#امى_حياتى
#امى_حياتى_9
#جزء_من_حلقة_سابقة
يااااااااااااااارب يارب صبرني يارب انت اللي عالم بيا يارب ااااااااااااااااه يارب انا مش معترض على قدرك بس ارحمني برحمتك يارب انا محتاجله اوي ومقدرش أعيش من غيره ابدا يارب أحمد فضل واخد محمد في حضنه وبيعيط بصوت عالى (الدكاتره دخلوا عشان يطلعوه ويبعدوه عن محمد وهو طالع بص على محمد وهما بيغطوا وشه واتأكد ان اللي هو فيه ده حقيقه
#بداية_الحلقة_الجديدة
خرج احمد من الاوضة بص لقى الكل منهار بصلهم واغمى علية طبعا اتنققل اوضة واتركبلو محاليل بعد شوية احمد فاق لاقى نفسو نايم على سرير ومتعلقلو محلول شد الابرة من ايدو وطلع لاقى مينا وكلهم قاعدين بيعيطو اول ما شافوه عباس وسراج هيجحرو علية
احمد:(برعب مسيطر علية) اية الى حصلل انا اية الى نيمنى كدة وفين ماما ومحمد فين
عباس:(بدموع)مامتك كويس بس نايمة شوية
احمد:طيب انا رايح لمحمد
سراج:(مسك ايدوبدموع)مينفعش تروح ياحمد لانو خلاص
احمد:خلاص اية انا عايزاشوفو
مينا:(بعياط)احمد محمد خلاص راح لبابا امانة ورجعت لاصحابها
احمد:(راح مسك فى مينا من هدومو)انت كداب هو قالى مش هيبعد هو قالى مش هيسبنى
الممرضين طلع بمحمد نايم على سرير ومغطين وشو احمد هيبصلو عباس وسراج هيمسكو علشان طبعا ميجريش علية وشرين تحاول انها تبعد البنات بردو ومينا معاها وطلعو من المستشفى ورجاء طلعت معاهم رجعو البيت ومعاهم محمد رجعو البيت واستقبلو الناس الى بتعزى وهما وسط انهيار تاااااااام عدى اليوم وكانو سنة تانى يوم طلعت الدفنة وراحو دفنوة ورجعوالبيت احمد دخل الاوضة لاقى محمد نايم على السرير وبيبص لاحمد ويضحك احمد جرى علية علشان يحضنو هيلاقى اختفى يبص جمبو يلاقية جمبو ويختفى تكررت كدة كذة مرة صرخ بعلو صوتو وقام مفزوع لاقى نفسه في اوضته في البيت بص بسرعه على سرير محمد ملقاش محمد نايم قام بسرعه وهو مخضوض وخايف وجرى طلع برا لقى اخواته قاعدين و محمد قاعد معاهم أحمد وقف وبص لمحمد وفضل باصصله وساكت وعينه فيها دموع
محمد:(باستغراب) في ايه يااحمد انت بتبصيلي كده ليه
أحمد:(قرب منه) انت عايش بجد ولا انا بحلم
محمد:(بابتسامة)اه عايش أهو في ايه قعد جمبه وحضنه وقعد يعيط في وسط استغراب واندهاش الكل
محمد:(بهدوء وتعب) في ايه يا أحمد مالك أحمد زاد في العياط وصوته علا خالص كلهم استغربوا اكتر وخافوا
محمد ( بهدوء ) : خلاص اهدى يا أحمد اهدى
أحمد قالهم( بدموع ) : كابوس حلمت بكابوس
محمد (بضحكه بسيطة ) : حلمت اني موت ولا ايه
أحمد (بسرعه) : متقولش كده مش هستحمل انك تبعد عني مهما كان السبب
محمد ( بهدوء ) : اهدى ومتقلقش وانا معاك أهو ياعم
أحمد : اومال ايه اللي طلعك هنا مش نايم ليه
محمد : عادي عايز اغير جو الاوضه ده
مينا ( بضحكه عشان يخف الجو ) : ايه ياعم انت وهو جو العشق الممنوع ده كلهم ضحكوا
رجاء : قوم يااحمد اتوضى وصلي ركعتين ياحبيبي عشان تهدى وادعي لاخوك بالشفا
أحمد : ماشي ياماما (وقف ومشي خطوتين فجأه وقف ورجع خطوتين)هو انت مكنتش تعبان بليل يامحمد
محمد:لا الحمد لله احنا جينا من الفرح نمت على طول
أحمد:يعني معملتش الجلسه
مينا:(بصيله)لسه يااحمد كمان يومين وأدخل صلي يلا (احمد بصلو بخوف وراح يصلى) قام احمد يصلى الفجر بص على محمد وافتكر الحلم بص لمحمد وعنية دمعت محمد:لسة بتفكر فى الحلم
احمد: والله مش هستحمل انك تبعد
محمد: متقلقش الى مكتوب على الجبين هتشوفو العين يلا اطلع صلى النهار هيطلع احمد وهو طالع شاف مينا
احمد:(برعب)مينا هيا الجلسة بتاع محمد امتى
مينا: بكرة ياحمد ان شاء الله
احمد:متخليهوش يروح المره دي
مينا:ادخل يااحمد اتوضى وصلي الفجر وصلى ركعتين عشان تهدى واعقل ومتقولش الكلام ده قدام محمد وميتقلش تانى اصلا(احمد بصلو بدموع ومشى)عند عباس وهايدي
عباس صحى من النوم وكانت لسه هايدي نايمه عباس(بصلها وهي نايمه وابتسم وقال في نفسه): ياااااه أخيرا يا هايدي أخيرا بقيتي معايا انا كنت طول الليل بصحى عشان اتأكد انك جمبي وإني مبحلمش
هايدي(فتحت عينها براحه): صباح الخير
عباس : صباح الفل
هايدي : صاحي بدري ليه كده
عباس : كنت بتفرج عليكي وانتي نايمه هايدي اتكسفت وسكتت
عباس : نمتي كويس امبارح
هايدي : اه الحمد لله كنت مطمنه عشان انت جمبي
عباس : اشمعنى بقا
هايدي : مش جوزي اللي بحبه نايم جمبه
عباس(بضحكه): ياعم على الكلام
هايدي(بكسوف): ايه مش انت جوزي وحبيبي برده ولا ايه
عباس(بصلها بفرحه): ربنا يخليكي ليا ويديمنا في حياة بعض هايدى بان عليها القلق
عباس:(بقلق) مالك ياهايدى قلقانة من اية
هايدى:(بقلق)اتصل بحد من اخواتى اطمن عليهم وعلى ماما ومحمد
عباس:ماشى ياستى ورن على مينا وكلمتهم واطمنت عليهم فى بيت رجاء بعد الفطار رنا نزلت كليتها في الجامعه عند سلمى ودينا قاعدين في الكفاتيريا
سلمى : مالك يا دينا بقالك كام يوم شكلك مش مظبوط كده وسرحانه وساكته على طول
دينا : مش عارفه بس لما شوفت أخو رنا افتكرت رامي الله يرحمه
سلمى : الله يرحمه .. بس يا دينا رامي اخوكي انتوا عرفتوا بمرضه متأخر قوى
دينا(بزعل): بس لما شوفت أخو رنا وهو نايم ومالوش حول ولا قوه افتكرته
سلمى : ادعيله بالرحمة يادينا وادعي لاخو رنا بالشفا
دينا : ربنا يشفيه يارب
كانت رنا لسه جايه وسمعت دينا بتكلم سلمى على اخوها اللي مات بنفس مرض محمد وقفت واتصدمت وخافت عشان حست أن اخوها هيروح منها ودموعها نزلت سلمى شافتها وهي واقفه بتعيط سلمى ودينا وقفوا وراحولها بسرعه
سلمى : مالك يا رنا في ايه
رنا(بصت لدينا بدموع): اخوكي كان عنده نفس مرض محمد ومات دينا بصتلها وسكتت
رنا(بعياط): يعني محمد هيموت بجد
سلمى(بتحاول تهديها): اهدي يارنا أخو دينا عرف بمرضه في الأواخر لكن اخوكي عرفتوا من الأول الحمد لله
رنا(بصت لدينا): اتكلمي يادينا
دينا(بهدوء): رامي اخويا عرفنا متأخر وهو كانت خلاص حالته معدش ليها علاج بس حاولنا معاه اتارينا كنا بنعذبه وربنا ريحه لكن احمدوا ربنا أن انتوا اكتشفتوا مرض اخوكي بدري ربنا يشفيهولكوا يارب (رنا بصتلها برعب وخوف ودموعها نزلت دينا خدتها فى حضنها)رجع مينا من الشغل لقى رجاء قاعدة هيا وشرين بيحضروللغدا
رجاء:انت جيت ياحبيبى شرين قامت خدد منو الشنطة ودخلتها جوة مينا راح قعد جمب رجاء
مينا:رحتى لهايدى ياماما
رجاء: لا يامينا لم كلمتنى الصبح قولتها مش هعرف اجيلك علشان اخوكى وشرين مش هتعرف تاخد بالها منو وهيا تعبانة كدة
مينا:خلاص ياماما انا كدة كدة بكرة مش رايح فى حتة روحى انتى لهايدى وانا ومحمد واحمتال احمد يجى معانا ياخد الجلسة ولو لقيتو فايق هطلع على هايدى لو تعبان هجيبو واجى وابقى اروحلها وقت تانى وابقى خدى شرين معاكى ورنا كمان خديها معاكى علشان متبقاش لوحدها
رجاء: بلاش تروحو بكرة اخوك بيبقى تعبان بعد الجلسة
مينا:(قام مسك ايدها وباس دماغها) متقلقيش يامى لو لقيتو تعبان مش هروح فى حتة واجى انا هدخل اريح شوية الا هو فين صحيح
رجاء: نايم ياحبيبى لسة داخل مبقالوش خمس دقائق
شرين: احتمال يكون صاحى لسة
مينا: طيب انا هدخل اريح عقبال مالباقى يجى
رجاء: ماشى ياحبيبى يلا ادخلى مع جوزك ياشرين
شرين: لسة مخلصتش الاكل ياماما
رجاء: ياحبيبتى انتى عملتى كل حاجة انا هتابعو بس
شرين: ماشى ياماما بعد اذنك مر الوقت وفات اليوم مع صباح يوم جديد صحيت رجاء وشرين ورنا حضرو حاجات يخدوها لهايدى وهما رايحين طبعا بيحضروها وهما قلقانين على محمد صحى احمد ومحمد ومينا كل واحد بيلبس واحمد بيساعد محمد خلصو وطلعت الشباب سلمو على مامتهم ونزلو ورجاء ورنا وشرين نزلو يروحو لهايدى وصل محمد المستشفى وعملو التحاليل اللزمة الى هيا قبل الكماوى الضغط ونسبة السكر وكل حاجة بقت تمام طلع الدكتور ومعاه محمد وراحو الاوضة الى هياخد فيها الكيماوى طلع محمد ونام على السرير وجات الممرضة بالجهاز وركبو المحلول وكل حاجة تمام
أحمد طول الوقت بيبص لمحمد بخوف وعايز يطمن عليه
محمد(بص لاحمد بابتسامه): انا كويس يا أحمد متقلقش عليا
احمد: مش هطمن الا لم نطلع من هنا
مينا: لو هتفضل كدة انا مش هجيبكهنا تانى وخليك فى البيت احسن من التوتر الى انت عملو دة (احمد بص لمينا وخرج برةالاوضة)
محمد: براحة يامينا من يوم الحلم الى حلمو وانا بحسبية بالليل بيقوم يطمن اذا كنت عايش ولامت(مينا بصلو وسكت نروح لرجاء الى وصل لعند هايدى)
وصلت رجاء وشرين ورنا عند هايدى
غادى: محمد عامل اية يارجاء
رجاء:(بدموع) كويس ياغادة ادعيلو بياخد الجلسة النهاردة
غادة: وجيتى لية يعنى انت مش مطمنة على هايدى معايا
رجاء: والله ابدا بس هيا وحشانى بس ورنا عماله تزن عايزة تشوفها
غادة: ربنا يخاليهم لبعض ياحبيبتى
رجاء: يارب (طلعت هايدى ورنا جريت فى حضنها وشرين كمان وسلمو عليها وبعدين راحت لرجاء غادة خددت شرين ورنا وطلعو من المكان
هايدى: وحشانى كتير ياماما والله عملة ايه
رجاء: وانت اكترياقلب ماما انا كويسة ياحبيبتى انتى عملة اية
هايدى: الحمد لله انا كويسة جدا (بزعل) محمد بياخد الجلسة النهاردة مش كدة
رجاء: ايوة ياحبيبتى ادعيلو
هايدى: دعايلو ياماما والله
رجاء: ممكن يجولك النهاردة لو هو فايق وكويس هيجو بعد الجلسة لو تعبان هيروح
هايدى: لا ياماما قولى لمينا خلية يرحو بيبقى تعبان بعد الجلسة ياماما
رجاء: متقلقيش لو مينا حس انو تعبان اكيد مش هيجيبو (بابتسامة) عملة اية مع جوزك ياحبيبتى
هايدى: كويسة ياماما متقلقيش
رجاء:(بابتسامة ودموع) ياحبيبتى ياهايدى كبرتى وفتحتى بيت ربنا يهنيكى قلبى (وحضنتها والاتنين دمعو)(نرجع للمستشفى)
وفات الوقت واحمد دخل الاوضة تانى وخلصت المحاليل ومبقاش الا آخر محلول بس محمد فجأة قعد يرجع
أحمد(بص لمحمد وللدكتور بخوف): هو ماله بيرجع كتير ليه
الدكتور : لا عادي دا بيحصل من العلاج متقلقش
أحمد(بدموع): انا اول مره اشوفه بيرجع كتير كده وشكله هبطان
مينا(بزعيق): أحمد اخوك كويس ياتسكت ياتطلع برة دلوقتى
الدكتور: متقلقش ياحمد الكيماوى لية مضاعفات فى مريض بيستحملها ومريض لا ودى اقل اعراض بتحصل (أحمد بص لمحمد وطلع) مرالوقت والكيس الاخير قرب يخلصى كل دة واحمد على اعصابو خلص الكيس الاخير وبعد دقايق من انتهاء جلسة الكيماوى محمد هدى وبدأ يرتاح (مينا طلع لاحمد)
مينا: احمد يلا ياحمد تعالا ساعد معايا محمد علشان نمشى
احمد: خلص
مينا: ايوة يلا قوم قام احمد ودخلو لمحمد وسندوة وخرجو فى اثناء الجلسة عباس اتصل بسراج وقالو يروح لمحمد نزل محمد وكان ابوة وامو قاعدين
محمد: انا نازل
سراج: رايح المعمل يامحمد
محمد: لا يابابا محمد بيعمل الجلسة النهاردة وزمانو خارج دلوقتى وانت عارف انو عباس مش هيعرفيخرج فاخد تاكسى وارحلو علشان مينا ميسيبوش ويطلع لحد المحطة يجبلو تاكسى
سراج:خلاص روح انت يامحمد وانا هرحلهم
محمد: طيب يابابا بس متتاخرش عليهم علشان ميعرفوش انى رايح
سراج: خلاص انا مشى اهوة يلاسلام عليكم مش سراح ومشى محمد ووصل المستشفى كان محمد لسة خارج من المستشفى لقوى عمهم واقف بالتاكسى
مينا: عمى (سيندو محمد لحد ماطلعو لعمهم)
مينا: انا كنت هسيبو مع احمد واروح اجيب تاكسى
سراج: يلا يامينا تعب اية الى بتتكلم عنو (نزل محمد وركب التاكسى وروحو على البيت وكانت رجاء روحت وشرين ورنا كمان)
مر اليوم الاول بين تعب محمد وترجيع مستمر اليوم التانى بعد مامينا واحمد مشيو محمد زهق من النومة محمد: لم اقوم ارخم على رنا
عند رنا اللي قاعده في اوضتها فاتحه الفيس بوك وبتلعب ع الموبايل وحاطه الهاند فري في ودنها ومشغله اغاني فجأه لقت اللي بيشد السماعه ودنها بتلف لقيت محمد
رنا(بتنهيده): خضيتني يامحمد
محمد : ايه يابنتي بخبط على الباب بقالي ساعه وانتي ولا في دماغك ولما ادخل ألاقيكي في عالم تاني كده
رنا : عادي بقا يا حمودي الاغنيه كانت عجباني فكنت معليه الصوت على الأخر
محمد : ااااه وفين مذاكرتك يا أبله رنا
رنا : ايه ياعم انت جاي ترخم عليا ولا ايه
محمد(بضحكه): عم .. ماشي ياستي هعديهالك عشان بس مش عايز ازعلك
رنا(بضحكه): ماشي يا عم الحنين.. قولي بقا خير جاي ترخم عليا ليه
محمد : مافيش بس زهقت من نومة السرير ومن الاوضه كلها وماما وشيرين في المطبخ واحمد ومينا في الشغل كالعاده ومافيش غيرك بقا قدامي فهضطر اتنازل واقعد معاكي
رنا(بضحكه بصوت عالي): شكرا على توضعك ياحبيبي
محمد(ضربها على دماغها براحه): صوت ضحكتك يوطى
رنا(بضحكه): طول عمرى ضحكتى متعجبكش بس خلاص خلاص ماشي
ظهر احمد فى صيدلية واقف بيدى حقنة لطفال عينو مزغلله ومش شايف وايدو بتترعش
احمد: معلشى بس ثوانى هنادى زميلى (راح احمد نادى لحسين طلع حسين ادى للطفل الحقنة وخرجت مامتو من الصيدلية)احمد هيبقى باين علية التعب حسين:مالك ياحمد انت تعبان ولا اية
احمد: والله مش عارف جسمى كلو بيوجعنى وبينشر عليا قوى
حسين:(حط ايدو على وشو) دانت سخن جدا
احمد:انا تعبان من امبارح اصلا وبقاوح علشان ماما والى فى البيت كفاية عليهم محمد
حسين:قوم خد الحقنة وروح نام
احمد: مش عايز ارجع البيت علشان ماما
حسين: قوم خد الحقنة وورح لاما هتصل بمينا
أحمد(بسرعه): لالالا انا هروح انام شويه وهصحى كويس بإذن الله
حسين : هو ايه اللي تروح وتنام وانت كده لازم تاخدها
أحمد : بس بقا ياحسين انا قايم ماشي
حسين : مش عشان خايف منها تتعب نفسك اكتر
أحمد : ياعم فكك بقا يلا سلام
حسين : انت حر وخلي بالك من نفس رجع احمد البيت ومكنش فى حد غير محمد رنا نزلت تصور ورق وشرين ورجاء عند هايدىومينا فى شغلو
محمد:(قام بخضة) مالك ياحمد فى اية
احمد:(بتعي) محمد خليك بعيد السخونية بتعدى وانت مش ناقص
محمد: (بصوت عالى شوية) بعيد اية (وحط ايدو على دماغو) ينهار ابيض دانت سخن جدا (طلع بسرعة جاب مية وفوطة ودخل)
احمد: (بتعب) ابعد بقا يامحمد
محمد:(شد من ايدو نيمو على السرير) نام وانت ساكت بقا (وقعد جمبو يعملو كمدات لحد ماحمد راح فى النوم
بعد شويه رجع مينا ودخل يطمن على محمد لقى محمد قاعد جمب احمد وبيعملو كمدات
مينا:(بخضة) انت بتعمل اية احمد مالو
محمد: معرفش جاى من برة سخن جدا انا عملتلو كمدات
مينا: مكنش ينفع تقرب منو يامحمد كنت اتصل عليا
احمد(فتح عينو بتعب) والله قولتو يبعد علشان السخونية بتعدى بس هو الى دماغو نشفة
محمد: قولتلى اية (وبص لمينا) وعقبال مانت تيجى يكون هو الله اعلم جرالو ايه
مينا:(نزل جمب احمد) احمد انت عامل اية انتى كويس اية الى حصل
محمد: معرفش رجع لقيتو كدة
مينا: وهو كدة من امتى
محمد: بقالو اكتر من ساعة ونص (مينا مد ايدو فى جيب احمد خد منو موبيلو واتصل على حسين)
مينا:ايوة ياحسين انا مينا...............طب معلشى ياحسين هات خافض الحرارة لاحمد وتعالى ................. لا هات الحقن ومالكش دعوة بيه هياخدها غصب عنو...........طيب ماشى مع السلامة
احمد:(بتعب) انا مش هاخد حقن يامينا
محمد:ليه ياحمد مش هتاخد حقن هتاخدها علشان خاطرى والله مش طايق اشوفك كدة
مينا:(بتريقة ) لا والله مين بيتكلم طب خلى الكلام دة لحد غيرك ياحبيبى
محمد:(بزعل) اتريق برحتك يامينا مانت مش هتحس بالوجع الى بحس بية سواء فى التحليل او فى الجلسة ويارب متشوفوش ابدا (مينا زعل من نفسو انو قال كدة لاخوةمينا:(فتحلو الباب وسلم علية ودخل) هو تعب امتى ياحسين نازل كويس الصبح
حسين لا يامينا احمد تعبان من بالليل بس مقالش لحد
مينا: طب انت جبت العلاج
حسين: ايوة جبتلو حقنتين ان شاء الله الحرارة تنزل عليهم (دخل حسين ومينا وحضر الحقنتين) اول ماشاف الحقنتين محمد بعد عنهم
مينا: يلا ياحمد قوم
احمد:(فتح عينو) مينا اطلع من دماغى انا قولتلكو انا مش هاخد حاجة (مينا بص لمحمد لقاه باين علية الخوف والرعب)
مينا:(بصوت مهموس وقرب من احمد ) احمد قوم كفاية بقا دلع علشان اخوك انت مش شايف شكلو عامل ازاى
احمد بص لمحمد لقى باين علية الخوف(مجرد ماحمد وقف محمد بعد عن المكان واداهم ظهرو من خوفو
احمد:(بص على محمد ) سند على مينا وووقف حسين ضربلو الحقنة الاولى
احمد:(بتوجع) حسين شلها بقا اااه
حسين: خلاص اهوة ياحمد
(وضربو التانية) غصب عنو اتوجع منها اكتر: اااااااااه (وكل ماحمد يتوجع محمد يغمض عينو كانو هو الى بياخدها رجع احمد نام ومحمد نام على السرير بس مكنش نايم كان بيبص على احمد
عند شيرين ورجاء رجعوا البيت وشيرين فتحت الباب ودخلوا الأكياس اللي معاهم هي ورجاء شرين خدتهم ودخلت المطبخ
رنا سمعت صوتهم جت من اوضتها جري طلعت شلاين ودخلتها اوضتها ترتاح من المشوار
رنا(بزعل): اتأخرتي ليه يا ماما
رجاء : فين التأخير ده يارنا وبعدين احنا خرجنا من عند هايدي روحنا السوق نجيب شوية حاجات
رنا(بعصبيه بسيطه): يعني دا وقت سوق يا ماما بقا
رجاء : في ايه يارنا البيت كان محتاج حاجات كتير
رنا : كنت أجلي السوق ده ليوم تاني لكن انتي مشيتي واتأخرتي وانتي سايبه محمد في عهدتي
رجاء : براحه عشان اخوكي ميسمعكيش ويزعل بس ايه اللي حصل لده كله
رنا(بضيق وزعل): كان عندي ورق مهم لازم اصوره نزلت ومحمد نايم وجيت لقيت أحمد رجع و تعبان وسخن ومينا زعقلي كمان من غير سبب
مينا(من وراها بعصبيه):والله من غيرسبب برده انك تكوني قاعده مع اخوكي وهو تعبان وتسيبيه وتنزلي وانتي عارفه انه ممكن يحصله حاجه ده مش سبب كافي وكمان بجحه وبتعلي صوتك على ماما رنا بصت لمامتها والدموع في عينها عشان مينا زعقلها
رجاء(بهدوء): خلاص يامينا انا اصلا اللي غلطانه من الأول اني سيبت محمد
مينا(بنرفزه): بس هي لازم و واجب عليها تبقى مع اخوها وتساعده في أي حاجه يطلبها
رجاء : خلاص ياحبيبي اهدى بقى هي لسه صغيره ومتعرفش تبقى مسؤله عن حد وتاخد بالها منه احنا اللي غلطانين من الأول ويلا يارنا ادخلي اوضتك كملي اللي كنتي بتعمليه رنا مشت من قدامهم وهي بتعيط
رجاء : هو أحمد ماله يامينا
مينا : مافيش ياأمي كان سخن شويه وحسين ادالو حقنه ونام وهيقوم مرتاح بإذن الله دخلت رجاء تطمن على احمد لقت محمد نايم بس كان صاحى ومش متغطى راحت غطتو حست بسخونية جامده جدا
رجاء: ينهار اسود (بصوت عالى)مينا مينا (مينا وشرين جم جرى)
مينا:(بخضة) فى اية ياماما
رجاء: محمد سخن لية
مينا(بص لمحمد وحط ايده على وشه): في ايه ايه انت سخن ليه انت كمان
محمد : ماانا كويس أهو يامينا
مينا : حط ايدك على وشك وانت تحس بحرارتك انا قولتيلك مكنتش تقربله انت مناعتك ضعيفه
محمد :(حط ايدو على وشو)مافيش سخونية اهوة
مينا:(بعصبية) محمد متستفزنيش
محمد:يعنى انا اسيبه يموت عشان مناعتي ضعيفه
مينا :(بزهق) مش هيموت ولو كنت كلمتني كنت جيت بسرعه لكن انت متسرع (محمد بصيله بزعل لأنه بقا بيزعق فيه دايما)
مينا : فين الروشتة
محمد :(بص قدامو) لا بقا انا مش عايز حاجه انا كويس
مينا(باصرار): فين يامحمد الروشتة الى خدناه من الدكتور
محمد : معرفش فين
مينا(بصوت عالي): يارنا
رنا(جت جري ): نعم
مينا : فين روشته محمد
رنا : هو عينها في دولابه
محمد بص لرنا وهي خرجت برا (مينا راح طلع الروشته وخدها ونزل) بعد شوية رجع مينا ولقى رنا قاعده قدام التليفزيون بتسمع درس للثانوى العام نظرية عندها مش فاهمها
مينا: رنا ادخلى جوة
رنا: فى اية بسمع درس
مينا: معايا الممرض يلا بقا
(رنا دخلت جوة ودخل مينا ومعاه الممرض وكانت رجاء قعدة بين الاتنين ومحتاسه بنهم بس احمد فاق شوية ومحمدج رجة حرارتو بتزيد)
الممرض:" سلام عليكم
رجاء: وعلبيكم السلام
مينا: ماما تعالى برة شوية عقبال مامحمد ياخد الحقن
محمد:(فتح عينو بصعوبة وشاف الممرض بتعب) مينا انا مش هاخد حقن
مينا: محمد مينفعش تفضل كدة هتاثر على المخ
محمد:( بتعب وصوت واطى ورعشة فى الكلام) لم احمد يصحى ويفوق يبقى يدهملى
مينا بص للممرض وكان هيتصعب على محمد
المرض: براحة ياستاذ عادى كلامو مش مدايقنى بس اقنعو لانو شكلو تعبان جدا
مينا:(بصلو وراح قعد جمب محمد على السرير ومسك ايدو) طب يامحمد انت هتفضل كدة ماحمد يفوق ويبقى كويس واحنامش عارفين عندو اية اصلا مش يمكن تكون اللوز التهبت تانى يعنى هيقعد ايام تعبان يلا ياحبيبى ربنا يهديك
محمد:(بتعب وزهق والعياط باين فى كلامو) يووة انت مبتزهقش بقا
مينا:(بعصبية) مانت لو ماقمتش دلوقتى هتصل بسراج يجى ونكتف وتاخدها غصب عنك
محمد:(بتعب) مينا والله مش قادر اتكلم سبنى بقا
مينا:(بص للممرض) هنعطلك بس تلت ساعة بس (وطلع التليفون واتصل على سراج وقالو انو هو جاى هو وابوة ومامتو يشوفوهم قفل التليفون وبص لمحمد) عمك جاى فى السكة محمد مسمعوش لانو دروخ فى النوم من السخونية بعد شوية عمو وصل ودخل هو ومحمد وطعلت رجاء واحمد كان لسة نايم هوكمان بس صحى لم عمو جية
سراج: فى اية يامينا
مينا: سعد مش عايزياخد الحقن وحراراتو عالية جدا وتاعبنا من سعاتها ومعطل الراجل حمبنا
سراج: (راح لمحمد ومسك ايدو) اية ياحبيبى مش عايز تاخد علاجك لية
سعد::(بتعب) مقولتش لا والله بسلم احمد يفوق (وبصلو بصة بمعنى انو محروج من الممرض دة ) (سراج ضحكة ضحكة بسيطة) طب بس قوم يعنى عادى هتموت نفسك علشان احراج يلا بس قوم وبلاش دلع يلا ياحبيبى نسخة تانية من ابوك قوم محمد قام وقف وسند على عمو ميناخد محمد وطلع واتبقى سعد وعمو والممرض واللمرض حضر الحقن وضربهالو اتوجع منها ومن احراجو مطلعش صوت بس مسك فى عمو جامد نام محمد ومع مرور الوقت السخونية كانت بتنزل مر اليوم ورجع سراج مع اهلو لبيتو تانى يوم فى الكلية
في الجامعه دينا وسلمى قاعدين ودينا قاعده بتتلفت يمين وشمال
سلمى : في ايه يادينا خيلتيني
دينا : هي رنا لسه مجتش ليه
سلمى : مااحنا لسه مكلمينها وقالت إنها قدامها خمس دقايق اركزي بقا
دينا(بضيق): طيب
بعد عدة دقايق
سلمى : أهي رنا وصلت أهي ياستي
دينا(بلهفه): بجد فين دينا
سلمى شاورتلها ورنا جت عليهم
رنا : ازيكوا يابنات عاملين ايه
دينا وسلمى : كويسين وانتي
رنا : الحمد لله كويسه
دينا : واخوكي عامل ايه
رنا : محمد كويس الحمد لله هو بيتعب يوم الكيماوي بس
دينا : هو اسمه محمد ربنا يشفيه ويخليهولكوا
رنا : يارب ادعيله يادينا
دينا(بابتسامة): ماانا بدعيله اكيد
واتكلموا شويه عن المحاضرات
دينا(فجأهمن غير مقدمات): رنا انا عايزه أجي أزور محمد ياترى دينا عايزة محمد لية ورنا هتوافق محمد اصلا هيوافق انو صاحبة اختو عايزة تقبلو طب احمد هيطلع عندو حاجة زى محمد استنونى الحلقة الى جاية
#Hdeer
#Rody
أنت تقرأ
امى حياتى
Aventuraمعاناه بسبب الاهمال الاهمال القاتل معاناه مريض السرطان احداث مشوقه داخل الحلقات
