المنحوسة😂🔥
المقدمة (الحلقة الاولئ)
وهااااااي جيتكم.... حيعلماء طاحت الثرية.. باااااي😂😂😂😂😂
خلي نعرفكم بانفسي🔥 عارفتكم ماتبوش تعرفوني يلي يعرفني بيخش في النحس معاي المهم😂🔥
اسمي رهف العين عليا والحافظ ربي م 94 لامخطوبة لا متزوجة قاعدة معنسة عند ميمتي 😭😂😂😂
موصفاتي طولي 155💔 شعري طويل لان تقول لاعبة فيه قندشة عيوني كبار راحيات زي الطاوة العين عليا والحافظ ربي لونهم سود عادي اصلآ يقولو الحرية عيونها سود ....حيعلماااء طاح براد الشاهي ربي عاقبني😭😂😂😂😂😂😂
المهم خلي نعرفكم على عيلتي هيا هل العيلة المقومة اههههه بلاهي😭😂
امي: فتحية ماباتش تفتح عليا😂😂😂😂😂
م لالا فكني ياكبدي نقول موليدها تبرك عليا
بابا: مفتاح يفتح اي قفل قدامه😂😂😂
اوكي نبصر خلاص حتى هو فوتو موليده😂😂😂😂
عندي اخت وحدة اسمها نيهال م 98 ومخطوبة الكلبة اهيا😭😭
ماعنديش خوت ولاد راس بنتين🔥
المهم خلي نبدو في الرواية❤🔥
S__________________________
🔥روايات بنووووته ليبية🔥
اني: نازلة نتمختر لين نجي مقلوبة على وجهي
امي: بهيمة حيوانة متشبحيش ماك
اني: ووووه عليا عليك صبح من بدايته
امي: نوضي يابايرة يامنطولة ماعين الفطور يستنوء فيك
اني: اي ماهو يحبوني با سلامتهم
امي: نوضي بلا دوة زايدة خير مانجي نفتحلك راسك
اني: ضروري كل متهزبني ادير لي راسي تاق وك
مشيت ياحنة نغسل في الماعين
اني: اهههه ياربي اني توا المفروض نكون عند راجلي معزازة مكرمة ماحد يوصل.....وطاح مالقي الكرستال
اني: ووووه عليا ووووه حتى كلمتي ماكملتها وووووه عليا
امي: شن كسرتي كسر عضامك
اني: لالا مكسرت شئ....طاحو الطواسي متع الكرستال
امي: تي غبر فيك شن هدا
اني: لا يارب علاش هكي باهي علاش شن درت صلاة الفجر وصليتها والصبح صليت والضهر توا نمشي نصليه
امي: اعطيك دعوة اعطيك دعوة خريتي بوقي الله لاتربحك ولا تسامحك
اني: يانعلي دسكة مخبشة وووووه
امي: خدت عصا المكنسة كسرتها على ضهري
اني: احيييييي احييييي وووه على رهف وووه منحوسة رسمي واحد تين تمانية رهوفة مش حاجة تانية
امي: ارزيني فيك بري اركبي اغسلي البساطات وانشاء الله يسلمو منك ومن النحس متاعك
اني: لالا ماعندهم كيف يجيهم النحس هدو بساطات وركبت نجري نرهول درجة نركبها وعشرة لا
S________________________
اني: ووووووووووووي وفرشت البساط وهرب الضئ
اني: لااااععععع علاش علاش توا امي بتركب تكسر البانيو على ضهري ضهري بدي درع حماية وووه عليا
خلي نلبد بلهي خير ماتجي امي ادقدقني
وخشيت وراء السور
نهال: نعم ياعمري
طارق: استاحشتك
نهال: حتى اني نبي نشوفك
طارق: افتحي الفيديو
نهال: فتحت الفيديو وقعدو يهدرزو
اني: بصوت واطي....السايعة والله لما نستغلها
امي: وووووينك يا بلوة وينك وين مشيتي يا منحوسة وووه عليا لا حاجة انضمت لا حاجة تساوت با نحسك
اني: جسمي ولا شوك.....وووووي هجمت على نهال
نهال: سكرت الخط تجري....شن فيك يا حيوانة
اني: سلم وخيتي ياربي
نهال: والله ماني مساعداتك
اني: اوكي توا نمشي نوري لي ماما كيف فاتحة شعرك وتكلمي في طارق فيديو
نهال: ارزيني فيك حولي توا نساعدك ياكلبة
اني: نيهههههههههههااااااا
امي: نهال حبيبتي شوفتي اختك الكلبة المنحوسة
نهال: لالا مشفتهاش
امي: مالا مع الدجاج دجاجة الكلبة اهيا
نهال: بلكي
امي: نزلت
اني: حيعلماء كلبي قصدي قلبي
نهال: حولي ياكلبة توا
اني: بري انشاء الله تموتي ونتزوج طارق
نهال: حدفت عليها المكنسة
اني: نزلت بشوية لبدت في الدولاب
S__________________________
🔥روايات بنووووته ليبية🔥
محمد: السلام عليكم
امي: وعليكم السلام تفضل
محمد: اني متع خدمة التوصيل في وحدة اسمها نهال طلبت حاجات
امي: توا اناديهالك
محمد: تمام
امي: خشت ركبت فوق تنادي فيها
اني: طلعت نجري نبي نشوف شن بتاخد الكلبة وتعلق متع الصلاة في الباب ويتسكر عليا الباب
محمد: نخلع تلفت يجري
اني: وووووووووووووه ووووه ووووه عليك حظ منحوسة من الصبح لي توا مافيش حاجة مشت القدام
محمد: يضحك
اني: حيعلماء توا كيف بنفتح الباب بتجي امي بتلاقاني معاك تسحابة في حاجة بيناتناء
محمد: واني شن دخلني
اني: دقيقة دقيقة هده جت لي مصلحتي حصلت عريس باسهال...... بلهي سيارتك فاضية؟
محمد: اي فيها شويت حاجات بنرفعهم
اني: ركبني معاك واهرب بيا
محمد: قعد يشبح مصدوم
اني: انبخخخخخخخ بخخخخ شن تستناء خود انجلينا جولي معاك واهرب...لبة الضئ تسكرت
محمد: قعد يشبح ويضحك
اني: اهمممممم اهممممم ليها 11 سنة راكبة علاش حلالك توا تنحرقي اعطيك جدري
محمد: يضحك على هبالهاااا😂😂😂😂
امي: تفتح في الباب
اني: شديت اليد متع الباب وبديت ندفع فيه جيهتي باش متفتحش
محمد: هبلتي يا اختي
اني: مانيش اختك حيعلماء محلئ دين امك الزح من وين جايبه الزين هدا كله
محمد: قعد يشبح ويضحك
اني: بلهي عليك زيد اضحك عندك غمازات
محمد: نصدم اول مرة وحدة تقوله الكلام هدا في وجها
اني: ووووووه معاش نقدر نقاوم تقول امي تربت في الفنون العسكرية
امي: لين الباب فتحاته
اني:.......يتبع🔥
عارفتها قصيره بس هادي الحلقه الاوله
أنت تقرأ
المنحوسه 😂 🔥للكاتبه Ãyā Âřishăț
Comédieروايه منقوله كوميديه للكاتبه Ãyā Âřishăț كاتبه حليمه وعمايلها البهيمه كونو في المتابعه 💙💙
