انا:العفو يلا باي طلعت ومشيت الداخليه انا:السلام عليكم البنات وعليكم السلام انا:انا وتين وحاسكن معاكم جات بت ليه الرسميه دي انامتاب واشرت علي بت تانيه ودي ماب ودي رزان ودي امنه ودي اسماء متاب:غيري وتعالي اتونسي معانا انا:طيب استحميت وصليت وقعدت اسماء:شكلك هاديه م زي ناس كدا وعاينت لمتاب متاب:قصدك انا مزعجه ماب:واكبر مزعجه كمان وبدن يتناقشن ويضحكن اتذكرت تنزيل وتسنيم اشتقت ليهم لكن لازم انساهم حارجع ليهم بعد اقرا الطب مشيت نمت وصحيت الساعه 6 صليت وقعدت اقرا عاينت امنه:قومي اكلي كنا منتظرنك انا:شبعانه اسماء:لينا ساعتين منتظرنك وتجي تقولي شبعانه غصب تاكلي قومي م انادي ليك متاب تجي تنق فيك لمن تزهجي رزان:قومي ي وتين انا:طيب اكلت معاهم واصلا انا شبعانه بقيت امضغ ببط عشان م يزعلن اتذكرت م جايبه اي شي معاي يخص الاكل بكرا حامش السوق واسوق معاي ايثار مشيت اتم القرايه اتذكرته تلفوني م فيو كهربا وصلتو و فتحتو لقيت كم مكالمه من عمي ومؤيد وتسنيم وخالتو مريم وتنزيل اكيد م كنت حارد عليهم لقيت رساله من مؤيد ولا فتحتها فتحت الواتس ولقيت اكتر من الف رساله منهم ومن فادي رديت علي رسايل فادي وشكلو م عارف شي ونستو كانت عاديه اه ورساله من فهد ي كرهي للمخلوق دا بحب يتسيطر في كل شي زم بفلح الا للاوامر وعصبي خلاص م رديت ليو مرقت الشريحه ودخلت واحده جديقفلت التلفون وقريت بعديها صليت ونمت نمت بدري عشان اشوف امي في احلامي قبل النوم بفكر بيها وهي بتزورني في الاحلام اكيد انا مجنونه صحيت اذان الصبح ولقيت رزان صاحيه رزان:صباح الخير انا:صباح النور رزان:اول مره زول يصحي معاي انا:متعوده اصحي بدري رزان بحاول اصحي ديل وانتي امشي اتوضي خلينا ننزل نصلي مع البنات تحت انا اتسوكته واتوضيت ولمن طلعت ليت رزان ترش فيهن بالمويه رزان:اقسم بالله بعد ل10 والم بتقوم بحمما بالمويه البارده دي كلهن قامن مخلوعات وفي نفس اللحظه جرن علي الباب عايزات يطلعن رزان:دا حال كل يوم بصحيهن كدا بننزل نصلي وبنومن تاني انا:وانتي م تنومي رزان:لا م بعرف انوم انا:نفس الشي رزان:منو العودك تصحي اذان الصبح انا:براي م في زول بصحيني رزان:م شاءالله انا لو م امي م كنت حاتعود امي بتصحي البيت كلو حتي اخواني وبتقيف لمن يمشو الجامع انا:وابوك وين ليه م بصحي اخوانك معاو رزان:ميت ونزلت دمعه منها مسحتها بسرعه يلا الصلاه وبقت تردد ربنا يرحمك ي ابوي كانت بتدعي لابوها ودموعا ابت توقف صلينا ورجعنا كلهن نامن الا انا ورزان بديت اقرا قران وهي كمان ارتحت لرزان دي م عارفه ليه بس زوله طيوبه وحنينه راجعت شويه ولبست ولقيتهن جايطان وبسالن من حاجاتن طلعنا كلنا سوا لمحت عربيه عمي ومؤيد وفعلا كانو ديل هم كنت متفقه مع ايثار لو جو وسالو تقول ليهم وتين انتقلت من بدتيه السنه بس هي هسي م معاي وقفت وكلهن عاينن لي رزان:مالك وقفتي في شنو امنه:نسيتي شي انا:لا بس ممكن اطلب منكم طلب متاب:في شنو خوفتينا انا:شايفين العربيه ديك عاينن غي زول حيسال مني وانا م عايزه يعرف اي شي عني لو سمحتن قولو ليو من اول السنه م شوفتوني وسمعتو اني اتحولت لجامعه تانيه وقولو في ناس قالو سافرته امنه:ولت يهمك والله نلعب بيو لعب ممكن نضيف شويه كلام من عندنا انا ضحكت:ايي بس باسلوب مقنع م تخلو يشك بشي تمام اسماء:خليها علينا ومشن فعلا عمي ومؤيد نزلو و وقفوهم واتكلمو معاهم كنت بعاين لملامح عمي المصدومه ومؤيد يحاول يكون طبيعي ابتسمت لسه م شفتو شي والله اجننكم اصبرو بس بعد مسافه اتحركو والبنات دخلن لحقتهن ولقيتهن يضحكن انا:شكرا م بعرف كيف ارد ليكم جميلكم دا والله ماب:ولو نحنا اسره واحده اسماء:شكلهم بحبوك ليه كذبتي عليهم م شفتي الراجل الكبير قرب يقع متاب:انتو في الراجل م شوفتو الولد لمن قلنا ليو م شفناها من اول السنه وشو دا اتغير ورجفت صوتو واضحه انا:قال ليكم شنو امنه تحاول تقلد صوت مؤيد:احم احم لو سمحتي ي اختي ممكن اسالك رديت ليو اتفضل ي اخوي الولد بتعرفي وتين اليوم جات ولا لا ردت ليو اسماء وتين وتين محمد سمعت انها اتحولت تاني قالت ليو ماب وفي ناس قالو انها سافرت برا السودان وم حترجع هسي تاني قال لينا كيف طيب م بتعرفو عنها اي شي تاني قلت ليو لا طيارتها امس وجات ودعتنا وفاتت لكن م عارفين وين سافرت الولد شكرا ي اختي ههه بالله عليك كيف م خطيره انا:ههه خطيره ساي هبلتو بولد عمي كلهن:ولد عمك انا:اي ولد عمي ومتربيه معاو في نفس البيت كلهن:وليه بتكذبي عليو حرام وعليك وعمك الليله بتسمعي بموتو انا:يستاهلو اكتر من كدا وتاني لو جو سالو عني اصرفوهم بنفس الكلام دا عاينن لبعض بصدمه ورزان بتاعين لي وبتبتسم انا:يلا المحاضره بدت شفت ايثار جايه علينا وقفتهن سلمن عليها واتعرفت عليهن وحكيت ليها كل شي ايثار:خلاص كدا تاني م حيفتشو ليك بس بعدو سفر من دوله لدوله انا:الفتره دي بس الحينشغلو عني بس تاني حيرجعو يسالو ايثار:طيب نفكر بعدين يلا المحاضره بدت
