سمعليكووو
لتنسون التصويت باليز
.............................
انقلاب القــدر
الكاتبه:كاتيا
____________________
رجعت للبيت والفضول موتني موت..شكو؟؟شيريد؟؟؟مين يعرفني؟؟؟ مليون سؤال ببالي واني من لنوع كلش فضوليه ماستحمل
ضليت اليوم كله افكر واحاول انسى
جنت كاعده عل الميز داكل وصافنه
اجتني رساله من رقم غريب
💬تره مجان الها داعي هل تصرف جنت مجرد اريد احجي وياج مرا أكلج
بقيت صافنه...ماعرف اجاوب لو لا كلت يلا خل اجاوب واخلص من هل فضول الموتني من لصبح
💬منو انته
................................................
نجي نحجيلكم عن ايمن شويه قبل ما يجاوبها
ايمن:قبل تقريباً سنتين جنت رايح لبيت عمي ابو سالم طبعاً اني معايش بلعراق عايش خارج العراق داشتغل اجي بين فتره وفتره امر على اهلي وعل بيت عمي لان عمي بحساب ابويه كلش اعزه ومعتبرني ابنه فمره رحتلهم وجنت هستوني راجع من السفر دخلت
ايمن:السلام عليكم شونك عمي
ابو سالم (الي هوه نفسه ابو ساره صديقة نارين):هله والله بوليدي شلونك والله مشتاقلك طولت غيبتك هلمره
ايمن:شسوي يا عمي والله ماعندي وكت وانته اعرف بشغلي بعد
ابو سالم:الله يرزقك بس المهم تعال شوفني هل وجه لحلو تعرف معزتك عندي
ايمن:طبعاً يا عمي شلون ما اجي
وكاعد احجي ويا بلاستقبال وفجأة مرت من يم باب الاستقبال الي صاير كدامي بت عمي ساره وبنيه وياها ماعرف منو بس مادري ليش مكدرت اشيل عيني من عليها مادري جمال لو حشمه ماعرف اجت عيني بعينها لان الباب مفتوح نزلت عينها واني درت وجهي زحمه من عمي
ومرت الايام وعرفت هاي صديقة ساره وهم عرفت وين بيتهم وصار عندي شغل ورجعت سافرت بس منسيتها ابد ماعرف جنت الي يكولي حب من اول نضره اضحك عليه
لحد ما صارت بيه
.....................................................
💬انتي متعرفيني او يمكن متذكريني اني ابن عم ساره صديقتج
💬مذكرتك وشتريد مني يعني
💬جيت اكلج كلمتين مو هواي واروح
اني يا بنت الناس مو من طبعي اجي من الشباك او احجي ويه بنيه عاجبتني
اني اذا عجبتني وحده ادخل من الباب كبل
يمكن تضحكين اذا كلتلج شفتج مره وحده قبل سنتين ولساني رايدج ومنسيتج
بس صدكي سألت عليج وعرفتج وعرفت اهلج وسمعتج مثل الورد واتشرف بيج
اذا جيت خطبتج توافقين لو تريدين تكملين دراستج ؟؟
حته اذا الوقت مو مناسب انتضرج اذا توافقين هسه اجي
نارين:هذا شبي شديحجي؟ وين شايفني وين يعرفني اني لهل درجه غبيه وكلشي ماحس؟؟
المهم جاوبته
💬طبعاً اكمل اني اريد اتخرج وماريد زواج من هسه
💬هاهيه براحتج بس اريد كلمه من عندج انو مو اتفاجئ بيج بعدين رايحه من عندي او مخطوبه ترا اني كل هاي ودخلتلج حته اذا متريدين هسه تنطيني كلمه انو متنخطبين لا الي ولا لغيري لحد متخلصين
نارين:يمكن لو احد يلزمني بوكتها انجوي من لخجل حسيت جسمي يشع حراره اول مره انحط بهيج موقف حتى ماعرف شجاوب
💬اخذها من كلمه اني قبل ما اتخرج مستحيل انخطب او ازوج مو لان موافقه عليك بس لا اني مرايده هسه
💬هسه تمام اهم شي اطمنت هسه مستعد انتضرج عمر والله من تتخرجين بنفس اليوم تلكيني بباب بيتكم خاطبج واني مراح ازعجج بعد برسايلي بس امانه اي شي تحتاجي تعالي دزيلي ولتنتضرين لحظه اني خادم
💬شكراً
نارين:سديت التلفون وايدي ترجف يمةةة اول مره احجي ويه ولد وعدكم لحساب احس روحي مسويه جريمه
حطيت ايدي عل كلبي يدك عبالك طبل
يلا المهم خلصت حته ميطلع بطريقي مثل ليوم هوه كال بعد مادز ومازعجج هاهيه لمهم خلصت من هل سالفه...
لتنسون التصويت....
ومرت الايام بين الدراسه والبيت ووصلت الكورس الثاني من الخامس الاعدادي(ادبي طبعاً)
وماكو شي جديد والشاب الحاجاني بعد مدزلي ولا اني دزيتله بس سألت ساره عنه وحجيتلها كالت كل فتره يجي شكم يوم ويسافر اصلا هوه عايش بره
مهتميت اصلا ماحب هيج سوالف منا لحد ما اخلص سادس بعد سنه ونص الله كريم
مية سالفه اتصير
للحكايه بقيه
الكاتبه:كاتيا
___________________
أنت تقرأ
انقلاب القــدر
Romanceفتاة تعيش حياة طبيعيه بين عائله طبيعيه .... وفجأة .....تنقلب الموازين لتصبح يتيمه وتعيش في بيت لن تخرج منهُ مدى الحياة.... قصه حقيقيه ممزوجه بالخيال لفتاة عراقيه.... قراءه ممتعه...
