#العروس_المزيفه 13
راكان:خش لغرفته...فتح الدولاب متعه
قابله تلفون صغيرون...متع مني هدا
مسكه وشاف صورة مارن خلفيه...مااااااااارن...وهوا ماسك التلفون ويتفحص ف رسايل الغرام الي بين مارن وحسام..كأنه لخبط الامور في بعضها وعرف انه هدا السبب هروب مارن منه
مارن:خشت للغرفه...وبصوت يرعش...اءءء انعم
راكان:فرد يديه ويتكلم بنفس مقطوع من الصدمه ..تلفون من هدا
مارن:في لحضة خوف تعبو عيونها دموع وكأنه لسانها ارتبط
...شن جابه هدا هنايا؟
راكان:عيونه حمرررررر ونار ولعت فيه🔥🔥🔥
جاوبيني تلفون من هدا؟؟
مارن:سيطر علاها الخوف كليا
وجها اصفر اءءءء انا انا مش مش بنت طارق
راكان:فقد اعصابه...وقرب منها وضربها ع راسها بقوووه
مارن:طاحت ع الارض وبدت تسحب في روحها من الخوف
راكان:تتككككلمممي ي خاينه
مارن:قلبها بيطلع...انا بنت السواق نوري
ونزلو دموعها وبدت تتكلم بعبره مخنوقه تبادلت انا واروى الادوار
راكان:ساااادكك من الوهمم وحدف علاها التلفون عارك بالكامل شفته وانتي تحكي مع حسام بأسم مارن نوري
قعدا تعترفي بالحقيقه بكل صحة وجه
مارن:تغيرت ملامح وجها شن تقول من حسام هدا؟
راكان:مسكها من شعرها بعنف وبدا يسحب فها💔
مارن:😭😭
كنان:محدش يدخل بينهم
وهيبه:تي حول شكله بيقتلها
نعيمه:نهاري علاش هدا كله ؟ شن صاير معاهم
ناجيه:ي كنان حول خلينا نفهمو علاش يتعاركو
كنان:مافيش وحده منكم تركب لو بدا يضرب فها بعدين اركبو
وهيبه:شن الفايده ي سطل هادي مواضيع نسون انزل انتا مدخلكش
دانا:تحكي داخلها...حتى انتي ي مارن شكله جايك الدور😏😏
اروى:واقفه في البالكوني وماسكه جود...هههه عرفتي تتصرفي اروى ضروري ترجعي لمكانك الحقيقي ي مارن سادك عايشه ف نعم ع حسابي 👿
مارن:ريقها نششف من لبكاء المستمر وهيا مش قادره تجاوب راكان بحرف
راكان:مستمر يمسك في شعرها بعنف ويسأل فها ...احككي من امتا تكلمي فيه ؟؟
مارن:بنفس مقطوع....تبكي وتحاول تقنعه انه مش فاهمه شن يقول ؟؟
راكان:مسكها من شعرها لن طلعها برا الغرفه
وهيبه:اطلقها راكان شن ادير؟؟
ناجيه:يهديك ربي اطلقها وفهمنا شن صاير؟
راكان:يتكلم بي هستيريا....هادي خاينه زيها زي فدوى ميفرقوش ع بعض
اروى:طلعت ودموع تماسيح في عيونها....شننن في؟؟
راكان:قعمز ع الارض زي المجنون
ليش لما الشخص يرتاح ويسلم قلبه تطعنوه
قتلك مارن خلينا نكونو عيله ونكونو قراب من بعض رفضتي
كل مانسألك تجاوبيني بأعذار تافها علااااااااش؟؟
لااانه بكل بساطه انتي وحده خااااينه
اكيد متفقه معاه انك تطلقي وتتزوجيه
واخيرا لقيت سبب مقنع لرفضك وهروبك مني
وهيبه:😨...شن تخرررف منهوا الي تكلم فيه
ناجيه:اسكتي ي وهيبه خلينا نفهمو
دانا:بصدددمه...شن يخرف هدا؟؟
اروى:احسن شي انها نكشفت قدام الكل بأنها خاينه
راكان:كنتي متوقعه لو عرفت هويتك الحقيقيه بنطلقك هدا ليش ضمنتي حبيب القلب
ووقف بحيل مهدود هادي لعبت عليا وع عيله كلها هادي مش بنت طارق هادي بنت سواق
كلهم:في حالة صدددمه
مارن:راكااااان شن تحكي انتا ؟؟ من الي بنخونك معاه ؟
راكان:علااااااش كسسسرتيني بس علااااااااااش
وهيبه:اروى شن يقول راكان كلامه صح وله لا؟
اروى:هزت براسه وهيا تبكي ...بمعنى اي كلامه صح وخشت تجري لغرفتها ..
وهيبه:حطت يداها ع راسها.....شن لمصيبه هادي؟
شن الي درتيه فينا ي مارن؟؟
راكان:مسك التلفون....انا طالع ومخليلك الحوش...وطللععع وهوا فاقد اعصابه وكان متووجعع هلبا
كنان:طلع وراه...راكان راكان
أنت تقرأ
العروس المزيفة ( روايات ليبية )
Mystery / Thrillerللكاتبة :- ميلو حسسسن تدور القصة حول : سيتم تبديل عروسه بسبب اتفاقيه من الماضي ساتكون الضحيه ع حساب حياتها كيف ح تكون حياتها الجديده مع الزوج والأضرار الذي ستلاحقهم ؟ ( العروس المزيفه ) . . . تفاعلوا 🔥
