العروس المزيفة ( روايات ليبية )

حلقة 16 🔥

#العروس_المزيفه 16

نعيمه:فتحت الباب ...تفضلي
اروى:خشت ووراها زوز رجاله من الامن
راكان:شن اديري انتي هنايا؟
اروى:ضحكت ببرود...انتا شن ادير هنايا ؟
وحطت الاوراق ع طاوله ...انتا وبوك وعيلتك عندكم خمسه لالا قصدي عشره دقايق وتطلعو من القصر
راكان:بصوت عالي...شن تخرفي انتي؟
مارن:تشوف لي اروى ومصدومه
اروى:علاش مستغرب اسأل بوك القصر هدا والأملاك كلها تابعه لمن
مارن:اروى انتي كيف تغيرتي هكي؟
اروى:نا متغيرتش انا فهمت كل شي كلكم فكرتو ف مستقبلكم الا انا ضحكتو عليا
مارن:بصدمه...ع شنو ضحكنا حنا نفذنا الي طلبتيه انتي ف وقتها
اروى:ههه انا طلبته بس انتم نفذتوه لأنكم عارفين حايفيدكم هلبا ونا فهمت كويس هدا لمكان مكاني مش ليك انتي
مارن:🥺..شن تقولي اروى كيف حاطلعينا من القصر؟
راكان:قرب من مارن ...اشش الي تبي توصله هيا مش ح توصله
اروى:نا كلامي مش معاكم سيد أيوب فاهم كلامي كويس
املاك بابا كلها نبيها انتا الي خديتها منه علشان تعمرها وتزوجني لولدك
وهيبه:شن تقولي انتي كنتي عايشه بينا امتا تغيرتي؟
ايوب: اي كلامك مزبوط لكن مافيش حد غصبك وقالك اهربي انتي الي عارضتي العهد وانتي ح تتحملي المسؤوليه
اروى:لا لكن هدا مش ح يخسرني وميمنعش اني ناخد حقوقي منك
راكان:نادى رجال الأمن وطلع معاهم برا
اروى:فهم ولدك ميحاولش لانه المره هادي مافيش قوه تمنعني
مارن:مافيش اي شي يخليك توقفي ع الي اديري فيه
اروى:يكملو العهد الي كان انتي تطلعي من القصر لعند اهلك ونا الي نعيش هنايا
ايوب:شن تقولي انتي ؟ معقوله طمعك وحسدك يوصلك لهني
اروى:لمكان هدا انا عطيته لي مارن واليوم جايه نطالب بيه وانتم عارفين هدا حقي
مارن:في لحضه حست انه خلاص هيا ضروري تبعد لانه لمكان مش ليها
راكان:خش ...اطلعي من القصر
اروى:هههه غصبا عنك حاتوافق ع العهد لانه الاوراق كلها تثبت كلامي
راكان:لا متطمنيش انا فتحت محضر للقضيه هادي وكلامنا المره الجايه حايكون في المحكمه
اروى:تكلمت بكل ثقه...اوك موافقه ع اي خطوه حاديروها المهم النتيجه حاتكون كيف مانبي...وطلعت.
مارن:طلعت تجري ركبت فووق..
راكان:قعمز وراسه بين يديه...شكلها مش ناويه ع خير بككل
وهيبه:لو نجحت في القضيه مش ح نقدرو نطلعو معانا حتى كوب من القصر هدا
راكان:لكن خلافها ع العهد ممكن ينجحنا حنا
ايوب:خدا نفس وتكلم.... لو اضطر الأمر تتزوجها وتنتهي هالمهزله هادي
راكان:مستحيل الشي هدا يتحقق انا حانكلم اشطر محامي ي انا ي هيا
ناجيه:متنسوش انه مارن ح تتعاقب معاها لانه حتى هيا تعاونت معاها في البدايه
راكان:هيا متبيش الاملاك ومافيش شي يهمها غير انه ادمر حياة مارن وبس والشي هدا مش ح تحلم بيه
وهيبه:لكن لو اضطر الأمر تتزوجها سواء كنت راضي او لا راكان:بنضرات حاده....مستحيل حتى لو عشت ف شارع
ايوب:خلي نشوفو المحكمه شن تقرر وبعدين قراري انا هوا الي ح يتنفذ
راكان:علامات تعصب ع وجه ...خدا بعضه وركب لغرفته
ناجيه:مافيش داعي تجبدو السيره قدام اويس وكنان قعدين عرسان جدد
وهيبه:هزت براسها..💔