مره كنت قاعد ف مطعم و باكل ، كنت زعلان شديد و متوتر و خايف اجتماع الليله م يمشي زي م عايز .. كنت داخل الفيس وقتها و صدفه جا منشور مكتوب فيهو :
" أنظر لشئ جميل ستشعر بتحسن ."
عاينته للعباره بأستهتار و بقيت بفتش ف حاجه حلوه ممكن اعاين ليها و وقعت عيني عليها .. تحديدا انسانه تشبهه جمله قريتا زمان بتقول :
" جميله لدرجه انها قد تتحول إلى ورده ف اي لحظه !.."
بيني و بين نفسي قلتا :
_تتحول شنو دي ورده اصلا .🖤
صراحه و للأسف اول مره اقتنع بكلام من الفيس بس انا ارتحتا بعد شفتا حاجه حلوه و هيا كانت الحاجه الحلوه دي ..
مشيت الشغل قبل اتأخر و كل حاجه مشت بطريقه حلوه و قلبي مشا ليها ..
الحلوه القابلتا الليله ..
حاولتا م افكر فيها تاني بس فجأه ف نص اليوم بتجي ف بالى ، ضحكته و عيونها الحلوين .. " وردتي اللطيفه ".🖤
بعدها بكم شهر كان عرس صحبي شديد و طبعا كنتا جارى معاهو و بنحاول نظبط اي شي .. عرسو كان فجأه و طبعا العروسه م حصل شفتها الا يوم الزفاف و اتفاجئته انها نفسها الورده اللطيفه الشفتها قبل كم شهر ..
م عارف ليه بس زعلتا شديد لمن لقيت انها خلاص بقت لغيري ، من غير اعرفا سميتها وردتي و الدنيا أثبتت لي انها ورده لغيري .
حاولتا ابعد و فعلا سافرتا فتره و رجعتا و بقيت بشوفها كل فتره ف كم مناسبه بس الفرق انو ملامحه اتغيرت و ضحكته الحلوه اختفت ..
بعدها عرفتا انو ف مشاكل بينها و بين صحبي ال هو راجله و زعلتا شديد لمن عرفتا انو هو الغلطان و انو الورده اللطيفه بدت تذبل شويه شويه ..
كنت كل م اصلى بدعى انها م تزعل و انو قلبها الحلو زي ملامح وشها يفضل فرحان .. بتذكر مره شفتها شايله شافع صغير و بتلعبو ، كان نفسي اقول ليها سيبى الشافع و سيبى قلبي المعاكي .. كانت بكل تصرفاتها و كل الحاجات ال فيها طفله صغيره .
ف يوم قاعد و صحبي ضرب لي مبسوط شديد و قال انو خلاص ح يطلق منها و انا هنا زعلتا منو شديد .. هو ف واحد يلقا زيها و يسيبها بالبساطه دي كده !!..
وقتها عرفتا انو ربنا اداني الفرصه دي و م مفروض اضيعه و ده العملتو ..
كنت عارف الاماكن البتحب تمشيها و بقيت بمشي هناك كتير لمن يوم قابلتها و قعدنا و اتونسنا و شويه شويه بقيت برسل ليها و اتصاحبنا .. كنت بحاول ادخلا ف كل تفاصيل يومي و بحاول اضحكا دايما .. كانت كل م تزعل بتجي تحكي لي و انا بحاول اواسيها لو م قدرتا بشيل همها معاها .. كانت حلوه شديد من جوه و بره و مع كل كلمه بتقولا كنتا انا بقع فيها زيياده ..
مره عزمتها بره و قعدنا و اتونسنا قمتا بهظار قلتا ليها ..
_تتزوجيني؟!..
قعدت تضحك و قالت لي ..
=شايفني مجنونه؟!..😂
عدينا اليوم عادي و علاقتنا كانت حلوه شديد ، م حصل قلتا ليها بحبك بس كنتا مستنى الوقت الأحس فيهو انها ممكن تتقبل علاقه جديده ف حياتها ..
بعدها بكم شهر رسلتا ليها فجأه ف الواتس ..
"Seriously , marry me " .
قعدت تضحك و قالت لي بطل هظار .. قلتا ليها م بهظر و ح اجي اتقدم ليكي و ف نفس اليوم بليل مشيت اتقدم ليها و اهلها استغربو شديد و حتي هيا كانت رافضه و متفاجئه بس بكل الفيني حاولتا اقنعه و ف النهايه أقتنعت !...
و بقت كل م تشوفني بتضحك و تقول لي طيب من متين ؟!..
هيا م كانت عارفه اني بحبها من قبل حتى تشوفني ، م كانت عارفه اني كنتا بدعى ليها رغم انو ماف بينا شي . م كانت عارفه انى من زمان كاتب ف نهايه اسمها ياء الملكيه و انها ملكي ..
م كان مهم عندي نظره الناس و لا كان مهم عندي صحبي يقول شنو !... كان كل همي اجبر خاطره و افرح قلبي بيها ..
وردتي اللطيفه :
" انا هنا من اجلك ، من اجلى ، من اجلنا ."🖤
#Nermeen_Th
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
