مسـارب الحيـاة.

الحـلقـة الاولـى

مجهولة: تو يـ ماما في ناس يديروا هكِ! كيف •• و•• يديرن هكِ معقولة ،أنتِ تسيبيني!.

مجهولة:لالا مستحيل أنتِ عيوني، هذي القصة نبيك كييف عميمه لِـ فالقصة قوية بكل.

_______________

تمشي ع روس اصابعها بشوية فتحت الباب وخشت بسرعة وسكراته.

فرح رفعت عيونها وقمعزت: شن صار!

ليلة بحتت فيها بنظرة انتصار وطلعت يديها من خلف: شوفوا!

غزل فرحت: واخييرا ، بعدك جعانه ولما تعاركت معاهم مكليتش.

ليلة قمعزت ع الفرشة وحطت الصونية: ياغزل.

غزل : نعم.

ليلة: جيبي العصير في الدولاب تحت الدبش.

غزل مشت تجيب فيه وضحكت: عنجدك وين داسته.

فرح حطت الكتاب متاعها وقمعزت جنب ليلة.

ليلة ضحكت : مرات يشوفوه لو حطيته ع الطاولة.

غزل قمعزت : ايي صح، كيف جبتيه.

ليلة بفخر: مافيش شيء يصعب عليا.

غزل ضربتها : يرا احكي ، وين سوسن وحميدة.

ليلة ضحكت : سوسن غارقة في العسل.

غزل تضحك: شن دير!

ليلة رشفت من العصير: لقيتها تكلم، وحميدة مختفيه شكلها راقدة.

فرح تنهدت بضعف.

غزل بحتت فيها : كنك شن فيك!

فرح : لـ امتى حـ نعيشوا هنا، خلاص ملينا كل يوم عرايك وهزايب.

غزل نزلت دمعتها ومسحتها طول: عادي فيهن جو"وضحكت بنكسار".

فرح تبكي: اي جو تحكي عليه آه! كل يوم هزايب عرايك،ساد غير كلمة يتيمه لـ يقولوا فيها لنا.

غزل ساكته و دموعها ينزلوا.

ليلة رفعت راسها متبيش دموعها ينزلوا: الله غالب هكي ربي كاتبلنا وحـ نرضوا بقضاءنا وقدرنا.

فرح تبكي: والحمدلله"صبت" أنا نبي نرقد.

غزل صبت : أنا ماشية للحمام.

ليلة هزت براسها: تصبحي ع خير.

فرح خشت لسريرها: وانتِ من اهل الخير "وغطت راسها وقعدت تبكي بدون صوت لعند رقدت"