من النضرة الثانية

حياة جديدة

سيسي؛ميمة بغيتك تخبي ليا هاد الطقم
تا نحتاجوا
فرحات لالة غيثة لتيقة لي دايراها فيها سيسي وبالطبع فهي حفيدة الغالية
وميمونة ربات وعرفات اش تربي
تعشاو وكلهم فرحوا بيها وخاصةً لالة راضية لي كانت كتمنى تاهيا تولي عندها عروسة بحال صحاباتها حيت المرة لولة ممحسوباش حيتاش كانت مروى
انانية ومتكبرة ومقابلة وجها ولبس
وهادشي مبغتوش لالة راضية فعروستها
اما سيسي بانت ليها كتجاوب على قد السؤال ومفيهاش التبعكيك
وتا ملي جاها داك الطقم 💎متاتراتش
ولا حاولات تلبسو باش تباها بيه قدامهم
وهادشي لاحضو الكل وعجبهم تصرفها
وخا هي مكانتش قاصدة لأنها معندهاش مع المجوهرات وخاصة صقر لي كل مرة كيزيد يعشق اختلافها عن باقي النساء لي شاف فحياتو واهم شيء هو تواضعها مع انها كبرات فقصر 🏰 وفعائلة فاحشة الثراء
ولكن التواضع سيمة مكايناش عند الكل
اوا الله اخلينا فصباغتنا
ليالي:ختي سيسي بغيت نسولك
سيسي؛بابتسامة تقدري تقوليلي سيسي
بلا ختي كنضن بلي حنا فنفس العمر
لالة راضية؛محال ابنيتي علاه شحال عندك فالعمر
سيسي؛اناعندي 22عام
الكل تفاجا من عمرها حيت هي صغر من البنات بجوج
دارين؛هههه راه نتي لي خاصك تقولي ليها ختي راه حنا عدنا 24 عام
ليالي؛دابا نتي امتا لحقتي تقراي الطب باش تكوني طبيبة جراحة ونتي يلاه بادية فالعشرينات
سيسي بتاسمات: فالحقيقة انا بديت ملي كانت عندي 15 عام وبديت فأول عملية ليا ف18 عام
الكل تصدم بهاد الخبر
ليالي ودارين كيرمشو بعدم تصديق
مريا مامات دارين
؛اويلي ابنتي وامتا لحقتي تقراي هدشي كامل
سيسي بهدوء ؛كتحك مؤخرة راسها بحرج
حم حم دابا انا ههههه
كنت صغيرة ياكي
راضية ؛ كملي ابنتي مالك
سيسي:دابا ملي كانت عندي 14 عام
طلعت لفوق القصر وهددتهوم وقلت ليهم
مبغيتيش نمشي للهاي سكول بغيت نقرا طب الاعضاء باش نولي مفيوزية
ونولي نستاصل الاعضاء البشرية ونبيعها فالسوق السوداء
الكل تصدم من كلامها ليالي كضحكي
بخوف نكتة هادي
رجعات سيسي للجمود ديالها
وكتشوف فيها بكل برود شي لي خلاها تخلع
؛لا ممم كتطلع فيها وتهبط
باينا الكبدة عندك مزيانة وتاشوف هو هداك والقلب خدام مزيان
هههههههههه غا كنضحك معاك ولكن الهدرة ديالي بصح هددتهم الا مبغاوش ننتاحر
كرم ؛ههههه عرفتي نتي علام والله
قرفدو صقر وهوا معجب من هاد المخلوقة
لؤي: ومكانش عندك صعوبة انك تشوفي الجتث  والدم ودكشي
مكيجيوكش الكوابيس😨😨😨
سيسي تبسمات ليه تا بانو غمازاتها
شي لي خلا ليالي كضحك؛
واو شوفي عندك غمازات شحال واعرين
دارين: اه ولكن كيكولو تشوه عضلي
راضية: لي معندوش كيقول هادشي
باست سيسي فحنيكاتها وينو عروستي مسرارة
ربي يخليك صراحة كنت متوترة منكونش عند حسن ظنكم
لالة غيثة؛لا بالعكس ابنيتي نهار كبير هادا ملي تزوجك وليدي صقر
وخا معلمتوناش قبل ولكن
الله اسامح عتابرينا عائلتك التانية
وانا جداك
راضية؛وعطابريني انا ابيتي ماماك
ومن اليوم بقاي تقوليلي ماما
كرم ولؤي تاحنا نفس الشي عتابرينا خوتك وهاد اتقيشرات خوتاتك
ضحكو كلهم على النعت دلبنات
واسد وانا عتابريني ولدك
صقر كيضحك وانا عتابريني
بحال راجلك ههه
الكل ضحك عليه
لالة ماريا انا ابنتي عتابريني فمقام ماماك التانية
سيسي شكرا بزاف انكم تقبلتوني بيناتكم
كرم صافي نوضو تاكلو قبل منبدا نبكي ليكم هنا
الكل كيضحك على كلامو وهكا تعشاو وكلهم مشاو انعسو