#امى_حياتى
#امى_حياتى_6
#جزء_من_حلقة_سابقة
الدكتور:يعنى اية متعرفش انت كدة ممكن تودينا فى داهية
الممرض:مش عارف بقا اتصرف ازاى يادكتور الولد دة اتنقلوالمرض انا عرفت من المستشفى وشفتو هناك من فترة بيعمل التحلليل خزع النخاع بس محدش شافنى
الدكتور:طب انت عارف اسمو اية
الممرض: محمد سعد الديميرى كان جاى بانميا حادة واتنقلو كيس دم فصيلة.........
الدكتور:(بعد تفكير)بقولك اية اشطب اسم الولد دة من اليوم خالص وبكدة محدش يثبت علينا حاجة
#بداية_الحلقة_الجديدة
كلهم في البيت قاعدين قلقانين عشان اتأخروا في المستشفى
أحمد وصل وبيفتح باب البيت كلهم وقفوا وراحوا ناحية الباب عشان يشوفوا محمد بس لاقوا أحمد دخل لوحده وقفل الباب
رجاء(بقلق):اومال اخواتك فين يا أحمد
أحمد : محمد اتحجز في المستشفى ومينا قعد معاه
رجاء(بخضه): اتحجز ! هو حصله حاجه تانيه وانتوا هناك يااحمد قولي وطمني ياابني
أحمد(بهدوء): والله ما حصله حاجه يا ماما
رجاء(بدموع): اومال قعدوه هناك ليه
أحمد : يا ماما والله هو الحمد لله كويس بس هما عايزين يتجنبوا أي تعب زي بتاع امبارح ده فقالوا يقعد معانا لغاية ما نتيجة التحاليل تبان بليل ويحددوا ميعاد اول جلسة علاج ليه
رجاء(بدموع): طب واخوك اكيد مكانش عايز يقعد هناك ، قولي يااحمد هو مينا غصب عليه عشان يقعد هناك
أحمد : مينا اقنعو انو هيبقى احسن هناك وانه هيبقى مرتاح ومطمن هناك اكتر
هايدي : طب وأول جلسه ليه امتى يا أحمد
أحمد:هي نتيجة التحاليل هتبان النهارده ويعرفوا المرض وصل لفين وهيبدأوا الجلسات في أسرع وقت يعني ممكن يبدأها بعد بكره بالكتير
رجاء(بعياط): ياعيني عليك ياابني
شيرين(بهدوء): اهدي بس يا ماما وادعيله هو محتاج دعائك
رجاء(بعياط): يارب يابنتي يارب بالليل عند مينا فى المستشفى مينا قاعد مع محمد محمد نايم ومينا قاعد بيفكر هيحصل اية عند الدكتور
(محمد اتحجز فى المستشفى يوم الاتنين)
الدكتور: لو سمحتى ياانسة اية نادى لمينا
اية:حاضر يادكتور (طلعت اية وراحت لمينا ،، اية دقت الباب مينا فتحلها)
اية:استاذ مينا الدكتور عايز حضرتك
مينا: حاضر وكان خارج محمد نادى علية
محمد:(بخوف) مينا رايح فين
مينا: اية يامحمد فى اية انت اية الى صحاك
محمد: سمعت حد بيقول الدكتور عايزك
مينا: انت ملحقتش تنام نام ريح اعصابك شوية وبلاش القلق الى انت فية دة انا رايح اشوف الدكتور عايز اية وهجيلك تانى
محمد: هاجى معاك
مينا:هتيجى معايا فين انا مش عارف الدكتور عايزاية منى اصلا
محمد:لو قالك على حقن تانية انا مش هاخد حقن بقا انا تعبت والله
مينا:ماشى يامحمد حاضرهقولو(مينا خرج راح للدكتور
الدكتور:تعالا اقعد يامينا
مينا:(بقلق)خير يادكتور فى اية
الدكتور:نتيجة التحليل طلعت
مينا:(بخوف)طب اية الاخبار يادكتور
الدكتور:زى ماقولتلك يامينا المرض اتنقل لمحمد عن طريق الدم اولا متسبش حق اخوك ارفع قضية على المركز دة ثانيا المرض اتملك من جسم محمد هو احنا لحقناة قبل مايدمر اجهزة الجسم بس هو وصل لكل اعضاء الجسم ولازم نبدا الكمياوى فى اسرع وقت علشان ميدمرش اجزاء الجسم ونقدر نسيطر عليه
مينا:طب يادكتور الكمياوى دة عبارة عن اية او بيتاخد ازاى محمد مش عايز حقن
الدكتور:انا عارف انو محمد تعب من الحقن بس الكيماوى كلو حقن بص يامينا العلاج الكمياوى عبارة عن حاجة اسمها عقاقير دى بتتاخد عن طريق اقراص ودى استبعدها لانها بتتاخد لو اكتشفنا المرض قبل مايوصل للدم فى بيتاخد عن طريق حقن بالعضل او حقن بالوريد او حقن فى سائل النخاع الشوكى
مينا:طب اية الاسرع فى العلاج
الدكتور:طبعا الوريد اوفى سائل النخاع انا عارف انو ظهرو اكيد بيوجعو لسة هنبدا بالوريد ان شاء الله ممكن على يوم الخميس الصبح متقولش لمحمد حاجة دلوقتى علشان لم يجى طقم الدكترة الصبح ممكن يطلع عندهم راى تانى هنظبط الجدول مع بعض وهنبلغك بية
مينا:(هزراسو بالموافقة) بعد اذنك يادكتور(وخرج طلع ميينا من عند الدكتور عينو دمعت مسح دموعو قبل ماتتملك منو ودخل لمحمد محمد كان قاعد بياكل فى ضوافرو
مينا: هو انا مش قولتلك بلاش تاكل ضوافرك كدة
محمد: متهربش يامينا الدكتور قالك اية وكان عايز منك اية
مينا:مافيش دا كان بيقول نتيجه التحاليل طلعت والحمد لله اننا عرفنا بدري ولازم نبدأ في الكيماوي بقا عشان ندمره خالص
محمد:(بخوف)طب وقالك هبدأ امتى
مينا:لسه مش عارف الدكتور لسه هيحدد بس اعمل حسابك انه ممكن يبقى في أي يوم (محمد بان علية الخوف والقلق
مينا: محمد انا مش عايزك تخاف ولا تقلق ان شاء الله كل حاجة هتعدى
(محمد بصلو برعب وعينو اتملت دموع مينا حضنو وعينو دمعت) مر الليل باكلمو ولم يغمض لمينا ولا حد من الى موجودين فى البيت جفن احمد ساب سريرو ونايم على سرير محمد الكل غفل قرب الفجر مع ساعات النهار الاولى صحيت رجاء والكل صحى
رجاء: احمد يلا قوم علشان نروح لاخوك
احمد: لو رحنا مينا هيزعقلى ياماما
رجاء: مش هيزعقلك انا هسكتو بس قوم معانا علشان منمشيش دلوقتى لوحدنا
احمد: ياماما والله هتجبيلى الزعيق
رجاء:(بزعيق)خلاص ياحمد خليك نايم هنروح لوحدنا وطلعت وسابتو
احمد: ماما انا هلبس واجى معاكو
رجاء(بصتلو) بسرعة ياحمد(خرج احمد)
شرين: انا هاجى معاكو ياماما
رجاء: تيجى معانا ياحبيبتى غلط عليكى خليكى هنا
شرين:علشان خاطرى ياماما
رجاء: علشان خاطرى انتى خليكى هنا علشان الى فى بطنك ( الكل جاهز نزلو ووصلو المستشفى)
مينا سمع خبط على الباب ومحمد كان تعبان بالليل ومنمش فقام بسرعة علشان ميصحاش
مينا: عباس انت الى جابك بدرى كدة
عباس: جيت اشوفك عايز حاجة ولا اية محمد عامل اية
مينا: تعالا ادخل (دخل عباس )
عباس: هو لسة نايم
مينا: منمش اصلا طول الليل
عباس: اومال دخلتنى لية تعالا برة علشان ميصحاش(بص لمينا) الدكتور قالك اية يامينا
مينا: قالى انو المرض اتملك منو بس لسة مدمرش الاجهزة وكويس اننا لحقناة بدرى وقالى انو من الدم الى اتنقلو وانو لازم يبدا كيماوى بسرعة
عباس: حدد معاد الجلسة
مينا: ايوة قالى يوم الخميس الى جاى بس محدش يعرفو حتى محمد دة خايف ومرعوب ليكون فى حقن تانية والكمياوى كلو حقن
بص جمبو لاقي رجاء وهايدي ورنا وأحمد جايين
مينا:(وقف)انتوا ايه اللي جابكوا انتي جيتي ليه يا ماما(بص لأحمد)انت جبتهم ليه يابنى
أحمد:هما اللي صمموا وشيرين برده كانت مصممه تيجي بس ماما اقنعتها انه غلط ع البيبي
مينا(بص لأمه) ويقولها تعبتي نفسك ليه ياست الكل بس كنتي خليكي مستريحه في البيت
رجاء:(بدموع) وانا هيجيلي راحه منين واخوك هنا ياابني قولي هو عامل ايه دلوقتي
مينا:احسن الحمد لله
رجاء:اومال انتوا قاعدين برا ليه
مينا:أصله نايم بس زمانه صحى ومينفعش يشوفك بدموعك دي (ومسحلها دموعها)
رنا:هما حددوا ميعاد الجلسه
مينا:(بص لعباس وبص لرنا)لسه بس هتبقى خلال اليومين دول
هايدى: ربنا يعديها على خير
ودخلو كلهم لمحمد فتح مينا الباب غصب عنوعمل صوت محمد صحى مفزوع وبص على الباب
مينا:فى اية يامحمد
محمد:(خدو نفسو بارتياح) افتكرتو الدكتور
احمد: هوالدكتور بيخض كدة يامحمد
محمد:لا ياحمد بس افتكر انو هيقول هنبدا الكيماوى
رجاء:رحتلو وخدتو فى حضنها )انت شايل هم اية بس سبها لوقتها ياحبيبى ان شاء الله هتبقى سهلة عليك
محمد:ان شاء الله
(تانى يوم احمد راح لمينا المستشفى مينا كان قاعد برة وكان غفل وهو قاعد)
احمد:مينا مينا
مينا:(صحى بخضة) احمد فى ايه الى فى البيت كويسن
احمد: اهدى يامينا كلنا كويسين
مينا: اومال اية الى جابك
احمد:جاى علشان تروح ترتاح
مينا: لاياحمد روح انت
احمد لا انا مش هروح انت هنا من امبارح قوم ارتاح وتعالا بكرة بالليل وانا هاجى الخميس بالليل بس انت متعرفش هيعمل الجلسة امتى
مينا: لا لسة محددوش
احمد: طب يلا قوم روح
مينا: طب ياحمد اخوك لسة نايم من حوالى نص ساعة متحولش تقلقو
احمد: متخفش يامينا
مينا: متنمش هنا فى سرير جوة ابقى نام علية
احمد: ماشى يامينا حاضر ييلا قوم قام مينا ومشى واحمد دخل لمحمد وقعد جمبو بهدوء علشان ميصحااش بعد شوية صحى محمد واتخض لم مالقاش مينا
محمد:مينا فين ياحمد
احمد:روح يامحمد فى اية
محمد:انا فكرت انو راح للدكتور
احمد: لا لا والله روح
(عند رافاييل وحنان قاعدين على الغداء)
حنان:هايدى صعبان عليا قوى
رافاييل: لية فى اية انتى عرفتى مالها
حنان:بتقول اخوها تعبان قوى وطلع عندو كاسنر فى الدم
رافاييل:(بخضه)كانسر!مين
حنان:واحد من التؤم بتقول انك تعرفو
رافاييل:محمد ولا احمد
حنان:محمد
رافاييل:ينهارابيض ودة جاالو منين دة
حنان:هيا قالت من نقل دم
رافاييل:(قام من على الاكل واخد تليفون وحاول يرن علية بس قافل موبيلو)انا لازم اروحلو انا هعرف العنون من هايدى بكرة وارحلو لا حولا ولا قوة الا بالله ربنا يشفية
حنان:يارب
مينا دخل من باب البيت
رجاء(راحتله): محمد عامل ايه النهارده يامينا
مينا : احسن والله ياامي ادعيله
رجاء : اومال انت مالك كده شكلك زعلان
مينا : انا مش زعلان انا تعباااان منمتش خالص والله يا امي
رجاء :خلاص ادخل ياحبيبي استريح وانا هجهزلك حاجه تاكلها
مينا(باس ايد امه): تسلميلي ياست الكل
مينا دخل اوضته وقفل الباب
رجاء : شيرين يا شيرين ( شيرين جت من المطبخ)
رجاء:ادخلي ياحبيبتي شوفي جوزك وخليكي جمبه
شيرين : هو مينا جه
رجاء : اه لسه جاي وبيقول انه تعبان خليكي معاه
شيرين : حاضر ياماما بعد اذنك
شيرين دخلت لمينا لقيته غير ونام على السرير بس لسه صاحي
شيرين : انت مقولتليش ليه انك جاي عشان احضرلك حمام سخن وأكل كويس
مينا : انا مش عايز أي حاجه غير أني انام ساعه ولا اتنين علشان ارجع لاحمد علشان يرجع لمذكرتو
شيرين : انت تعبان بجد ياحبيبي
مينا(بابتسامه): متقلقيش ياحبيبتي دا إرهاق من قله النوم وجسمي مكسر
شيرين : خلاص نام وانا هقعد جمبك واعملك مساج
مينا(هيبوس ايدها من جوه): ربنا يخليكي ليا
شيرين : ويخليك ليا ياقلبي ونام مينا وخاض فى نوم عميييييق بعد تعب وتفكير طوال اليوم امس
احمد قاعد مع محمد في الاوضه بليل
محمد (بص لاحمد):متعرفش يااحمد انا هفضل هنا لامتى اصلي زهقت من القعده هنا
احمد : لا والله مااعرف بس ياسيدي ماانت كده كده هتطلع يعني هتخلل هنا (والاتنين ضحكوا)
محمد(بص لأحمد وهو بيضحك): عارف يااحمد اكتر حاجه هزعل عشانها بعد مااموت اني معدتش هشوف ضحكتك دي
احمد (بسرعه وبزعل): بعد الشر عليك متقولش كده يامحمد انت والله ربنا هيشفيك بس خلي انت عندك امل في ربنا وقول يارب
محمد(بابتسامة وهدوء): يارب نامو كل ابطالنا حتى احمد كمان نام مع ساعات النهار الاولى صحى مينا وكانت شرين نايمه نزل من غير مايصحيها ولا يصحى حد وصل المستشفى ودخل لقى احمد نام ومحمد كمان كان نايم صحى احمد وخرجو برة الاوضة
مينا: يلا ياحمدارجع انت علشان كليتك والمذكرة
واحمد:هبقى معاك انا مش مطمن
مينا: هتبقى معايا تعمل اية شلت عنو تعبو لم بقيت معاه روح ياحمد علشان فى اليبت حريم لوحدو
رجع احمد البيت والكل عرف انو مينا مشى وعدى يوم الاربعاء ظل مينا طوال الليل صاحى لم يغمض له جفن وظل يفكراية الى هيحصل محمد هيتقبل الفكرة ولا هيعند غفل مينا مع الوقت تعب ونام محمد صحى الفجر قام اتوضى وصلى
مينا: محمد انت رايح فين
محمد: هصلى يامينا
مينا: ربنا يتقبل منك ويشفيك يارب
محمد: يارب وصلى ونامو والاتنين غفلو تانى مع شروق شمس يوم جديد صحى مينا على صوت مهموس من الممرضة اية
ايه:(بصوت موهموس) استاذ مينا
مينا:(صحى مفزوع) نعم
اية: شششششششششششش الدكتور عايز حضرتك
طلع مينا مع الممرضة من غير مامحمد حس عليهم
طلع مينا للدكتور وبعد شوية رجع وهو راجع قابل سراج وعباس وعرف انهم جاين علشان يبقى معاه وعرف انو سراج عرف من عباس دخل لمحمد مينا وكان معاه سراج وعباس
مينا: محمد محمد
محمد: مينا فى اية
مينا: قوم اتعدل كدة علشان الدكتور عايزة عينة دم
محمد رفع دمغو من على المخدة وبص لاية وبص لمينا ونام تانى
محمد: عينة دم بتجر اشعة بتجر خرزع النخاع مش كدة يامينا
مينا: لا صدقنى المرة دى والله هيا عينة دم بس
محمد:صدقنى انت هما لو طلبو عينات تانية انا هسبهم وامشى حتى لو انت عارضت
مينا: ماشى يامحمد لو طلبو منك حاجة تانية ابقى امشى واعمل الى انت عايزو
محمد:(بتنهيدة) ماشى
قربت منو اية وبعد شوية
اية: بردو كل مرة تخبى العرووق(محمد ابتسم ابتسامة خفيفة كدة)خددت العينة بعد عذاب وخرجت محمد قام راح الحمام بمساعدة مينا دخل الحمام
محمد طلع من الحمام مالقاش مينا في الاوضه بص حواليه لاقي الباب بيتفتح ومينا داخل وممرضه داخله وراه بتزق طربيزه عليها حاجات بس متغطيه بقماش ابيض
محمد : مينا انت كنت فين وايه اللي الممرضه جيباه ده
مينا : محمد الدكتور هيبدأ معاك الجلسه دلوقتي
محمد(بصله بصدمة وخوف وتوتر وتعب وبصوت واطي وبيترعش): بسرعه كده
مينا(بزعل على اخوه): انت مش كنت عايز تمشى من هنا هنخلص ونمشى وبعدين عشان يلحقوا حالتك من أولها يا محمد
محمد : انت كنت عارف يامينا ومخبي عليا زي كل مره
مينا : صدقني يامحمد انا لسه عارف حالا واسأل الدكتور
محمد(بص لمينا): هما هيعملوا فيا ايه يامينا هو انا هموت
مينا(هيقاطعوا بسرعه): متقولش كده والله بإذن الله هتبقى بسيطه بس انت ادعي ربنا
محمد : طب هما ينفع يستنوا لما اتوضى واصلي الأول
مينا : اكيد ياحبيبي براحتك صلي وادعي ربنا كتير انه يشفيك
محمد اتوضى وصلى وهيا عينو مدمعة خلص صلى وميناساعدو انو يقوم من على السجادة
محمد: قول للدكتور انى جاهز
مينا:(ربط على كتف اخوة وخرج عباس وسراج حولو انو يطمنو محمد لحد مارجع مينا مع الدكتور ساعدو انو يطلع على السرير
الدكتور:محمد احنا هنبدا معاك الكيماوى دلوقتى يلا ابدا بابتسامة وقول توكلت على الله جاهز
(محمد بخوف هز راسو بمعنى اية )
الدكتور: طيب نام على ظهرك محمد نام والدكتور كشفت العلاج بس كان عالى عن مستوى نظر محمد مش شايف حاجة مينا راح قعد جمب محمد على السرير ومسك ايدو التانية
الدكتور: يلا بسم الله بس بلاش تحرك ايدك (خد الحقنة من الممرضة ومينا حاول انو يشغل محمد ومخلهوش بص للدكتور (الدكتور دور على عرق لحد ملاقى عرق وغرز الابرة فى ايد محمد)
محمد: اااااااااااااه
الدكتور: متحركش ايدك يامحمد (حاول يحركها شمال ويمين لحد ماجابت دم قفلها ولقزقها وظبطها وشغل الجهاز وركب المحلول وسابو وخرجو) وكل مالكيس يفضى الممرضة تيجى تركب غيرو لحد تالت كيس مينا استغرب خرج وراها
مينا: لوسمحتى يانسة اية دة العلاج الكيماوى
اية:احنا لسة محطناش الكيماوى هيبدا بعد الكيس دة كل دى ادوية مضاضة للحاسية والحمووضة وادوية مضادة لاثار الجانبية للكيماوى
مينا: اوك انا بس حبيت اطمن علية
اية:متقلقش بعد اذنك
بعد ماخلص الكيس الثالث طبعا كل الوقت بيحاول الشباب ينسوة الى هو فية ضحك وهزار مع بعض بس بالكلام بس كلهم بعاد عن محمد حتى مينا لان اى حاركة بتتعب محمد خلص الكيس الثالث وجات الممرضة ركبت الرابعة مينا بص لعباس وسراج كانت الممرضى مدارية على محمد
عباس:(بصوت مهموس مش باين) الكيماوى (مينا هز راسو بمعنى ايوة) خلصت للمرضة وخرجت بعد حوالى عشر دقائق من الكيس الاخير دة الدكتور جية لمحمد وكان بان على محمد التعب بس مكنش عايز يتكلم
الدكتور: ها ياحمادة عامل اية حاسس بحاجة
محمد: مجرد مالعلاج دة مشى فى ايدى انا انو دخت ومعدتى قلبت
الدكتور:(هز راسو) طب فى حرقان مكان الابرة او فى حكة فى درراعك وبص على دراعو بس مكنش فية اى اثر
محمد: لا مافيش حرقان الا اول مامشى المحلول دة حسيت بحرقان بس خلص المحلول ومحمد بان علية التعب كان كان مرهق ودايخ وكل شوية يرجع شالو منو الكالونة
الدكتور:خليك بقا مستريح شوية
محمد: لسة فى يادكتور
الدكتور: لا احنا كدة خلصنا
محمد: اروح استريح فى البيت بقا
الدكتور: خلاص ماشى برحتك بس حاول متجهدش نفسك النهاردة خرج مينا مع الدكتور
مينا: هو الترجيع هيقف امتى
الدكتور: لا هيستمر معاه شوية وهيبقى دايخ وهبطان وهيحصل الالم فى جسمو كلو متقلقوش وهيرفض الاكل كل دة عادى
الدكتور:انا هكتبلو على خروج حمد الله على سلامتو
مينا: يلا يامحمد قوم اقعد على الكرسى
محمد: لا يامينا انا مش عايز اقعد هنا
مينا: ماشى يامحمد طلع عباس ومينا مسندين محمد معاة وركبو العربية وسراج جاب الشنطة وركب معاهم مينا وسعد ميناومحمد وراء وسراج وعباس قدام ووصلو البيت فى نفس الوقت احمد رايح لمحمد علشان يبات معاه
احمد: ماما انا ماشى هبعتلك مينا
رجاء: طيب ياحبيبتى متقفلش موبيلك وابقى خلى محمد يكلمنى
احمد: حاضر ياماما (فى بالو) ربنا يستر اناقلبى مقبوض طول النهارومينا قافل موبيلو نزل احمد ووصل لباب البيتأحمد كان نازل عشان رايح لمحمد المستشفى عشان يبات معاه بس وهو نازل اتفاجئ بعربيه عباس واقفه قدام البيت ومينا وسراج بيساعدوا محمد عشان ينزل( أحمد لما شاف منظر أخوه اتصدم وجرى عليه)
أحمد : هو فيه ايه محمد ماله
مينا : استنى بس يا أحمد لما نطلع وأبقى أسأل واتكلم براحتك عشان اخوك لازم نطلعه عشان يرتاح
أحمد بص لمحمد ومحمد بصله في عينه وابتسم بتعب عشان يطمنه
سراج ومينا ساندينه وطالعين ع السلم سراج حاول يشيل محمد
محمد:(بتعب) انت بتعمل اية
سراج:هشيلك يامحمد
محمد:لا انا هطلع على السلم
وصلوا عند باب الشقه
مينا : افتح يااحمد الباب بسرعه
أحمد فتح ودخل
رجاء(طلعت من المطبخ): انت نسيت ايه يااحم(شافت محمد وهما داخلين وساندينه) هو فيه ايه اخوك ماله يامينا
البنات طلعوا على صوتهم وشيرين طلعت مينا وسراج وعباس وأحمد دخلوه ونيموة ومينا غطاه كويس
مينا: يلا تعالو برة كلنا نسيبو يرتاح شوية وبعدين ابقى ادخلو اطمنو علية خرجوا كلهم
رجاء(بقلق):اخوك ماله يامينا
مينا :(بارتباك) ماما بصراحة يعنى محمد اخد النهارده اول جلسه كيماوى ياماما كلهم اتصدموا
أحمد(بزعيق بس براحه عشان محمد): ايه اخد الجلسه ومفكرتش حتى تقولي عشان أبقى جمبه
مينا(بزعيق): هتبقى جمبه هتعمله ايه هتشيل عنه التعب ولا الوجع ما انا كنت جمبه ومسبتوش ومشلتش عنه حاجه
أحمد(بدموع):بس كنت أبقى معاه وخلاص كنت أبقى قدام عينه جايز يبقى مطمن بوجودي
رجاء(بعياط): للدرجة دي يامينا عايز تلغينا من حياته داانا أمه يعني من حقي أقف جمبه ومن حقي أحس بوجعه
مينا : والله ماقصد بس كنتعارف انكو مش هتستحملو تشوفو اتعبو
رجاء: زمانو قال اننا عارفين ومبقيناش جمبو
مينا: محمد اصلا ياماما ميعرفش الا النهاردة الصبح
رجاء:(بعياط حبيبى يابنى
مينا:يا أمي اهدي والله هو مش بيبقى محتاج أي حاجه من أي حد غير دعائكوا بس ادعوله ولو عايزين تبقوا معاه فالمرات الجايه كتير متقلقوش اللي يقدر ويستحمل يجي يبقى يجي
رجاء: بس راجع شكلو تعبان قوى
مينا: دة تاثير العلاج وكمان ماكلش من الصبح حاجة
رجاء: ياحبيبى يابنى طب اعملو اكل اية
مينا: اعملى لسان عصفور
رجاء: بقا بتقولى مكلش من الصبح وتقولى لسان عصفور انا هدخل اعملو فرخة ولا حاجة
مينا:فرخة اية بس ياماما الى هتعمليها بس هو ياكل السان العصفور اصلا مش هيرضى ياكل حاجة والدكتور قالى كدة بس بالله عليكى لو رفض الاكل متتعصبيش علية شوية شوية وبالمسايسة هياكل
رجاء: حاضر يامينا
هايدى:(بعياط) خليكى ياماما هعملو انا وقامت هايدى عملت الاكل والكل كان فى الصالة محدش عرف ينام طول الليل وكلهم قلقانين وقاعدين في الصالة وسيبينه نايم جوه فجأه سمعوا صوت محمد
كلهم جروا عليه ودخلوا لقوه مرجع في الأرض و واقع أحمد ومينا قوموة وسندوه ونيموه تاني ع السرير
مينا : انت ايه اللي قومك من السرير يامحمد مش انا قولتلك لو احتاجتك أي حاجه نادي علينا
محمد(بنهجان وتعب):انا حسيت انا بطني وجعاني ومعدتي قلبت وهرجع فحاولت أقوم عشان اروح الحمام بس ملحقتش و رجعت في الأرض ولقيت نفسي دوخت ووقعت (بص لامه) استحمليني بقا اليومين دول يا ماما عشان اللي بعمله ده
رجاء : انت بتقول ايه ياحبيبي دي حاجه مش بايدك ياابني(بصت لرنا) روحي يارنا هاتي حاجه وامسحي الأرض
رنا : حاضر
محمد: لا يارنا سبيها انا لم افوق هقوم اعملها
رنا: لية يامحمد انا لو مبقيناش جمبك فى تعبنك هنبقى جمبك امتى متقلقش انا هعملها
أحمد : تعرف بعد كده أي حاجه تحتاجها أو تعوذها تقولي أو تقول لأي حد فينا ومتتحركش انت ولا تتعب نفسك
محمد :(بصلو بتعب) ماشي
رجاء: روحي يا هايدي هاتي لاخوكي ياكل عشان يقوى شويه يابنتي
هايدي : حاضر يا ماما
محمد(بتعب): لا يا هايدي متجبيش حاجه مش هقدر أكل
هايدي : لا ازاي يا محمد انت لازم تاكل ياحبيبي
محمد : معلش والله مش هقدر وخايف لو أكلت ارجع تاني
رجاء : سيبها على ربنا يامحمد ومتخوفش نفسك من كل حاجه كده (بصت لهايدي)روحي يلا ياهايدي هاتيله الأكل سخن
قامت هايدى سحنت الاكل ومحمد كل ونام علشان ميتحركش ويرجع تانى وهو كل حاجة بسيطة خالص
رجاء: كا كمان يامحمد
محمد:لا كفاية ياماما انا شبعت
مينا: خلاص ياماما سبية برحتو (رجاء بصت لمينا بزعل ورجعت بصت لمحمد تاانى)
مرت الايام وكل واحد رجع لحياتوالطبيعية حتى محمد كمان لم بيحس انو كويس بينزل المعمل رغم انو مضايق مكينا بس سيبينو ويوم الجلسة بيريح فى البيت بعدها بايام مرت التانية والتالتة بعد مخلص الجلسة التالتة تعبو زاد قوى عن كل مرة
رجاء: المرادى يامينا شكلو تعبان قوى عن كل مرة
مينا: ماطبيعى العلاج بيهاجم المرض ياماما والكيماوى لية تاثير على صحتو اصلا
رجاء: يارب اشفية ونجية وخفف عنو الالام يارب
بدا جسمو لاينزل بطريقة ملحوظة عالطول هبطان ومش قادر واى نزلة برد ممكن تنيمو بالايام وفى يوم بعد الجلسة التالتة بايام احمد صحى من النوم
احمد: اشهد ان لا اله الا الله واشهدة انو محمد رسول الله وبص على محمد وكان باين علية التعب والارهاق جدا اتقلب محمد على السرير احمد بص على المخدة لقى شعر كتير على المحدة
احمد: ينهار ابيض شعر محمد بدا يقع
طلع بسرعة ونادى لمينا خبط على باب الاوضة
احمد: مينا مينا الحق يامينا محمد شعرو بدا يقع
مينا:(بصدمة) اية انت بتقول اية محمد شافو
احمد:لا انا سيبو نايم
طلع مينا واحمد جريو على الاوضة لمحمد محمد قاعد على السرير وحط ايدو على شعرو وقع منو كتير بص فى ايدو بصدمة
انصدمو الاتنين من منظر محمد وهمو قاعد بيبص لشعرو بصدمة
مينا:(بصدمة وبصوت واطى ومخنوق وبدموع) محمد
محمد بصلو بصدمة ورجع بص لايدو تانى يارترى اية الى هيحصل محمد هتقبل فكرة تساقط الشعر بسبب الكيماوى
#hadeer
#rody
أنت تقرأ
امى حياتى
Adventureمعاناه بسبب الاهمال الاهمال القاتل معاناه مريض السرطان احداث مشوقه داخل الحلقات
