Man-made (Completed)

' His Doll '

Check Zawgyi version below ⬇️

#Unicode

Rosy မှာ အသံတွေမရှိ ။
အထိအတွေ့အာရုံတွေမရှိ ။
ခံစားချက်တွေမရှိ ။
ဒါကြောင့် မျက်စိရှေ့ကမြင်ကွင်းကို ဘယ်လိုစကားလုံးတွေသုံးပြီး ဖော်ပြရမလဲ Rosy မသိနိုင်ပါ ။

နေရောင်ခြည်အောက်က ‌လှပ‌သောယောင်္ကျား၏ ကြည်ပြာရောင်မျက်ဝန်းမိုးသားကောင်းကင်၌ ရွာသွန်းလုစဲစဲ တိမ်တိုက်တွေပြည့်နှက်လို့နေ၏ ။
ရွှေရောင်ဆံနွယ်များသည် နေခြည်နွေးတွေကြောင့် မျက်စိတွေစူးအောင်တောက်ပလျက်ရှိသည် ။
အိပ်ခန်း၏ပြတင်းမှန်မှတဆင့် အပြင်က တစ်စုံတစ်ရာကို ငေးမောနေရင်း ချောမောလှပသောမျက်နှာတော်သည် နာကျင်မှုများနှင့် ။

ထိုအခြင်းအရာအား မှောင်မည်းသောအခန်းထောင့်မှနေ၍ Rosy သည် အသက်မဲ့စွာငေးကြည့်နေသည် ။
အမိန့်သံတစ်ခုမပါပဲ လှုပ်ရှားမရတဲ့ Rosy ဟာ ထိုသနားစရာလူသားအား နှစ်သိမ့်စကားဆိုဖို့ ကြိုးစားမိသည် ။
သို့သော် Rosy မအောင်မြင်လိုက်ပါလေ ။
ဘာကြောင့်လဲဆိုရင် Rosy ဟာ အသက်မရှိတဲ့ အရုပ်မလေးတစ်ရုပ်ဖြစ်တာကြောင့်မို့ပေါ့ ။

" Rosy , ဒီနားလာခဲ့ "

တည်ငြိမ်သောအသံတွေသည် အေးစက်မာကျော၏ ။
အရှင်သခင်ပီသစွာ အမိန့်တော်၌ အကြင်နာဂရုဏာတွေအလျင်းမရှိ။
အရည်လဲ့နေသော ကြည်ပြာမျက်ဝန်းတွေသည် ဝမ်းနည်းနာကျင်မှုတွေကို မာနသိက္ခာတို့နဲ့ထောက်ကန်ထား၏ ။
ဒါပေမယ့် ထိုသည်များက အသိဉာဏ်မဲ့သော Rosy အတွက် အရေးမပါ ။
Rosy အတွက်က‌တော့ အနှီအေးခဲသောလူသားထံမှ နွေးထွေးမှုတွေကို ရယူရတော့မည့်အရေးသာ အဓိကဖြစ်၏ ။

မိုးတွေညိုတိုင်း Rosy ကို ပွေ့ဖက်ထားရတာကို သခင်ကြိုက်တယ်လေ . . . ။

တောင့်တင်းစွာပျော့ပျောင်းမှုမရှိ ။
ခြေလှမ်းလိုက်တိုင်း ခန္ဓာကိုယ်မှအဆစ်တစ်ခုလွဲသွားသကဲ့သို့ တဂျွတ်ဂျွတ်မြည်အသံတို့ဖြင့် လှပသောအရုပ်မကလေးသည် အရှင်သခင်ထံသို့ ဦးတည်လျောက်လှမ်းသွားလေသည် ။
ဖော်ပြတတ်လျှင် သူမ၏မျက်နှာသေမှာ ကြည်နူးမှုတွေကို သင်မြင်နိုင်မည် ။