صبحت عليهم ،،،،عمتو ناهد قالت لي عرفتي دي منو،،،قولته ليها لا والله،،قالت لي سهى،،،طوالي الاسمها سهى دي جات علي،،ووشها بشوش،،،قالت لي اكيد مابتكوني متذكراني كويس،،،انا حضرتا عرسك انتي ويمان،،،وبعدو طوالي سافرتا،،،قولته ليها فعلا مامتذكراك،،،سلمت علي وقالت لي سمعتا عنك كتير،،،وعنطيبتك،،،ربنا يسعدك أنتي ويمان،،،قولته ليها تسلمي ان شاء الله،قالت لي واسفه ياخ اني جيتكم وعملت ليكم ازعاج من الصباح،،المفروضانزل مع حاتم اخوي بس زي ماعارفه هو سافر مع مرتو من اول امس ،قولته ليها لا ياخ نورتيبعد اذنكم ح اصلي واجي اسوي الشاي،،،سهى قالت لي لالا انا جيت خلاص،،انتي امشي صلي براحتك،،انا ح اعمل الشاي،،،يمان لسه بيشرب قهوه صاح؟قولته ليها اي،،قالت لي طيب لو ماعندك مانع ح اخش مطبخك واعمل الشاي والقهوه،،،قولته ليها ماعندي مانع،،،وطلعت فوق،،،،يعني زمان كل مايجبواسيره سهى ويتكلموا عنها ماكنت مفتكره انها بالهدوء دا،،،حتى طريقه تعاملا معاي غريبه،،المفروض واحده كانت عاوزه راجلي في وشي ماتعاين،،،استغفرتا ودخلت الحمام،،،ادوشتاوطلعت صليت،،،،لقيت يمان لسه نايم،،،بس كان نايم وخاتي يدينو على شعرووصاري وشو،،،،عثل ياخ،،قربتا منو،،،قولته ليهو يماني،،يمان،،،أصحى ،،،قال لي ننوستي وحاتك تعبان،،،قولته ليهو صليت الصبح؟؟قال اي،،،سألني عن الجوطه التحت وكذا،،،قولته ليهو دي سهى بت عمتك،،،قال لي بالله،،قولته والله،،،قال لي طيب ح انوم10دقايق وانزل اسلم عليها،،،انا نزلته لقيتا جهزت الشاي والقهوه،،،وختت شويهه كيك على الصحن،،،عمتو قالت لي تعالي اشربي القهوه ومنو تتعلمي بعملوها كيف سهى قالت لي تعالي يانوسهه،،مشيت قعدتا قصادهم،،،وكبت لي كبايه قهوه،،الصراحه من اول رشفه الطعم كان مختلف وحلو،،قولته ليها تسلم يدك،،قالت لي العفو ،،،شويه ويمان جاا نازل،،،صبح على عمتو،،،وقاللي سهى البت الغامضه شديد،،،قالت ليهو مدمن القهوهههه،،،وقامت فوق سلمت عليهو سلام عادي،،،،وكبت ليهو قهوه،،،بعد شرب القهوه،،سهى قالت ليهو رايك؟؟قال ليها غامضه زيك،،،بعدها سهى قالت لي يانوسه ممكن تشيلي معاي الشنط لغرفه الضيوف،،،قولته ليها طيب،،،كانت جايبه معاها شنطتين كبار وواحده صغيره شلتهم معاها،،،واستنيتا لحدي ما رتبت ملابسا في الدولاب،،،كنت ح اطلع علشان اخليها براحتا،،قالت لي تصميم البيت والاثاث دا كلو ذوقك صاح؟؟،،،قولته ليها اي،،قالت لي ههه لانو يمان ذوقو ماكده،،،قولته ليها اي،،يلا اخدي راحتك،،،ونزلته تحت،،،غسلتا عده الشاي ونضفتا المطبخ،،،يمان جاني في المطبخ،،،قال لي ح تعملي لينا فطور شنو؟؟قولته ليهو يمان متين الصباح اصبح،،،جات سهى نازله لقتنا في المطبخ،،،قالت لي حابه تعملي فطور شنو‘،،،قولته لي نفسي دي شنوالعيله الجنها اكل دي قولته ليها ماقررتاقالت لي لو ماعندك مانع انا عاوزه اعمل عصيده ملاح روب،،قولته ليها طوالي بس يمان....عاينت لي يمان ورجعت عاينت لي قالت لي عارفه انو يمان مابيأكل عصيده ح اعمل ليهو فطاير،،قالت كلاما دا بنبره غريبه،،،قولته ليها تمام،،طلعنا انا ويمان من المطبخ،شويهه وجاا خالد،،،اول مافتحت ليهو الباب،،قال لي الناس التقيله قولته ليهو خلودي يااه وينك مختفي من الواتس من امس،،قال لي تلفوني اتسرق قولته ليهو كيف قال لي ممكن تخليني ادخل علشان احكي ليك،،،دخل جووه وسلم على عمتو،،وقعد يحكي عن الحرامي موتني ضحك،،،يمان قال ليهو ولما شفتو وصحيت ماكان تقووم تضربو،،قال لي بري سلامتي،،،سهى جهزت الفطور وقعدنا نفطر،،،طبعا خالد استغرب من جيتا وسلم ليها ببرود ،،بعد الفطور هي عملت الشاي،،خالد قال لي ننوستي والله نفسي في واافل كيك قولته ليهو عيوني،،قال لي ارح المطبخ طيب،مشينا وطلعتا المكونات العاوزاها،،طبعا لقيت سهى نضفتو ورجعت اي شي محلو،،،اثناء مابعمل في الواافل،،،خالد قال لي ودي الجابا ليكم شنو،،،مش المفروض تنزل مع حاتم قولته ليهو حاتم مساافر،،،قال لي اهااا،،،خليك واعيه طيب،،،ماركزتا مع كلامو،،،،شويه تلفوني ضرب كان هشام،،،قولته لي خالد افتح الاسبيكر،،،هشام قال لي الوفد الفرنسي عجبهم شغلك وعاوزين يجتمعوا بيك الليله بعد الضهر،،،قولته ليهو والله ياهشام كلام حلو،،،بس انامشغوله ومعاي ضيوف في البيت،،،قال لي انا ماح اجبرك طبعا،،بس الشي دا ح يقدمك ويمكن تلقي ليك عرض مغري منهموانتي ورايك،،،قولته ليهو طيب بحاول اجي،،،بعد قفلتا منو،،خالد قال لي وررري،،فرنسين عدييل كده،،قولته ليهو شفتا كيف😌،،،بعد عملته ليهو الواافل،،قال لي يااخ انتي في زيك واحده تانيه علشان اتزوجا😻👊،،قولته ليهو لااااا ماااف الا بتي مستقبلا وانت عمها😌😹اتونس معاي شويهه وطلع❤،،،بعدها طلعت فوق لقيت يمان شغال في اللابتوب،،قولته ليهو بتعمل في شنو،،قال لي بشوف في صور عرسنا وشهر العسل،،،مشيت قعدتا جمبو،،قولته ليهو مشينا زي الاصحاب بس😹قال لي اي،،،بس اتعرفنا على بعض شويه شويه❤😹،،،بقيت امشي في الصور،،لقيت لينا صوره قبل شته شهور،،،يمان كاان قاصص شعرو بالجمباات❤،،،وباقيهو مفلفلو نااعم،،حاجهه كده تهبل😻👋،،،قولته ليهو ماكان اخليك تحلق شعرك كلو،،،قال لي اهو في النهايه قام واتنفش،،،،قولتهليهو كنت قرض يااخ😭❤،،،قال لي واسي؟؟قولته اقرض من القررض❤😢 ،،،قرب مني وباسني في عيوني❤ ،،،قولته ليهو اا هشام اتصل علي وقال لازم اجي في اجتماع،،قال لي متين؟؟قولته ليهو بعد الضهر،،،قال لي ظابظ،،قولتهليهو زيت😻،،،حمر لي😒،،،لي لحظه حسيتو ح يخنقني😹🔪،،،،،زي الساعه11كده كنت واقفه ومحتاره البس شنو؟؟بس بما انو الجو كان شبه ربيعي😻👋😹،،،لبستا لي فستاان سماوي بأبيض،،،وشبط وسماوي،،،وطرحه بيضاءبدره،،،،وعملته كحل وروج كبدي خفيف❤،،،،يمان لبس ليهو قميص وبنطلون عاديات وطلعنا،،،كان خاتي طااقيهه على راسوو😻،،،اخخخخ كسااار❤🙈،،،،،قال لي ماشهه بدري لي؟؟ختيت يديني على رقبتو وقولته ليهو لازم علشان مايفتكروا اني همجيه ومابلتزم بمواعيدي😌،،،قاللي فديت العااقله حبيبتي😻👊،،،،زي الساعه12طلعناا،،،لمن نزلنا تحت لقينا عمتو قاعده،،،بس شكلها زي اشكال السووموو راااي😒🔪،،،قولتهلي يمان في حلهبطاطس في التلاجه ورز،،،،،جات سهى قالت لي ماتخافي انا ح اجهز الغداء،،،يمان خليهو يرتاح،،،ابتسمتاليها وطلعنا،،،،وصلناالاستديو قولته لي يمان الا توصلني لحدي المعرض،،،خايفه القى الكلاب،،،قعد يضحك😹،،قاللي ارح ياا خووافه،،وصلني لحدي المعرض ولقينا هشام ورنا،،سلم عليهم وطلع،،،،هشام قال معليش ياخ انتي في اجازه وانا مبشتنك معاي،،،قولته ليهو لا يااخ،،دا كمان شغلي❤ ،،،،قعدناا ساعه ككده،،ووصل الوفد،،،،كانوا راجلين كبار في العمر،،،وواحد شااب،،،،المهم اتكلموا معاي في تفاصيل كتيره بتخص التصميم❤عند ناس يمان قبل الغداء،،،سهى كانت بتتكلم مع يمان،،وبتشكر فيني،،قالت لي يمان مرتك حلاتا وطيووبه❤،،،قال ليها اي شديد،،،قالت ليهو ربنا يحفظا ليك،،قال ليها اللهم امين ياخ😻❤،،،بعد يمان طلع غرفتو،،،جات امها،،قالت ليها انتي متخفله😠،،،بتشكريهالي،،كده ماح يعاين ليك،،،وتعبك دا كلو ح يروح علئ الفاضي،،،قعدت تضحك وقالت لي امها،،،المسكنه يا يمه،،اتمسكن واتمسكن،،،لحدددي ما اتمكن😊،،،،#
