انقلاب القــدر

بارت 9

هيلاووو
رجعت بعد غياب..😁😁
ماطولها نبدأ بلبارت...

انقلاب القدر
الكاتبه:كاتيا
_____________________________

نارين:سديته من ساره وكعدت بلغرفه صافنه..
هسه شنو موقفي كدام نشوان؟؟ هسه شنو نضرته عليه؟؟ياربي والله مابيه حيل هوه بدون شي مدري شبي بس يشوفني يتكهرب مو عاد هسه تشوهت صورتي كدامه :(
اليكرهوني بهلبيت صارو اكثر من اليحبوني ياربي ليش والله كلشي ممسويه..
اني وبصفنني والفون بيدي..
دك الفون ..نوال..
كمت رحت ل حسن لكيته طالع رجعت للغرفه وعفتها مجاوبت شو هاي لحت ضلت ادك وادك يمكن 10 مرات غير الرسائل..هاي شكوو؟؟
بس مستحيل اجاوب هاي بدون شي عبالها بينه شي عاد تسمع فونه يمي..ضلت ادك وادك يبوو صدك حسن حقه من كال انتن النسوان ثبيره
لحد مسمعته اجه رحت انطيتنه الفون ورجعت..

دخلت هدى:اكلج مشفتي التلفون مالتي شو ماكو

نارين:صفنت..شحكوللها هسه اخوج اخذ الفون لان شافني داحجي ويه واحد هلو هلو حته تكمل واختم البيت كله يكرهني

هدى:شبيج صفنتي يمعوده

نارين:ها لا مو شسمها نشوان اخذه

هدى: ليش شكوو

نارين:مادري جنت دادز رساله لساره حجيتلج عليها وهوه اجه كالي شويه وارجعه واخذه وراح...ياربي بهلفتره صايره هواي اجذب استغفرالله ياربي

هدى:تمام ماشي لعد اني حنام لان ميته تعب من يجي حبابه اخذي منه ووقتي ع ال7 اريد اكعد من وكت بدونه ماكعد ويطيح حظي محح

نارين:ماشي مححات
نامت واني مددت ع السرير وصافنه ع السكف..لحد ما سمعت صوته بلستقبال..كمت جني واحد چبو عليه مي بارد بغز الشته..كمت طلعت شفته كاعد هوه ودشداشته والسبحه والعكال وعاقد حواجبه ووجهه ميكصه السيف..
بس شفت وجهه كلت هاهيه صارت مصيبه
هوه شافني وحزرني جانوا كاعدين مرت عمي وعمي وحسن سلمت وكعدت هوه اباوعله اشرلي يعني كومي ورايه وطلع..كمت طلعت شفته كاعد ع الكرسي الكدام المرجوحه واول مشافني كالي

نشوان:تعاي كعدي هنا

نارين:رحت كعدت ع المرجوحه يعني صرت كباله

نشوان:احجيلي

نارين:بارتباك..شحجي؟

نشوان:كلشي

نارين:شنو كلشي

نشوان:بقلة صبر..من اول معرفتي ليهسه واذا جذبتي بحرف ترا اعرف شلون اصرف انتي بت عمي يعني عرضي وهاي ماسكتلها فهمتي خاف متعرفين احنه بلشرف والعرض شون نصرف روحي اسألي وتعرفين

نيران:حجيتله كلشي من اول مجان يلحكني لحد ما دزلي رسائل لحد ما خابرني كلشي..اشرف وجهه عبالك اطمن

نشوان:يعني هاي اول مكالمه بينكم؟؟

ميران:اي

نشوان:ليش متريدي؟

نيران:ماحبه

نشوان:هاا يعني اله تحبي يلا چا خوش بت بغداد ترا سوالف الحب والعلاقات متمشي عدنه خليها بالج

نيران:منو كلك اني ادور علاقات؟ كلتلك احب مو اسوي علاقه..اكو فرق ع فكره ..هز راسه وكام صعد لشقته واني طبيت..تنفست الصعداء هففف هم ونزاح شويه وجهه صار بي مجال..
من طبيت لاكتني
مرت عمي..يله نامي من وكت باجر عدنه طلعه

نارين:وين؟

مرت عمي:لبيت اختي

نارين:واله اني اروح؟

مرت عمي:يي لازم لان كلنه حنروح خما نعوفج بحدج ..

نارين:كلتلها تمام وطبيت للغرفه شفت هدى نايمه..يبووووو نسيت اخذ فون هدى لا يا الله شون لازم توقته شون حتكعد يبوو انوب كلهم طبو للغرف نامو استغفرالله ..اصعد؟؟لا عزا اخاف لعد شووننن..يله بس اصعد اجيبه واجي بله بسرعه..طلعت من الغرفه وطلعت للكراج وصعدت للدرج طبعاً هاي اول مره اصعد شقته
وصلت للباب دادكها جان اسمع صوته يحجي..
بس بصوت ناصي سكتت من سمعت!!!!..

نشوان:لك ماعرف شصارلي لك جنت بس
اشوفها يتخربط وضعي واكول عادي هاي من وره حسن هلكد ميزن بأذني عليها بس اليوم من سمعتها تحجي ويه هذاك النذللل احس عبالك احتركت حرك لك اني مبحياتي حاب ولا معبر النسوان ليش هيج فجأة بدون مقدمات..

نارين:اسمع واني مصدومه عليمن هل حجي؟؟؟ عليه؟؟ اني سمعني احجي ويه ايمن؟؟ يبووو شبيج نارين يجوز وحده غيري سمعها تحجي ويه ولد ليوم مو اله انتي لازم تنبصين روحج بلسالفه وبحدين شيحبج هوه بس يشوف وجهج يتكهرب ويكوم بس يخزر..طردت الافكار عن راسي ودكيت الباب..

نشوان:منو؟

نيران:اني نيران..فتح الباب ونصدمت لابس شورت وفوك ملابس شي حته فانيله ماكو عززا شكد ميستحييي درت وجهي عنه وكلتله...اسفه ازعجبتك بس اريد الفون مال هدى خطيه محتاجته

نشوان:وشبيج دايره وجهج شنو احنه نفزز؟

نيران:لا انته متستحي

نشوان :شنووو

نيران:ها لا لا قصدي انو ملابس شي البس دادير وجهي

نشوان:ابتسم..مالبس انتي ببيتي جايه مدخلني

نيران:هسه انطيني الفون خل اروح لتلبس بس انطينيا

نشوان: انطيجيا اي بس اذا سمعت حاجيه ويا بعد؟؟

نيران: اعتقد حجيتلك كلشي واني ماعندي شي ويا ومرايدته واذا اريده جنت خليته يجي يخطبني واوافق عليه واروح شعندي باقيه؟..

نشوان:دخلي اخذي وروحي هياته ع الطبله

نيران:عافني ودخل للغرفه استغفرالله شبي هذا المهم اخذت الفون ونزلت ودخلت لغرفه هدى وقته ونمت...

____________________

ادري البارت قصير بس عندي ظروف هلفتره ع الجايات ان شاءالله محححح

انقلاب القدر
الكاتبه:كاتيا