الضابط المستبد والخرساء( افراح حزينه)

البارت الاول

اسمي افراح عمري 16 سنه تاركه المدرسه بسبب النطق لاني خرساء اعيش مع عائلتي في الجنوب في محافظة الناصريه
مواصفاتي حنطاويه عيوني خضر وراثه على جدي شعري اشقر مو طويل كولش لناهية ظهري وزني 59 بعض الشيء مربربه طولي 168 عائلتي تتكون من :

الاب (جاسم): 50 سنه يشتغل موظف         بوزارة الزراعه
الام (فاطمه): 46 سنه ربت بيت
الاخ الاكبر (اكرم): 27 سنه يشتغل بيع وشراء سيارات يعني بالمعارض خاطب بنت عمه علياء
الاخ الوسط(حسنين) : 25 سنه عسكري تجنيد الزامي خدمه عسكريه لان القصه بزمن النظام السابق
الاخ الاصغر (احسان) : 20 سنه طالب كلية تربيه انكليزي

الاخوات :
(اكرام 18 سنه ،،، زينب 13 سنه ،،، والتوأم إيلاف واطياف 10 سنوات )

البطل :
اسمي حمزه عمري 37 سنه ،عملي ضابط بشرتي بيضاء شعري اسود عيوني سود حادات  شخصيتي عصبي قاسي مستبد بسبب الضروف الي عايشها بطفولتي بعدين اطرق للاسباب مزوج بنت عمي وهاجرها بيت اهلها وعايش لوحدي اني وامي عائلتي تتكون من امي فقط لان اني كنت وحيد لامي بعد وفاة والدي واني صغير
ام حمزه(سليمه): 56 سنه تعاني من شلل باطرافها السفلى وخلل بالعقل تفقد السيطره على نفسها احيانا…
سناء (زوجة حمزه وبنت عمه) : 32 سنه ربت بيت مواصفاتها خبيثه وبنفس الوقت متحب حمزه لان كانت تحب ابن خالتها وزوجها ابوها غصب ل حمزه
نرجع للبطله ،،

افراح :
قصتي تبدا من كان عمري 16 في سنه 1997
كانت عائلتي بسعاده وراحه على الرغم من حالتنه الماديه متوسطه ولكن عايشين بدون منحتاج اي احد ابوي ممقصر علينه بشي واخوي الكبير يشتغل حتى جاء اليوم المشوؤم الي قلب حياتي وحياة اهلي…

الام :افراح يله اكعدي جهزي اخواتج للمدرسه راح يتأخرن وجهزي الريوك لأبوج واخوانج

افراح :…… بلا كلام كعدت (لان متنطق بس بالاشاره)
رحت سويت ريوك وجهزته ورحت كعدت البنات التوأم إيلاف واطياف وجهزتهن ومشطت شعرهن لان اصغار ميكدرن بوحدهن
اخواتي اكرام وزينب عصري
الاب :صباح الخير
الكل عدا افراح :صباح النور (طبعا افراح ترد بداخلها)
تريكو وطلعو لدوامهم
الام :يمه فريحه (دلع افراح) خلصي شغل البيت واني اروح اكعد اخواتج هذني الخارمات (خارمات يعني مو نادرات ) شنو النوم لهسه وانتي تفترين والشغل كله عليج
راحت الام كعدت البنات طبعا بالصياح عليهن وانواع الرزايل يله كعدن
افراح : بالاشاره يمه كملت التنظيف اسوي غدا
الام :لا يمه انتي روحي ارتاحي اني راح اسوي الغدا
افراح :رحت لغرفتي طبعا غرفتي اني وخواتي التوأم لان متعلقات بيه من هنه وصغار عندي بالغرفه مالتنه كنتور ابو 3 خانات خانه منهن عباره عن مرايه طويله يعني ينشاف بيها كل الجسم ،،،
تباوعت بالمرايه على شكلي .. ليش ياربي اني شنو ناقصني مااحقق احلامي بسبب انو اني خرسه وظليت امدح بنفسي كدام المرايه
قاطعني صوت اخوي اكرم
اكرم :افراح تعاي حضريلي جنطه صغيره وخليلي بيها ملابس الي اريد اروح لبغداد بشغل
افراح :بالاشاره من عيوني
رحت حضرت ملابس اكرم بالجنطه وخليتهن على سريره وطلعت لكيته يم امي يبوس بأديها
بعدين سلم علينه وطلع
افراح :(بالاشاره) يمه شبيج ليش ضايجه اكو شي
الام :ماادري يايمه كلبي لاجمني على اخوج ماادري ليش هالمره كلبي مامرتاح