تحكي عليه لكساد بس 😂
وتهدرزو فيهااااا يعني لضحك بس 😂
اضحك من قلبك 💚وابتسم وقول اني مكسد بليبي 😂
وسياسه اععع يعني لا ايمين ولا يسار 😉
نعطيكم صور ونكت ومقلات يضحكو ومرات معلومات 😂😂😂
👿👿اليه مكسد وعندها ما يقول ويضحك يتفضل 😂
اما المتكبر يطلع...
كيف حالكم نعرف كساد للمليون المهم الحياه ماشيه لكن المحرك قريب ينضرب اتصدقو درجه الحراره 43حي كانه تشوفو في طرابلس كيف تغلي ما فيش نفس ومع هكي اضي 17ساعه هارب ب3 ساعات ضئ 😂😭😭
المهم موضوعنا اليوم الابلات انشالله ينقرضو 😒 نبدوا بالنوعيه👇اليه تجيب القداد 1-اليه تكشخ وشيفه روحيته على شي خشم كبير وفم شلقم 😂وانجاصه 😉تقولك اسكتي يابهيمه وانتي متدويش وتقولك اطلع برا يا قليله الادب😂 2-هادي اليه نكرها متع لما تكلميني اوفقي باهي 😂مش توقفي الوقفه المعاقة متع الفرخات هادي متمشيش معاي😂😂 😂
اكيد اعرفتوها وقفت اتجكتير😎 اليه الابلة حسدتنا عليه ره 😂 متع ركبه ونص مع ميلان قليلاً الي اليمين وتسندي علي رجلك اليمين وترخي الرجل اليسار وتخليها....قدامك وتحطيها مش نفس مكان ارجل المعتاد 😂😂انشالله فهمتوا اني نكره الابله هادي بذات لكن نشرح مليح صح 😂😂سلامني يارب 😍
3-ابلة اطابور 😖ديري اتمرين انتي ويه اقري النشيد الوطني نقللكم موقف صاير معاي 🙃 وحني نديرو في تمرين امام فوق جنب تحت😂 اني:هديل هديل هديل:همممم اني:خيرك اديري في تمرين هديل:ههههه اروى بجديات انتي تدوى اني:اي ارخي ايديك وارخي رجلك اشويه هديل:بعدين نحصل شفطه من واحده من لبلات اني:تي فو...وجتني شفطه عليه ضهري😂🤣وووه حاره الابلة:ديري اتمرين زين وقري انشيط بصوت عالي اني:حاضر لكن وللهي اضربه حاره محار يدك الابلة:اطلعي بره اني بلعت ريقي وشفت لي هديل:لا لا يابله ولله ماني دويه وحطيت ايدي عليه فمي الابله اشمطه مشت 🤩 هديل:تضحك بس وتعجب فيه لا لا يابله ولله ماني دويه اني:🥺😤 المهم نكرهك يا أبله 😂
4-اليه اللوك لوك 😂من اول ماتخش للفصل وهيا للوك لوك لوك ماتسكتش وتقول بالعه راديو المدينه اف ام 😂 لن تحسي روحك بترجعي 🤮وهيا مزال تدوي وتقول فهمتو نقول اي اي فهمنا وحني نبو احبوب رأس😂
5-الابله أم ستلايت 📢 تجبد من ابعيد لو قلتي كلمه تقولك اسمعتك لن تحسي روحك بتنجلطي 🥶وحي حي كانه وصلت لي للأدارة وبعدين ديرلها هادي قليلة الادب استدعاء ولي امر 😂المهم هادي تلقيه عانس في اكتر الاحوال 😂
6-ابلة باكو الوان 🌈 اليه تحط في ميك اب العالم كله عليه وجهه وتشرح مع الماستكه يمين وشمال 😂😂😂😂ومره مره اطلع المرأيه وتسوي روحه 😂😂وهيااا شكلها زي راجل الكهف وعمره متع موليد1975وتلبس في لبس بنات العشرين 😂وتقوللك وين تلقي ابله زي 😂ههههه طيح سعدك غر تزوجي بعدين ساهل وحي لم تسمع واحده من بنات فصلي انخطبت تقعد تشبحلها بحسد 😅 *تبو الحق هيااا متشرحش هلبا ف منطرش نرفع احبوب راس *😂😂😂😂
7-الابلة السوقية 😂ووووههههه اضحك 😂😂 اليه ديما تسب يا كلبه يا حماره يا...... المهم اعرفتوها وحشاكم 😍 هادي فوتيها الانه الملائكة بترد عليه"ولكِ مثله" يعني متعبيش روحك وتردي عليها 😂😂اتصدقو في ابلات يقولو حلوفه 😳😂
8-ابلة يهوايا....😂 اليه تحط في درجات عليه هواها تبتسمي -10درجات وديما تنقص في درجات وتزيد زي ماتبي يعنى بجو 😂واني هادي اكثر ابله نخاف منه 😞يا بابا اله ادرجات ونجاحي يعني نعفس عليه قلبي 45دقيقه واني في وضع الاكتئاب يعنى نتخلها عليه اضحك ونكت والقرمه 🙃ربي يعونكم عليها😅😂😂😂
9-والابلة اليه تقولك خيرك تضحكي ضحكيني معاك وتقول اضحك بدون سبب قله ادب 😒وكانه نلقا نقللها تضحك عليه منضرك 😂
10-الابلة اليه اول ماتخش توقف نص ساعه لن يوقفو كلهم استعداد ومغير وقفه جكتوريه 😒بعدين تقول اسلام عليكم تفضلو قعمزو ولما تشرح مانبي شي عليه المقعد 😂😂
اجمل نوع في العالم 🌏 11-الابلة اليه نحبها اليه تقليلها نشرب اميه تقولك تفضلي 😍ولم تكملي تقولك صحه صحه 💞وكانه تشوفك تاكلي ادير روحه ما شفتكش 🍯ولم تنوضك وتجوبي غلط تقولك نعطيك درجه عليه المشاركة وكانه سمعت صوت تلفون ادير روحه طرشه 🌈ولم تقليلها يا ابله غدوا منديرو زرده اعطينا حصتك وتعالي معانه تقولك به خودوها وتوا انديرلكم بيتزا وله اي شي تاني♾️🤩نموت فيك يا ابله ❤️
12-هادي العزوز الشمطاء😒 تجمع جميع الفئات 10معاده 11هديك بروحه عسل لكن هادي شمطاء بمعانه الكلمه يعني كل شي ادير فيه وتنجح 10طالبه من30طالب وي الله 😭لو جتكم الابله هادي ربي يصبركم وعلي فكرة تحب تقول اطلعي بره الاسطوانه لمخبشه 🤣🤣🤣
هادي الفئات اليه جت في بالي توا كان تفكرت حاجه تاني نقوللكم عليه 😉😂😂
