( اي زول يتخيل لبسهم على كيفو) بعد الحفلة انتهت طوالي بقينا نطلع في العشاء جيب هنا وخت هنا وتعال شيل دا وكدا...😂💜
عادل: يا علاء هاني وين?!
علاء: ما عارفو والله اسي كان هنا
عادل: لو شفتو قول ليهو عادل عايزك
علاء: كويس
بلسان وعد ...
بكرة الموضوع شنو من الصباح تقريبا البيت نضيف..😂✋
علا: اي مافي شغل بس بكرة خالاتي جايات وياهو البيت حيكون مليان ضيوف لكن غير كدا مافي اي شي💜
سابية : بالمناسبة يا علا في وحدة قبيل سلمت علي ما عرفتها تقريبا اسمها فاطمة ....اهااا دي خالتي فاطمة ام هاني لو بتعرفيهو🌚 ...اي بعرفو شفتو قبيل في الحفلة لكن شكلها ظريفة.. 😂💜💜
وبقينا في موال ونسة وونسة لحدي ما نمنا..
صباح يوم الخميس بعد ما سوينا الفطور النسوان كلهم مشو يتحننو ونحنا زاتنا رسمنا وكان برنامج حلو شديد💜💜 ..
بلسان وسام...
كنت قاعد في الصالون وجيت طالع الصراحه بفكر في موضوع او حجة عشان امشي بهناك لي وعد 😂😂💜💜شفت واحد ظاهر لي ضهرو وبتكلم بالتلفون وانا كنت سامع...
- انا قلت ليك سمحة سمحة شديد 💜💜وانا اصلا شفتها في عرس سعيد واسي خلاص ما بقدر استحمل لازم اتقدم ليها💜.. اي هي بت عم عادل طوالي اسمها تقريبا وعد 💜اي اي انا بكرة بعد العقد بفاتح ابوها في الموضوع ان شاء الله💜.. يلا في امان الله💜
طبعا انا بقيت مصدوم كيف اصلا هاني يفكر في وعد لكن ما عندي الصلاحية اني اوقفو بصفتي شنو 💔✨( المنتبه حيعرف انو الكان بعاين لوعد في حفلة الحنة دا هاني اللهو ولد خالة عادل) وسام اتخذ قرار وكان لازم ينفزو وبقا بحاول يسيطر على نفسو ....💜💜
بلسان وعد ...كنت ماسكة الخاتم اللابساهو في يدي الشمال وبعاين ليهو ومبتسمة 💜💜....يا وعد نفسي اعرف سر الخاتم دا شنو ...والله يا علا الخاتم دا ليهو عشرة سنة معاي تصدقي💜 ....كزابة والله جبتي من وين ...اداني ليهو وسام من عمري 15 سنة💜 ...كيف كدي احكي لي ...
فلاش باك ..
كنت راجعة من المدرسة وكنت خلصت سنة اوللى ثانوي وفرحانة بالاجازة💜 رجعت البيت امي قالت لي ماشين ناس عمتو مروة قلت ليها طيب مشينا عشان نشرب معاهم شاي المغرب وبتزكر وائل ما كان مشى معانا اهااا بعد كبينا الشاي عمتو قالت لي امشي انادي وسام من غرفتو عشان يجي يشرب معانا مشيت ليهو دقيت الباب قال اتفضل ودخلت قلت ليهو عمتو قالت ليك تعال الشاي عايزة امشي قال لي ممكن تقعدي عايزك دقايق قلت ليهو طيب سكت مسافة وكانو ما قادر يتكلم بقا بقول ااا.. كنت ...عايزك في.. وبتمتم قلت ليهو وسام مالك خوفتني قال لي وعد من الاخر انا بحبك ومش بحبك انا مدمنك ومدمن تفاصيلك ولي سنتين انا ما بفكر غير فيك وبالجد انا عايزك لي قدام 💜💜💜✨وقبل ما تردي لي انا مستعد استناك العمر كلو مشا طلع خاتم اداني ليهو قال لي لما تحسي نفسك قادرة تكملي معاي البسي الخاتم دا وياريت لما تلبسيهو تاني ما تقلعيهو💜✨ وانا ما بخليك زاتي تاني وحا استني لما اشوف الخاتم في يدك....💜💜
باك ... عليك الله يا وعد لبستيهو متين ...بعد تلاته شهور😂✋ ...جهجهتي الولد حرام عليك😂😂💔.....اهو الحمد لله اسي مع بعض💜💜 ...ربنا يخليكم لبعض ويجمعكم يا رب...😍😍💜
عند الرجال...
بعد اتغدينا وجابو الشاي بقينا قاعدين انا وخيلاني وحتى ابوي كان موجود والشباب قاعدين ...يا خالي بمناسبة اللمة دي وعشان تبقى الفرحة فرحتين انا عايز اطلب يد بتك وعد على سنة الله ورسوله..والله ما تقليل من شأنها ولا كدا كان ممكن اعمل كدا في بيتكم هناك لكن عشان يمكن ما نتلمى قريب تاني 💜💜
عزيز: والله يا محمد دي حاجة تسعدنا وتشرفنا انو نكون نسايب من اول وجديد 💜😍
محمد: والله انا اليسعدني ويشرفني اكتر وانا ما بلقى احسن من وعد ليك بس دي اخر سنة ليها وبعدو نشوف ان شاء الله كل الخير ولو وعد موافقة انا ما عندي اي مشكلة💜💜💜💜
وسام: وعد مني يا خال اني اختها جوة عيوني💜💜💜
محمد: ودا العشم يا ولدي ربنا يتمم ان شاء الله💜💜 ...وعد ما كانت عارفة النقاش الحصل دا بس هو حصل وانتهى هل حتعاتب وسام بالعملو من دون علمها💔✨ ولا حتتقبل الموضوع برحابة صدر?!💜✨
