خالد بعد ماكتب رسالة شوقه وحنينه الى جيسكا .. استرخى على
الكرسي الفخم للمكتب ..
وطالع بالاوراق .. اللي جابتهم ساندي له ..
خالد عدل جلسته وطالع بالاوراق .. (( خالد هذي نفس نوعيه الاوراق اللي أرسلها لجيسكا .. ))
خالد بكل خوف وارتباك .. فتح الرسائل ..
خالد ماقدر يتحمل حس بيدنه انشلت معقوله جيسكا تكون قريبه منه كل هالقرب ومايحس فيها ..
خالد رمى الاوراق ونبضات قلبه ازدادت سرعتها
يطالع الاوراق مو مصدق نفسه ..
جيسكا بنفس البيت اللي هو فيه ..
من هي .. ؟؟؟؟
اخذ الاوراق وراح على طول لغرفة مشاعل (( معقوله تكون مشاعل وانا ماادري معقوله ..؟؟؟ لا مااتوقع خل اروح اسأل الجوهره .. احسن لان الجوهره راعية هالحركات .. ))
خالد بأدبه المعتاد يطرق الباب على الجوهره ..
الجوهره فتحت الباب وكانت لابسه الروب ورافعه شعرها وعلى
وجهها قناع حطت يدها على خصرها واليد الثانيه على الباب .. وبكبرياء وغرور : نعــــــــــــــم
خالد بارتباك : الجوهره حبيت اسألك هذي الاوراق لك .. ؟؟؟
الجوهره اخذت الاوراق من يدين خالد بارتباك : والله مادري خل اشوف ..
خالد (( انا المجنون اللي اعطيها لوحده مثلها .. ولا هي ويين والرومنسيه وكلام الحب ويييين ؟؟؟ ))
الجوهره بدلع ترمي الاوراق على خالد : هههههههههه انا ماني من النوع اللي ينذل لكم بكلماتكم غبيه ..
خالد طالعها باستحقار .. شوي ويضربها تقهره يكرهها هي وتكبرها الغير طبيعي ..
خالد اخذ الاوراق وراح لمشاعل يبي يطق الباب ولكن فجأه مشاعل طلعت بوجهه .. وعيونها مليانه دموع ..
مشاعل وهي تفرك بيدينها بخوف وتلتفت يمين وشمال بخوف : خالد الله يخليك ماشفت اوراق طايحه ..
خالد طلع الاوراق من ورى ظهره وبعيونه الشك : قصدك هذي ..
مشاعل اخذت الاوراق وضمتها وباستها اكثر من مره ..
خالد بهالوقت نبضات قلبه تسارعت يحس بدوخه براسه يحس نفسه بحلم مو مصدق معقوله ...
معقوله .. اللي تعرف عليها بالتشات الامريكي ..
اللي جلس معاها شهور يبي ايميلها ..
وماعطته اياه الا بعد طلعة الروح ..
جيسكا اللي سحرته برقتها .. بأسلوبها .. بذكائها .. بعقليتها ..
مو مصـــدق ولا شي .. معقوله الدنيا هذي صغيره لهذي الدرجه ..
معقوله يالدنيا تضمين حبيبين بسقف واحد ..
ومايدرون عن بعض ..
خالد ابتسم بسكينه .. بس كان يبي يضمها لقاها شافها شاف جيسكا اللي ياما سهر الليالي علشانها ويستناها ..
