4:14 م.
ناضت ليلةع المطر لي نزلت عليها بعد مارقدت.
صبت خشت تحت الظلالية ولفت يديها عليها وترجف.
غزل فتحت الروشن : شوفي ليلة حرام.
جت فرح جنب غزل: حي تو تمرض ليلة متتحملش.
غزل فكرت : هي أنا ننزل نفتح الباب من لاوراء وانتِ راقبي حميدة.
فرح ترددت بعدها اذكرت ان ليلة ديما تحمي فيها وتساعد فيها: تماام هي ننزلوا" طلعن هنا الاثنين تقابلن مع سوسن".
سوسن تمضغ في مستكة: وين وين أنتِ وياها!
غزل وقفت: نبوا نديروا قهوة.
سوسن بحقارة: متدفعنش في حقها انتن.
غزل مشت من جنبها: ولا انتِ، تقريبا الدولة لِـ تصرف علينا وجمعيات الخيرية ف مرة تانية معش تتكلمي افضل لك.
فرح تمشي جنبها: تستاهل الحقيرةة، اخبث من حميدة هذي.
غزل تبحت في الدار : المهم خليك هنا وشوفي أنا نمشي نفتح لليلة.
فرح هزت براسها.
مشت غزل فتحت الباب بشوية وطلعت تجري والمطر تنزل بغزارة.
غزل جت جنب ليلة داهشة: هي نوضي بسرعه نخشوا.
ليلة صبت: وين!
غزل مسكتها من يدها: غير يلا نوضي معاي.
ليلة: غير وين بسس.
غزل : تقعدي هنا ودبشك مبلول كله تو تمرضي، هيا بسرعة فرح قاعدة تستنى"وكرّت معاها ليلة"
خشن بشوية شافن فرح اشرتلهن ورقن فوق يجرن.
خشن وسكرن الباب.
فرح مجهزتلها دبش: امسكي خشي دوشي.
غزل : ايي امشي تو نمسك عليك الحمام نقوللهم فرح فيه، وانتِ يافرح تخبي في أي تركينه.
ليلة هزت براسها وخذت الدبش وطلعت هيا وغزل.
بعد ربع ساعة.
ط
لعت ليلة.
فرح مدتلها كباية فيها نعناع ساخن: امسكي اشربي فيها نعناع وليم عشان متمرضيش.
ليلة خذتها منها وقمعزت جنب الدفاية: تعالي امشطيلي شعري، وهيا عشان نقريك.
أنت تقرأ
مسـارب الحيـاة.
Short Storyتـحصلت عـلى تـرتيب الاول فـي مسـابقة احتـراف كـاتب. ويكاد يعيش في شبه عزلة عما يحدق به من مسارب الدنيا،إلا انه على رغم ذلك يضج بحياته الخاصة،حياة تتصل في اعماقها بجذور الحياة الشاملة،وتحتفظ بقدر من اسرار العالم المنطوى. الكاتبة: دوجـة عبـداللـه.
