درت متحف صغير فبيتي خصصتو غير لديكورات لي كتصوبهوم حبيبتي بيديداتها...ولاكن أنا بغيها هي ماشي بغي حاجة لي تفكرني فيها...أنا بغيتها..شنوما دارت مسامحها بعدتني عليها او على ولدي او مسامحها...عيطتلي بسمة وهيا لي كانت كتعطيني خبارها او فرحاتني منين گاتلي بلي مدرتش كورطاج أو بلي مزال محتافضا بثمرة حبنا..بلحق حاجة لي كدرني فخاطري حبيبتي محساش بيا..بسمة:الو أنس صافا...قمر مشات لسبيطار ليوم عندها كنطرول بلحق طبيبا كانت گاتلها تجيب رجلها معاها..حيت قمر مفهما طبيبا بلي هيا مزوجة..عطاتني لادريص..
****بغيت نطمن عليهوم....او نشوفهم..ولاكن دروري من العكسيات..وزادت تعكست منين شتو قدامي ..مكنت عندي حتى غياكسيون..
انس:يالاه ندخلو؟!!
طاوعتو أو دخلت معاه..هوا عرف براسو على أساس راجلي..كلمتو خنقاتني خلات عيني تدمع..بقيت نسرق الشوفة..او حسيت بيه تهواكفاش كيشوف فيا أو بغي يدوي معايا..طبيبة عراتلي كرشي دغيا كبرات..أو شتو كفاش تأتر سيرتو منين سمع قلب لبيبي💗💓..او منين طبيبة بدات دوي على أساس بلي زوج ديال لي بيبي بغا يطيييير بلفرحا هز ليا يدي باسها..أنا جمدت او سرحت فضحكتو..كفاش كان كيسول على كلشي أو كيستفسر...طبيبة قالت بلي باقي لحال باش نعرف جنس الجنين او هوا تحمس گالها امتى نرجع لمدام..لكلمة فرحاتني واخا عرفت بلي هيا مجرد كلمة..خرجنا بجوج ساكتين..سبقتو درت لقيتو واقف متأتر...قرب ليا شدني من كتافي لحركة لي ذوباتني..غمضت حسيت بديك الليلة رجعات ليا...للحظة عنيا سرحو فيه
قربني ليه او عنقني..انس:علاااش؟!علاش كتعدبي فيا؟!
قمر(بعدتو عليا):علا أشمن عداب كتهضر؟!أش شفتي نتا من لي شفتو؟!!شوف راسك كي عايش كيلابس..شوفني أنا..
انس:وا أنا باغيك كيما نتيييي...بغيك من أول نهار شتك..او مشي منين شتك فلحفلا..كندوي على أول مرا فلبوتيك..أول مرا شفت فعينيك لي هبلوني أو ضوخوني..خلوني أول فرصا جيتي بين يدي خرجت حبي فيك..قمر نتي مشي غلطا فحياتي..بغيتك أو عمري أديتك...ودليل حبنا هوا ولادنا..
قمر:😭😭😭😭😭😭 أنا أنا ربي لعالم بيا وليت كي لحمقا من نهار شتك أو أنا غير نخمم فيك..أو شحال تعدبت باش وصلت ليك...بلحق شفت لفووووووق عليا..عقلتي نهار گتليك مكنشوفش فنجوم حيت هيا فين أو أنا فيييين...هنتا تشوف..
***هدرتها معجباتنيش شديتها زيرت عليها أو هيا بدات تغوت حسساتني بلي خاطفها..بزاف ناس قربو منا..گالي واحد فيهوم طلق منها حرام هدشي لي كدير فيه أو مستغل ضعفها أو فقرها..هيا من مور هاد لكلام زادت فوتيرة البكاء..عارف بلي لهضرا دراتها...ولاكن أنا كنبغيها ...هزيتها بزز منها طلعتها فلوطو ديتها لدار...مع الدخلا حسيت بيها مخنوقا ..ااااه خنقوها الذكريات..هزيتها لبيتي..بقات كدور فعينيها أو قلبها كنسمعو كيضرب عندي....خافت...شوفاتها ديال وحدة مصدومة..
انس:هاد لبيت نتي كتكرهيه ياااك؟!
كتشوفي راسك فكابوس..تفكرك فغلطت عمرك...أنا لااااا
شوفييي شوفي بعينك....
حليت لخزانة وريتها تحفها..صدما بانت على وجها منين شافت داك لمتحف صغيور لي فيه گاااااع ديكوراتها..أو بلي أنا لي كنت نشريهوم...بدوك لفلوس لي كانت ديما ديراها حاجز بيناتنا...گلسات فوق سريرساهيا او منين شافت تصويرها لي كانت بانت فلجرائد كبرتها أو علقتها فلحيط بدات تبكيييي...زدت جبدت ليها لغوب تاع أول لقاء بناتنا...بدات تزيد فبكاها...قربت منها او أنا نمسح دموعها: عمري مهانو عليا دموعك..عودت ليها على حبي...او گتليها بلي أنا شاريها..او بغيتها تمون فحياتي
قمر:وداركم؟!يرضاو ليك وحدة بحالي.. ؟!أنا مشي من مستواكوم ولا من أصولكوم؟!أنا يتيمة فقيرة جاااااهلة..
انس:انا بغيك لقلبك مشي لحاجة خرا..
فسرت ليها بلي أنا كنت باغي وحدا قارا أو متقفا او من مستوا عالي..ولاكن عمري تخيلت نبغي وحدا بحالك او ننجدب ليها...او تخليني ندير اامستحيل باش ننجدب ليها..
قمر:علاش الفقيرة يبغيها الأمير؟؟!هدشي كنشوفو غير فحكايات ألف ليلة أو ليلة...يعني حكايات خياليا بعييييدا كل البعد على الواقع اللي نعيشو فيه..باش الأمير يبغي الفقيرة اليتيمة..قصة سندريلا مندنش تعاود فزمانا..فهد الوقت عيشين بالمظاهر..او ميعيش فيها غير شكون ولد شكون...انا بغيتك او نتا بغيتيني..ولكن😔😔
انس:ولاكن شنو بعد اللي گلتي..انا بغيك نتي او مهمنيش اش غيگولو..بغيتك ليوم حبيبتي او غدا مامات ولادي...
قرب ليا مطاكيني مع الحيط..قرب لفمي او همس ليا بلي كيبغيني الشي لي بورشني..تنفست مزياااااان..ومن بعد فيقت راسي من كابوس الخوف اللي عيشاه..براك من الإحتقار اللي احتقرت راسي بلعكس خصني نفرح وصلت اللي نبغيه...مكيناش حاجة لي توقف بيناتنا..شدينا فيدين بعضنا لأول مرة..طبع بوسة على جبهتي كتعبر على حبو ليا...انكوت مسطيا إلى فرطت فخبي..حب جا فيوم او ليلة عيب يضيع..كتصادفنا بزاف حوايج فدنيا لي كتبدل حياتنا..خسنا غير نتشبتو بأحلامنا حتى نحققوها..الحب اللي كيتولد بالصدفة لن تجهضه الحياة...
هبطو انس وقمر خبرو العائلة بالقرار ديالهوم او بلي غيتزوجو من دبا أسبوع او طارو من لفرحة كعرفوها حاملا بتوأم..
هذه ليست النهاية وإنما بداية لقصة أنس او قمر او توأمهما
النهاية💗💓😍
أنت تقرأ
اليتيمة
Historia Cortaأشجان يتيم معذب.. أنا اليتيم مظلوم ومهظوم حقه... يعاني كل يوم ولا أحد ينصفه... حتى غلط غيره يرمى عليه ما أحد يدافع عنه... والكل ينهره إذا شكى لا أحد يسمعه... حتى شعوره لا يقدر أن يبوح به.. ويبقى في صدره الكثيرمن الخوف يكتمه..
