مرا اسبوع وفهد في العنايه م صحي لسه ضميري كان بانبني انا السبب لو م اتكلمت معاو كدا م كان حيسوق بسرعه لو م صحي في الايام الجايه تاني مستحيل يصحي وليد حاول يطلعني من الحاله الانا فيها كان كل يوم بزورني وبقعد معاي ابوي كمان م خلاني براي وخالتو مريم بس انا رفضت تقعد معاي بس كلهم بزوروني وبطمنو على وعلى فهد ابوي:وتين عايزه اكل انا هزيت راسي بالرفض وليد:وتين عشاني اكلي انا:م عايزه عايزه انوم بس متين حاطلع ممكن تسال الدكتور ابوي:طيب خليك معاها ي وليد وطلع وليد:بتحبيو للدرجه دي انا:واكتر وليد:ليه م حكيتي لي عنو انا:م عرفت اني بحبو الا في الاسبوع دا مع اني عشت8 سنوات براي بس يكون هو بتكلم ويتشاكل معاي م زي م يكون م موجود وجودو مطمني وليد:حيتحسن ان شاء الله قطع كلامو دخول ياسر ومحمد ياسر:وتين جا حضني حمدلله علي سلامتك خوفتيني عليك انا:الله يسلمك بقيت كويسه ياسر:ظاهر محمد:شكرا ليك ي وليد بتقدر تمش انا:وليد م متحرك من هنا لو في زول لازم يطلع فهو انت وليد:حاجيك بعدين انا:لو طلعت من هنا انساني تاني م حاتكلم معاك ومحمد الباب فاتح محمد عاين لي ولي وليد بحقد وطلع وليد:اوف بقيتي عصبيه ليه عملتي كدا انا:عجبتك طريقه كلامو ياسر:خلاص امي وابوي جايين يشوفوك كانو عايزين يجو بس خافو تتطرديهم واخوالك كل يوم بجو وبسالو عنك انا:م عايزه اشوفهم وليد:وتين في النهايه هم اهلك انا:بنتناقش بعدين ياسر:احلي ي العاشقه كبرنا وبقينا نحب انا:ياسر م وقتك وليد:لو شفت دموعها الاسبوع كلو تبكي تصحي تقعد تبكي يدخل زول تمسح دموعا وكل دقيقتين عايزه اشوفو بقي كيف وم بعرف م عرفتها ياسر:هههه😂😂حركات والله انا:اطلعو برا ابوي:مالكم مع بتي انا:بابا شوفهم ياسر:ابوك ي الدلع طيب ناديني خالو 😂 ابوي:اطردهم ليك انا:اي ازعجوني ياسر:شوف شوف ازعجناها وليد:الحق علينا خلينا شغلنا وجينا نطتمن عليك اخرتها طرده انا:منو القال ليكم تعالو ياسر:اخص الاخت جاده قوم ي ولد قدامي انا:اوف مالكم زعلتو الواحد م يهظر معاكم وليد:دا كلو هظار ياسر:اعتذري اول انا:طيب اسفه خليكم ابوي:نسيت فهد اتحسن واتجاوز مرحله الخطر وطلعو من العنايه انا:جد الحمدلله ابوي عليك الله عايزه اشوفو ابوي:طيب بس اول شي تاكلي وبمش اسال الدكتور انا:جيب الاكل ي ولد واسرع ي ابوي ضحكو علي وابوي مشي يسال الدكتور اكلت بسرعه ياسر:براحه ي بت م تخنقي ونبتلي وليد:براحه الحب م طاير انا:شبعت ودوني ليو ابوي:يلا ومشيت ليو عمتي شافتو وطلعت وعمو صالح كمان ابوي حلف يمشو يرتاحو دخلت وحالتو كانت صعبه جريت الكرسي وقعدت انا:ابوي ممكن تجيب لي مويه ابوي:طيب عاينت لياسر و وليد ياسر:وليد ممكن تجيب لي عصير وانت ي ياسر ممكن تجيب لي اكل ياسر و وليد ضحكو ياسر:طرده بطريقه غير مباشره وليد:اليوم انهنت جنس اهانه طرده من وتين وطرده من محمد ضحكنا عليو انا:اوف ياسر:خلاص خلاص طلعنا طلعو انا عاينت لفهد ومسكت يدو:خوفتني عليك يمكن تكون م سامعني انت عارف انا حبيتك وبدون م احس كنت كل يوم بتشاكل معاك كنت بكرهك بس الكره اتحول لحب كيف ومتين م عارفه بس الحادث دا وراني الويل فكره اني افقدك واعيش بدونك قربت للجنون وكلامي معاك اخر مره كلو كذب حبيت انتقم منك تتذكر لمن كنت مع بت قاعدين تشربو في قهوه انا جنيت عديل كان نفسي اقتلك واقتلها صدقني وم لقيت طريقه اقهرك بيها غير اني اكذب انا م حبيت غيرك كنت مفكره اني بحب فادي بس طلع حبي ليو حب عابر بدونك انا ولا شي اسفه علي كل شي كنت كل يوم بقرا الرساله البترسلها لي كل ذره كره في قلبي اتحولت لحب م بعرف لو كنت سامعني او لا بس بتمني تكون سمعتني جيت عايزه اقوم بس فهد مسك يدي واتكلم بتعب:وانا كم ان بين ح ب ك انا:صحيت فهد دقيقه انادي الدكتور فهد:خليك معاي انا دموعي نزلت بقيت اضحك ودموعي تنزل فهد:كنت خايف تكوني لغيري ودموعو نزلن اتعذبت بحبك وانتي ولا هامك ومتجاهلاني تماما انا:اسفه فهد:حاسي نفسي حاموت انا:بسم الله عليك انت اتحسنت واتجاوزت مرحله الخطر فهد:اوعديني م تخليني انا:م بفرقني عنك الا الموت اتعافي بسرعه فهد:حتوافقي علي اذا خطبتك انا:اكيد فهد:طيب نعقد اليوم انا:بطل سخافه ي ولد اتحسن اول فهد:بقيت كويس انا:حيخرجوك بعد اسبوع لو اتحسنت بسرعه اما لو م اتجسنت اقل شي اسبوعين فهد:اول م اطلع حاخطبك انا:اتحسن اول وبعدين نفكر دخل جدي معاو عمو صالح وابوي وعمتي مها ومحمد فهد:خال محمد انا عايز اخطب وتين انا م عرفت امش وين كلهم بقو يعاينو لي انا وشي بقا لونو احمر من الخجل كنت عايزه اطلع بس وقفني فهد اخ بكرهو ابوي:وانا م موافق عايز اعوض 28 سنه ضاعت كل لحظه وكل دقيقه مرت وهي م معاي فهد:كيف ي خال انا حاختها في عيوني م حازعلها حاهتم بيها وم حاخلها تحتاج لشي جدي اتكلم معاو جدي:ابوها م موافق انا اعمل شنو فهد:امي ابوي قولو شى اقنعو عمتي مها:ابوها رافض م بيدنا شى حاشوف ليك واحده تناسبك فهد:بس انا بحبها و غيرها م حاتزوج كلهم ضحكو وفهد ظهرت علامات الضيق في وشو عمتي مها:حرام عليكم الولد زعل ابوي:انا حالقي زيك وين لو على انا موافق بس راى وتين هو الاهم فهد:جد الحمدلله وتين موافقه صح ي وتين انا كنت ساكته وم رديت فهد:شفت السكوت علامه الرضا جدي:م تخجل البت خليها فهد:يلا العقد اليوم ضحكو تاني جدي:العرس بعد شهر الكل وافق
