روح شوف نفسك في المرايه وتعالا كلمني ياحبيبي......
سيف: حااضر هشوف نفسي في المرايه
خرجت من الكليه وانا قلبي بيتقطع علي اللي حصل جواا
انا طول عمري واخد اني محدش بيحبني ومحدش بيرضي يقرب مني ولما غصون قربت مني فرحت وحسيت ان بقا ليا اصحاب ليه دايما حظي وحش كداا طيب هو ذنبي اني مش حلو ليه البنات بتبص علي الشاب من بره ليه متبصش علي روحي ليه متبصش علي قلبي
رجعت علي البيت ونويت اني مش راجع الجامعه تاني حتي لو مستقبلي هيضيع
دخلت اوضتي وقعدت علي سريري وافتكرت اللي حصل من تاني مش عارف قعدت قد اي بس محستش بنفسي ولا حتي ب أمي لما دخلت
هدي: سيف انت بتعيط
سيف: مسحت دموعي اول ماسمعت صوتهاا لالا انا تماام
هدي: ماالك ياحبيبي
سيف: مفيش تعبان شويه
هدي: تعبان ازاي فيك حاجه
سيف: لا نفسيتي تعبانه شويه
هدي: اماال هيبقا اسمك دكتور نفساني ازاي بقاا ونفسيتك ذات نفسها تعبانه
سيف: ابتسمت من كلامهاا انا تمام يا أمي
هدي: طيب يالا احكيلي اي اللي حصل
سيف: مفيش
هدي: اديني ربعت اهوو لحد ماتحكي انا موريش حاجه
سيف بعد سكوت 3 دقايق
قولتلها بحبك
هدي: قصدك علي البنت الي معاك في الجامعه كان اسمها اي
سيف: غصون
هدي: ااه وقالتلك اي
سيف بدموع بتنزل غصب عنوو
قالتلي بص لنفسك في المرايه ياسيف شوف انت اي وانا اي
هدي: قومت من علي السرير واخدتو من ايدو قدامي تعالا معايا ياسيف
سيف: هنروح فين بس
هدي: هنروح نبص في المرايه
سيف: وقفتني قدام مرايتي
هدي: اهو بص لنفسك ياسيف ماالك شايف اي
سيف: شايف واحد تخين في حبوب النضاره غبيه شعري مش حلو
هدي: انا بقاا شايفه راجل شاطر قلب طيب عيون زي العسل شايفه حنيه شايفه رجوله ياسيف مش شايفه الوحش اللي فيك عارف ليه عشاان انا بحبك بجد
هي شافت فيك كل الوحش بس عشان مبتحبكش
سيف: ربناا يخليكي يا أمي
هدي: عارف ياسيف هي ليه شافت الوحش بس
سيف: ليه
هدي: عشان انت السبب في كداا
انت لو بتحب نفسك وعندك ثقه انك في احسن صوره كانت هي احترمتك وشافت فيك حاجه كويسه لكن انت نفسك مش قادر تشوف الحلو الي جواك عاوزها هي تشوفو
سيف: معاكي حق يا أمي انا لازم احب نفسي الاول عشان هي تحبني
هدي: ربنا معاك يابني
سيف: ماما انا مش هرجع الجامعه انا اتحرجت اووي هناك
هدي: دا قرارك شوف اللي انت عاوزو واعملو وانا وابوك معاك في اي قرار تاخدو
سيف: حاولت كتير ارجع الكليه تاني و اواجهم بس مقدرتش وقررت اني هقدم في كليه في محافظه تانيه
بعد 4 شهور
سيف: ماما يا ماماااا
هدي: ايواا
سيف: مش هتصدقي
هدي: قول وانا اصدق
سيف: جالي منحه دراسيه في اوروباا
هدي: بجد والله الحمدالله يارب
سيف: انا فرحان اووي
هدي: ربناا يفرحك يارب ياحبيبي
سيف: انا هروح اقول ل بابا
هدي: روح دا هيفرح اووي
فضلت طول اليوم مبسوط وحاسس اني بقرب من حلمي اكتر وهبقا دكتور امراض نفسيه ساعتها هعالج كل مشاكل الناس اللي نفسيتها تعبانه
كان قدامي كام شهر ف بدأت اجهز نفسي مسكت اللاب توب بتاعي وفتحت الفيسبوك بتاعي يااه بقالي زمن مفتحتوش منا مش بفتحو عسان معنديش اصدقاء ولا رسايل ولا حااجه فضلت اقلب فيه شويه وفتحت المسچ
لقيت رساله من ال other غريبه يعني مين بعتلي فتحت
لقيت رساله من اكونت بإسم غصوون
كنت سامع صوت ضربات قلبي من سرعتها ايدي بدأت تعرق وبيجيلي نغزه في قلبي وبدأت اتوتر فتحت الرساله لقيتها من 3 شهور يااه قرأت محتواها بسرعه
