حدق العيون💜🎶
الجزء التاسع🎶
اول يوم جامعة يعني اول يوم تعب جهزت من الصباح وطلعت مع ابوي وصلت ولاقيت سارة واحمد سلمنا على بعض ورغي رغي كتير شديد مشينا شفنا الجدول وكدا لقيت انو شغالة (الثلاثااء والخميس) والاربع اوف والاحد اووف يعني حا اغيب الخميس بس يااا سلاام 😍طوالي اتصلت على وسام كلمتو قال لي حلوو اظبط حاجة😂✋ ...حضرت المحاضرات ورجعت البيت لقيت امي بتجهز في شنطها ...امي حتخلوني براي😢💔 ...لالا حتمشي تقعدي مع عمتك مريم ووسام بجي يحرس البيت هنا ....وائل اتصلتو ليهو وصل ولا لا...اي قال وصل الحمد لله ...طيب انا طالعة اغير واكل وبجيك ...كويس ...عملت الحاجات دي ومشيت قعدت مع امي لحدي ما جهزو وفاتو قفلت البيت وشلت حاجاتي بتاعت يومين كدا ومشيت ناس عمتي ...اليومين مشو بسرعة ما كان فيهم حاجة مهمة غير اني اكتشفت انو عمتي ماشايفة عروس لوسام غيري😍💗 ودي حاجة حلوة بالنسبة لي😉💗....ججا يوم الاربع الصباح مشو ناس عمتي وانا ووسام اتحركنا بعد الضهر كدا وصلنا بلدنا السمح💗💗💗😍
مهما تكون ضايقة بيك الدنيا وسط اهلك بتنسى اي حاجة ربنا ما يحرمم زول من نعمة العائلة....💜💜
ممكن نعمل ترتيب للاسماء عشان الناس ما تتدوش😂😂😂✋( عادل دا العريس ابوهو ممدوح (اخو محمد ومروة )وامو اسمها عائشة عندها ولدين كبار واحد متزوج وعندو بت اسمو علاء وواحد ما متزوج اسمو عماد زيادة على عادل ومن البنات عندها ثلاثة اتنين متزوجات وحدة اسمها عصماء ودي مقيمة في بورتسودان ووحدة اسمها علياء ودي عندها ولدين تيمان مازن ومنزر ووحدة اسمها علا دي اتخرجت السنة الفاتت ديل اخوان واخوات العريس ) ( مليكة ودي عمة العريس التانية عندها ولد في عمر وسام وهم اساسا فرد اسمو خالد وما عندها غيرو زوجها ما غريب منهم ببقا ليهم من بعيد اسمو عبد الله)
( ابراهيم الشيخ جد الشباب ديل ...وحبوبتهم اسمها خديجة ناس من تشوفهم تبتسم علي بشاشتهم) ( منتصر ودا اخر اعمام وعد مرته اسمها سلمى وديل اولادهم سعيد( دا العرس قبل فترة زكرتو في الحلقات الفاتت مرتو اسمها نهى زولة حبوبة وعلى نياتها) وسالم دا زول جادي وهادي لابعد حد واختهم وحدة سابية ودي اكبر من وعد بشهرين)
نرجع
بلسان وعد
دخلنا البيت شكل البيت حلو شدييد كان نسيج بين الحضر والريف 😍💜بتدخل اول شي بتلقى حووش كبير ددا بتاع العربات زي مربوع كددا معاهو في زي قعدة بتاعت اسمنت عاملها جددو ابراهيم من زمن نحنا شفع 💜 وتاني في بابين واحد بودي الرجال وواحد النسوان بتاع الرجال بتدخل في برندة طولية فيها سراير الخشب وشاشة وكراسي لجوة في غرفة كبيرة فيها اربعة سراير دي بقعدو فيها الشباب💜
اما عند النسوان كان برضو برندة لكن ما طولية وفي تاني اربعة غرف والمطبخ والحمامات اخر شي ( حاولو اتخيلو معاي) دخلت انا ووسام محل النسوان ولقيناهم كلهم قاعدين ظاهر انو نحنا اخر الواصلين🌚
خالد: اووووو دكتورتنا الخطرة وصلت😂مشتاقين يااخ
وعد: عمك الماسورة😂😂😂بالاكتر والله
خالد: ليه ليه كدا حرام عليك🐸💔
مليكة: يا ولد خلي البت تاخد نفسها😂😂
وعد: وريهو عليك الله يا عمتو💜🌚 وهاك يا سلام واحضان واشواق بعد سلمنا علي الجماعة الطيبين ديل مشيت مع سابية وعلا في وحدة من الغرف دايما لما نمشي هناك بنقعد فيها يعني معروفة حقت البنات 💜
علا: اها اخبارك شنو والجديد وكدا🐸💜
وعد : كلو قديم والله الا انو دي اخر سنة وما فيها كتير يعني😍😍
سابية: اخير ليك يا ريت لو من البداية قريت ومشيت العلمي اساسا العيلة كلها علمي😂💔 ما عارفة انا الشوبار لي شنو 🐸💔كان اسي انجزت بدل المحاسبة الاسساسا ما جايبة حقها معاي دي🐸🌚....انتي اسي يائسة كدا مالك بكرة حتلقي شغل في احسن مكان اي مكتب ولا شركة تاني يكونو عايزين موظقة زيك💜💜...دا بدل تقولي لي يتمناك عريس دي احلامي هنا 🐸✋...اصلا انتي سفيهه وقليلة ادب غلطانة انا البتكلم معاك بايرة دي 😑🐸💔..علا: خلاص جينا لي نقرا ونقور انتو ما بتفترو 😂😂المهم وعد ارتاحي عشان بعدين الهجيج الليلة زي ما عارفه الحنة الكبيرة😍💜 ....اي تمام بس سوقي مني المخلوقة دي عشان اقدر انوم حبة😂😂💔 غيرت هدومي وصليت وجيت مستعدة للنوم تلفوني ضرب رنة وفصل طوالي ما مشيت عليهو تاني ضرب مسافة وصلتو فصل الرقم غريب كنت نعسانة عايزة اختو كدا نزلت رسايل كتيرة في الواتس من الرقم دا😨 ....
علا: نسيت اوريك يا وعد بالنسبة ل ( قطعت كلامها لما شافت وعد)😨😨...وعد يا بت مالك عاملة كدا بسم الله😲...
