غلطه فتاه

البارت الثاني🤞💙

بغداد ساعه4:40
جبل:وصلتكم اخبار عن احمد ال.....
حميد:لا سيدي مالكيناه بعد بس دنراقب بيته
جبل:اي غلط انتو تتحاسبون
حميد:لا سيدي ان شاء الله ماكو اغلاط
جبل:كول الهم خل يحضرون سيارتي راح اطلع
حميد:حاضر سيدي اكو اوامر ثانيه
جبل:لا هاهيه
طلعت بسياره افتر ورجعت للبيت هدووء ماكو احد بس اني سبحت ولبست وطلعت تعشيت برا رجعت بس بل طريق
........
في بغداد ساعه تسعه ونص
كاعده اقره اريد اطلع من هل كروس ناجحه خلصت كلعاده نضفت البيت لان جان عمال يشتغلون الفوك الحمدالله اليوم خلصنه بيتنه
ام رنيم:رنيم لج رنيم وينج
رنيم:ها امي كولي
ام رنيم:اني راح اطلع سوي اكل الاخوج حيجي
رنيم:اوكي امي...
طلعت امي وضليت اني اجا اخوي
رائد:رنيم سويلي عشه يبعد اخوج
رنيم:من عيوني
سويت عشه غسلت الاماعين وكعدت لازم هسه اعرفكم على نفسي
اني رنيم عمري 16 بنت شيخ عشيره معروف بس ابوي مات واستلم الشيخه عمي واحنا انتقلنا بغداد لان اخوي يشتغل جندي وشغله هنا وميكدر يعوفنا طبعا بدايت القصه مالتي من جنت بل انبار
........
نرجع بل زمن
في منطقه ريفيه امي تسوي اكل ابوي بل ديوان كبرت وعشت هناك ابوي توفه جان حادث سير صدمتي الاولى ابوي مات جنت صغيره ماافهم ضلينه عايشين هناك سنه
ابو جاسم:اسمع رائد اختك كبرت ولازم تتحجب شنو مطلعها هيج
رائد:اختي بعدها صغيره هستوها دخلت ال ١٣ شحجب منها
ابو جاسم:لا عبالك كبرت تكدر تمشي كلامك عليه وربك اكسر راسك
رائد:عمي اني لا اجاوزت ولا شي اختي واني حر بيها
جاسم:لك شنوو انت حر بيها قابل هيه بكيفك
رائد:ايي بكيفي محد يدخل بينا وها نسيت اكولكم احنا حننتقل نعيش ببغداد
ابو جاسم:ماكو طلعه منت
رائد:مو انت الي تمشي كلامك عليه
رنيم:بعد عركات هوواي يله كدرنه نطلع من الانبار وفكينه من عمامي جانو كلش متسلطين لدرجه رحنه لبغداد جنت طفله تاقلمت هناك صرت البس مثلهم بس جانت العيشه صعبه شويه بس الحمدالله اخوي كدر يشتغل شكد اجوني خطابه بس مقبلت لان اريد اخلص دراسه واتعين اخوي جان منطيني الحريه بس الحريه اطلع اطب وحدي عادي بس اذا اجتعمت وي ولد او حجيت وي ولد ميقبل واني محترمه هل شي واصلا اني مااعندي هيج اشياء
......
للواقع
مرت الايام وراحت ايام جانت ايام عاديه نجحت من السادس بمعدل عالي دخلت صيدله هل شي ساعدني ورا فتره اخوي عزم صديقه واني جان عندي امتحان فاينل بلكوه دبرت العشه لمحت رجال طويل اسمر العيون شهل عسلي لابس زي عربي وكاعد بكل رجوله ويحجي بصوته الخشن الي سحرني بيه عيونه ملامحه حاده انتبهت على نفسي اني شداسوي استغفرالله ربي اروح اكمل قرايه احسن ورا فتره رحنه لبيت عمامي عزمونه ولازم نروح كلعاده لبست بنطرون عريض وقميص جوا الركبه وشعري فليته خليت ميكاب قليل حيل رحنه هناك بين السلام والاهل والونسه وفجأه اسمع صياح اسد ابن عمو جاسم
اسد:اسمع لك اختك ناهي عليها وهيه الي
رائد:لزمه من ياخته لك انت عود رجال وتستقوي عليه اختي ومانطيها الكم فهمتو لولا مستحيل انطيها يماا يلله اطلعن امشن نرجع
رنيم:رجعنه والطريق كله ساكتين ماحجينه نزلن بليل سمعت امي واخوي يحجون طلع ابن عمي الشفيه ناهي عليه طبيت ركعت الباب مستحيل اخذ هذا المتعجرف الهمجي
رائد:لا حبيبي اصلا منو كلج اني الخلي ياخذج ههههه هذا يحلم انتي بنوتي الحلوه
رنيم:مااريد اتزوج ماريد اعوفكم
رائد:لج بابا شتتزوجين كل عقلج
رنيم:لعد طلعني🌚🤞
رائد:ادري بيج مصلحجيه يلله بدلي حتى اخذج
رنيم:بدلت وطلعت ومشغلين اغاني وفرحانين فجأه دك تليفون رائد
رائد:نعم سيدي الملف اي وياي حاضر سيدي راح اجيبه
رنيم بس اودي ملف لضابط ونرجع للمول
رنيم:اوكي وصلنه يم بيت وسط مو جبير بس اسود فتنه جوا كله اسود بابيض مابي لمسه انوثه
جبل:هلا رائد فوت جوا
رنيم:كعدنه جوا همه كعدو اني ضليت ساكته واباوع هذا نفسه الي اجه علينا هههه عززا بس هسه يختلف لابس تراك بس حلو استغفرالله شبيج رنيم اثكلي
جبل:اجا رائد ويا بنيه بس ممحجبه اني بطبعي اضوج من بنيه ممحجبه دخلتهم جوا هيه ساكته جمالها عادي مو هذاك الجمال بس عيوونها سوووود سواد اليل ومكحله كاعده وبكل كبرياء حاطه رجل على رجل وتباوع بل بيت خلصنه شغلنه بس رائد جلب ال نطلع بمطعم نتعشه طلعنه هيه صعدت ليوا اني كعدت يم رائد نحجي على الشغل فجأه حجت هيه واخيراً حجت
رنيم:رائد حبيبي اريد مي
رائد:حنزل اجيبلج واجي
جبل:نزل رائد اباوع على لبسها هيه ممنتبه بنطرون عريض وردي وقميص طويل سماوي لو تلبس حجاب تطلع احلى بعد
جبل:شنو اسمج
رنيم:
لهنا ويخلص البارت😂🤞اذا كدرت بليل انزللكم بارت ثالث اودعناكم ان شاء الله يعجبكم البارت🌚🤞💙بقلم:اميره الخيال