#اسم_مستعار 14
لايك+تعليق عشان التصفيه
الشاب:حط صوبعه ع زر الاطلاق..بس فجأ جاله تلفون..طلع الشاب تلفون..رد عليه وطلع بسرعه يجري من الكافي
كريم:تي شنو هذا😨
حلا:شنو حبيبي..في شي..وتلفتت وراها تشوف مكان مايشوف كريم..بس شافت ان الواضع عادي🤷🏻♀️..كريم ليش وجك تغير..شنو صار
كريم:بلع ريقه بخوف..لا مافي شي..شاف لتلفونه..تاخرتي انتي ع الحوش صح
حلا:باستغراب..اي هي نبي نمشي
كريم:مسح ع وجه بتوتر وخوف من مالك..خذا مفاتيحه وطلع وحلا وراها
حلا:طول طريق وهي تشوف الكريم كيف قاعد ساكت..وبين عليه انه متوتر
حلا:مسكت يده..كريم في شي..حسيتك متوتر!
كريم:سحب يده..لا مافي شي غير تاخرت ع شغل بس
حلا:قلبت وجهها شور الروشن وماردتش عليه..لين وصلت للفيلا نزلت من سياره وخبطت الباب وراها وماحكتش معه ولا كلمه
كريم:خبط ع دومان..تي ليش هكي ليش..ولد الكلب عليش طلع بس..تي وربي مالك مش بعيد ان يقتله🔥
__________________________________
ايناس:الطف يارب..كنك جايتي بدري!
فوزيه:اي مش ع اساس تبي تقراي مع صحبتك
حلا:ماصارش!
ايناس:كيف ماصارش🤨
حلا:تكلمت بي ملل..يعني صحبتي طلع عندها ظرف..وصلتني هنا للفيلا وعدت
ايناس:اها اي
فوزيه:وانتي ليش قالبه وجك!
ايناس:اكيد عشان ماقعدتش مع صحبتها..عادي حبيبتي مش مشكله خيرها في غيرها
حلا:هزات راسها..وطلعت فوق
فوزيه:ضحكت..عارفه هي مش مضايقه من صحبتها..هي اكيد مضايقه عشان تحسبنا نسينا عيد ميلادها
ايناس:اي عارفه..خلاص كل شي جاهز مزال غير التورته ح يمشي يجيبها محسن من الحلواني
فوزيه:الله..متشوقه نشوف وجهها بعدين بعد ماتشوف المفاجأه🥺خطرها قبل ما ننساه..كلمتي ايه
ايناس:اي كلمتها اليوم صباح..وقالت ماجبتلهش هديه..توه نجي بكرا ومعي الهديه بالمره
فوزيه:حتى هو راي كويس❤️
___________________________________
مالك:ماسك كريم من دبشه...تي يلعن🔞كيف تخليه يهرب..كيف😡
كريم:بخوف..وربي مش عارف ايش يلي خاله يهرب
مالك:توه..توه تران عليه قدامي وتساله وتخليه يجي هنا توه فهمت🔥
كريم:هزا راسه بخوف..طلع تلفونه وران ع شاب..يضرب الخط ومايردش
مالك:رد ران عليه اخر..لين يرد ولد الت🔞
كريم:حاضر حاضر..غير اهدا
مالك:تي انت مادخلكش بيا..خليك في يلي انت فيه
كريم:رد يران ع شاب..بس مافيش رد ك العاده🤦🏻♀️بس بعد ماصكر كريم الخط جاته رساله منه مكتوب فيه(تحسبني نبي نوسخ يدي بالدم عشان في الاخير تبيعوني😏ماتحولش تران عليا اخر خير مانبلغ فيكم الشرطه وانا برا البلاد..سلام)
مالك:يقرا ف رساله واعصابه خلاص..ودمه يغلي😤عزق تلفون كريم في الارض تمه طروف طروف في كل مكان
كريم:😨😨
مالك:بصوت عالي..تي كيف كيف..انا مالك ينضحك عليا..عمرها ماصارت هذي..وفي الاخير يجي كلب ولا يسوى ويداير فيا هكي..لكن وربي الا لما يشوف..وانت يا كريم حسبك بعدين غير اصبر ع رزقك شوي🔥ومشه ركب سياره حرق العجله من سرعه وطلع
كريم:انا ايش دخلني من الاول..ماكنتش المفروض وافقت ع طلبه..اووف اووف ياربي🤦🏻♀️
_______________________
نهله:اي ايه البسي احلى شي عندك..لان ره بنات عمي يحبنا يفشكن علينا
ايه:يييييي..حتى انتو نفس القصه😂
ميمونه:شكلها بنت عمك كيف يلي عندنا
ايه:تي اشر منهن وربي😂
نهله:خلاص انتن الاثنين..تحبنا تحكن غير ع الناس
ايه:اي اي..صدقت يلا نحن ايش دخلنا
ميمونه:اي خلي الناس في حالها..دع الخلاق للخلق
نهله:🤦🏻♀️🤦🏻♀️
مريم:ايه بنتي..سيبك منهن هذين الاثنين..خليك معي..توه بعد ربع ساعه ح تجيك كوافيره..ح دايرلك مكياج وشعرك وتلبسك
ايه:بس انا نعرف نداير هذا كله بروحي
مريم:اي عارفه..بس انتي اكيد ح تاخذي وقت طويل..بس هي شاطره بسرعه بسرعه ح تكملك
ايه:تمام عمتي..صحيتي❤️
ايلاف:تشوفلها بغل
مريم:ايلاف اما انتي..تعرفي ادير هذا كله بروحك..مش محتاجه حد يساعدك
ايلاف:دمها محروق بس تبينا انها عادي..اي عمتي نعرف☺️..وفعلا بعد ربع ساعه جات الكوافيره لايه..ونضمتلها واضعها كله..وعدت❤️
_________________________________
هاشم:يحكي بنرفزه..كيف صار هكي مالك..مش ع اساس القصه هذي اتم اليوم
مالك:يحاول يهدا..منعرفش..الولد هرب خذه الفلوس وفلسع برا البلاد بكل
هاشم:ينفخ..من طرف من يجي الولد هذا!
مالك:من طرف الزفت كريم
هاشم:مش اهل لثقه..مش عارف كيف وثقت فيه!
مالك:مش اول مره يخدمني هو
هاشم:اي صح..هو ديما يخدم فيك زي مثلاً يجيبلك اخبار عن الشركه هذي اومثلاً يعطيك مستندات ضد شركة فلان..لكن حاجه متعلقه بالقتل معمرش خدامك🔥
مالك:نفخ..شنو يصير توه
هاشم:اهدا توه..خلينا فتره مصكرين ع الموضوع هذا
مالك:تمام..وصكر..ومشه لمكان مايخطرش ع بال حد🔥
__________________________________
حور:طول اليوم قاعده في دار ماتبيش لا تطلع ولا تخش..حتى لما ماجده قالتلها ع عيد ميلاد حلا..مابتش انها تطلع
ماجده:خشت عليها هي وفوزيه..هي حور ماتبيش تنزلي
حور:اووف..توه مش انا امبدري قتلك مانبيش ننزل..عليش جايه تسالي فيا توه اخر
ماجده:قالت ممكن تكوني غيرتي رايك
حور:لا مزالت عند رائي مانبيش ننزل
فوزيه:حور انتي لك كم يوم مش تمام..صاير معك شي
حور:ماتبيش تشوف لعيونها..لا عمتي اطمني مافي شي
ماجده:انا تعبت معك..خليك هك..وطلعت وهي مترفزه
فوزيه:قعمزت جانب حور..ومسكت يدها..حور انتي عارفه اني نحبك صح
حور:بصوت مخنوق..حتى انا نحبك عمتي
فوزيه:خلاص معناها احكيلي كنك..مهما يكون الغلط يلي دارتيه اكيد ح نصبي معك..لان كلنا نغلطو
حور:كانت محتاجه حد يقوللها هكي ويطمنها..اول ماسمعت الكلام هذا من فوزيه حضنتها ع طول وبدون تَرردُ
فوزيه:اطبطب عليها..خلاص اهدي حبيبتي..كانت متاكده ان في شي صاير معك..توه عدا نبيك تحكيلي
حور:رفعت روحها من حضن فوزيه..وقررت ان تحكيلها💔
___________________________
سميره:نبي نفهم بس انتي ليش ماتبيش ايه تعرف؟
ربيعه:لانك انتي غلطانه من البدايه..لو كانت عارفه روحك انك مش قادره تبعدي عليها..ماكنتيش وافقتي انها تكون ع اسم انيس..كانتي رافضتي ولا انك تبيعي بنتك..حتى لو كانتي مضطره
سميره:تبكي..اول مره تحكي معي هكي..بس صح..كلامك كله صح..انا الغلطانه المفروض كانت رافضت وقبلت اني نراقد ف شارع ولا اني نبيع بنتي الوحيده💔معك حق
ربيعه:تنهدت..مش قصدي نوجعك بكلامي بس انا نحكيلك في سوء اختيارك لما اختارتي تبيعي ايه وتنسبيها الانيس وايناس..مسكت يد سميره..خليك معي سميره..انتي عارفه ايه لو عرفت بالحقيقه ايش ح يصير فيها!متخيله كمية الصدمه يلي ح تجيها وقت تعرف بالحقيقه!متخيله انيس وايناس ايش ح يدايرو فيك
سميره:مايهمنيش حد..يدايرو يلي يبو يدايرو..المهم عندي ايه وبس..نبيها تعرف بكل شي..نبي نسمع منها كلمة ماما..مش ماما سميره
ربيعه:طبطبت ع يدها..ربي معك
سميره:💔💔
_________________________________
ميلاد:راجل هذا مش سهل..لازم ناخذو بالنا منه
انيس:ماتخفش انا داير احتياطاتي
طاهر:لو تبو عليه اي معلومات قولولي اسمه بس😏
ميلاد:عارف ان شاك ان ولدك هذا..يشتغل في امن دوله😂
انيس:وربي حتى انا عندي نفس احساسك..مافيش حد في المدينه كلها الا وهو يعرف كل شي
طاهر:عشان تعرفو بس انا من😌
انيس:اي انت طاهر المغرور😂
طاهر:طلع فوق ولا كلمه😂🤦🏻♀️
ايناس:حرام عليك حشمته
انيس:عادي عادي مافيش حد غريب
ميلاد:وين حلا..مش ع اساس العيد ميلاد والحاجات هذي كلها عشانها
ايناس:اي كلمتها توه..شوي وتوه تنزل
نعيمه:اي بسرعه دايرو العيد ميلاد نبي نراقد
كلهم:🤦🏻♀️🤦🏻♀️..وفعلاً نزلت حلا من فوق وتفاجات بي العيد ميلاد..طبعاً ايناس لما كلمتها وقالتلها انزلي..ماقلتلهش تعالي عشان عيد ميلادك لا..قالتلها انزلي يبك بوك..طبعاً تفاجات حلا بي العيد ميلاد وبي كل شي موجود..لدرجة نست حتى يلي صار معها لما كانت مع كريم...كلهم كانو موجودين..احتفلو وقصو التورته وقعدو يهدرزو وحلا مافيش حد قادره ياخذ فرحتها..بس يلي كانو مش قاعدين هم حور وفوزيه🔥
