سأضل عاشق في تلك الصغيرة سأضل أتنفس أنفسها و أعيش بضحكاتها تلك الفتاة التي سرقت قلبي و عقلي و كل حواسي سأضل عاشق لها حتى تنقطع أنفاسي...
كان شاد تصويرتها يخزرلها و سارح في ملامحها حتى سمع صوت لولاد رجعها لبلاصتها
أ:فهد سلعة تفرقت و جوك فسفس
أم:أنا هني مروح
ه:أنا زادا غدوة بش نوصل لبنات
ف:هارون في عينيك
ه:تواصي فيا على خواتي
ف:هههه باهي تصبحو على خير
خرجو رجع يخزر لتصويرة و يتنهد حالف متكون كان ليه حالف متبات كان بين إيديه برضها ولا بلاش
كانت تتفرج على لمسلسل متحس كان في شلاكة جاتها في راصها من عند حلومة
ع:تي علاه يا نبع لحنان بلهي تحبي ترزيني في ذاكرتي
ح: ڨومي تڨعدي أقري على روحك لنجي نرزيك في عمرك تو أنتم وجوه قرايا نهار كامل مڨعمزين ڨدام تلافز تلصلصو في عينيكم
ضحكت و مشات بستها و دخلت تقرى شوي و دق لباب مشات حلومة حلت لباب تلقاه فهد
ف:حلومة يا غالية
ح:لغلى و قلة لهنى وينك يا طحان يا فاسد لا تجي لا طل
ضحك :خدمة يا حلومة أهيا قضيتك متع شهر كاملة و هذم خليهم تحتك
عينها زغلو ملي مات راجلها و فهد قايم بيهم في كل شيء: عيشلي وليدي لوقتاه بش تبقا تعني فينا يا وليدي
ف:شنوى حلومة تو بش تبقى كل مرة تعمل هكا إنتي أمي و من حقك عليا هذا
ضحكت و عنقتو و بستو
فهد كنلها طفل إلي مجبتوش تحبو حتى أكثر من عيشة .....
