اسكربتااات 🖤🪄

بنوتي انا..🍂♥

انا خارج يا جماعه حد عاوز حاجه من بره و تسلم ايدك يا ماما علي الاكل الجميل دا

-يا حبيبي بالهنا و الشفا انت ابن الغاليه الله يرحمها و ابني حبيبي

-طبعا يا حبيبتي

-اي حالة الحب دي

-وانتي مالك يا رخمه

-علي اساس إن دي مش امي مثلاً

-لا مامتك مقولتش حاجه صح تعالي انزلي معايا بالمره علشان اجيب هدوم

-لأ مش عاوزه اروح معاك في حته الله الغني عن النزول معاك

-ليه يا كنزي انزلي مع يوسف و اختاري معاه الهدوم ذي كل مره انتو مفيش حاجه بتعملوها من غير رأي بعض

-لا علشان قولتله امبارح ينزل معايا و مرضيش و اول ما في حد رن عليه نزل جري

-يااااه دا انتي قلبك اسود اوي

-هطلع اجدع منك و هنزل معاك

-ماشي ياعم الجدع

يوسف ابن خالتي و عايش مع ماما من يوم وفاة خالتو بيقولوا كان عندها القلب كان عنده 4 سنين و ماما كانت حامل فيا في 7 شهور جيت علي الدنيا لقيته هو حتي بابا اتوفي و انا عندي سنتين ملحقتش اشبع منو و مفتكرش غير حاجات بسيطه جداً هو كان معوضني كان سند ليا و البيت دايماً دافي بوجوده دايماً بنعمل مصايب مع بعض بنحكي لبعض كل حاجه عارفيين ادق التفاصيل عن بعض دايماً لازم ننكش في بعض بس لو حصل لحد حاجه مش بنفكر غير نحكي لبعض و نحلها سوا دايماً بيقولي يا بنوتي بيعتبرني بنته معامله أب لبنته

-تعال ندخل المول دا في حاجات شبابي حلوه اوي

-بنوتي الفاشونيستا

-ضحكتني والله عيب عليك

-خد القميص دا علي البنطلون الكلاسيك دا و هتبقي قمر و انت بتحب اللبس الكلاسيك

-ماشي هاتي خدي التليفون و مفاتيح العربيه علي ما اقيس الحاجه

-ماشي هات و هشوفلك حاجه تانيه

-كنزي اي رأيك كده

-أي دا أي دا هتتعاكس مني وانا ماشيه

-لا يا حبيبتي انا كده كده بتعاكس

-ما تتلم يا اخ انت لا بس شكله حلو اوي كده ناقص الساعه و الحزام و الجزمه

-آه و نبقي ندور علي حاجات تانيه في المول التاني

-اشطا يلا غير بقي

- يوسف في رقم بيرن

-مين يا كنزي

-مش عارفه دا رقم مش اسم متسجل

-طيب متروديش علشان ممكن يكون حد من صحابي