تزوجته رغما عني

Untitled Part 20

هااي

💥💥💥الكاتبة سارة 💥💥💥

✨✨بقلم رقيقة القلب 💕💕

وصلات العشية بسرعة كبيرة او سارة لي مسرحة رجل هنا او رجل فالغرب او واخدة راحتها تا كاتسمع شي هدرة فالتحت بغات تفيق تشوف اش كاين مي هي فعلا غلبها نعاس كانت عيانا ديال بصح سمعات صوت عمتها ماهمهاش النعاس نهائيا فاقت بالجرا او عينيها دابلين ا و شعرها مخربق هبطات مع الدرووج بواحد الزربة غير عادية وقفات حدا الدروج كاتشوف فالصالون بالضبط فعمتها لي كالسة على كرسي متحرك كتشوفيها زهرة لاحظات شوفاتها ماشي عاديين او كايعبروا على بزااف ديال الحوايج الشتياق او الحزن او فنفس الوقت كاتعبر على الفرحة زهرة واخا ماعاقلاش عليها مزيان مي عارفااها كاتجيها شي حد قريب حسن لاحظ ماماه كاتشوف سارة او سارة لي كاتبادلها نفس الشوفات

حسن: مشا لعندها او دور ايدوا على عنقها سارة بقات غير كاتشوف فعمتها تا نطق حسن

حسن :ماما هادي بنت خوك او سميتها سارة او هي لي غادي نتزوج

زهرة :غادي تزوج

مايكل :ها المفاجئة لي بغيت نكولها ليك هنا

زهرة ;افرحي افرحي بولدي حبيبي غادي اتزوج ههه اجي عندي اجي

سارة ;طيحات دمعة من عينيها او نطقات بواحد الصوت لي منخفض او باين عليها الحزن عمتي

زهرة :اجي عندي اجي تا نتي اا ا

سارة :اا سارة سميتي سارة

قربات سارة لعندها او عنقاتها او عنقات حسن فنفس اللحظة شدات ايديها او ايدين حسن او نطقات

زهرة :سارة هادا ولدي او نتي بحال بنتي مانبغيكومش تفارقوا مع بعضياتكوم نهائيا غادي تواعدوني بزوجكوم عمركم غادي تخلاو على بعضياتكم

حسن :كانواعدك الوليدة عمري نخليها او لا نفرط فيها

زهرة: كاتشوف فسارة

سارة :تا انا ا عمتي

زهرة :واعديني كيما كال حسن

سارة :اا ااه واخا راه كلت ليك تا انا ماتخافيش ا عمتي

زهرة :سارة كلت ليك واعديني كيما دار حسن ولدي

سارة :طلعات عينيها كاتشوف ف رانا لي بدورها عارفة واش سارة تحطات فموقف محرج او خايب فديك اللحظة

زهرة :سارة مالكي

سارة :لا والوا ا خالتي

حسن :ماما يالاه رتاحي

زهرة :بغيت نرتاح من جيهتك بغيت مرتتك تعتاني بيك او تهلا فيك او تكون زوجة صاالحة ليك خاص هاد الوعد توعدني بيه او توفي بالوعد ديالها سارة غادي تواعديني بلي عمرك اتخلاي على حسن او غادي تكوني كولشي بالنسبة ليه او غادي تعتاني بيه