زوجة حجي نعمه #بقلم ايلول غول

قصص عراقيه #زوجه حجي نعمه الجزء الاخير

زوجه الحجي نعمه 7
كعدو وطلبو عشى ..
جانت ساكته ماتحجي وكل ماتنزل راسها احمد يلگاها فرصه حتا يرجع يباوع عليها ومن ترفع راسها يبعد نضره عنها ..لزمت كوب المي وبنفس الحظه احمد لزم الكوب ايده لمست ايدها سحبت ايدها واحمد ترك الكوب
احمد: اسف ..
سمر:على شنوو
احمد:شربي مي ..
سمر :احمد بعدك عايش بنفس المحله ..
احمد:اي اهلي موجودين هناك ..
سمر: ليش انت معايش وياهم
احمد: اي بس هم اروح الهم ..
سمر: وبيت اهلي يعني اهلي بعدهم عايشين هناك
احمد:شنوو ؟؟متعرفين وين اهلج عايشين .. شو ساكته ..
سمر:خلص غير الموضوع ..
احمد:اذا اكو شي احجيلي ..
سمر:لا ماكو شي
سمر رجعت للبيت شغلت الضوه البيت هدوء صعدت لطابق الثاني وهيه تمشي على الدرج تذكرت قبل الحجي من سحب شعرها وضرب راسها بلحايط ..دخلت لغرفتها وكعدت كبال المرايه مسحت التاتو البحاجبها وبين اثر الضربه وطبره الحاجب باوعى بلمرايه وتذكرت ابوها بعد ماشفته بعد سنين ..
صار الصبح وتصلت بمحمد
اجه محمد للمصنع ..
شاف اخته ..
سمر:محمد حبيبي شتاقيتلك لاتسئل لاتگول عندي اخت ..
محمد: اني مصدوم جاي تفهميني سمر
سمر:خلص صار اليصار ..المهم جاي تدرس مو
محمد:اي
سمر: محمد لاتهتم بشي ..اختك موجوده شتحتاج اني موجوده ..شغله ثانيه اليوم راح اجيبلك احلى سياره
لان دموعك ماجاي انساهن
محمد: اني مااريد شي سمر ..
سمر:محمد يالله كافي دلع ومااريدك تشتغل وتعب روحك انت اخو المدام دوله وعلم
محمد:اني فقير ..امشي بصف الحايط واذا مااشتغل ما راح اكدر ادرس اني اريد اشتغل ...
سمر:تحب الاحترام گوم يالله تعال وشوف الاحترام بعينك ..
سمر تباوع من فوگ الدرج وجاها المسؤل و المعاون المدير
سعدون:مدام صاير شي ..هذا موضف جديد اني ادليه بشغله
سمر :تروح تجمع الموضفين كلهم سعدون حتا المهندسين والصناع والاداريين ..
سعدون جمعهم كلهم واحمد جان من ضمن الحضور
سعدون:مدام جمعتهم كلهم ..صاير شي
سمر :انزل واوگف يمهم ..سعدون نزل ..
سمر:محمد شوف من كلت كلها تجي ..شفت كلها اجت
الكل اهنا يحترمني ..وانته هذا مستواك فوگ لانك اخوي ..
العمال يتسائلون بيناتهم ..
سعدون اسكتو..
اسعد واحد من العمال: اتساذي خاف تطردنا لام ضاعفت الراتب وانطتنا فوگ حقنا وصرفتنا رواتب واحنه كاعدين
سعدون :اسكت يمعزه المدام فوگ
سمراشرت بيدها يهدئون ويسكتون ..صار هدوء
سمر: اتمنى تكونون بخير وشكرا على جهودكم بلعمل
اريد الگل يعرف محمد الاستاذ محمد اخوي الاصغر
مدير المصنع ومن العائله المالكه تسمعون كلامه وهوه مخول يتصرف باي شي اذا كنت ماموجوده ..
محمد:سمر ليش يباوعون عليه ..
سمر:يالله محمد خل نروح لمعرض السيارات ..
سمر جانت تسوق بلسياره
محمد: اني مافهمت شي سمر
سمر: انته اخوي الزغير لازم تعيش احلى حياة ومن تشوف شباب وضعهم احسن من وضعك ..لاتتحسر وتكول ليش اني حظي مومثل حظهم ..انته صرت احسن منهم ..راح كلشي بنفسك وتريده راح يكون الك
وصلو للمعرض ..
مر كم يوم ومحمد تعلم السياقه ..
محمد جان نايم وسيارته بلباب دوج بيضه 2018
رزاق :سلمى شوفي الناس التعبانه ماكو بس باب بيتي يطبگون بيه سياراتهم الراقيه ..
سلمى:شنوو سياره بابنه
مرام:خلي اروح اشوفها ..راحت ورجعت
مرام:ماما السياره تموت تذبح تگطع
سلمى:روحي جهزي روحج لجامعه يالله ..
محمد:صباح الخير ...ابوه شافه مغير ستايل وقصه شعره
رزاق:شمسوي بروحك ولك
محمد:ستايلي من بعد اليوم
رزاق :فگر خل يكون عندك فلوس اجره لجامعه بعدين بذر
محمد:ماكو داعي جاي تشوف ..بلباب سياره راقيه هذه مالتي ..
رزاق:ههههاي ضحكتني واني جاي من خفارتي تعبان ..خطيه بعده يحلم ..
محمد:وداعتك بابا سيارتي
رزاق:ولك لاتحلف بيه جذب ..فكر
محمد:اختي جابتها اليه سمر ..وهيه غيرت ستايلي ومن حسابها افول السياره بانزين ..ولبسي وطلعتي وكلشي ..
رزاق:ولك وين شفت سمر ..ورجلها خلاك تشوفها
محمد:الحجي مات بابا ..والدنيه دواره ...محمد دخل لغرفته ..
سلمى:مات الحجي ..شوكت مات ..
رزاق:ابنج يتفلسف براسي راح افتهم منه ..
الصبح سمر راحت للمصنع جانت تعبانه ..من الصبح
صارت ب10الصبح السكرتيره دخلت ..
السكرتيره : مدام اجه رجال راد يشوفج ويلح يريد يشوفج ..
سمر:منار كتلج مااريد لااتصالات ولا اقابل ناس
منال:يكول كوليلها رزاق عبدلله ..
سمر:منوورزاق خل يدخل ..
رزاق دخل وشاف سمر كاعده وره مكتب فخم ومخليه مكياج ..
رزاق:شلونج مدام سمر
سمر:بخير
رزاق : ترجعين للبيت ..رجلج ومات
سمر:وترجع وتبيعني مره ثانيه
رزاق :اسكتي بس
سمر: لاترفع صوتك كمت ماخاف منك ..
رزاق:ابوج واجبج تحترميني وتطيعيني
سمر:انته متت بنضري من زمان من ساعه ماحرمتني من امي واخواني وطفولتي ..تندل الطريف ارجع من حيث اتيت ..يالله
رزاق:سمر
سمر:لاتصيح ..ترفع صوتك مره ثانيه اخلي الحرس يطلعونك منا
رزاق: انتي تحاجين ابوج بقله ادب
زوجه حجي نعمه8
رزاق:شنو هل التبرج زوجج شكد صارله من مات
سمر:قصدك الحجي ..مات صار 3اشهر ..وبكيفي حره اسوي اليعجبني وانته ماموجود اصلا بحياتي لاتحاول تفرض نفسك علي اني مو سمره الزغيره ..
طلع رزاق وسمر دخلت للحمام غسلت وجها وباوعت بلمرايه ..
سمر:خلص سمر كابوس وانتهى ..انتي قويه طلعت من المكتب وجها جان من دون مكياج ..عدلت شعرها وطلعت رادت تركب السياره واحمد طلع بوجها
احمد:مدام ..
سمر: اهلا احمد
احمد:محتاجه مساعده ..
سمر جانت اديها ترجف
سمر:تعرف تسوق
احمد:اي
سمر :وصلني للبيت بسيارتي
رزاق رجع للبيت ..
سلمى:قبلت ترجع وياك مو..
رزاق : مارجعت سلمى ..سمر متغيره تكول انت متت انت مو ابوي وانت ماتخوفني ..
سلمى: اني اريد بنتي كافي نحرمت منها سنين
رزاق:سمر الشفتها اليوم موبنتنه ..انسيها ..
احمد جان يسوق وسمر تدل بيه على الطريق ..لحد ماوصلو حديقه جبيره انفتح الباب
احمد:هذا منو ...الواكف مثل الصنم
سمر:الحارس فلاح ..
سمر نزلت من السياره وجان عدها صداع ..تمشي وتوگف
احمد:انتي بيج شي ..شو مو على بعضج
سمر: ماكو شي تكدر تروح
احمد تركها ورجع لمن وصلت الباب التفت عليها رادت اتطلع المفتاح من جيب البنطرون ..للحضه سمر فقدت التحكم بنصف جسمها الثاني ارتخت ايدها ماحست بيها بعدين رجلها وكعت وانضرب راسها بلباب من صدر صوت التفت احمد عليها شافها واكعه ..ركض بسرعه حاول يحاجيها بس عيونها مفتوحه ..يحجي وياها مترد عليه متكدر تحجي ..
احمد:سمر احجي وياي ..
احمد حاول يفتح الباب مكدر الباب مفتوح ..
احمد:وين المفتاح احجي سمر ..سمر بوعيها بس متكدر تحجي ..اشرت بيدها الثانيه على جيبها طلع المفتاح ..فتح الباب شالها وخلاها على القنفه ..جابلها مي رفضت تشربها ..
احمد:خوفتيني احجي ..
سمر غمضت عيونها ..
احمد:سمر احجي وياي شجاج ..سمر
احمد باوع على وجهها تلمس وجها وحواجبها شاف حاجبها مضروب ..تلمس عيونها ..احمد جان يحجي وياها بس هيه حتا متحركت ..
احمد اخذها للمستشفى ..بسرعه جان خايف ..
دخلها طوارئ الطبيب من طلع سئله
احمد:دكتور شبيها سمر ليش مغمى عليها
الطبيب: زوجتك تعرضت لصدمه نفسيه لو وكعت من مسافه عاليه ..شنو اليصار
احمد: مجان بيها شي بس فجئه اغمى عليها بلبدايه عدها مثل حاله الصدمه بعدين صار اغماء
الطبيب :بسيطه لاتخاف ماكو شي هسه تصحى ..
مر الوقت وصار ساعه ونص سمر كعدت
احمد:سمر شلون صرتي
سمر:مي ..عطشانه
احمد راح جاب مي وخلاه بكوب بلاستيك ..انطاه لسمر رفعت ايدها بس لزمت الكلاص حاولت تشرب وكع الكلاص من ايدها وايدها وكعت على صدرها
احمد: سمر انتي تعبانه اني راح اساعدج
احمد باوع عليها شافها تبجي طلع يركض صاح الطبيب ..
احمد:دكتور شوف سمر شبيها ليش تبجي ..
الطبيب:سمر تحسين بشي ..سمر حجت بصوت ناصي وهدوء
سمر: افقد السيطره على التحكم بايدي ورجلي ...
الطبيب : احمد اني راح اتصل بلطبيب الاختصاص
سمر خذولها اشعه ومفراس ورنين ... انطو موعد اسبوع لنتيجه النهائيه ..
سمر طلعت من المستشفى ..
ثاني يوم احمد ينتضر جيه سمر للمصنع
اجت سمر واخوها محمد ..دخلو للمكتب ..
محمد:سمر ايدج شبيها ..شايف اثر شنو ضاربه ابره
سمر:شايف ابره تنضرب بجف الايد ..لاهذه مكان الكانوله ..
محمد:خير
سمر:سلامتك خويه ..كول انت محتاج شي
محمد:سمر الفندق النطردت منه فندق الحجي
سمر: اي احجي
محمد:ماانسه جان الكل يباوع عليه جني حرامي ويستهزئون بيه ..صدكي اني ماسرقت ..حسيت بنفسي نقص
سمر:خلص شي صار وانتهى لو ماصار اليصار ماجنت شفتك بحياتي ..كول محمد التريده ايصير
محمد:اريد اشتغل بلفندق ..
سمر:متحتاج شغل عليك بدراستك وبس
محمد:ابوي يسئلني من اين لك هذا ..اني اريد اشتغل عاجبني اشتغل بلفندق
سمر:خلص حلال عليك ..تتعلم وتدخل بالاداره
محمد:شنو اداره جنت متوقع اشتغل مسؤل صاله
سمر :انته اخويه وحبيبي مكانك فوگ ..بلعالي واريد الجميع يحترمك ..راح تكون الك نسبه جبيره تساعد نفسك واخوانك ..ودراسه اختك ..لاتخليها تحتاج شي
محمد: ماشي بس شوكت اباشر بشغلي
سمر:بلوقت اليعجبك ...وانته تستلم الاداره..
محمد باس اخته براسها وطلع فرحان ..
سمر :انشالله دوم الضحكه
احمد دك الباب
سمر:ادخل ..دخل احمد
احمد :صباح الخير شلون صرتي
سمر:صباح النور ..تمام الحمد لله
احمد: من تحاتجين اي مساعده اني دائما موجود
سمر:تسلم ...احمد راح ..مرت ايام وبلليل جان احمد ويه صديقه مصطفى صديق طفولته جانو بلمقهى
مصطفى: الدنيا متسوه شبيك متغير ومهموم
احمد:سمر
مصطفى: موسدينه هذا الموضوع وانتهى
احمد:لا ماينتهى ماطول هيه گبال عيني 24ساعه
مصطفى:شوف لك طبيب نفسي بلكي تنساها
احمد:مصطفى افهمني سمر مالكه المصنع الاشتغل بيه
وكل مااشوفها كلبي يموت فهمتني
مصطفى:هيه متزوجه انساها موتزوجت واختارت غيرك ليش لازك بيها دمرت حياتك بسببها
احمد: ماعلي بلماضي
زوجه حجي نعمه 9
احمد:هسه اترملت ومامستعد اخسرها مره ثانيه الحياة بس وياها تنعاش ومايهمني رئي الناس المهم اني مقتنع بهذا الحب ..
مصطفى:انت مجنون رسمي
مرت اكثر من 3اسابيع ..
وسمر جانت تتعب من تتعب نفسيتها ..والدها يحاول يضقط عليها حتا ترجع تعيش وياه ..
بيوم من الايام سمر جانت بلمول جانت على الدرج المتحرك متجه لطابق الاسفل ..بيدها اشياء مشتريتهن
حست شخص لمسها من جتفها قبل لاتلتفت ليوره سمر لمست الايد وباوعت ليوره جانت امها وكعت الاغراض من ايدها ورجعت ليوره ..شافت الدموع بعين امها
سمر اتفاجئت ..
سلمى:بنتي سمر ..حضنت بنتها وباستها براسها وبخدها بس سمر حتا مارفعت ايدها وحضنت امها ..ابتعدت عن امها بسرعه ..نزل دمعها وجانت معصبه ..
سلمى:بنتي سمر اني امج خليني اشمج واشبع شوف منج
سمر:انتي مو امي اششش لاتحاولين تقنعيني انتي امي طلعت من بيتكم عروس لشايب ومكدرتي حتا تحميني ..مكدرتي تمنعين اليصار انتي ام ضعيفه ..اني مواامي ..
سلمى:اهدئي بنتي ..لاتعصبين ..انتي بنتي موبيدي اليصار انفرض عليه مثل ماانفرض عليج
سمر:شوفي ..سمر مسحت حاجبها ..شوفي هذا قدري جنت انضرب وانذل وانهان ومجبوره اتحمل بعتوني لاتنتضرون مني رجعه ...امها جانت وياها بنتها مرام الزغيره
سمر باوعت على اختها خذت اغراضها ورادت تروح وامها لزمتها من ايدها
سلمى: لايصير گلبج قاسي يمه سمر ..فدوه حاجيني
سمر دارت وجهها وراحت امها ضلت تبجي
مرام:ماما الله يخليج لاتبجين
سلمى:هذه اختج الجبيره شنو نسيتي
مرام:انتو كتولي اختج ماتت ..والميت مايرجع مستحيل ..
سمر بلسياره جانت عصبيه وتبجي لحد ماحست بصداع قوي جانت وضيق نفس نزلت الجامه ..
بعدين فقدت الوعي ماحست بشي رخت كل جسمها السياره خففت سرعه وصارت تمشي تتمايل ..
لحد ماانتبه شاب جان يسوق بسيارته نزل بسرعه من سيارته وتبع سيارتها جانت تمشي على البطيء
راد يفتح الباب ماانفتح خله ايده بلباب وفتحه دخل بلسياره وگفها ..
حاول يصحيها ..ماصحت غسل وجهها بلمي جانت بخضن الولد گعدت بسرعه دنگت راسها ولزمت خشمها باوعت بيدها شافت دم ..
الشاب اني اسمي طارق اكدر اخذج للمستشفى
سمر:ماكو داعي شكرا لانك ساعدتني ..باوعت بوجهه
طارق :ياربي ..شنو هذا دم ..لازم تروحين للمستشفى
سمر : ماكو داعي ..سمر كعدت وراحت للمصنع جانت دايخه ومتعرف وين تروح غسلت وجهها بلحمام جان داخل المكتب ..من طلعت اندك الباب ..
فتحت الباب جان احمد ..باوع بوجها شعرها مبلل بعدين باوع على القميص جان بيه نقط دم ..
احمد :سمر..لازمها من جتفها بثنين اديه ورجعها ليوره ..كعدها على الكرسي
سمر:احمد صاير شي
احمد:احجي انتي دم على القميص صاير شي
سمر: نزف انف بسيط ..
احمد: شنو طلعت نتائج الفحوصات
سمر:اي فحوصات ...هاااا تذكرت اصلا ماخذتهن ..لان ماكو شي ..جانت ازمه نفسيه ونتهت ..ماكو شي ..
احمد طلع من المكتب وراح للمستشفى وسحب النتائج
وراح لطبيب المختص اطلع على كل الفحوصات
احمد:دكتور هدوءك وسكوتك يخوفني
الطبيب: سمر صاير وياها حادث قوي ..
احمد:ما اعرف ...
الطبيب:سمر متعرضه لحادث او ضربه قويه براسها
شوف احمد نتيجه الحادث القوي صاير نزف بالاوعيه وتخثر بلدم ومن فقدت حركتها لان الاوعيه تنقلق بلخثر ..سمر بفضل معجزه لحد الان عايشه ومكمله حياتها بصوره طبيعيه ..تحتاج سمر عمليه لسحب الدم المتخثر وهذه عمليه خطره ومكلفه ..
احمد: تكدر تعيش من دون عمليه
الطبيب: حياتها بخطر افهمني لازم عمليه ..التاخير موزين لان الاوعيه تنغلق بسبب الضقط حدث عدها شلل مؤقت سابقا ..احتمال بسبب نضح الاوعيه يسبب نزف مميت ..اخذ التقارير جان يسوق بسيارته ويفكر بكلام الدكتور ..بعدها تذكر من سئله عن الحادث وتذكر اثر ضربه بحاجبها ..
بلليل احمد مكدر ينام ..راح لبيت سمر ..
الحارس اتصل بسمر وسمر استقبلته ..
دخل احمد للبيت سمر نزلت من الطابق الثاني ..
سمر:صاير شي ..احمد معقول صاير شي ماتحملت الصبح تخبرني بيه ..
احمد وگف گبالها وباوع بوجهها شاف حاجبها مخليه على الفراق تاتو لزم وجها ومسح حاجبها
سمر:احمد شبيك ..احمد ليش هذا تصرفك
لزمت اديه وبعدتهن ..ضل لازم ايدها باوع بعيونها
احمد:شنو هذا الاثر ليش حاجبج مطبور
سمر: هوه هيج
احمد:لا مجان هيج ..شنو اليصار احجي ..
سمر باوعت بعيونه وتذكر اليصار وشلون حجي نعمه لزمها من شعرها وضرب راسها بلحايط ..سنر رجفت وسحبت اديها من اديه ..
سمر:مصار . مصار اي شي
احمد: لا صار شي عيونج ببهن حجي ..
سمر: جاي بليل بهذا الوقت بس حتا تسئلني عن حاجبي ..احمد روح
احمد: سمر اخذي هذه الاوراق والتقارير وروحي لدكتور جراح اي دكتور وراح تعرفين اني ليش اجيت احمد طلع وترك الفحوصات ..
الصبح سمر راحت للمصنع واتصلو بيها من مصنع الزجاج ..طلبوها باجتماع
سمر راحت وطول الطريق القانوني اتصل بيها وفهمها
دخلت للاجتماع وشلفت طارق بلصدفه
زوجه الحجي نعمه 10
طارق من ضمن الحضور جانو رايدين تصنيع علب زجاجيه للعطور طارق ابن صاحب اكبر شركه للعطور
انتهى الاجتماع ..سمر بقت اخر وحده طارق ما راح
طارق:شلون صرتي
سمر:عفوا
طارق: اني انغذتج جنتي مقمى عليج وانتي بلسياره
سمر:اتذكرت ..تمام ..انت شلونك
طارق الحمد لله ..
سمرا:شكرا لانك ساعدتني
مرت ايام ..وطارق وسمر التقو مرات كثير لحد ماصار بينهم اتصالات وصارت علاقه بينهم طارق حلو وعايش كل عمره برى البلد ..جان هادئ ..سمر اول مره تشوف اهتمام من نوع خاص شخص يحبها ويهتم بيها ويسئل عنها ..تطورت العلاقه من اعجاب الى حب بسرعه ..
سمر حبت طارق اول مره تعيش هذه الحاله ..
تقريبا مرت 5اشهر على علاقتهم ... جانت دائما تضحك ومبتسمه ومزاجه متحسن واذا صار بينهم سوء تفاهم تعصب ومتنام ومتهدء لحد مايتصالحون
طارق يعرف بيها ارمله ..لان عايش بره اتقبل الموضوع بسرعه ..
سمر راحت للفندق وشافت اخوها محمد جان لابس قاط ومرتب نفسه
سمر :حبيبي المدير الزغير ..شلونك
محمد:زين اذا انتي زينه
سمر:حياتي ..الحمد لله ..اشوفك متأنق اكثر من كل مره عندك موعد شنو ..
محمد:اي موعد على قاعه الاحتفال اليوم تخرج علاوي اخونه من الكليه ..
سمر:صدك تحجي ..ماگلت
محمد:تردين تجين
سمر: انته كلت يدرس بمكان بعيد ومن اكثر 8سنوات مشايفته اكيد اريد اروح ..
محمد: حفلهم اهنا ..راح تجي ناس مهمه لازم بلعاصمه
سمر تنتضرني اشتري ملابس حفله واجهز يالله نروح ماشي ..سمر جهزت نفسها وراحت هيه ومحمد نزلو باب القاعه
محمد:تاخرنه من وراج ..
سمر:بعد وقت شبيك ..يالله المهم عندي اشوفه ..
دخلت للقاعه ..وجانو الضباط الكبار والعميد يخطبون خلص الخطاب بسرعه وصاحو باسمائهم ..صعدو على المنصه المتخرجين واحد بعد الثاني كلهم جانو لابسين ملابس جيش ..
علي نزل من المنصه ويباوع على النجوم بجتفه ..
سمر تباوع عليه وتبجي
محمد:سمر حبيبتي لاتبجين لاتخليني اروح ..شغلو اضويه ملونه ..محمد صاح اخوه باركله وحضنه ..
علي:يوم تخرجك حبيبي حمودي
محمد: جبتلك هديه وانشالله تعجبك ..
علي: بس لا جايبلي عطر
محمد:لا موعطر ..محمد التفت واشر بايده اجت سمر وكفت يم محمد
علي ضحك من شافها الاضويه جانت قويه
علي: محمد جايب وياك ضيف
محمد :لا موضيف باوع بوجهها بلكي تعرفها ..
علي وگف كبال سمر ..محمد طلب من منضم الحفل يطفي الاضواء الملونه ..علي باوع بوجه اخته لزم ايدها ..باوع بعيونها
علي: سمر ..سمر مو سمر انتي سمر
سمر مسحت دموعها ..علي مسح دموعها بيده وحضنها وباسها براسها
علي:حبيبتي اشتاقيتلج بكد رحمه الله ..انتي اجمل هديه ..واخر شي واول شي تمنيت اشوفه ..
علي:متغيره وكبرانه صايره مره
سمر: تذكر بابا شگال ..ماكو واحد يضل زغير ..
مرت ايام وسمر وطارق دائما يلتقون ويسهرون برى
ويطلعون مولات ومطاعم ..
احمد وصديقه مصطفى جانو يدخنون نرگيله....
مصطفى:مامره شفتك تضحك شبيك ..انطي الروحك مجال لاتدخن هيج
احمد:مااتحمل بعد مصيفي سمعت كل مااشوف سمر گلبي يدك بسرعه واحس بخوف بدون سبب اخاف اخسرها مثل قبل اني احبها راح اعترفلها وشيصير خل يصير المهم هيه تدري بيه اني احبها اريد اتزوجها اريد اكبر وياها واعيش كل عمري وياها
مصطفى:هيه ارمله ..وتركتك قبل
احمد:جانت طفله ومتعرف بيه احبها ..واذا ارمله شبيها اني قابل بيها تسوه كل البنات بنضري اني
ثاني يوم احمد راح للمصنع شاف سمر وتبسم بوجها
سمر:صاير شي
احمد: بعدين اگلج بموضوع مهم موقته هسه ..
العصر احمد راح للمول اشترى عطر وبيه شريط احمر ملفوف على شكل فيونكه ..
من نزل من الدرج ..جان الطابق الارضي مثل المطعم الناس تكعد بيها وتطلب اكل ..احمد يمشي ويباوع على العلبه البيها عطر ..
بعدين وگف فتح العلبه وشال العطر بيده جان ليدي احمر عينه على العطر ويتبسم ..بعدين باوع وشاف سمر كاعده ويه شاب ثاني جان طارق جانت تضحك لزم ايدها وباسها ..ضحكت وكرصها من خدها ..احمد ضل واكف ومصدوم من اليشافه ..وكع العطر من ايده واتكسر وصدر صوت ...صار العطر كله على الارض ..الشباب التمو كلهم عليه ..دنك على العطر شال الكزاز ..رد عليه عامل التنضيف ..اني اشيلهن حبيبي اترك كلشي بيدك ..احمد بيده الكزاز باوع على سمر ومن دون ميحس طبق ايده بكل قوته على الشضايا اتجرح ونزف دم من ايده ..
العامل: انتبه جرحت نفسك ..
احمد طلع من المول مجروح وعصبي ..صعد بسيارته گام يبجي جان مخنوگ ..فتح ايده وشاف قطع الكزاز
احمد:ليش سمر ليش ..اني احبج طول عمري اني گدامج متشوفيني ..تشوفين غيري ليش ..
سمر طلعت من المول هيه وطارق ..مرت من العامل جان يلم بلكزاز سمر باوعت على الارض
سمر: كلش طيب هذا العطر
طارق :راح اخذلج واحد مثله ..
سمر:ميحتاج احمد تجيب واحد مثل هذا العطر ..
طارق :ليش
سمر:شوف اشلون تكسر ومصار من نصيب الاخذه ..مااريده ..
ثاني يوم احمد راح للمصنع
زوجه الحجي نعمه11
سمر اجوها اخوتها جانت تضحك وياهم وفرحانهى
احمد كل مايريد يشتغل يباوع على ايده المجروحه ويتذكر الموقف ..يتعذب كل ما يتذكر يحس بلخساره
سمر طلعت ودعت اخوتها من راحو ..من رجعت للمكتب شافت احمد بلطريق صاحته مرتين يالله التفت
سمر:شنو شاغل بالك ..لهذه الدرجه ..مخليك ماتسمع
احمد: شاغله بالي
سمر:منو
احمد:هيه ..الشلعت گلبي
سمر: ليش تختار اليشلع الگلب
احمد :الخيار موبيدي
سمر:ايدك اشبيها
احمد:حادث بسيط
سمر لزمت ايده وضقطت على الجرح ..احمد اتألم
سمر:وتگول جرح بسيط ..ليش يوجع اذا بسيط تكدر تروح للبيت ترتاح مبين عليك تعبان ..
احمد طلع من الشركه جان يحجي ويه نفسه
احمد: دمرتيني ..وبنيتي حياتج على حطامي ..جرحي منج انتي ..ليش اني موبعينج لوتعرفين شكد احبج ..
مركم يوم ..واحمد مخلي زجاج علبه العطر گدام عينه دائما ..سمر وطارق ..جانو يمشون سوه
طارق: لو طلعتي بحياتي بوقت اسبق يمكن تغيرت هواي امور
سمر:مثل شنو ..طارق التفت عليها ولزم ايدها وباوع بوجهها
طارق : لو عرفتج من زمان ماجان تزوجتي حجي نعمه
سمر:يعني راح تحبني اكثر لو ماجنت متزوجه
طارق:اني اعشقج بكل حالاتج ومثل ماانتي احبج
سمر:واني هم ..
طارق:انتو شنوو
سمر: مااعتقد اكو كلمه تصف لك شعوري كلمه احبك قليله بحق حبي الك ..
طارق ضحك وباس ادين سمر ..
مر كم يوم ..واحمد اتصل بسمر ضروري واعدها بمطعم بخصوص موضوع الشغل ..
سمر دخلت للمطعم وشافت طارق بلصدفه كاعده كباله بنت تلزم باديه ..سمر رجعت ليوره بعد الموقف الشافته ..
سمر:طارق حتا خوات ماعنده ..معقوله يخون بهذه السهوله وحبنا وين راح ..
سمر راحت وكفت يم الطاوله ..
طارق باوع عليها واتفاجئ
سمر :كمل سهرتك ..سمر طلعت تركض من المطعم ..طارق تبعها ..البنيه جانت شگره عيونها ملونه
طارق :اوگفي ....سمر تجاهلته ..لزمها من ايدها وسحبها صارت كباله ..
طارق: سمر وين رايحه ..هيج بهذه السهوله ..
سمر: ميحتاج حتا اسئل لازمين ادين بعض ..وسوالف اني مابقالي مكان بينكم ..بس ليش
طارق:انتي فاهمه الموضوع غلط
سمر :لا مافاهمه غلط اني مااجذب عيوني ..سمر صيحت ودفعته وضربت على صدره كلش عصبت ..
طارق ثبت اديها من حضنها ..لمس شعرها وباسها براسها ..
طارق: اهدئي وبعدين احجليج كلشي ..انتي روحي شلون اخونج ...رجعت باوعت بوجهه
سمر:اريد اروح للبيت خلص ..لاتتبعني دير بالك ..
سمر تركته وراحت ..
احمد جان واكف من بعيد تبسم وراح ...شاف صديقه بلمقهى
مصطفى:انت صاير حاروكه موكلت راح انساها كل مره ماتختارني
احمد:كل مااكول ابتعد الگه نفسي مهووس بيها احبها موبيدي ..بلصدفه جنت بلمطعم ..من شفت طارق وصديقته حبيت اخرب علاقتهم ..اتصلت بسمر واخترعت موضوع مستعجل من اجت ..اتعاركت وياه
مصطفى
مصطفى:هاا
احمد :ادعي كون تعوفه هوه شجابه من برى ماكفته بنات الاجانب جاي على حبيبتي
مصطفى: انت مجنون حمودي ..
سمر جانت بلحمام تغسل بوجهها جان خشمها نزف..
طلعت من الحمام ..مقهوره وتبجي ..
ثاني يوم ما راحت سمر لشركه ..مرت يومين واجت سمر لشركه ..جان وضعها تمام ..احمد كل يوم ينتضرها شافها من بعيد ..وراح شافها
احمد:سمر شلونج ..
سمر :الحمد لله تمام
احمد: انتي مريضه ..لان ماداومتي ضل بالي يمج
سمر: لا ..وشكرا على اهتمامك ..عن اذنك عندي شغل ..سمر راحت لمكتبها واحمد كل شويه طالع يشوف شوكت تطلع حتا يشوفها
مرت ساعات وسمر طلعت ..احمد طلع وراها سمر طلعت من باب الشركه ..وطارق تلاگه وياها
لزمها من ايدها مبينين متراضين ..احمد ضاج ..سمر صعدت بسياره طارق ..
وطلعو ..
احمد:وين رايحين ذول وين ماشين ..
احمد صعد سيارته وفضوله خلاه يتبعهم ..
وكفو طارق وسمر گبال بناء ضخم يحتوي شقق نزلو واحمد يتبعهم ..دخلو وحده من الشقق
احمد: تبيعين روحج علمود هذا السافل ..وكف ورى الباب جان الباب مفتوح ..فتحه بهدوء ودخل سمع صياح وهوسه وضحك الشقه جانت مليانه شباب وبنات ..جان عيد ميلاد طارق ..وحب يحتفل بيه ويه حبيبته واصدقائه ..
احمد انسحب وطلع وضل ينتضر برى لحد ماطلعت سمر ..وصلها طارق لبيتها واحمد هم يتبعها ..دخلت سمر للبيت وطارق راح ..بعد ماراح طارق احمد مشى
ثاني يوم احمد جان بلشركه ...ينتضر شوكت تجي سمر اجت سمر جانت تخابر ومبتسمه ..مرت من قرب لحمد حتا ماشافته ..دخلت لمكتبها واحمد ضل واكف
احمد:لهذه الدرجه طارق عميج ..بشنو هوه احسن مني
كل يوم على هذه الحاله لحد مااجه يوم واحمد قدم استقاله من الشركه بغياب سمر ..ترك الشغل ..
مصطفى:رفست نعمتك ضليت من دون شغل
احمد:بلكي من ما اشوفها ابطل ماافكر بيها ..
مصطفى: روح صارحها كولها
احمد:هيه تحب طارق
مصطفى:بس انته تحبها اكثر واحد بس هيه ماتشوفني
احمد:احبها هيه وبس ..مر شهر كامل واحمد ماشاف سمر ..جان يتعذب ويتحسر على شوفتها لحد ما طگت روحه وقرر يشوفها جان الوقت 8بليل
اندك الباب وفتحته سمر طلع بوجها احمد
سمر دارت وجهها منه وضل الباب مفتوح
احمد:شلونج
سمر:تسئل شلوني بعد وقت انت درت وجهك عني ومشيت وحتا ماكلفت روحك تتصل ..
احمد:ليش معصبه ..لهذه الدرجه اني مهم بحياتج
سمر:اي مهم
احمد: الى اي درجه ..سمر سكتت
احمد:مو اهم من وجود طارق بحياتج ..
سمر بس سمعت شحجى ..صارت تبجي ..واديها على وجهها
احمد:سمر لاتبجين ..سمر اني اسف خلص لاتبجين
احمد اقترب منها ولزمها من جتفها وخله راسها على صدره ..
احمد:اهدئي وگولي ليش تبجين
سمر:طارق ... اهله ميقبلون بيه زوجه اله اني احبه احبه ..عرفت الحياه وقيمتها بس لمن عرفته ..
احمد بوقتها ..كل مشاعره تجرحت من هذا الكلام ..بعدها عنه وسكت ..وهيه جانت تبجي
احمد: اكعدي ارتاحي على الكرسي اهنا واذا حابه تحجيلي احجي ..سمر كعدت ومسحت دموعها
سمر: طارق اتقدملي گوه جاب اهله وقنعهم ..عباله يطلبوني اله باحترام ..گالو احنه ابنه مايتزوح ارمله اتوسلو بيه اتركه ..
احمد: انتي شگلتي ..
سمر:شگول ..اني لو اعوفه اموت انته متفهم حالتي لانك عمرك ماحبيت ..احمد سكت ومارد
سمر:اني دايخه وتعبانه ..ومصدعه من التفكير
احمد:طارق شنو جانت رده فعله ..
حمد:طارق شنو جانت رده فعله ..
سمر:طارق عصب من كلام اهله
زوجه حجي نعمه12
سمر :طارق طلع زعلان وعصبي من كلام اهله ..
اني من حقي اختار ..قبل ماجان بيدي اختار ..امري بأيد غيري
احمد:يعني انتي قبل تزوجتي موبرضاتج ..
سمر: منو تقبل تتزوج شايب بكد جدها جنت مجبوره وماتعرف شلون عشت ..ويه شخص مجبوره عليه
احمد: انجبرتي تتزوجين حجي نعمه ..منو جبرج وليش
سمر: ابوي وكله من وره الفلوس ..الحجي استقل ابوي بعوزه ... اني من شفت طارق ..حسيت الحياة ابتسمتلي اني احبه عمري ما عشت وشفت مثل هذا الشعور
احمد: ابوج ظالم ..
سمر: مالي شغل باابوي طلع من حياتي كل همي طارق
عندك حل يرجعلي شخص احبه
احمد: اتذكر قبل لاتنخطبين للحجي خطبج ولد شاب هم من عمرج وابوج رفض گال بنتي زغيره ..ومامر شهر زوجج لواحد حجي ..شبسرعه كبرتي بشهر
سمر: منو گلك شلون عرفت اكو احد خطبني قبل الحجي
احمد:خطبج اليحبج صدك اليعشقج بجنون ..العاش عمره مكسور بسبب حب من طرف واحد .. انتي ماجنتي منتبه عليه ولا حاسه بوجوده ..هوه يبيع الدنيا مقابل ضحكه من ضحكاتج
سمر: منو احجي جاي تخترع قصه من عندك مو
ليش بابا زوجني لشايب مازوجني لشخص من عمري
انت تكذب ..تعرف اسمه اني اعرفه
احمد:اسئلي امج وابوج ..راح تعرفين شنو اسمه ..
احمد طلع وضلت سمر كاعده ..
احمد ترك علبه زغيره على الطاوله بيها مزهريات ورد ماجانت مبينه العلبه جانت على شكل هديه
سمر تحاول تتصل بطارق وميرد ..
ثاني يوم طارق شاف سمر بلشركه ..
سمر:ليش متصلت
طارق:جنت مخير بين ثنين بين ناس جابوني لدنيا وصنعوني وتعبو علي وحبوني وبين شخص عرفته من فتره قصيره احتل قلبي وعقلي وروحي ..
سمر جانت تسمع كلامه وتبجي ..
طارق :سمر لو انتي بمكاني شنو تختارين ..برئيج منو اختار
سمر: اني مستعده اتخلى عن العالم كله لخاطرك انت
اني ما اريد امي ولابوي ولااي احد اريدك انت
طارق: يجوز اهلج ماقدمولج مثل ماقدمولي اني
سمر:عندك حق اهلي همه سبب دماري لحد هذه الحظه
طارق:واني اختاريت اهلي ..اسف لاني خذلتج ..
طارق ترك سمر وراح سمر مكدرت تكمل يومها انهارت بعد هذا الحجي وعصبت ....جانت تمشي بلشارع لحد ما حست بصداع بسبب شده الالم اغمى عليها ..
بعد دخولها المستشفى ..اتصلو باخوها علي ..
علي طلع يركض
سلمى:وين طالع يمه شو تركض
علي:اختي بمستشفى الكندي ..
سلمى:مرام بغرفتها
علي:سمر يمه لاتاخريني ..رايح ..علي طلع ..
وامه صاحت وراه بس هوه راح ..
علي وصل للمستشفى سئل بلطوارئ الطبيب حوله على قسم الجمله العصبيه
علي:اختي متعرضه لاانهيار عصبي مو ليش بجمله الاعصاب
الطبيب:دكتور مازن يشرحلك من تروح ..علي راح وفهمو كلشي عن حاله اخته ..
اجت امه وابوه للمستشفى
جان علي كاعد يم اخته يباوع عليه ..هيه تعبانه متكدر تحجي وتگوم ..دخلو اهلها وشافتهم عيونها توسعت رافضه تشوفهم
علي:بابا
رزاق:سمر شلون صارت ..سمر بابا شلون صرتي
سمر رفعت ايدها واشرت على الباب جانت تريدهم يطلعون امها وابوها
سلمى:سمر يمه ..لاتسوين هيج وتحرميني منج اني امج
سمر ضلت رافعه ايدها وتبجي صارت
علي:خلاص بابا اخذ امي وروحو سمر تعبانه ..
ثاني يوم ..ام سمر كعدت يمها وحاجتها
سلمى: بشنو تحسين
سمر: احس بروحي راح اموت
سلمى:لاتكولين هيج اسم الله
سمر : اخلص من الحياة الخترتوها الي
سلمى:نصيبج يكون هيج
سمر:اخترتولي انتو نصيبي .. تذكرت كلام احمد
سمر: منو تقدم بخطبتي قبل الحجي
سلمى:محد
سمر:تذكري زين ..
سلمى: حمودي
سمر:يا حمودي اني اعرفه ..
سلمى:اي حمودي ابن حجي حاتم
سمر: احمد حاتم ..ليش رفضتووه ابوي كال زغيره موعمر زواج...وزوجتوني شايب
سلمى:خذتي الشايب وحمودي هج من المنطقه بعد ماشفناه امه اجتني كالت بذمتكم خسرت ابني ..
سمر اريد اطلع من المستشفى اختنگت
سلمى:مايصير اسمعي كلام امج
علي دخل وسمع شحجت
علي:ميصير سمره ..شوفي الطبيب الجراح گال لازم تجرين عمليه مستعجله ..بس ننتضر نحدد موعد من احسن طبيب شاطر
سمر:مااريد عمليه ..خلص ..اني زينه ..
علي:عندج خثر ورم نتج لازم عمليه ..انتي من غير شي تاخرتي گدامج فرصه وحده حتا تعيشين اني مامستعد اخسرج
سمر:اني قويه ماراح يصير شي ..
سمر طلعت على مسؤليتها راحت لبيتها ..خلت المفتاح على الطاوله وشافت العلبه تذكرت اخر واحد طلع من بيتها هوه احمد ..فتحت العلبه شافت شضايا زجاج التجرح بيه احمد جان لونه احمر من الدم من بقيه العطر والفيونكه الورده الحمره سمر شمت عطر الفيونكه ..وتذكرت يوم المطعم من كانت هيه وطارق من شافت العطر المكسور نفس العطر العجبها ..انتبهت على العلبه ..بيها وره زغيره مكتوب عليها احبج سمر
عشق موت ..
سمر تذكرت من جانت زغيره واحمد يحجي وياها ومتعرف قصده وتذكرت ليش استقال اول مره وليش ترك الشغل ...رفعت التلفون واتصلت ب احمد مارد على الاتصال ...نزلت التلفون راحت نامت من كعدت جان الوقت متاخر ..شافت التلفون بيه 14مكالمه من طارق ..غسلت وجها
زوجه حجي نعمه13
سمر طلعت جانت جوعانه فتحت الباب شافت طارق گاعد بلحديقه ..شافت ضهره منطي وجهه لجه الحديقه ..
سمر:طارق ..طارق باوع عليها ..من شافها وگف يمها
طارق:شلونج حياتي ..
سمر:صرت كل ماتروح تأذيني اكثر وتجرحني اكثر
اثق بكلامك اتأمل شي من الحياة ..يمكن هذه المره لو رحت اموت من بعدك ..
طارق: لاتحجين بلموت ..لان اني يمج
سمر:الحل شنو ليمته انت يمي انت اختاريت وخلص
موكل يوم راجعلي ..وترجع تروح ..اني مااتحمل هيج وضع ارحمني
طارق:مااكدر اعوفج ومااكدر اتخلى عن اهلي ..
سمر :اهلك ماراح يقبلون بيه لاني ارمله
طارق : لاتتركيني
سمر:انت تركتني مواني تركتك ... تريدني تسليه اسفه ماعندي وقت لتسليه ..تعرف طريق اهلك روحله ..
سمر دخلت للبيت ..سدت الباب رجعت شافت قطع الكزاز التركها احمد ..اتصلت بيه مرد ..
اندك الباب ..فتحته جان طارق
سمر: ليش رجعت
طارق:لااني احبج مااكدر اعيش من دونج
سمر:طارق ..اني مااكدر اعيش واكمل حياتي ..عندي مشكله براسي ..البارحه جنت بلمستشفى شوف هذه اثار زرق العلاج باديه ..هسه تكدر تعيش من دوني
طارق:سمر ..
سمر: طارق ..احجيلك الحقيقيه تكدر تحجي ويه طبيبي وتتاكد ومن تتاكد قرر راح تعيش وياي وتتزوجني قبل مااموت لو تدير ضهرك الي ..
فعلا طالب سئل وتاكد من صحه المعلومات زعل بعد السمعه ...
سمر ..ضيعت الشخص التحبه ومتكدر تكمل من دونه
جانت تطلع وتقضي وقت برى بمولات ومطاعم ..ومتنزهات ..سمر بيوم من الايام جانت تتمشى بلسوگ وشايله اكياس اغراض وملابس ..مرت من محل اطلالته الواجهه كلها كزاز ..رجعت ليوره وباوعت ..جان مقهى شافت احمد ..وگعت الاكياس من اديها ..وتذكرت كلام امها وتذكرت اتهامات الحجي ومسبته والذله العاشتها بسبب طمع ابوها ..وكعت الاكياس من ايدها ..دفعت الباب ودخلت ..جان المكان بس رجال ..باوعو عليها كلهم ..هذا المكان ماتدخله نساء ..صارت گدام احمد ..احمد جان كاعد ويه صديقه مصطفى يدخنون نرگيله ..احمد شافها
احمد :سمر ..لزمها من ايدها وطلع بسرعه ..مصطفى ضل يباوع على رده فعل احمد وغيرته ..احمد وسمر صارو برى
احمد:سمر اشلون تدخلين مكان كله رجال ..ليش
سمر: مااعرف ..اني ضايعه ..شال الاكياس وتمشى وياها كعدو بمتنزه عام
احمد: لاتعبين نفسج بلتفكير انتي مريضه بالاساس
سمر: وانت شلون عرفت
احمد: اني عرفت قبل لاتعرفين بنفسج دبتلج فحوصاتج لبيتج بس انتي مااهتميتي
سمر:تذكرت
احمد: شصار طارق مارجع
سمر:رجع ورفضته احمد
احمد:رفضتيه
سمر: اني احبه اذا غاب عني اكثر اني اموت اموت من دونه اني احبه فهتمني احمد
احمديسمعها وتجرحت كل مشاعره ومتحمل غصب
احمد:اذا تحبينه صالحيه واكسبيه
سمر: وكبريائي ..احمد اني مااتحمل يرجعلي ..وبعدين يتركني ..مااتحمل اني احبه تعرف شنو احبه اني ابيع الدنيا كلها واشتريه بلمقابل ..
احمد لزم ايدها ..وباوع بعيونها
سمر:اسفه احمد عرفت منو الشخص التقدملي قبل نصيب ومصار ..الله يرزقك بنت الحلال
احمد باوع بوجها ولمس شعرها وخدها
احمد: اني ابيع الدنيا كلها وياهم روحي واشتري مقابل اضفر من اضافرج ..شنو الحب الحب انتي .
سمر:احمد ..
احمد تركها وراح جان حزين ..الكلام والعشق التحبه لطارق ..جرحه
سمر رجعت للبيت ..اتصل بيها طارق
طارق:سمر ..شلونج
سمر: موتمام ..
طارق: عرفت بحالتج اني اسف ..
سمر:على شنو
طارق:اني احبج موت عشقي جنوني انتي ..بس مااتحمل اتزوجج وتموتين گدامي ..لو يصير بيج شي
مااتحمل ..راح اتأذى اكثر منج ..اسف لاني نهيت علاقتي بيج ..
سمر غلقت التلفون ..صار اليل ومنامت صارت ب2 بليل طلعت من البيت وراحت لبيت اهلها دكت الباب
محمد فتح الباب واهله جانو خايفين منو الجاي بنص اليل محمد شافها وتفاجئ
محمد:سمر حبيبتي فوتي صاير شي
سلمى شافت بنتها ..
سلمى:سمر
سمر شافت امها ..وكفت گبالها ..بعدين حضنت امها امها فرحت ..
رزاق اجه جان يحجي يكول منو اجه بليل هذا
رزاق:سمر بابا ...اهلا بنتي ..اتفضلي
سمر صارت كبال ابوها ..
رزاق:نورتي بيتج ..
سمر:هذا البيت ..الساومتني بيه وثمنه جان اني
رزاق: سمر
سمر:بس فهمني شلون جانت عينك تقفى وتنام واني مامرتاحه بذاك البيت ..جنت انضرب انهان انذل ينسب عرضي ..واسكت ..انت اب ..الاب مايسوي هيج عمله
رزاق:خلاص بابا ..سمر انسي كل الفات راح نبدي حياة جديده وننسى اليصار قبل
سمر :ماراح انسى
سلمى: سمر الحجي ماراح يرجع شي
سمر :فعلا ماراح يرجع شي ..اسفه لاني اجيت وازعجتكم بهذا الوقت المتاخر اني اروح
محمد: ماراح تروحين ..سمر ..سمر دارت وجها فتحت الباب وگعت ..بلباب
سلمى:اسم الله يمه بنتي ...اهلها التمو عليها ..علي كعد من النوم على صياحهم ..شاف اخته ..ساعدها وشالها
سلمى:علاوي يمه ..شيلها خليها بغرفتي ترتاح ..
رزاق لزم ايد بنته شاف نبضها باوع بعيونها
رزاق: حالا للمستشفى لازم ننقلها ..
الصبح سمر كعدت ..اتفاجئت من شافت نفسها بلمستشفى ..شافت امها يمها ..
سمر:ام علي ..
سلمى: سمر كعدتي يمه ..راخ اخبر ابوج ..
طلعت امها ..ورجعت ويه رزاق شافو بنتهم تلبس بلحذاء
سلمى:وين رايحه
سمر:للبيت ..العفو لبيتي ..اني اقصد
رزاق: انتي مريضه ..ميصير تطلعين لو مارجعلج وعيج جان دخلتي غيبوبه ..
سمر: ادخل غيبوبه ومنو يهتم ..الكل عافني ..لااجل مصالحه ..منو يزعل عليه من صدك ..صدكني محد
رزاق: ماراح تطلعين وغصب عنج راح تضلين اهنا
سمر:انت متعود ..تجبرني مو جديده هاي عليك
سمر وكفت ودنكت فجئه ... خلت ايدها على خشمها شافت ايدها متلوثه بلدم ..
رزاق : راح اصيح الدكتور بسرعه ..طلع بوها ..وسمر كعدت بلگاع لزمت راسها ..امها ..حاولت تساعدها تكعذ على السرير بس لزمت ايدها ..فقدت وعيها ..
دخل الدكتور ..
رزاق: ساعد بنتي تعيش
الدكتور : مابيدي شي وانت تعرف ..حالتها صعبه
رزاق:الحل ..شنو انتضرها تموت ..
الدكتور : عمليتها نسبه النجاح قليله جدا ..اتعود على هذا الوضع ..ترى راح يتأزم اكثر واكثر ..
رزاق: دكتور ..انت دكتورها دز تقاريرها لأ اي بلد لازم تسوي بنتي عمليه ..
الدكتور: صعب تسافر متتحمل سفر
رزاق: ندفع اضعاف ويجي اهنا
الدكتور
شافت ايدها متلوثه بلدم ..
رزاق : راح اصيح الدكتور بسرعه ..طلع بوها ..وسمر كعدت بلگاع لزمت راسها ..امها ..حاولت تساعدها تكعذ على السرير بس لزمت ايدها ..فقدت وعيها ..
دخل الدكتور ..
رزاق: ساعد بنتي تعيش
الدكتور : مابيدي شي وانت تعرف ..حالتها صعبه
رزاق:الحل ..شنو انتضرها تموت ..
الدكتور : عمليتها نسبه النجاح قليله جدا ..اتعود على هذا الوضع ..ترى راح يتأزم اكثر واكثر ..
رزاق: دكتور ..انت دكتورها دز تقاريرها لأ اي بلد لازم تسوي بنتي عمليه ..
الدكتور: صعب تسافر متتحمل سفر
رزاق: ندفع اضعاف ويجي اهنا
الدكتور : راح يكون كلشي مكلف ..
رزاق: ماكو شي مكلف مقابل حياة بنتي ..حدد موعد ارجوك ..باسرع وقت ..
بليل سمر جانت تحجي ويه اخوتها
علي: حبيبتي ... اجيبلج همرگر ..كباب ..
سمر :لا مااريد شي ..تسلم
علي:اذا هيج راح تموتين ..
سمر:ماراح تفرق ..
علي:تعرفين لو تتحملين كتله جان كتلتج ..ماريد اسمع هذا الحجي ماشي ..راح تسوين عمليه وسهله
سمر:راح يفتحون راسي ..
علي:لاتفكرين بهذه الطريقه ...
مرت ايام وتحدد يوم العمليه بعد شهر ونص ..وسمر كل يوم ..تتعب اكثر حالتها ..وتسوء اكثر ..قبل العمليه باسبوع ...سمر مجانت تكدر تحرك اديها بسبب ضقط الورم والخثر ..
طلبت من علي يتصل بطارق ..اتصل وجان تلفونه مقلق ... لحت سمر على اخوها ..
علي: مغلق التلفون ليش تردين صاحب الرقم ..
سمر: اريد اشوفه ضروري
علي:لهذه الدرجه مهم عندج ..
سمر: ماكو شي بعد اخاف منه لان ينتضرني بس قدري
هذا الشخص اهم شخص بحياتي ..
علي: عندج علاقه بواحد ونفسه صاحب الرقم ..لو مجرد صديق
سمراشرت بيدها على گلبها بصعوبه رفعت ايدها
سمر: الصديق مكانه مو بلگلب ..هذا حبيبي هلي فهمتني ..اني احبه هوه كل حياتي
علي: وانتي بهذه الحاله هم تفكرين بيه ..اذا يحبج هوه وينه هسه مولازم يكون يمج اول الناس ... فهميني وينه
سمر:اليحب يعذر ويخلق اعذار حتا مايطلع حبيبه غلطان ..هوه معذور ..لاني ارمله ماجمعني القدر بيه
اتصل بيه اريد اشوفه اريد اشوفه اخر مره
علي :مغلق تلفونه
سمر :اتصل بااحمد اكو رقم مسجل عليه احمد هوه راح يساعدني بلكي يساعدني اشوف طارق
علي اتصل ورد عليه احمد ..احمد طول بس مسافه الطريق ..اجه ركض على المستشفى من سمع بالخبر
دخل لغرفتها اخوها شاف احمد وطلع ..وسد الباب
احمد: سمر اشلون صرتي شنو يوجعج بشنو تحسين
احمد لازم اديها ومنطاها فرصه تحجي
سمر: طارق
احمد:شنووو
سمر : جيبلي طارق اريد طارق ..اذا موتي بعد اسبوع من اشوف طارق يتاخر الموت علي شهر ..دور طارق وجيبه الله يخليك جيبلي طارق ..
احمد ..خابت اماله وهبطت معنوياته ..بعد ماسمع شحجت ..حزن وضاج من كلامها احمد لزمها من وجها
احمد:حتا وانتي بهذه الحاله تصيحين بأسم طارق ..
اسويلج سحر ..لو اشتري الشي الناقصني الشي العند طارق مو عندي ..بأي ثمن المهم تحبيني سمر
سمر: اسفه احمد
احمد:تدللين راح اجيبلج طارق وادوس على گلبي واجيبه الج حتا لو جان الثمن حياتي ..
احمد باس سمر براسها وراح ..فتح الباب وشاف علي گدامه ..راح احمد وعلي دخل يم اخته جانت ساكته
علي: جاي اشوف العشق بعيون شخص ثاني احمد طار واجاج بسرعه ..وسمعت شحجى وياج اسف تسمعت عليكم بس جنت خايف عليج ..
سمر: موبيدي علي ..بعد العشته قبل ماشفت بلدنيا بس طارق ..مااعرف ليش حبيته واخترته هوه ..
علي: انتي تحبين طارق واحمد يحبج ..منو يستحقج اكثر بنضرج ..ثاني يوم ..اجه احمد وطارق ..
شافو علي بلباب
علي:احمد منو هذا الضيف
احمد :طارق ...(علي باوع بوجه طارق وخزره شافه مكيك ومتأنق ومتعطر)
علي:خل يدخل ..
طارق دخل وحده ..
طارق:سمر حياتي لزم اديها وكعد يمها
سمر:صرت حياتك هسه يالله ذكرتني
طارق: سمر اني احبج والدليل اني اجيتج
سمر:اي تحبني والدليل انت غيرت رقم تلفونك خاف اشتاق واتصل بيك ..اي تحبني صدك والدليل انته جايني وجنك رايح لحفله عرس...لابس ومتأنق ..
اني ماجاي اشوف اي حب بلموضوع انت نسيتني اول مابدلت رقمك ..
طارق :صدگ اني حبيتج وجنت رايدج مرتي بلحلال والدليل اني خطبتج
سمر:اني اسفه جبتك للمستشفى بس جانت اخر طلب اشوفك
زوجه الحجي نعمه14
سمر: وهسه شفتك ..تكدر تروح ..ابشرك راح انساك
مامطوله
طارق: اني اسف والله مجان بيدي ..حياتي لاتكولين روح ..
سمر: اليعوف مره يعوف الف مره وانته هواي عفتني تكدر تروح ..
طارق:مااروح ..
سمر: علي ..علي ..دخل علي
علي: سمر ردتي شي
سمر:علي طارق يريد يروح ..
طارق: سمر ..
علي: ماشي اني راح اوصله للباب ..
طارق طلع من الغرفه وسمر صارت تبجي
علي: ليش تبجين انتي سويتي الصح ..تبعتي عقلج ماتبعتي گلبج
سمر:احبه موبيدي
علي:اصيحه راح مااتحمل اشوفك تبجين
سمر: تعرف ليش مخليته يبقى ..لان الشفته اليوم بعيون طارق شفقه وتمثيل ..موحب لمعه العشق البعيونه مختفيه ويحجي وياي برود مومثل قبل هوه نساني ..
علي:ليش هيج سوه برئيج
سمر: مااعرف دافع شفقه عباله يريح ضميره من يقضي اخر ايام برفقتي
علي: لا مولهذا السبب هوه مثل عليج ..بس يمكن بدافع التأثير اتصرف هيج وياج
سمر:منو اثر عليه
علي: احمد ..الله يساعد گلبه ..الغيره تموت ..
سمر:ليش تنحاز لااحمد
علي: من تشوفينه بعين نفسج راح تعرفين بيه هوه غير الكل ... خطبج قبل وضل ينتضرج لحد الان ..من اتصال واحد اجاج يركض ..مبهذل وجنه فاقد امه وابوه ..
سمر : تجيبلي جنطتي الورديه من البيت ..
سمر گضت اخر ايام بلمستشفى جانت تباوع على شضايا الكزاز من العطر التكسر ..
علي:شنو سالفتج تلعبين بلكزاز لاتتعورين ..
سمر: باجر عمليتي ..جيبلي احمد ..
علي:امرج غريب يبنيه ..
اجه احمد دك الباب ودخل ..
سمر:اتفضل
علي: اني راح اشرب جاي ..علي طلع من الغرفه
احمد : شلون صرتي
سمر :مااعرف ..
احمد:طارق شفتيه تصالحتو
سمر:لا
احمد:ليش هوه زعل لانج مريضه
سمر:مازعل عليه ...طارق ميعرف يمثل فاشل ..انته شگلت لطارق حتا اجه
احمد:ولا شي هوه اجه بس سمع
سمر لزمت ايد احمد فتحت جف ايده وخلت ايدها بداخل ايده خلت الكزاز والفيونكه الحمره بداخل ايده
سمر: احجيلي الحقيقه اذا جنت تحبني صدك ..احلفك بحبك ..شنو جانت رده فعله وشلون اثرت عليه
احمد باوع بيده وشاف قطع الكزاز وتذكر لمن وكع العطر من ايده وتكسر
احمد: شفته جان عنده حفله حسب مافهمت ..گلي اني زعلان بس عندي حفله مهمه ..مااكدر اجي راح احي بغير يوم اصريت عليه واثرت عليه توسلت بيه
سمر: خلاص احمد لاتكمل ..هذا الشي يجرح
احمد: شتگولين عليه مجروح وجرحي ينزف من اسنين وكل مااشوفج انذبح اموت ..انتي متشوفيني
سمر: خلاص جان حبي لطارق غلطه لان هوه محبني وماضحى على مودي بشي تعرف طارق تحسفت كل لحظه حبيتها بيها ..ومرات اندم لان اتحسف على حبه
القاهرني حتا من عرف بسر حياتي ..اصر يتركني مهمه
احمد: مقبل بيج لانج ارمله زوجج ميت واني ميت عليج وانت على ذمه زوجج ...مايهمني اي شي المهم تكونين الي ..اني هم راح انساج تعذبت سنين طويله ويه هذا الحب وانتي ماحسه بشي ..
سمر:گلبي يريده هوه يحبه موبيدي ..تركني حتا بعد ماعرف زواجي اني والحجي حبر على ورق ماهمه ..السر الخفيته على كل الناس حتا بعد ماعرفه اصر يعوفني
احمد: شنوو زواجج على ورق
سمر: مايهم بعد اي شي هوه راح وعافني ..
تعرف ليش حبيته جان حنون ..الحجي جان يضربني ويهيني ويذلني شوف حاجبي هذه الضربه القاضيه بعد ماضرب راسي بلحايط سببلي هذا المرض ..
جان يحجي على شرفي ويشك بيه ..ويكلي انتي حامل ..انتي حامل ...كرهت العيشه وياه ..وتمنيت الموت ..
احمد: تحملتي العيشه وياه
سمر: موبيدي غصب عني اتحمل
احمد اتقرب من سمر ..وكعد كبالها ..بعد شعرها عن وجها ..
احمد: جانت امنيتج ..تشوفين طارق وشفتيه اني حققت امنيتج ..اريد تحققين امنيتي بلمقابل ..
سمر: گول اطلب اي شي راح يكون الك
احمد:اريد اخضنج واحس بيج بين اديه حتا لو جانت اخر مره ..ممكن ..طلب عاشق
سمر : ضلت على هذه موافقه
احمد اتقرب من سمر وحضنها صار راسها على گلبه لمس شعرها واديه صارن على خصرها
سمر خلت ايدها على ضهره احمد حس بيها لمسته ..
احمد:اني احبج ..احبج ..سمر جانت ساكته وهادئه
تركها ..ورجع كعد
احمد: شكرا ..اني راح اتركج ترتاحين احمد طلع سمر نامت وتغطت بلبطانيه فتحت عيونها وتذكرت الحضنه وابتسمت ..
سمر :حضنه دافي ..حسيت باحساس غريب ماعرف احساس ..
بلليل جهزو للعمليه ..اجت الممرضه واهلها جانو يمها
احمد وعلي برى كاعدين ..الممرضه جان بيدها ادوات
الممرضه: مدام لازم نقص شعرج ..
سمر :شنوو
الممرضه :نحلق شعرج ..بس علمود العمليه
سمر:ماما فهميها گوليلها شعري حلو واعجبني مااريد اگصه
سلمى: بس تكومين بلسلامه ..عود طولي شعرج
سمر :مااسمح لااي احد يقص شعرايه من راسي
امها طلعت صاحت علي ..سلمى طلبت من الممرضه تجي بغير وقت ..
علي واحمد دخلووو
علي: سمر حبي ..انتي حلوه بكل حالاتج ..قصي شعرج بعدين طوليه
سمر:لا ..مااريد شعري عاجبني طوله
علي: اجرائات العمليه لازم تقصين شعرج
سمر: لا مااريد
احمد:سمر بعد ماتگومين بسلامه طولي شعر
زوجه الحجي نعمه15
سمر اقنعت گوه ..
الممرضه قصت شعر سمر ..سمر جانت تلم بشعر راسها طلعت الممرضه وسمر خلت على راسها شال .. ثاني يوم دخلت العمليات وصل الدكتور بليل والصبح دخلت العمليات ..عمليه خطره وحرجه طولت10ساعات طلع الدكتور تعبان من الوگفه ..
اهلها ماتو من الانتضار ..
طلعت سمر من العمليات ومر على فتره العمليه اسبوعين سمر استعادت وعيها ...وبدت حياتها ..على حد ماوقفت ...اهلها كلموها ..بس هيه مترد ضنو صاير شي بيها من مؤثرات العمليه .. لكن سمر رده فعلها جبرتها تضل ساكته ..وشلون تبدي الحياة من جديد ..اذا كانت الحياة تستحق توگف على احد ..لو ماتستحق حسب الشخص وفائه .. مرت ايام واهل سمر متركوها واحمد وياها معافها ..بعد ماتحسنت طلعت من المستشفى ..اخوها مخلاها تمشي ..جان يدفع الكرسي المتحرك وهيه كاعده حتا ماتتعب ..احمد يمشي بصفها وامها بلبيت حضرت الاكلات التحبها ..وجهزت الوضع مناسب بلبيت ..
علي جان يدفع بلكرسي وسمر عيونها طايره تباوع
وجنها متضره شي ..تتلفت يمين ويسار ومرات تباوع بلجهه المعاكسه ..
علي:سمر موزين تتحركين هيج ..بيج شي شو ممرتاحه
احمد :لزم ايدها باوع بوجها..تردين مي عطشانه
سمر:لا نزلو وسمر استندت هلى اخوها جانت تتمشى
احمد: استندي علي ..اني ..علاوي افتح باب السياره وادخل قبل سمر حتا تكدر تساعدها
سمر لزمت احمد من جتفه احمد باوع بوجهها
احمد: التنتضريه ماراح يجي ماطول انتي منتضرته
انسيه ..وابدي حياة جديده ..
سمر:عندك حق ..
بعد مامرت اشهر سمر تعافت تماما ورجعت لشغلها
محمد كدر يثبت نفسه مدير ناجح ومحترم
علي كدر يصير ضابط حلو وعنده امانه واخلاص
علي كدر يكون علاقه بنت العميد ..خبر اخته عن علاقته ..كدر يخطب ..وبحفل خطبته الاهل والاصدقاء اجتمعو بمناسبه حفل الخطبه ..سمر كدرت تضهر بطله جميله شدت خصل شعر مصطنعه لان شعرها جان قصير ..
سمر:حبيبي علاوي مبروك
علي: حبيبتي يوم الالج واشوفج هل المره عروس
سمر: اني خذت نصيبي بعد ..سمر باوعت على الباب وشافت احمد داخل للقاعه جان لابس قاط ومتأنق ومسرح شعره ومغير استايله ..بشعره ولحيته سمر ضلت دايره وجها عليه وتباوع
علي:وين وصلنه حبي ..سمر سمر
سمر:هااا گلت شي
علي: لا حياتي ماگلت ..
سمر رجعت تباوع ..احمد اجه وسلم على علي وباركله
احمد:مبروك
علي: يبارك بيك ويوم الك ونفرح بيك
احمد:انشالله ..
علي راح يم خطيبته خذو سنابات
سمر جانت تباوع ..احمد يباوع على فستانها جان لونه اسود وقصير وضلال عيونها اسود
احمد: حلووه
سمر:منو العروس
احمد:دائما ومثل كل مره متفهميني ..
اجه على بال سمر من جانت زغيره ويحاجيها ومتفهم
سمر مثل الضاجت وسكتت
احمد:شجاج شو حتا الفرحه راحت
سمر:الذكريات السيئه احمد ..حتا من نتذكر ذكره حلوه لازم نذكر الذكريات السيئه
سمر باوعت على احمد بعدين عينها صارت على اخوها
سمر:حلو ..
احمد:العريس...سمر ضحكت وباوعت بوجهه وهيه جانت قاصدته
سمر : اي العريس هم حلوو
احمد:لحظه لحظه سمر اكو واحد حلو اهنا غير اخوج
سمر: اي والحلو يعرف نفسه كلش زين ...
احمد: جبت الاخوج هديه وانطيتها الامج ..جنت متوقع اشوفج وهم جبتلج هديه ..
سمر:ماكان اكو داعي
احمد طلع من جيبه كيس بيه ورد فتحه وجان بيه علبه عطر بيها ملفوف شريط احمر على شكل فيونكه على علبه العطر
احمد :اتمنى تقبلين هذه الهديه البسيطه مني
سمر :العطر يفرق ..اخذت العطر فتحته وشرت منه على رگبتها شمته ..وعجبها العطر صار بلمكان من رشته
سمر: حلووو عجبني شكرا الك
احمد: شم العطر من ابعيد ..احمد لانج ضفتي على العطر لون صار عطره حلو ...مرت ايام ..سمر جانت كاعده گدام المرايه وتمشط بشعرها وتذكرت الممرضه من قصته ..بعدين باوعت عينها صارت على العطر الهداه الها احمد خلت من عنده وشمت العطر وبتسمت
مرت اسابيع واشهر واحمد يجي يشوف علي ويسئل عنه سابقا كانو من نفس المنطقه ..
مرت فتره 3اشهر وسمر تماثلت بلشفاء تماما حتا نفسيتها تحسنت ..وشعرها صار اطول صارت مناسبه عرس علي جان بقاعه بلفندق عرس جبير وحفل جبير
العروس والعريس كاعدين على كرسي ملكي . سمر واكفه گبال اخوها تتبسم بوجها وتضحك واخوها علي يبتسم الها ...احمد جان غريب على سمر
احمد: طالعه حلوه
سمر : عيونك ..
سمر رجعت باوعت على اخوها وضحكت ..لاحضت اخوها اختفت ضحكته علي صفن عيونه مرمشت عينه صارت نقطه ابعد من المكان البيه سمر ..سمر باوعت على اخوها وحست اكو شي ..التفتت سمر وباوعة ليوره هيه هم ضحكتها اختفت شافت طارق صدفه بعد كل الفتره المرت اجه ..وشافته
طارق مد ايده وسلم وراد سمر تصافحه بايدها بس هيه ما لمست ايده
طارق:مبروك ....باوع عليها مالمست ايده ولاصافحته
سمر:شكرا ..
طارق :اجيت اشوفج واسوي من العرس عذر حتا اشوفج مره ثانيه
سمر : سمر ليش احنه ضل شي يربطنه ..احمد ضل صافن عليها وراد يروح بدون متحس ..زوجه الحجي نعمه16
احمد مشى مسافه قليله وسمر لزمته من ايده وكف ل بمكانه وهيه لازمه ايده ..علي اخوها ضل يباوع والناس تبارك اله وهوه مشال عينه عن اخته
طارق: اي بقى شي حبنه قوي واتحدينه الصعوبات ..بس حتا يستمر حبنه ..اني احبج اوعدج مااتركج مره ثانيه وهذه المره ابيع الدنيا كلها بلمقابل اشتريج بس رجعي سامحيني ..اكيد راح تسامحيني انتي تحبيني ..
سمر: ماكو حب الحب التحجي عنه مات دفنته اهناك مات بدالي ..تكولي صعوبات وانت العفت ..تكولي اسامحك واني احبك ..احب اكلك اني اكتشف حبي الك مو حب ..لانك اول واحد طلعت بوجهي عبالي حب مشايفه تكدر تگول ..
طارق:تحجين هيج لان ضايجه مني مااجيتج بعد العمليه ..انتي طلبتي تشوفيني ..معقول متحبيني
سمر: مااحبك انت شي عادي ..صدگ بيه انت متهمني مو انت حبي الحقيقي ..
طارق :مااصدگ تحبين غيري لانج تحبيني
سمر:تحجي بثقه طارق ..بس اني احب غيرك يستحق احبه هوه احسن منك بدون محد يتوسل بيه من اريده الگاه اول الناس واكف وياي
طارق:منو هوه
سمر: شي ميخصك ..روح لان وجودك يضايقني طارق احس الحجي وياك خيانه لحبيبي ..
طارق مشى ضايج ..
سمر تركت ايد احمد لاحضت نفسها لازمته بقوه تركته باوعت على اخوها وضحك بوجها
احمد: سمر راح طارق متردين تروحين وراه تراضينه راح مكسور خاطره
سمر: واذا راح هوه ميهمني
احمد:اكو واحد مثل مگلتي تحبينه اني اعرفه مو
سمر: اني احبه اي يعني تكدر تكول اعجاب ..
احمد:منو
سمر:مااعرف اذا هوه يحبني لو ميحبني
احمد: مصارحج ..مصارحتيه
سمر: احمد برئيك هوه راح يحبني ..تره هم صوجه مصارحني ..ضال يفكر بمشاعر غيره كون يحس شويه
احمد:منو
سمر باوعت بوجه احمد وضحكت
سمر:هوه
احمد لزم ايده وخلاها على گلبه ..
احمد:اني لو هل المره هم ماشفتيني
سمر: مممم
احمد:هااا شكو شو خجلتي
سمر: مااعرف خل اتاكد من مشاعري
باوعت بعيونه لمست اديه وضحكت
احمد:هااا
سمر: اسفه لان كسرتك بيوم ..ماراح اخسرك مره ثانيه
مهما صار
احمد: اني اح ب ج من گلبي ..
اخيرا سمر لگت التريده بس بصعوبه ...مع مرور الايام سمر عرفت شنو الحب الحقيقي ..والثقه والتضحيه
احمد جان الشخص المثالي لسمر هوه الانتضرها وبالاخير دارت الدنيا ورجعت سمر اله ..بالاخير
استمرت علاقتهم فتره قصيره واحمد تقدم لسمر بشمل رومانس مخطط لخطبته وصارت مفاجئه حلوه ..سمر بعد العانته من ظلم الحجي والم وجع الحب ويه طارق عاشت السعاده الحقيقيه ويه احمد ..
بعد فتره من الخطبه احمد وسمر تزوجو ...
تنتهي القصه بزواج سمر واحمد ...
حياة سعيده ابديه ..من عالم الاحلام تحولت حقيقه بلنسبه لسمر ..
النهايه شكرا لمتابعين القصه