سلام عليكم لبنات 😘😍
ان شاء الله راكم ملاح وبخير هذيك الفايدة المهم جيت باش نقلكم راني رجعت بكورنيك جديدة من تاليفي راح تكون كوميدية ومواقف طريفة بين لعجوز والكنة والمعاناة تاع انك تسكني في بيت عجوزتك 😃😄
المهم ان شاء الله تعجبكم
من بطولة دنيا...
اسمحولي على التاخير بصح الافكار راحتلي وعجزت باش نكتب لذا ديرولي شوي كوراج باش نحطلكم 😂 __________________________ الحب مسموح لكن: احبي رجلا يحبك لانك انت ِ رجلا يغير الاسوء فيك الى الاحسن دون ان ينتقدك رجلا يكن اباً واخ وصديق رجل يأخذ بيدك الى الجنة رجل يقف معك في كل شيء يدعمك ولا يستغني عنك في لحظات ضعفك ويعبر عن حبه الشديد لك في كل فرصة يجدها رجل يحافظ عليك كما يحافظ على شرف اخته أحبي رجلاً رجلاً إذا أخطأتي بحقه أعتذر هو منكِ يعرف أنّ أفعالك ما هي إلّا انعكاس لمعاملته لكِ رجلاً يرى عتابكِ له حب .. وجدالكِ معه اهتمام بالمختصر احبي رجلا لا ذكراً لان الحمار ذكرا ايضا 💛💛💛💛💛💛💛💛💛 الحقيقة تقال ولهذا راح نحكيلكم انا ياسين كيفاه كان معايا راجل وسيد الرجال حسسني اني اغنى مرأة في العالم بصح غنية ماشي بالدراهم والمال غنية بحبو ليا واهتمامو عمرو ماسمعني كلام خارج والا دوموندا فوطو من عندي حتى في التيليفون ماحكاش معايا كنا نحكو ميساجات برك لدرجة انو رجع الباست فراند التاعي وكنت حاطة في بالي انو الباست فراند طفل ماهيش فكرة لانو نهايتها 1_يا يحب هوا و حبيبتو ترجع تغير عليه مني 2_يا نهايتنا عركة وكل واحد ياخو طريق 3_ يانحبو بعضانا في السر وكل واحد خايف يقول للوخر خوفا من خسارة الصداقة لي بيناتنا وحدة من الثلاثة كانت راح تجرالنا مع انو كانت فترة قصيرة باش تعارفنا فيها وكانت كافية و وافية يقولو تفائلو خيرا تجدوه لذلك قعدت ديما متفائلة انو راح يجي النهار وين راح نعترف انا بحبي والا العكس لكن ياسين قصد الباب الواسع وجا ديراكت يخطب وين زاد كبر في عيني و حبيتو اكثر واكثر بعد ماحكيت معاه في الماسنجر وعرف انو هوا لي جا خطبني وزاد اعترفلي بحبو وقالي انو كاين خايف لا انا نكون ما نبادروش بنفس المشاعر اتجاهو خايف لا يخسرني الحلوف ونرفضو هههههه لكن انا ثاني اعترفت ليه بمشاعري لي مخبيتها في قلبي عندي شحاااال وقبلت تحدد موعد الخطبة بعد سمانة وكان نهار تاع جمعة جو خلاتي وعماتي نساء خوالي وعمومي قامو بالحالة مع ماما خدمو القاطو نظفو الدار وقامو بالواجب وجاء اليوم الموعود __________________________💛 يوم الخطبة :7:30Am ريحة لبخور دايرة حالة في بيتي سير هذي ماما راهي فارحة اكثر مني تقول ماما:دنيا دندونتي نوضي ليوم خطبتك راح لحال يلزمك تروحي للحفافة وتوجدي روحك هذاكا هوا انا:صباحو يا احلى ام في لعالم قربي خدك قربي موووووووح نظت عملت دوش فرهدت بيه روحي حبيت نعمل مكياج وحدي في دار بصح ماما ماحبتش قال هذا نهار مايتعاودش يلزمك تسلبي قلبك راجلك ويعرس بيك توا 😂 وصلني خويا غيث الباير لي ماراحش يعرس يلزم وحدة فيكم تتطوع وتسترو😂 درت مكياج هكا:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ولبست هكا :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شعري خليتو مطلوق يوصل عند كتافي نهار اوخر نوريهولكم كيفاه جيت زلة حم حم ليوم ياسين يدوخ 😅 جاني غيث وصلني لدارنا دخلت ليهاذي تصلي على النبي وبنات خلاتي وعماتي الغيرة خارجة من عينيهم ( مانيش راح نسمي بنات خلاتها و وعماتها بيسك ماعندهمش دور مهم في الكورنيك) رحت تغديت وهربت لفوق لبيتي باش ماتلصقش فيا ريحة الماكلة نا قاعدة ولحقني نوتيفيكسيون قريتو لين ضروس لعقل بانو وزدمو عليا الارهاب لبيتي سير عرفتوها شكون باينة رونق رونق: واش سر هذي الابتسامة ياعروسة دنيا : والو 😁 اوب حتى نلقى التيليفون في يدها رونق: رانا خارجين يا حبي ليوم ترجعي حلالي قدام ربي وعبادو ظهر يعرف يشعر السيد هههههه قربيلي قربيلي هاتي خدودك نبوسك يا احلى عروسة جبيتي تهوووبلي ❤💫 هوب حتى نسمعو الباب يطبطب سير وصلو هايما قلبي راح يخرج من بلاصتو ياميا اجريلي بطلت ماما:اسكتي يا بهيم ماراح يجرا والو غير جيبيلهم لقهوة واذا سقسوك جاوبي اذا ماسقسوك ماتحكيش وخلاص 🙄 وعندك لا تفضحيني نعرف فعايلك _______________ نحبسو هنا لبارت جاي نكملو ونخلو سينو هوا لي يحكي فيه ☆+🗨=بارت جديد نحببببببببببببكم 😘❤
