ، الله طب مقلتش ليه انك جاي ده انت لسه مكلمني امبارح بليل
علي : امال تبقي اسمها مفاجأة ازاي ههههههههههه
حسن : احلي مفاجأة ياحبيبي نورت بلدك وبينك يا دكتور علي
علي : ربنا يخليك ليا ياحاج ياابو الدكتور ، امال فين ست الكل
والدة علي: انا اهو ماكنتش مصدقة نفسي اني سامعه صوتك ياحبيبي
علي : احلي ام في الدنيا كلها ، واحشتني ياست الحبايب
والدة علي: وانت كمان ياحبيبي واحشني اوووي ، خليكياواد في حضني مش مصدقه انك قدامي
علي : هههههههه انا قدامك اهو ياست الكل
حسن: براحة ع الواد يامنال وشوفي هتاكلينا ايه بقي
منال : احلي اكل طبعا ، ده هعمل وليمة
حسن : اه طبعا مهو ابنك وصل بقي ، اقعد انا بقي ع جمب
علي : وده برضو معقول ياحاج ، ده انت الخير والبركة وكل اللي لينا ف الدنيا
حسن : تسلم ياحبيبي ، قوم انت خد شاور كده وريح شويه عقبال ماالاكل يجهز ونقعد ندردش سواء
لان واضح أن عندك كلام كتير
علي : الصراحة ياحاج. كلام كتير اووووي ، طول عمرك قرينا كده
حسن : زي ابوك برضو هههههههههههههه
علي : هههههههههههه لا حلوة طب انا هقوم اريح شوية ، عن اذنك
منال : رايح فين ،اقعد كل لقمة كده علي السريع عقبال مااالغداء يجهز
علي: لا والله مش قادر انا واكل قد كده ، انا همس اريح بس شوية ، عن اذنكم
حسن : اتفضل ياابني
منال : هو الواد ماله في حاجة متغيرة ، هو مقلكش حاجة
حسن : سبيه يرتاح وهو هيحكلنا علي كل حاجة
منال: انا قلقانه علية اوووي
حسن: خليها ع الله يامنال ، ان شاء الله خير
منال : ان شاء الله ، انا هقوم اجهز الغداء
حسن : مش عاوزه مساعدة
منال : لا تسلم ه انا هعمل حاجات بسيطة
حسن: وماله اهو ايدي باايديك
منال: ربنا يخليك ليا ياحاج ومنحرمش منك ابدا
حسن. : ولا منك يارب
حاول علي اكتر من مرة ينام ومش عارف وفضل يفكر لحد ما تعب من كتر التفكير ونام
*********************
** عند نور ف البيت كان الجو مليان بهجة وضحك لرجوع نور البيت ووجود اختها وبنتها ملك العثوله
( ملك بنوته عندها 4 سنين لمضة ومرحة جدا )
نور: لالا انت نصابه ياملك , انا اللي كسبت
ملك : لالا انا اللي تسبت (كسبت) هيييييح
نور: طب انا مش هسيبك بقي تعالي هنا
ملك : لااا مش هتعرفي تمسكيني ههههههههه وتطلع لسانها
نور: وكمان بتغيظيني طيب انا هجيبك وهموتك من الزغزغه
ملك: الحقني ياخالو , الحقني واستخبت وراء وليد
وليد: خلاص هي دخلت في الحمايه , يلا بينا ياملك نزغزها احنا
نور: لا لالا مفيناش من الخم هههههههههه وجريت ع المطبخ
والدتها : يابت انتي بتصغري ولا بتكبري
مها : اكيد بصغر مادام بتلعب مع ملك هههههههه
نور : حبيتي يا موها فهماني انتي
ام نور : بس تصدقي يابت البيت من غيرك ملهاوش حس , فاضي كده وهدؤء وكل حاجه في مكانها
مها : ههههههههههههههههههههههههههههه
نور : كده ياماما طب انا زعلان بقي
ابو نور : انتي قلبتي واد ولا ايه يانور
وليد : لا بتكسل تكمل الكلمة , عصر السرعه بقي ههههههههههههههههه
ملك وهي قاعدة علي كتف خالها : انا جعانه اووووي
فاطمة ام نور : اتفضلوا اطلعوا من المطبخ عشان نخلص البت جاعت , المطبخ ده لستات بس
محمود ابو نور: يعني احنا المقصودين ياوليد يلا بينا قبل ما ماما تحرمنا من الاكل
وليد : كله الا ده يلا بينا
نور: انا هعمل السلطة بسرعه كده
فاطمة: وانتي يامها روحي جهزي السفرة يلا
مها : حاضر ياماما
خرجت مها تجهز السفرة ونور جهزت السلطة وخرجتها ع السفرة
واخدت الاكل من امها ورصتهم ع السفرة وجلسوا للغداء
مها بتاكل بنتها ووليد بيناكف في نور
فاطمة : والله اللمة دي واحشتني , مش ناقص غير جوزك يامها
محمود : مين سمعك بقالنا قد ايه البيت فاضي علينا
وليد :ايوه يابوب ياجامد شهر عسل جديد اهو هههههههههههه
فاطمة : اتلم ياواد
وليد: ههههههههههههه حاضر
نور: صحيح ياوليد هو انت تعرف دكتور علي حسن
وليد : اه طبعا ده من اعز اصحابي , ده الدكتور بتاعك ف الجامعه صح
نور : اه وبصراحة شاطر جدا وبيعرف يدخل المعلومة بطريقه سهله
وليد : علي طول عمره بيحب التاريخ جدا
مها: اه افتكرته مش ده اللي كنت مسميه باسم مؤرخ
وليد : هيردوت ههههههههههه ده انتي فاكرة بقي
مها : ده انتوا كنتوا مصيبه لما تجمعوا وكل واحد ليه اسم
وليد : اه افاطون وعبقرينو وهيردوت هههههههههههههههه
مها : ايون صح ههههههههههههههه
وليد: صحيح يابابا انا عزمته يجي يقعد معايا بعد صلاة العشاء شويه
محمود : وماله ياابني ينور , عاوزين عشاء حلو بقي يانور ده الدكتور بتاعك وبعدين وحشنا اكلك برضو
فاطمة : قصدك اخترعاتها ههههههههههههه
وليد : طب كويس الحق اطلب دليفري عشان بس اعرف انام
نور : هاهاها بايخه , طب اياك تاكل منه
مها : احسن نام خفيف احسن ههههههههههههه
وانتهوا من تناول الطعام وكل منهم انشغل بعمله مها كانت بتنيم ملك وفاطمة بتعمل شاي
ونور بتغسل الاطباق ووليد ووالده قعدوا يتكلموا
***************
علي الجانب الاخر صحي علي من النوم وجلس يتناول الغداء وهو سرحان
منال : ماتاكل ياعلي سرحان في ايه
حسن : علي علي
د علي : ها نعم
منال لا ده مش معانا خالص
حسن : وانتي الصادقه دي حالة صعبه ولازم نعالجها , مالك ياعلي
علي : بحب يا بابا
منال : ده باين عليك ياحبيبي , بس مين سعيدة الحظ دي
علي : نور اخت وليد
حسن : وليد ابن الاستاذ محمود صاحبك
علي : ايوه يابابا
حسن : اجدع ناس بس انت شوفتها فين
علي حكي لوالده من اول يوم شافها ف الجامعه وخطفت قلبه لحد اخر لقاء ليهم في العربيه اثناء السفر
منال : والله ياابني كده تبقي انسانه مؤدبه ومحترمة , ولازم تدخل البيت من بابه
حسن : انت مش رايح ل وليد النهارده
علي : ايوه بعد العشاء ان شاء الله
حسن : خلاص فاتحه ف الموضوع وخد معاد عشان نيجي نقرا الفاتحه
علي : حاضر يابابا
منال : ربنا يسعدك ياحبيبي ( وخدته في حضنها )
*******
في المساء ذهب علي لمقابلة وليد وكان قلبة يخفق بشدة ويتمني ان يراها ولو دقائق
رن الجرس الباب اتفتح علطول
نور : برافو ياندوش متاخرتيش .....ااا د علي
علي : فضل باصص ومش بيرد وانتبه ونزل عينه ف الارض ) سلام عليكم
نور: وعليكم السلام ورحمة الله وبركاته
علي : وليد موجود لو سمحت
نور : لسه ماجاش من الصلاة , وماان انهت جملتها حتي سمعت اخوها وليد يتحدث علي السلم مع والده
دخلت وردت الباب , وصل وليد الي الشقه ووجد صديقه قد وصل
وليد : علوه معليش اتاخرت عليك اتفضل
محمود : اهلا يابني ازيك
علي : اهلا ياعمي ازي حضرتك , وازي الصحة
محمود : اتفضل ادخل ياابني هنتكلم ع السلم
علي : شكرا
وبعد السلامات والتحيات والرغي ده استاذن الوالد ليترك الصديقين معا
وليد : اخبارك يا هيردوت
علي : ياااااه انت لسه فاكر ياعبقرينو هههههههههه
وليد : ودي حاجة تتنسي ههههههههههههه
علي : بص يا وليد من الاخر كده انا عاوز اطلب ايد اختك
وليد : ده انت شكلك وقعت ولا حدش سم عليك
علي : ده مش شكلي , ده اكيييد
وليد : وانا ياسيدي معنديش مانع بس طبعا راي بابا هو الاهم وكمان نور
علي : مهو انا عاوزك تنادي والدك عشان اتقدم رسمي
وليد : من عنيا يانور عنيا هههههههههههههه
علي : عقبال مااشوفك زي كده هههههههههههه
وليد : قريب هتلاقيني جمبك هههههههه
علي : الله ده انت ناويه بقي ( علي راي استاذ رمضان مبروووك ابو العلمين حمودة )
وليد : ههههههههههههه إيوه
علي : طب روح نادي والدك
وليد : اتحايل عليا شويه
علي : ياسلام قوم ياض بدل مانادي علي ابوك بقي اخليه يعلقك
وليد : ده علي اساس اني مروحة
علي : وهروحك علي بيروت عدل هههههههههه اخلص يارخم
قام وليد ينادي علي ابوه ويجيب العصير
محمود : سلام عليكم , خير ياعلي ياابني
علي : خير ياعمي ان شاء الله , انا في الحقيقه جاي اطلب ايد بنت حضرتك , ولو فيه قبول
مبدي هاجي انا ووالدي ووالدتي عشان نقرا الفاتحة ان شاء الله
محمود : والله يابني ده يشرفنا بس لازم اخد راي البنت الاول واخد راي والدتها , واستخير وارد عليك
علي : انا عاوز رد مبدي يعني حضرتك عندك اعتراض علي شخصي
محمود : انت ياابني نعم الشباب و يشرفني اني اخدك لبنتي , بس طبعا مش هينفع ارد عليك دلوقتي
علي : طب امتي اقدر اجيب والدي واجي
محمود : بكره ان شاء الله ياريت تنورونا , وان شاء الله يكون عندنا الرد
علي : ان شاء الله ياعمي بكره بعد صلاة المغرب نقدر نيجي , وان شاء الله نقرا الفاتحة
محمود : ان شاء الله
علي : طب استاذن انا بقي
وليد : ما تقعد معايا شويه ياعم , اشرب العصير الاول
علي : معليش خليها مرة تانيه اصل عاوز انام باي طريقه
وليد : العصير ده مخصوص يعني , بس لو مش عاوز اشربه انا
علي : لا هشربه كله كمان , هااااا الحمد لله ده فعلا طعمه حلو اووي
وليد : الف هنا ياعم ( ووشوشه وان شاء الله هقطع نفسك )
علي :( علي قلبي زي العسل , اطلع انت منها ) استاذن ياعمي سلام عليكم
محمود: وعليكم السلام ياابني
***************
أنت تقرأ
جامعية ولكن
Romanceاجتماعيه رومانسيه تحكي عن فتاة تتغرب عن أهلها لاستكمال دراستها الجامعيه وتقابلها العديد والعديد من المواقف التي يتم اختبارها فيهم فهل ياترى ستنجح في الاختبار ام ماذا سيحدث لها ؟
