عشقتك من اول مره

البارت الرابع

عند امانى ف البيت قاعده بتتكلم مع ماماتها
امانى: ماما انا نازله الكليه هاتى فلووس يا حجه عايزه اجيب الكتب
فاطمه: انتى يابت علطول عايزه فلوس يخرب بيتك يارب اقوينى عليها عشان هتجبلى السكر والضغط وادتها الفلوس
امانى : بعد الشر عليكى يا طمطم وخدت الفلوس وجريت وتلفونها بيرن ردت انت يا زفته ليااان انا هقابلك بعد ما اخلص ام المحاضرات الزفت دى
ليان : اشطا وانا هخلص كمان واقابلك وقفلت
دخلت امانى الجامعه ولقيت صديقتها روح وبتنادى عليها انتى يا بت يااا رووح خدى يا حيوانه هنا مجتيش المحاضرات اللى فاتت لى يا اختاه ممكن اعرف
روح : ي امانى يا ماما بتخضينى يخرب بيت كد كنت تعبانه ياست كان عندى برد يلا بقى معانا محاضره الدكتور الرخم ادهم عشان منتبهدلش خلصى وراحو المحاضره
اول ما دخلو حمدلله الدكتور لسه مش دخل يلا يا امانى ادخلى
امانى : هو اه الدكتور مز وقمر وعضلات كدا وعيون خضرا بس باااارد مش بحب محاضرتو يخرب بيت كدا
الدكتور ادهم وصل : السلام عليكم اول السنه خلاص هنبدا ف الجد مش عايزين استهبال وطبعا روح اتكلمت بصوت عالى
روح : يخرب بيت كدا داخل مستعجل على اى دا احنا بنام ف المحاضرات
امانى : هنتفضح اتلمى يا روح
الدكتور ادهم : البنت اللى لابسه اسود واللى جمبها اتفضلو برا ومش عايز صوت
روح : هنخرج يعنى هتخرجنا من الجنه سعتها ادهم اخد بالو من عيون روح وملامحها البريئه بس ميعرفش لى قالها بصوت عالى هيا وامانى يلا براا
وخرجوا من المحاضره
امانى منك لله يا روح طب يلا يا اختى قدامى بدل ما اطردنا نروح ناكل 💃
عند مراد ف الفيلا عايش فى فيلا جميله حوليها زرع وحاجات خضراء جميله
داده سماح بتصحى مراد
سماح : يا مراد بيه حضرتك هتتاخر على الشغل مدام نور قلتلى اصحى حضرتك
مراد : يا داده قلتلك قبل كدا قولى مراد انا زى ابنك حاضر يا داده هقوم
مراد قام طبعا اختار بنطلون جملى وعليه قميض ابيض وجزمه سوده وساعه سوده وفتح كام زرار من القميص وكان حاجه جميله يخرب بيتو هييييح😂😂
طبعا اول ما نزل مراد: ازيك يا ماما عامله اى
نور : اهلا اهلا بالاستاذ اللى مش بنشوف وشو ابدااا ف البيت يا بنى حرام عليك انا مش بشوفك يا مراد مينفعش كدا ومش ناوى تتجوز ولا اى يا مراد لا انت ولا اخوك بجد تعبتونى
مراد: ماما بعد اذنك الموضوع دا متفتحوش معايا تانى وانا يدوب امشى هفطر ف الشركه باى
نور : ربنا يهديك يا مراد انت وانس

عند انس ف الشغل
انس : يا شباب اللواء بيقولكم معانا اجتماع يلا
صخر : يادى النيله اكيد ماموريه جديده صح يالا بقى وهات معاك باقى الشباب
دخلو قاعه المؤتمرات
اللواء سليم : يا مرحب بحضره الظباط اللى مش ناويين يجبوها البر معايا يابنى منك ليه ما تتجوز بدل ما كل واحد سهران مع وحده ف الحرام انا بعتبركم زى اولادى
انس : ان شاء لله ادعيلنا بس انو ربنا يهدينا وغمز لصخر وباقى الشله
وخلصو الاجتماع وانس خرج بعربيتو كان رايح ياقابل دكتور زميلو ف كليه الصيدله
انس : يا دكتور اسر انا جيلك بقى ولا اقول يا اسوره 😂😂
اسر : يخرب بيتك يا انس بجد انت لسه فاكر دا كان دلع ايام الثانوى منك لله يا شيخ طيب هستناك بقى تعالى ف اوضه بتاعتى او كلمنى اول ما توصل بس
انس : اشطا يا اسر باى
وصل انس الكليه لكن اول ما دخل شاف بنت قاعده على اول سلمه من باب الكليه بتاعت صيدله كانت هاديه اووى وشكلها حلو كانها طفله بهدوم بتاعتها كانت لابسه سلوبته لونها بينك وسايبه شعرها ولابسه كوتشى ابيض وتحت السلوبته شميز ابيض
انس :لو سمحتى بسهتنه كدا ركز ف عيونها الجميله هو انتى عارفه مكان دكتور اسر
ليان : هااا سرحانه ف ملامح انس الرجوليه وعضلاتو اللى سحرتها بس فاقت مع حد بينادى عليها انتى يا زفته ليان مش قولتك هنتقابل ف الكافتريا
امانى : ف نفسها اوبس اى الحلاوه دى يخرب بيييت كدا
انس : ها يا انسه عارفه مكان الدكتور ولااى
ليان : سورى لا مش عارفه وسباتو ومشيت راحت لى امانى
امانى : يا حيووانه مين المز اللى واقفه معا دا يخرب بيت حلاوتو ( وربنا احنا البنات لما بنشوف حد حلو كد😂😂)
ليان كان بيسال على مكان دكتور اسر وانا معرفش يلا عشان ناكل ومشيو هيا وليان وروح
# يترا اى اللى هيحصل مع انس وليان
#ومراد يترا هو هيعمل اى ف انتقاموا من امانى