لميس
فى سفرة الفطور
كنت نجهز فى سفره خش يوسف
درت روحى ماشوفتاش حط ايده ع خصري
تفاجاة
لميس بعدت ايده \ وقح شنى الحركات هاذي
يوسف \ ع اساس ماعمري شديت خصرك ولا ايدك ولااااا
وشبحلى بنظره لعوبه
لميس \ انت مجرد ماضى لا اكتر ولا اقل اني نحب عصام و عصام يحبنى فالهذا تربح انسانى
يوسف \ لاا والله تبيني ننساك هكي منغير ماناخد منك شني نبي
ضربته كفف حط ايده ع خده \ حقير تافهه
ركبت من دروج بسرعه خشييت غرفتى صكرتها بالمفتاح حتى ارتحت معا عصام جاني دراه هدا
ميار
جايه بنفتح ضئ سمعت صوت نسرين تعيط وخرت شويه
ميار \ خيرك نوسه خلعتيني
نسرين \ رد بالك تفتحى ضئ
شوفت عمر راكب دروج هوا يجري
عمر \ خيركم شنى فييه
نسرين \ نششم ف صنة غاز خيرك ميار نسيتي الغاز مفتوح
الكاتبه
عمر خشش وحط ايده ع خشمه و فمه وفتح الباكونه و الرواشن كلهم دف الحديده متع ساره
ماغير مايحس جت تحت الصالون
خش للكوجينه صكر الغاز
طلع لقي ميار تبكي وحاضنه نسرين
خداها وحضنها
عمر يطبطب ع ظهرها\ اسس خلاص يعمري ماصار شئ
ميار \ عمر شويه ومتت اني ولدي
عمر \ خلاص حبيبى مصار شئ نسرين لوسمحتى ترفيعها معاك
نسرين \ اي عادي تعالى ميورتي
ساندتها ونزلو لوطه
فاطمه \ خيره اصواتكم طالعه للجيران
خطمت نسرين من جنبها وشبحتلها شبحه وخشت للغرفه
ايناس \ زعما عرفت
أنت تقرأ
زوجي ولكن
Teenfikceتلاته خوات كل اخت ليها قصه الاولى \ راجلها يخون فيها بسبب اهمالها تانيه \ عزوزتها عزوزتها مش طايقتها بسبب ول دها واخده غصب عليها التالته والاخيره \ حبيبها خطب قرارت انه تحرقله قلبه و اول حد يتقدملها توافق باش تعرفو الاحداث تابعوني يوصلكم كل جديد
