البارت 6
عذاب قلبي واختي
#بقلمي_الكاتبة تمارة
متابعة شيقة
..............................
شوية وشفت عمتي طلعت!! كالت
ام صفاء : هاا نزلتج بطنج ؟؟؟ بسيطة اريد اشوف شلون اخليج تتهنين .
وغمتني وطبت صعدت يربي شلون ؟؟ والله خطية كل شوية اخابرة هم صعبة دزيتلة رسالة
كاثرين 💌 قافلين الثلاجة .
دزلي
صفاء 💌 😡 .
وسكت كلت حقة هم ضاج كعدت اباوع مسلسل وداكني الجوع دز رساله
صفاء 💌 تحضري اجاج اخوج من يرمشلج طلعي ومن ارجع من الدوام اجيج حبيبتي .
ركضت الملم بملابسي حضرت غراضي صفاء طلب مني اقفل الغرفة واجيب ذهبي وياي شنو السبب مااعرف جبتهن وسكتت وبدلت رمشلي كرم لبست عبايتي ونزلت
جانن كاعدات يريدن يتعشن صاحت عمتي
ام صفاء : هااا ويين ؟؟ رجلج راح منا وانتي دحتي منا .
كاثرين : رايحة لأهلي .
وطكيتها ركضة جانت ناوية ادكوم وراي وتمنعني طلعت سلمت على كرم وهو يسألني عن حياتي واني صدك تغيرت حياتي وية صفاء وامدح بي بس شنو بطني اصوصي مرينا
مرينا من يم مطعم جنة دائما اني واهلي نطلع نتعشا بي فصار كبالي كتلة
اسم المطعم
كاثرين : والله يا كرم شتاقيت للفات ************** .
كرم : بس لا حامل ولج يلا هسة اسفط واجيبلج .
كاثرين : لفتين .
كرم : صار .
نزل وبقيت اني اباوع للمطعم من برة ورة شوية اجة جايب هواي لفات حاسب حساب الكل حطهن يمي وعصاير وياهن كفختني الريحة كمت اشلع بكعم الصمون وهو يقلد علية
ويضحك ويكولي
كرم : دزيناج عاقلة رجعتي طكة ونص وصلنا لبيتنا ركضت الأمي بوستها وبست ابوية تفاجئو بية عرفت عبالهم زعلانة
بضحك
كاثرين : خطار والله خطار .
ضحكو وكعدنا ناكل ركضت لغرفتي شتاقيتلها امي كالت
فريدة : عفتها الجن من تسيرن تنامن بيها .
كعدت تسألني شكيت الها من عيالي خطية ضاجت حييل حلفت بيني وبين نفسي بعد مااسولفلها طلعت وعافتني بقيت افترر بغرفتي خابرت صفاء وبقينا نسولف لحد ما
طفة تليفوني رحت اشحنة طلعت ناسية الشاحنة ببيت عيالي بغرفتي فتحت الجرارات ادور على شاحنة بلكت اكو لفت نضري رقم حسنين مدري ليش صارت صورتة ابالي
غلست وخليت الورقة الي بيها رقمة بنص دفتر شخابيط ضامتة مرات ارسم بي عود اني مصممة هههه رحت نمت طعدتني الصبح امي على الريوك تريكنا والولد كلمن طلع
لشغلة وابوية راح الدوامة يداوم بدائرة مال كهرباء ... بقيت اسولف وية امي تحجيلي عن عذاري تكولي حامل وتنساتها صعبة وعيالها مو شي ومن هالحجي واني ساكتة
بس استمع ... بقينا على هالحال لحد قبل نزول صفاء بيوم رتبت نفسي ورحت للصالون تعديل وشسوار طلعت صدك عروس ولليل خابرتة وبقينا واحد يعبر شوقة للثاني لمن
طفة شحن تليفونةوراح ثاني يوم كعدت بنشاط تريكت ولمعت البيت وبدلت ومنتضرة صفاء شوكت يجي وعيوني عالباب شوكت تندك ؟؟ ورة دقايق صافنة عالباب واندكت
ركضت ردت اطيح من السرعة عبالي صفاء طلعت بت جيرانة تريد رمز الشبكة رزلتها رزالة غسل ولبس ومن راحت كالتلي تف وشردت هههههه بت اللذينة وانتضرر
وانتضرر لحد ما صارت الساعة 1 ونص يلا اجة حبيبي تلكيتة اشبك وهو يكولي
صفاء : مو هنا ولج فضحتينا .
سلم على امي واخواني بالشغل فمحد بالبيت طلع غراضي ابو التكسي متاني بالباب ورحنا وصلنا لبيت اهلة وعيونة متفاركني ابد سلم عليهم تلكو بسلام جاف من ورة خشمهم
واني عفتة يمهم وصعدت لغرفتي كلت ارتبها قبل لايجي هسة يصعد وهسة يصعد ومرت نص ساعة وصفاء يم اهلة استغليت الوقت بقيت ارتب وشلت الفرشات بدلتهن
ولبست ثوب قصيرر وخليت مكياج وبقيت انتضر ورة ساعة ونص يلا صعد بحيث كلش ضجت صعد ضايج سألتة سكت كال عوفيني منهم خلينا بيج شبكني ويكلي
والله مشتاقلج وبقينا بغرفتنا لل3 بالليل انسولف ونتحرش ابعض لمن نزلتنا ابطونة سوينة اكل واكلنة وصعدنا نمنا عشت احلى ايامي وية صفاء وبقة كل مايلتحق يوديني
لأهلي مرات تصير مشاكل بينا بس الحمدلله نص ساعة ويصالحني لا اتحمل زعلة ولايتحمل زعلي ... الشي الوحيد الي قاهرني الحمل ....
بعد مرور سنتين
اطفال ماصار عندي سمعت كلام من اهلة كومممة امة تريد ازوجة وهو ميقبل واختة مجلبة بصديقتة الة وكذلك رافض واني ابجي وعالطبة والطلعة اسمع عاكرر والماتخلف
ويوو كوومة كلااام الزم مخدتي وابجي صفاء بهاي السنتين
اشوف عندة علاقات بالتليفون وية بنات اكثرر مشاكلنة بسببهن ونتصالح لحد مامرة اجاني وكطع كلبي بكلامة
صفاء : والله احبج ومااريد غيرج بس امي قسمت لو اتزوج لو تكطع الأكل والشرب وتعتكف بالامام ....
.
.
.
.
.
.
. يتتتبع
باجر انزل تكملة البارت
أنت تقرأ
عذاب قلبي واختي
General Fictionفتاة عراقية جميلة تعيش مع اختها الغيورة فما هية حكايتها تابعو معي
