عيلتنا باللهجه اليبيه

المقدمه

اهلين فيكم في روايتي التانيه على التوالي
طبعا احني حنحكو على حزب البنات الاول بعدها انجو لحزب الاولاد وبعدها للنساء والرجال الرواية حيكونو ابطالها 💛هبة.💛اصيل 💛 خلينا نمشو للتقديم
البنات
هبة:وحيده بوها وامها صورتها على الغلاف اتحب بنت عمها وانتيمتها تقوى مواليد1998اتحب الشكلاته والكاجو تعرف اتسوق واتموت في سيارة الاودي تكره الBMW يسكنو في صور واحد هيا وعمامها وجدهم وحناهم مجنونه بعض الشئ صريحه الي في قلبها على السانها انسانا شفافه راسها كاسح الي ايجي في بالها اديرا حتى لو كان تمنه حياتها عندها كريزما وكبرياء وتقه بالنفس لا تتصور اتحب الاستطلاع والسفر حاليا هيا فيي برشلونه واليوم امروحين اتحب وتعشق فرقه BTS رسامه موهوبة صوتها حلو سر عيونها وعيون بنات عمها جدهم هكي اعيونه هما طالعيلا طبعا اتموت في تاليفونها والابتوب وعندها سياره بوها شاريهلها طبعا ماشيه تقرا وسياحه شعارها في الحياة (IDO WHAT I LIKE &I LIKE WHAT I DO) يعني( افعل ما يعجبني ويعجبني ما افعل) وكلمتها متصيرش اتنين عند بوها وجدها وحالتهم الماديه مشاء الله فوق الريح قاريه من صف تالت 9لغات الي هما اليابانيه والتركيه والروسيه والهندية والايطاليه والبريطانيه والصينيه والانجيليزيه والفرنسيه

تقوى:بنية وتلاته اولاد من مواليد هبة طبعها نفس هبة راسها كاسح ويابس عندها خو متوفي وزوز عايشين كتومه بعض الشئ اتحب شكلاطه النوتيلا تعشقها عشق روحها النقال زي اعيونها وين ماهيه وين منقالها دلوعة خوتها عندها كبرياء وكريزما عاليه وتقه بالنفس

هيام :هيام بنتين وتلاته اولاد طبعا البنت هدي كتومه وغامضه تسكت تسكت وديما بعد هالسكوت في عاصفه عندها كبرياء وكرامه معمرهاش كرامتها نزلت للوطا ادير في عمايلها على السكوتي وهدا احسن مافيها راسها يعني مش يابس ومش رطب عندها خوها عيونها الزوز ومواليدها2000

مريم :جمالها على القهوي يعني مش شقرا ولا عيونها زرق بنت حساسه قلبها سريع الانكسار طيوبة دكية غالي عليها القطاطيس مواليد1996 متمكنا في حاجاة التكنولوجيا

لارا :لارا اخت مريم لاكن عكسها قوية معمرهاش ضلمت حد متحبش تقرا لاكن جدهن قال البنت الي اتبطل انجوزها ليدالك غصبا عليها تقرا مواليد 2000 ميهمهاش كلام الناس عندها على التفاهه دمها بارد متبكيش بسهوله عندها 4خوت

علا:روحها التصوير عندها الجو فري ديمه نت ديمه بت ديما تنزيل ستوريات عندها اخت الي هيا هيام طبعا البنت هدي هيا وهبة وتقوى العيله متقدرش عليهن ليانهن عارفينهن كان مدارنش الحاجه الي يبنها يلقوهن في بلاد تانية ليدالك ينخاف منهن حتى الكليه شاهده على هالشئ البنت هدي اتسوق في سياره همر معمراش ولد مد يده عليها وكان حتى خوها بعدين ادير نهار احرف اتندمهم على الي دلاروه مواليد1998 عندها تلاته خوت

روان:بنت متواضعه عندها اهم شئ دراستها وبعدها الشئ التاني ميهمها شئ في الحياة وكان تلقى اتموت ليانه بوها وامها ماتو في حادت سير وهيا وندى بس عاشن اتخاف من البحر اشوي تتمنى اتموت وهيا توا عايشه في حوش جدها هيا واختها ندى عندهاش على العناد عندها تاني اهم شئ جمالها مواليد2000