اسيرة ظلام الماضي (مكتملة)

الفصل السابع

وقف ريان ينظر لها مذهولا من حماقتها كيف تطلب منه هذا ، او الاصح كيف تشترط عليه ذلك .
ملك : ها قلت اي.
ريان بغضب : انتي متخلفة من امتي وانتي بالغباء والسطحية دي . مش فاهم اصلا طلبك دا معناه اي وان كان يدل علي حاجة يبقي علي غباءك .
ملك بعناد : بردو هو دا شرطي علي الموافقة.
ريان بغضب: يبقي متوافقيش يا ملك ، شرطك دا ميلزمنيش . علاقتنا لسة مبدأتش عشان تشرطي عليا ، وكمان شرط غبي.
ملك بذهول فقد ظنت انه سيوافق ويخاف ان يخسرها : يعني هي عندك اهم مني.
ريان بنفاذ صبر : انتي لي بتتكلمي عنها كأنها غريبة دي اختك . افتكري زمان كدا لما كنا صغيرين ، كنا احنا التلاتة سوا ديما . انا حبيت ملك البريئة الطموحة الذكية ، الي كانت بتحب اختها وهي صحبتها الوحيدة وديما تطلب رأيها في كل حاجة. راحت فين دي انا مش لاقيها.
ملك بدموع: ماتت مع اهلها ياريان.
ريان : مماتتش بس موجودة ومتقمصة شخصية مش شخصيتها . ارجعي ملك الي كلنا كنا نعرفها واتمني الوقت ميفوتش وانتي تفوقي قبل فوات الاوان ياملك.
ثم تركها ريان ودخل الي الفيلا في طريقه وجد ليان تقف وتنظر له بدموع ، فقد نسيت حقيبتها وكانت عائدة لاخذها من السيارة ، ولكن لسوء حظها استمعت لحديث اختها . استمعت لها تشترط علي ريان مقاطعتها لتوافق علي الزواج. الهذه الدرجة تكرهها؟؟ كانت تظن انها غاضبة كثيرا فقط . ولكن اليوم تأكدت من كره اختها لها . اليوم تيقنت انها خسرت جميع اهلها ، لم يبقي لها احد.
ليان لريان: لي موافقتش.
ريان : عشان مينفعش وهي بدأت تتمادي ولازم تقف عند حدها.
ليان: بس كدا هترفض.
ريان : سيبيها علي الله. انتي رايحة فين.
ليان بحزن : مشوار كدا.
ريان : طيب خلي بالك من نفسك.

ذهبت ليان واستقلت سيارتها ثم اتجهت بالسيارة الي مقابر والديها.
نزلت ليان مش سيارتها واتجهت الي الداخل وهناك وجدت اختها ملك. وقفت ليان تستمع الي بكاء اختها وحديثها الي والديها.
ملك ببكاء : وحشتوني اووي وحشتيني اوي يماما شفتو من بعدكو بقيت وحيدة ازاي بقيت منبوذة من الكل . الكل بقا شايفني البنت الطايشة محدش حاسس بالي فيا . انا حاولت كتير اسامحها بس معرفتش . بسببها انا دلوقتي وقفة علي قبركم . كتير حذرتها من شغلها بس هي مبتسمعش لحد . انا مش بكرهها انا بس مش قادرة انسي لسة فكرة اليوم بكل تفاصيلو . كنت جايبالكم هدية عشان عيد جوازكم رجعت لقيت النار في كل البيت وناس عمالة تقوم البقاء لله. حاسة كأني لسة فيه . لسة اسيرة اليوم دا اسيرة اليوم الي فقدتكو فيه. انا مش قادرة اسامحها مش قادرة بجد.
ليان من خلفها بحزن : مش هتعرفي تسامحيني طول منا مش عارفة اسامح نفسي . انا عذراكي علفكرة ومش طالبة منك سماح . كل الي طالباه منك . انك متضيعيش مستقبلك ولا تضيعي الحجات الحلوة الي في حياتك من ايديكي.

وقفت ليان تنظر لقبر والديها بحزن ليان: لاول مرة اندم اني مشيت ورا الحق زي ما كنت بتشجعني يابابا. شردت ليان لليوم الذي اخبرت فيه والدها عن هذه المهمة المشؤومة.
#flash back.
كانت ليان تجلس في غرفتها تراجع بعض الملفات فطرق والدها الباب ودخل .
مراد : اي يحبيبتي صاحية لحد دلوقتي لي.
ليان بتردد: عندي قضية مهمة جدا يابابا
مراد بانتباه : قضية اي.
ليان: مافيا مخدرات وكمان اعضاء .
مراد بغضب: لا حول ولا قوة الا بالله الي زي دول عايزين الحرق.
ليان : انا قربت اوصلهم خلاص وجمعت ادلة كتيرة بس .
مراد : بس اي .
ليان : جالي مكالمة تهديد انهاردة.
مراد بتفهم: وانتي خوفتي .
ليان: انت عارفني مش بخاف علي نفسي بس انا خايفة عليكو.
مراد : لي يبنتي ربنا موجود وهو الي بيحمي والي مكتوب لينا هيحصل.
ليان بضيق: بس انا مش عايزة يحصلكم مشاكل بسببي انا بفكر انسحب من القضية.
مراد بتحذير : اوعي ياليان خليكي ورا الحق يبنتي حتي لو اي الي هيحصل المهم تقضلي ورا الحق وتحققي العدالة .
ليان بحب: ربنا يخليكو ليا يا بابا.
مراد: ويخليكي لينا يحبيبتي.
ثم خرج مراد من غرفتها.
#back.
ليان: انا هسمع كلامك يابابا وهمشي ورا الحق وانا واثقة ان اكيد في يوم الحق هيظهر . ثم قرأت الفاتحة علي روح والديها وخرجت. استقلت ليان سيارتها وقبل ان تنطلق بالسيارة جاءها اتصال من زين .
ليان : ايوا يا زين.
زين : ليان تعالي علي المكتب بسرعة في حاجة مهمة .
ليان باستغراب : اي هي.
زين : تعالي بس وهتعرفي.
ليان : اوكي انا في الطريق.

في مكان ما ترتفع صوت الاغاني الصاخبة كانت تجلس ملك مع صديقاتها نوران وبسمة.
ملك بضيق : انا مش عارفه سمعت كلامكو وجيت لي انا مش في مود السهر ولا والدوشة دي . وكمان الاغاني عالية اوفر .
نوران : ياستي ادينا بنغير جو .
بسمة : انتي مزهقتيش من جو المذاكرة ولا اي افصلي عن المذاكرة شوية بقا.
نظرت ملك للمشروب الذي امامها  ثم قالت اي دا
نوران: عصير.
بسمة : اشربي يا لوكة.
ملك بشك : اهم حاجة ميكنش فيه كحول.
بسمة بخبث : عيب عليكي احنا ملناش في الكلام .
شربت ملك العصير تحت نظرات الخبث من بسمة ونظرات الشك من نوران لبسمة.

وصلت ليان الي مقر المخابرات ودخلت الي المكتب
ليان : في اي يا زين.
زين : نا كلمت حد تبعي شغال في مستشفي رامي ابو العنين وقدر يجيبلي تاريخ تعين شاكر الدمنهوري المدير التنفيذي للمستشفي.
ليان بترقب: وعرفت اي.
زين : شاكر استلم المستشفي بعد هروب رامي ابو العنين بشهرين.
ليان : طيب ما ممكن تكون مراتو هي الي مضيتلو علي القرلر.
زين بنفي: مراتو سافرت بعد القبض عليه. وكمان الامضة باسم رامي يعني هو الي ماضي.
ليان  : معني كدا ان شاكر علي اتصال برامي ابو العنين.
زين بتأكيد : بالظبط
ليان : هنعمل اي.
مسك زين سلاحه وابتسم بغموض :  هنعملو زيارة كدا صغيرة.

خلص بارت انهاردة اسفة علي التأخير مستنية رأيكو ودعمكم ليا في الكومنتات.
عايزة اقدم شكر خاص لمتابعتي شيمو انها سألت عليا لما لقت البارت اتأخر شكرا ليكي ياقمر💜
وعايزة اقدم شكر تاني لمتابعيني نور وامل علي التفاعل وعلي دعمكم ليا شكرا بجد. 💜