الطاووس

الفصل الأول

يوم جديد جيه علي القاهر...... المحروسه بسيف شاطر ... يوم جديد علي جويرية بنت حلوه بروحها جميله ابتسامتها مجنونه بشخصيته ايوه هي كسوله شويه بس كلنا كده لما الموضوع له علاقه بالجامعة او المدرسة بس مش مشكله انا عرفه مين يقدر يصحيها........ منبه مصر كلها ست الكل مني مامت جويرية
مني : جوجو ...جويرية ....انتي يا بنت ...يا زفته الطين
جويرية بكسل : يامامااا سبيني انام شويه مش هيجري حاجه
مني : من عنيا الاتنين
منبع الدلع و الحنيه ست الكل هتعمل ايه هتسبها تنام شويه مثلا ؟ اكيد لا طبعا ست الكل معندناش الكلام ده راحت مني المطبخ و جابت تلج و راحت اوضه جويرية و اظن الباقي معروف😁😁😁 نقول بردو احتياطي 😕و راحت حطت التلج في بجامه جويرية 😁😁
ولك ان تتخيل عزيزي القراء في ليالي الشتاء الباردة حد يجي يحط تلج في .....
جويرية : ااااااااااااعععع ايه ده ؟ ايه ده ؟ ايه داااه
مني : يلي بقي سبتك شويه قومي
جويرية : ااااااااااااعععع ياما هو انا مش بنتك يا حجه في ايه ؟ حد يحطلي تلج فيييي ...اععا

طبعا لما نقول اعتراض على حاجه ست الكل هتسبنا مثلا ؟لا لازم حاجه في دماغنا و هو ده اللي حصل .... مني حدفت كتاب علي دماغ جويرية
مني : متعليش صوتك يا جموسه ... و قومي خلاص الشويه خلصو قومي علي جامعتك
جويرية : حاااضر
قامت طبعا بعد ما ست الكل صحتها صحيت اه بس دماغها النوم راحت الحمام و اخدت دش و طلعت لابسه بجامه و وحطه علي راسها فوطه طبعا دي حاجه عادي جدا بالنسبة للبنات لاكن بالنسبة لاخوات البنات لا طبعا
محمود اخو جويرية الاكبر : ايه تاج مينا نعرمر الي انتي لبساه ده
جويرية بسخريه : ههههه مش قدره هموت من الضحك نينينينينيني موت من غيرتك
محمود :- انا هغير منك على ايه ده انت عامله زي البطريق لا هو طائر ولا هو حيوان
جويرية بغيظ لمحمود : هتموت من غيرتك عشان انا ملبن وانت عامل زي العصايه موت من الغيظ
مني : اسكوتي شويه و اعدي كولي قبل تروحي الجامعه
جويرية : حاضر .... و قالت بصوت واطي مسمعهوش غير محمود .....خلت سنان
بس النهايات الحلوه لازم تقلب ... مني ضربت جويرية علي راسها
مني : بس يا بت قولتك
محمود ابتسم بانتصار

نسبهم شويه و نروح لحمزه القيصر زي ما بيقولوا دكتور في جامعه رساله الماجيستير بتاعته كانت عن قياصرت روما و الرساله نجحت لدرجه انها اتنقشت بره مصر في ايطاليا نفسها ( هاححح اوعدنا يارب 😀😀 نكمل) و
و لدرجة دي كانت جميله جدا ؟؟ اه .......و دكاترة الجامعه كانوا بيحبو حمزه جدا لانه كان متفوق جدا لغاية ما هو بقي دكتور جامعه وسيم و غني من عيله ليها وضعها في البلد وهو الوريث لمجموعه شركات السيوفي هو حمزه السيوفي الي مش عايز حاجة من الدنيا.... كل حاجه عندو مش او بالاصح مش محتاج حاجه وسيم و جسم رياضي و فلوس يشاور للبنت تيجلو وتقول شوبك لوبيك انا ملك ايديك

صحي الصبح علي المنيه قام كله نشاط اول ما ما قام بداء يلعب 20 ضغط و 20 بطن و تمارين كتير
بعد ما خلص دخل اخد دش و في الحمام الي في الجناح بتاعه و طلع بفوطه بس و امه الهام كانت في الاوضه
الهام : صباح الخير يا حبيبي
حمزه :- صباح النور
الهام :- ده اول يوم ليك في الجامعه صح
حمزه :- اه
الهام : طيب .. هتعمل ايه ؟
حمزه عارف ان ده موال كل يوم بس امه بداتها بمقدمه المرادي بس ماشي نشوف هتودينا فين
حمزه :- عادي يا ماما هدخل و اشرح الحاجه الي بحبها
الهام :- طيب .... هتيجي امتي
حمزه :- ماما جواز مش هتجوز و مش عايز
الهام :- و مين جاب سيرة الجواز
حمزه :-ماما من غير لف ولا دوران انا مش عايز
الهام :- مش هينفع الي انت بتعملوا ده حرام عليك انا وابوك نفسني نشوفك متجوز و بعدين انا مخلفتش غيرك وانت بردو مش عايز تمسك الشركات اومال مين هيمسكها ....وانا عايز اجوزك وأحده فاهمه في المجال ده و تبقي انت وهي مع بعض
حمزه :- اووووف حاااضر اعملي اللي انتي عايزاه ...ممكن بقي ألبس
الهام :- يعنى ..انت موافق على لينا ..احدد مع امها معاد عشان نخطبها
حمزه :- اه يا ماما
الهام:- يا حبيبي انا عايزه افرح بيك و
قاطعها حمزه :- و انا هخليكي تفرحي وانا موافق
الهام :- يا حبيبي .....انت اخر الاسبوع مناسب
حمزه :- اه يا ماما
ابتسمت الهام و فرحت ان اخيرا ابنها هتجوز
حمزه بعد ما امه خرجت حاسس انه مخنوق و مدايق لان عمره ما كان عايز يتجوز كده ابدا
واليوم الي هو مستنيه عشان يدرس الحاجه الي بيحبها اتعكنن عشان موال كل يوم مع امه
لبس بدله سوده و قميص ابيض جدا و سرح شعره بطريقه جذابه جدا كان وسيم جدا
نزل لقي مامته مع ابوه بيكلوا
حمزه :- صباح الخير يا بابا
سيف :- صباح النور .... سمعت انك هتروح اخر الاسبوع ده عشان تتقدم للينا
حمزه :- اه ان شاء الله
اكل حمزه و قام و سلم عليهم و راح ركب العربيه نوعها جيب و راح علي الجامعه يبداء يدرس الحاجه الي بيحبها وهي الحضارة الرومانيه و الي فيها قياصره الي حمزه بيحبهم و من كتر حبه فيهم اشتغل على نفسه لغايت ما اخد لقب قيصر

.................

نيجي شويه للمجنونه بعد ما خلصت فطار قامت و لبست فستان لونه أبيض و عليه ورود زاتي و خمار ماليزي بالون الزاتي..... اه هي مكانتش جميله جدا بس واثقه في نفسها جدا و مقطنعه ان لو شافت نفسها جميله الناس هيشوفوها جميله جدا و ان الروح و التفكير و العقل و الذكاء هيخلي اي حد يتمني يتكلم معاها
لبست و سلمت على مامتها و مشيت للجامعه دي تالت سنه ليها في كليه التاريخ و الحضارة
ونفسها تطلع مرشده سياحة في اسكندرية عشان فيها حضاره الرومان
دخلت الجامعه لقت صاحبت الطفوله حبيبة الي من كتر حبهم اتفقوا يدخلوا في نفس الكليه و ن

حبيبة : ازيك يا جوجو
جويرية : الحمد لله انتي عمله ايه و طنط
حبيبة :- كويس الحمد لله
جويرية :- ااههه مش قادر اصدق الاجازه خلاص خلصت و هشوف وش دكتور بطيخه ده تاني
حبيبة :- ههه يا بنتي كفايه تنمر على خلق ربنا ...هو عشان... يعني... محمر شويه و راسه عامله زي البطيخ هتسميه بطيخه
جويرية : طب بالله عليكي انتي مش شايفه انه عامل زي البطيخ
حبيبة :- بصراحة .....اه ههه
جويرية :- شوفتي يبقي انا مش بتنمر انا بوصفه بس
حبيبة :- طب يلا علي المدرج
جويرية :- بس لسه بدري لسه نص ساعه
حبيبة :- نقعد في المدرج انتي عارفه اول يوم وكده وفي ناس في سنة اولا و ميعرفوش الجامعه و كده يعني
جويرية :- طيب جبتي الجدول
حبيبة :- اه .... اول محاضرة لدكتور ...ههه...
جويرية :- ايه مالك
حبيبة :- اصل اول محاضرة لدكتور بطيخه ههههه
جويرية :- يا رب مش عايزه دكتور بطيخه هيدينا تاني انا بقالي سنتين مش عارفه افهم حاجة لولا أن انا بحب الرومان مكنتش نجحت السنتين دول
حبيبة :- يارب
جويرية و حبيبه دخلوا المدرج و مكنش في حد وصل دخلوا و قاعدوا في اول بنچ
حبيبة :- انا هروح الحمام و هاجي ماشي متتخنقيش مع حد
جويرية :- ليه شيفاني ماشيه بتخانق مع خلق الله
حبيبة :- لا يا حببتي اصل اول يوم من كل سنه لازم حد يعكسك و انتي طبعا مش هتسكتي و بتديلو العلقه التمام بس عشان خاطري ملكش دعوة بحد و لو حد اتكلم معاكي ردي على اد السوال بس ماشي
جويرية بغيظ لان فعلا كل سنه بيحصل كده ولاد بيبقوا دخلين يلعبوا مش بتوع حاجه اصلا السنه في عشرين و هما اللي بيطروها تعمل كده عشان تحمي نفسها من اي ولد يكون بيلعب او بيتسلي قطع تفكير جويرية حبيبة
حبيبة :- ماااشي
جويرية :- يخربيت كده خضطيني ماشي
حبيبة :- سلام
جويرية :- سلام
جويرية فضلت لوحدها مش عارفه تعمل ايه طلعت الهدفون ( السماعات) و شغلت الاغنيه المفضله و هي ( هذه الروح تشتاق اليك )
و طلعت ورقه وقلم و بدات ترسم شخصيه خياليه لبنت بشعر اسود ناعم و لامع بنت جميله جدا بملامح طفله في جسد امراء طاغيه الانوثه
كانت سرحانه لدرجة انها مشفتش الي دخل عليها و وقف قصدها و كان بيتامل البنت الي هاديه جدا الي بتسمع اغنيه هاديه هتسالوا ازاي عرف الي هي بتسمعه اقول لان الصوت عالي جدا و المدرج فاضي الشخص ده انتوا عرفينه .....ايوه اول واحد جيه في عقلك عزيزي القراء .......حمزه
و نكمل في الفصل الثاني لان انا تعبت بصراحة 😁😁😁
لو عجبك الفصل الأول اكتبي تعليق و قولي ايه الحاجه الي حبتيها و ايه الحاجه الي محبتهاش
و دوسي على النجمه والله ما هتخسري حاجة عادي يعني صح 😕😕😕