مشينا لفارماسي خدينا طيسط قلبي ففمي او حنا كنتسناو لغيزلطا
الصدمة بانت علا وجوهنا كبانو جوج شرطات😨😨😨😨
ياربي طلع هدشي لكتقول بسمة صحيح شنو غندير😭😭😭ياااربي تعونيي...صفي انا مشيت فيها ..يفضيحتي قدام الناس..ومي عائشة غنطيح من عينها الى عرفات😭😭😭او هيا لي كانت مسمياني نوارة الميتم..😭😭😭
دازت سيمانة اخرى..زادت حالتي اكتر...ردان او دوخة..او شهية مكيناااش..كلشي عند بالو بلي انا داربني البرد..اما انا او بسمة عارفين اللي طاري..
حرت اشنو ندير..الا ساقو ليا لخبار هنا ايطردوني مفهاش..بغيت نحيدو..وصلات بيا شربت دوا مجهد....
*****مخليت حتى حانوت ديال ديكور ممشتلوش او وريتو ديكور لي جابت قمر..اخرتها حطيتها فواحد السيت..بديت نيأس من اني نعاود نشوفها اولا ندوي معاها مرة خرا😔😔..ضعت فأمري..وليت مشوش ممركز مع تحاجا..
...:سي انس سيي انس
انس:وي عدنان ملك؟!!بين خبار زوين
عدنان:لقيت بوتيك عندهم نفس الديكورات بنفس الإسم
طرت عجاااجة للبلاصة اللي گالي عدنان طريق كولها او انا نخمم كفاش لقاها گلسا فلبوتيك ديالها او كفاش نهدر معاها...بقيت نوجد فلهدرا لي أنگول ليها..وصلت بلاصيت اللوطو او نزلت متوجه للبوتيك..لمحل من برا باين كبيير او عندو واجهة زوينة..دخلت بانولي تحف مكتوب عليهوم "قمر" بخط زوين..مشيت نقلب بعيني بين الخدامين فلمحل..
..:تفضل مسيو فاش نقدر نعاونك.
انس:بشحال هاد الديكورات
...:كما راك تشوف هادي سلعة تقليدية او مخدومة بالأيد
انس:ااه داكشي لاش انا عجبوني او بغيت منهم..شكون خادمهم؟!!
...:سمحلي انا غير كنبيع..اناهيا لي عجباتك؟!
انس:شكون يقدر يعاوني نعرف شكون يخدمهو؟!
...:المديرة ديالنا تقدر تعاونك
انس:مديرة!!ااه او فين نلقاها
...:رجع غدا حيت هيا مسافرا
مشيت لدار او أنا فرحان يعني مديرتهم مرا او تقدر تكون هيا طلع لي لمورال حاس براسي وصلت ليها.
****المديرة:😡😡😡 كفاش مخدمات والو..ملها ولات متهورة
بسمة:مدام كما كتشوفي قمر مريضا هاد الأيام
لمديرة:ااه كنشوفها مريضا..ولاكن خسها توجد لناس خدمتهم..سكت عليها بزااف او شهر او زيادة...او خرجات او خلات بسمة لي دخلات عند قمر لقاتها سمعات كلشي
قمر:بسمة گولي ليهوم الجمعة غدي نوجد خدمتهم او نوصلها حتال عندهوم كما بغاو..
بسمة:😨😨تسطييتي لااا شكتخربي كغاديري ليها؟!
قمر:بسمة نتي عارفا بلي هاد الوقت بدااات محتاجة فلوس باش ندير لكورطاج
بسمة:بالله عليك نساي هاد الموضوع..عرفاني ضد الفكرة من لول.😡
قمر:ياك اختي او شنو بغيتيني نعيش مكرفسا او نكرفس معايا بنتي اولا ولدي؟!
بسمة:متنسايش بلي طبيبة گتليك كينا واحد المشكيل او بلي تقدري تموتي😔😔
قمر:طبيبة غير كتخربق
بسمة:كتخربق؟!!گتليك لبيبي مشادش بلاصتو اولابغيتي ديري كورطاج تموتي نتي وياه...
قمر:اولا عشت بيه شنو ندير؟!هوا جا نتيجة تهور من مني..جا من ليييلة كانت حلم لي فقت منو ببيبي🤰👶 فكرشي...او باااه..فينو بااه عااايش حياتو الفواياجات او لبنات أشكال أنواع..او انا بغيتيني نضيع حياتي..اااه اااه بغيتو..ولاكن شمن حوب هدا بين ليلة او نهار بغيتو..
بسمة:قمر لبيبي قدما كبر قدما خطار عليك باش تحيديه...فكري فيه طرف منك.
كلامها صحيح..هو خطر أني نخليه او خطر باش نحيدو..حرت او عيييت مقدراش على هدشي بوحدي..
نعسنا ديك الليلة ..صباح ندت غاديا باش نفطر دخت حليت عيني فسبيطار ..او بسمة عند راسي گتلي بلي كلشي ساق لخبار..صفي انا تفضحت..دخلات لمديرة زعزعاتني بكلامها خفتها تطردني الي اتر فيا كتر هوا اني زعزعت تقة امي عائشة او لبنات اللي كنو حطيني قدوة ليهم..مشات قمر ملات لعقل لحشومية..لقيت بسمة او لبيبي تاعي لي واخا طرا لي طرا ممخليينش عليا😭😭😭
...انس:كينا لمديرا
...:وي تفضل
مشيت عند مولات المحل طلعت مشي هيا سولتها گتلي هوما كيتعاملو مع فورنيسور هوا لي كيجيب ديكورات او عمرها سولاتو على شكون يصوبهم..زدت يأست..گاتلي جمعة يجي ويجيب سلعة جديدة..گلت هدي آخر فرصة ليا باش لقاها..
***قمر:كفاش عيتي لعمتي؟!
المديرة:هيا لي جابتك عاقلا؟!
قمر:ااه عقلا او عقلا بلي من نهار جبتني مطلت عليا..شنو معنيتها دب معيطا ليها.؟!
المديرة:قنون المؤسسة كيمنعني نخليك او نتي بهاد الحالة
قمر:شمن حالة؟!انا حاملا مشي قتلا روح
المديرة:مقتلتيش روح هزيتها..وهادي فحد داتها جريمة
قمر:ولدي مشي جريمة
عيطو لعمتي او طلبو منها تديني..منين يلاه جات معرفتنيش مي انا عرفتها..بقات كما هيا وجه الشر..كفاش ننساها او هيا صورتها وهي تهز دهب ماما لي طرابها مزال منشف بين عينيي..ونهار جابتني لميتم او حلفت عليا ندوز عمري او انا مقطوعة من شجرة..قربت ليها او صدما باينا عليها..تلاحت عليا عنقاتني او أنا بعدتها مبغيتهاش تقرب ليا..معاها شاب گاتلي ولدها سلم عليا بقا حديني عراااني بعينيه..حسييت بيها مخططا لماليون حكاية..گاتلي بلي انمشي نعيش معاها او ولدها بغيني يتزوج بيا او يسترني او يربي ولدي..انا درت فيهم او جريت عليهوم مشاو او خلاو ليا نمرا..انا ضعت..لمديرة طرداتني او عيراتني..نهار عمري ننساه..خرجت من الدار لي كبرت فيها..الدار لي كلشي يگول عليها ميتم انا كنت نگول دااارنا..كانت جنة بنسبا ليا..فيها ضحكت او بكيييت..كسبت خواتات او أم او أب
سلمت عليهوم او تسامحت مع أمي عائشة او بسمة لي وعدتها نعاودو نتلاقاو..
فهاد لمحنة لقيت عم أزهر لي داني سكني مع مراتو مرا طيبة..انا عملت من الضعف قوة او قررت باش نخدم..علا الأقل نربح شوا فلوس..قررت ندير دكورات او نفرقهوم على لي بوتيك
****كنت تافقت مع لمديرة بلي منين تعرفلي مصدر الديكورات تعلمني..منين عيطتلي فرحت...ولاكن كلامها اتر فيا گاتلي بلي دوك الديكورات تبعين لمركز تكوين يتعامل مع بنات الميتم..قالت بلي يجمعو خدمتهوم يعطيوها ليهوم يبيعوها او منها يكسبو فلوس باش يصرفو..يعني...قمر تسكن فميتم..خديت لعنوان او مشيت عندهم
****كل مرا يشدني وجع صعب من لي سبقو مشيت عند جينيكو دترت لي إكوگغافي گتلي بلي أتا حملا بتوينز ..وگاتلي بلي واحد فيهم عيان او خصني نبقا يمين تحت العناية ۔۔گتلها بلي أنا منقدرش..گتلي بلي حياتي او حياتهم فخطر...انا بديت غير نخمم كيفاشش ندير نصرف عليهوم توأم مسؤوليتي كبرات..او إلى جيت نحبس لحكاية انتسبب فموت تلاتة ديال أرواح....
________________مبقا والو او تساليييي يلاه ألبناات
أنت تقرأ
اليتيمة
Short Storyأشجان يتيم معذب.. أنا اليتيم مظلوم ومهظوم حقه... يعاني كل يوم ولا أحد ينصفه... حتى غلط غيره يرمى عليه ما أحد يدافع عنه... والكل ينهره إذا شكى لا أحد يسمعه... حتى شعوره لا يقدر أن يبوح به.. ويبقى في صدره الكثيرمن الخوف يكتمه..
