بعد مرور شهرين :
خلود :
_ اوووووووه ااااااااهههه 😀😂 ازرب هههه نزززززيم نزززيم هههه حاالة نزيم
نزيم : هه 😅 اوك ريحي ماتصوغي في وذني 😒
خلود : الفرحة يااااااااي ماكونتش عايشة يااجدك 😁
نزيم : أمشي ندخلو لداخل
خلود : اه واش راك تهدر عيط مارانيش نسمع 👂
نزيم : أرواحي ندخلو باش نوجد روحييي 📢
خلود : اه اووووك 🙂
_ دخلنا لداخل و أنا قاعدة نطل مالتاقة و هو يسڨم فروحو حتى دخلت وحد الطفلة جي قد نزيم فالعمر طويلة و كانت لابسة سروال جين فونصي مزبوط و كي نقول مزبوط يعني مزبوط يا حمودة تطابس يترتق و تريكو ما الذي تتفوه به أذناي ؟ حرام نقول عليه تريكو خاطر هاداك سوتيان حمر و صاندالة تالون بلون شعرها طويل و صابغاتو غوز كلاغ مالتحت و دايرة ليبوكل و تاقبة سرتها وذنها نيفها فمها تقول كسكاس ياحمودة 😂 و موشما في يدها اليمنى و عند الدخلة تاع صدرها كوبرا بالكحل و اللحمر و ضفارتيها مانقولكم نص ميترة مانقولكم ميترة 🤔 وجها معمراتو بوتوكس و فيلر سورتو شواربها و الماكياج الهايلايتر تحسب عرق مطرطق 🐸 و اللايناغ تنطق و ليفوسيل و أشياء أخرى لوكان كانت هنا أميرة راهي تعمقت كتر المهيم و طبعا هذه الأمور ڤاع شفتهم و حللتهم في جزء من الثانية أعرف أعرف أتميز بنظر تاقب 😂 بصح مانقدرش نكذب و نقول ماتشبه لوالو و لا تشبه لعبدلقا وليد عم هند خاطر بزااف بزااااف زللة أصاحبي و عندها لاطاي خطيرة و هذا مازادني حزنا و تعاسة 😓 غزرت فيا مالفوق للتحت و راحت عند نزيم سلمت عليه و هو يضحك كي طحان 🤬 و هي تضحك و تلعب بشعرها سنانها مستفين على دوسيي تاعي عند الدولة 🙂 و قاعدة تتمايل معاه حتى دارت غزرت فيا و نطقت
.... : اممم نييزو شكون هاد الطفلة الصغيرة
_ مهلا يا أطفال قصدي يا قرائنا النضجاء 🙂 بيناتنا ياربي خمس سنين وليت طفلة ماشي كي مازالني نشوف كرتون نيتورك يعني أنني صغيرة 😡 . و دقيقة اسناو نييزو 😦 تعيطلو نيزو 🙂💔 اسنا اسنا يا نزيم 😤
_ نطق نزيم كي شاف شحنات الدارة الكهربائية تخرج من عينايا الخجريتان : كاميليا هادي خلود و خلود هادي كاميليا 😅
_ هاذي كانت تاني أكبر صدمة في حياتي بعد ما عرفت بلي بوتفليقة زُجّٓ به في السجن و لم يعد رئيسنا 🙂💔
و الله سيريو هادي هيا كاميليا لي كان يقولي آمي تاعي و انتيك تخايلتها كيما وحدة كانت تقرا معايا مقطعة شعرها آلاڨاغصون و دير سنسلة تاع الكلاب اه قصدي هادوك لي يتباعو عشرالاف في أودان و يكحلو الرقبة تخايلتها مراجل 🙇 ظهرت كومة من الإغراء 😫 درت روحي ماشي مخلوعة بيها زعما 👀 و ضحكت ضحكة خفيفة و رحت ليها ضامة يدي لصدري مربعتهم نمشي بكل ثقة شغل أنا هيا ريم سلال لي باباها كاتب عليها نص الجزائر 🌚 وصلت ليهم هدرت ..
خلود : ...
علابالي ماراكم فاهمين فيها والو اوك اوك تبعوني بال GPS دوك تفهمو 🌚
Before 24 hours :
VOUS LISEZ
∞ فرصة ثانية ∞
Paranormalإجعل اهتمامك بالفرصة التي تنتزعها الحياة منك . و ليس في الفرصة التي تُمنح لك 🌟
