#اسم_مُستعار 1 (المقدمه)
في سنة 1991
سميره:بوجع...نقدر ندير اي شي تبيه اي شي الاهم بس اني نخدم عندك ونربي صغاري كويس بعد ماراجلي مات💔
ايناس:شافت لراجلها انيس بمعنى شنو رايك
انيس:بصوت حاد..ماعنديش مانع انك تشتغلي عندنا او انك تربي عويلك معك بس بشرط
سميره:تبكي وبرد سريع...الي تبيه ندير موافقه ع كل شروطك
انيس:اسمعي قبل شرطي بعدين قراري
سميره:هزات راسها بي معنى باه
انيس:يحكي وعيونه في السماء...مانبيش نخش قي تفاصيل معك بس نبي منك انك تعطيني اي طفل من عويلك عشان نربيه
سميره:وجهها الوان..كيف
انيس:يعني ناخذ مثلاً بنتك يلي عمرها بس 5شهور وتكون بنتي ونربيه لك احسن تربيه..هذا في حال وافقتي
سميره:بصدمه...مستحيل...ومسكت في بنتها بقوه...مستحيل بنتي نعطيه لاحد غيري يربيها
ايناس:انتي حتكوني معها اول باول وهي ح تكون تحت عيونك..وحتعلم احسن تعليم وكذلك خوها
سميره:مستحيل انوافق انا..حتى لو نبي نراقد في شارع مش ح نوافق ع شرطكم...عن اذنكم..وصبات
انيس:لازام تفكري في عويلك ماتفكريش في روحك..في من وين تبي توكليهم وتشربيهم وتكبيرهم
سميره:انا خذيت قراري ومستحيل نرد فيه..وطلعت
ايناس:حطت يدها ع وجهها وتبكي...قتلك انا ناخذو اي طفل من الملجئ لكن انت رافض مش عارفه عليش
انيس:قتلك 100 مره لا مانبيش ناخذ طفل من الملجئ وانا مش عارف بوها ولا امها من واكيد بيكون ولد حرام..لكن هذي يلي جات توه وطاقت ع بابنا وتطلب في شغل ع الاقل نعرف ان عندها عويل وبالحلال
ايناس:لنا 6 سنين متجوزين وربي ماذنش ان يكون عندنا صغار💔ماشين لكل دكتور كويس وشاطر وكلهم يقولو في نفس الكلام اصبرو...وانت الحق معش عندي صبر😭
انيس:شافلها..انا متاكده ان المراه هذي حترد اخر علينا وتوه تشوفي متاكد انها حتوافق
ايناس:شافتله...مافيش حد يبيع ضناه
انيس:توه نشوفو
.
.
.
.
أسمــــاء أشـــــــرف🔥❤️
روايـــات أســـــــــــماء أشـــــــــــرف
.
.
.
اسماء:ستوب
خليني نعرفكم ع ايناس وانيس👇🏻👇🏻
ايناس:عمري26 سنه متخرجه من صيدله متجوزه من انيس بعد علاقه حب 3 سنين❤️مرة سنه و اثنين ع زوجنا وربي مارزقنش بصغار..ماشين لكل الدكاتر يلي داخل وخارج ليبيا وكلهم يقولو مسالة وقت بس..ع كم مره نحول نقنع انيس ان ناخذ طفل من الملجئ بس هو رافض نهائياً...هلي ماعنديش حد منهم الا خوي ماما وبابا متوفيين💔
انيس:عمري 34 سنه عندي شركات للعماره والهندسه..تجوزت حب عمري وحياتي ايناس ❤️بس بعد كم سنه من زوجنا ربي مارزقنش ولتوه ربي مارزقنش بصغار..بس ان شالله ربي يرقنا لان لا انا في حاجه ولا حتى ايناس المسالة وقت بس..
__________________________________
سميره:بتوتر واحراج...اءاا اسفه امل عارفه روحي ح نثقل عليكم كم يوم..بس اطمني ح نقعد عندكم اسبوع بالكثر لعند مانلقى اي مكان نقعد فيه انا وصغاري
امل:بضيق...ولا يهمك..وطلعت
سميره:قعدات ع السرير بتعاب...اففف وين نمشي بس يارب..بس ماكنش عندي حال غير اني نمشي الاختي بس لا كان الاهون علي اني نراقد في شارع ولا نمشي الاختي وانا عارفه ان حالتها الماديه دوبها دوب راجلها وصغارها💔...اخخ يلا هو اسبوع ونطلع من حوشهم...صبات طلعت من دار تشرب ميه بس وهي تشرب سمعت شي زاد كسر خاطرها اخر
شريف:يحكي بعصبيه...وامتى تبي تقعد انشالله هنا
امل:قالت اسبوع
شريف:اسبوع😒..اسمعي امل انا مجوزك انتي مش مجوز اختك معك وانا مش عارف..مادخلنيش فيها الماكله دوبك دوبنا تبي تاكل تصرف هي من عندها انا مادخلنيش بي حد
امل:تنهدت...ولله معك حق..بس خلاص اسبوع وتمشي
شريف:وكان مامشتش!!
امل:نلزها انا مش ملزومه بيها وبي صغارها🔥
سميره:من صدمه لين قريب طايحت كابية الميه..بحركه سريعه حطت الكوب وخشت لدار وهي في حالة صدمه لدرجة مابكتش حتى💔
سميره:اختي تقول علي هكي..اختي يلي من لحمي ودمي تقول هكي😭بس الحق علي ماكنش المفروض نجيها...بس من بكرا ح نطلع ومعش تشوف وجي من جديد..صبات غيرت دبشها وخشت جانب صغارها تراقد وهي قلبها مكسور وتفكر في حاجه ممكن تغير مصيرها🔥
.
.
.
.
أسمــــاء أشـــــــرف🔥❤️
روايـــات أســـــــــــماء أشـــــــــــرف
.
.
.
.
.
.
.
اسماء:ستوب مره ثانيه😂
خليني نعرفكم ع سميره🌚
سميره:عمرها24 سنه تجوزت وهي عمرها22سنه وحملت وهي23سنه وجابت وهي24سنه...راجلها موسى كان يشتغل سواق ع سيارة اجره بس مات بي حادث بعد ما سميره جابت بي 4شهور....قعدات سميره في الدار يلي عايشه فيها هي وصغارها بدون لا ام ولا اب ولا اخ ..قعدت فتره قصيره بعدين صاحب الدار طلعها عشان ماتدفعتش الايجار..واول ماطلعت من الدار..قعدت ادور من مكان المكان ع اي شغل..لعند مافي يوم وصلت الفيلة انيس🔥...وطبعاً طول ماهي ادور ع شغل كل مره حد عاطف عليها ومخششها حوشه مراقدها عنده..والحمدلله كلهم ولاد حلال❤️
________________________
ثاني يوم:🌥
واعت سميره ساعه9 صباح..لبست عبايتها واخذت شنطة صغارها وصغارها وطلعت من حوش اختها بدون ماتقول الاحد...وكانت نوايه وعارفه هي وين تبي تمشي🔥
.
.
.
.
.
انيس:يشرب في شاهي ويقرا في جريده..خش عليه امين بواب الفيلا
امين:سيد انيس في مراه برا تبي تشوفك ضروري
انيس:ايش اسمها
امين:ماقلتش
ايناس:كيف ماقلتش🤦🏻♀️
امين:هي قالت قوله انا نفس البنت يلي جاتك امس
انيس:برد سريع...عدي خليها تخش بسرعه
امين:تمام...وطلع
ايناس:تشوف الانيس..معقوله تكون وافقت
انيس:كانت عارف انها مش حترافص🔥
سميره:سلام عليكم
ايناس،انيس:عليكم سلام
انيس:شنو شكلك غيرتي رايك
سميره:بوجع..اها موافقه ع شرطكم💔💔...
يتبع
هذي الحلقه الاوله بنات عرفتها قصيره لكن احسن عشان مانتلخبطوش ونمشو مع بعضنا خطوه بخطوه❤️وبالله عليكن فكوني من التم والملصقات😂عطوني رايكن وحنرد عليكن كلكن❤️
