من النضرة الثانية

هدية الزواج

نزلات سيسي وبقات كتقلب عليه بعينيها
وهوا يبان ليها لابس سروال جينز
وتيشورط كحل وسبرديلة كري
سيسي:ياك لاباس اشنو واقع
علاش بغيتي تهدر معايا
هي كتهدر وهو ساهي
فشفايفها وملي كتضغط على شي كلمة
كيبانوا غمازات ديالها
واراه كنهدر معاك
توقض بزز منو
صقر:حم حم
سمحيلي سهيت شوية يلاه طلعي نهدرو فشي كافي
طلعات ودارت لحزام
وبقات كتشوف فالطريق
بقاو ساكتين
تا وقف صقر قدام واحد المطعم
ونزلوا ومشاو كلسو فطبلة وهو يجي
النادل
صقر ؛شنو غتطلبي
سيسي:جيب ليا طجين اللحم بالبرقوق
وكوكا وفالديسير جيب لي كلاص ديال الفواكه
صقر والكرصون مصدومين فهادي
عادة العيلات كيطلبو فالعشا شي حاجة خفيفة وهي طالبة طاجين
سيسي: مالك كتشوف فيا مخليتينش
ندير لعشا الاهم نطلب واصلا متغديتش مزيان ومعنديش مع لي سلاض
تبسم صقر وطلب يكون دجوج الناس
المهم ملي تعشاو
صقر؛علاش نتي ماشي بحال البنات لاخرين
سيسي؛ مفهمتش راه ماشي وكالة ولكن عزيزة عليا الماكلة ومعنديش مع نكون جيعانة وناكول تفاحة وربعة دالكيسان دلما
نونونو ملي كنجوع كنكول وملي مكنبغيش وخا تكون هاز عليا السلاح منكولش وهادي شوية من بزاااااااااف
واصلا ملي نتزوجو مبغيتكش تصدم حيت كيما كلتي دابا انا مكنشبه لتا وحدة
صقر: ههههه عارف وهادشي لي مخليني باغيك المهم عائلتي خبرتهم ولكن مقلتش ليهم شكون لي غنتزوج بيها يعني
من بعد العقد غنديك لدارك وديك الساعة غتلاقاي بيهم
الحاجة لي نوصيك تحاولي
انك تقربي منهم اصلا ملي يعرفوك شكون ولكن البنات هما وماما لي خاصك تركزي فانك تقربي منهم وكلهم قلبهم بيض ومغتلقايش مشكيل معاهم
شد فيدها
أنا بغيتك تكوني ام لاسد
وتقربي منو عارف انك معندكش خبرة فالامومة ولكن كلشي غيجي مع الوقت
سيسي مركزة فالهدرة لي كيقول واش غتقدر أنها تكون أم لطفل وهي عمرها عاشت مع الأم ديالها وعمرها جربات حنان الأم ولكن الصراحة
كيقولو مكيحس بالمزود غار لي مخبوط بيه
يعني هي أكثر واحد كيعرف باش كيحس
سيسي:اوك أنا موافقة على الزواج وكنتمنى أنني نكون ليك
نعم الزوجة
فرح صقر من كل قلبو
سيسي:ولكن الموضوع دالخدمة ديالي باغا نخبرك بالقرار ديالي
هاد الساعة كنفكر ناخد الدكتورة ديالي وديك الساعة نحل عيادة خاصة بيا
تبسم صقر مأيد للقرار ديالها وخا تكون باغا تكمل مكانش غيمنعها
صقر؛ولكن الدراسة لي خاصاك كتكون برات المغرب يعني قطعاتو سيسي
لا غنقرا عن بعد والامتحانات هوما لي غادي يجيو ادوزوهم ليا فينما كنت
معندهمش مانع
صقر لي بغيتي المهم راحتك
تبسمات ليه وعطات ليه وراقها على حساب العقد
وهاكا دازو دوك اليومين والأبطال ديالنا كيهدرو غير فالتيلي
يوم 'عقد القران'
كالسة فالصالون مع دادا حليمة لي قالت ليها على زواجها
وهي فنفس الوقت غتكون والي امرها
وكانت لابسة قفطان بيض دلعرايس ⁦⬆️⁩

لالة حليمة:بنتي سيدرا هانتي تعلاي فراجلك اتهلا فيك وولدي صقر ولد الناس مغتلقايش معاه العيب كوني معاه فوقت الحزة قبل وقت الفرح وكوني ام لولادو ومتخلي تا حد ادخل بيناتكم واسراركم ودكشي لي كيوقع فبيتكم ابقا فيه وياك ديري تيقة فحد وياك تم وياك تبعديه منك ملي يبغي حقو حيت الراجل عقلو تم ومتنسايش ههههه ديما الجديد
وكوني لالة مولاتي متخلي بنت المرة تشفا فيك ولا تدخل بينك وبين راجلك وولدك وأنا عارفاك ابيتي غتحطي داك الوليد بين عينيك وصيتي ليك  ملي تبغي حاجتك تبلحسي وتغنجي لبسي القصير وديري ريحة خفيفة ولكن مثيرة
ومتعطيهش تايعطيك لي بغيتي ههه
عرفتي ابينتي ديك الساعة وخا تكوليليه
قتل اقتل ههههه الراجل ابنتي معاهم غا السياسة بحال الحمير حشاك ههه
سيسي مركزة وكضحك ههههه
وهانتي حتارمي مو وجداه المهم الكبار واخا يديرو لي دارو وياك تقلي حياك معاهم صافي
سيسي: وخا ادادا لي كلتي هوا لي غيكون ولهلا يحاشمنا
لالة حليمة شوفي كتهدر حشمانة
حمحم ملي يوقع داكشي وياك توري لعائلتو الزيف ايديرو ليك فيه شي تنوعيرا المهم راجلك اعرفك اشوفو صافي فهمتي ولا
اوا بقات عليها لالة حليمة هاشنو ديري وهاشنو مديريش ربي جاب لسيسي شكون افقدها وانصحها حيت شحال من وحدة مكتلفاش شكون اهطيها نصائح
خاصة فاليلة ددخلة والمشكيل وقع معايا انا كون مكانتش صاحبتي الله اخليها لراجلها ولدها مكنتش انعرف شنو يوقع
عادة كيخلعو الناس لعروسة
كيكولو هادي ماتت وهادي داوها لسبيطار وهادي مخرجش منها الدم وهادي مبقاتش كتقدر توقف
(صراحة نعطيكم شوية من حم حم
من داكشي لي وقع لي فدخلة اولا ترخاي متهزيش الهم وتانيا وياك وخا تكوني عارفا كيفاش كيوقع نتي ديري ديك هبل تربح وثالثا متوريش داكشي لتا واحد الى كان بزز وريه لحماتك صافي ومتخليهس عندها ياك غرادها تشوفو اوا جمعي شراوطك وعنداك تخلي
حوايجك مليوحين هنا ولهيه راه شلا اغراض كيدرو بيهم قاليك الوقاية خير من العلاج )اوا يسادي تعاقدو العرسان ديالنا ولا مزوجين على سنة الله ورسوله من بعد عطات لالة حليمة لسيسي جوج دبالج ددهب
ومشات تاهيا وبقاو العرسان ديالنا بوحدهوم😈😈😈😈

اوا لي بغا يعرف اشنو وقع ادير 🌟
المهم القصة مغنطولهاش بزاف
وغيكونو فيها احدات مشوقة
وكنتمنا التوفيق للجميع