البارت الثالث
عذاب قلبي واختي
#بقلمي ... الكاتبة تمارة
متابعة ممتعة
.....................................
احساسي مينوصف بهاي الحضة مدري منين اجاني الذكاء وصورت كل محادثتهم ودزيتها لصديقتي بان الي اثق بيها حيل طلعت من الغرفة مختنكة اريد هوة ياناس اريد هوووة
ركضت للسطح حتى اجمع افكاري رفعت راسي للسماء واحس بحرارة دموعي على خدي اعاتب ربي لييش ياالاهي اختي وخطيبي حبيبي الي مينام غير على صوتي ؟؟ بقيت كاعدة بالسطح بس دموعي تشكي حالي .. يمكن حست اني فتشت تليفونها صعدت لكتني ابجي
عذاري : شبيج ؟؟
كاثرين : لييش بس كليلي لييش انتي مو مزوجة جاية تخربين حياتي ؟؟؟
احجي وارجف اول مرة انحط بهيج موقف هالموقف مااتمناه لعدوي ملخت شعري وبأضافري املخ بجسمي وخدودي مااعرف شصار بية فقدددت شبكتني تفلت عليها
كاثرين : شلوون وشوكت تتراسلون من شوكت عندج علاقة بي ؟؟؟؟؟
بهالاثناء صاحتلنا امي نزلت واني نزلت وراها شعري مكفش ودموعي دمم همزين امي مانتبهت ركضت للحمام فتحت الدوش ودموعي تكت ( تنزل ) وية المي لدرجة انتبهت اني
مانازعة ملابسي وواكفة جوة الدوش بقيت ابجي لمن حسيت عيوني ثكلت اريد افتحهن مااكدر طلعت صاحتلي امي
فريدة ( ام كاثرين ) : شبيج ؟؟
كاثرين بتعب : تعاركت وية صفاء .
فريدة : خيولي لتنطي مجال وين يلكة وحدة مثلج ؟؟
جبت ثلج وخليت على عيوني وكلتلها
كاثرين بقهرر : يمة اذا تحبين الحسين ( ع ) لتفتحون الغرفة علية عوفوني بضيمي .
عذاري تباوع ولا يمها السالفة ... وامي هزت ايدها
فريدة بأستهزاء : اوكفي انطيج كرك ( اداة للحفر ) ادفني روحج لان استاذ صفاء مضوجج .
عفتها ودخلت للغرفة فتحت تليفوني دازلي رسائل
💬 وينها الحلوة ؟؟
💬 الوو حبيبي مشتاقلج
شفت كلامة لو شطت ( عصبت ) كمت اكطع بشعري واصيح غدرووووني غدرووووني اسمع امي تصيح شخطت ( تخبلت او صار خلل بعقلها ) البنية اتصلت عذاري اشمئزيت منها ورة
دقايق دزتلي رسالة عبالي صفاء طلعت عذاري دازة رسالة شطولها كاتبة بيها
💬 والله اني مالي دخل بيوم العقد مالتج شفتة وعجبني شكلة حلوو وتدري من اخلي شي ببالي الا اسوي فأخذت رقمة بالبوكات منج واخذت صورة وبقينا اصدقاء وشوية شوية اطورت علاقتنا بس ترة هو ميحبج وخاينج وية بنية اسمها نيران واذا مصدكين سألي منوو نيران ؟؟ ويجاوبج .
أنت تقرأ
عذاب قلبي واختي
General Fictionفتاة عراقية جميلة تعيش مع اختها الغيورة فما هية حكايتها تابعو معي
