عشق خديجه

آقتبآسـ 2

السلام عليكم ورحمة الله وبركاته

الدعوة بظهر الغيب بتتقبل وبتبقى ليها نوع تانى دعواتكم لكل اللى بتحبوهم ان ربنا يحقق لهم اللى هم بيتمنوه وان ربنا يفك كربهم ويزيل همهم وحزنهم ويفرحهم اللهم امين
ولا تنسونى من هذا الدعاء
🌺
🌺
🌺
عدى يوم الحفله وخديجه عرفت ان صديقتها هدى ورنا عملوا حادثه وبالمستشفى لان خديجه عزمتهم على خطوبتها بس هم مجوش ولا حتى والسواق اللى خديجه كانت بعتاه يجيب رنا وهدى رجع تانى من غيرهم ولما سالته عليهم
فلاش باك
يوم الحفله
خديجه /فين رنا وهدى البنتين اللى بعدتك تجيبهم من القاهرة
السواق/واللهى ياست هانم روحت لهم نفس العنوان اللى ادتيهولى وملقتهمش ورنيت عليك وقولتك انتى ادتينى عنوان تانى وبردوا روحته ومالقتهمش
خديجه: فى الاول اعطت للسواق عنوان رنا هيروح يجيبها وبعدين رنا هتروح معاه عند هدى وتجيبها وتيجى لكن السواق راح لرنا ملقاش خديجه اعطته عنوان هدى يمكن رنا تكون هناك وبردوا راح وملقهاش وخديجه من امبارح بترن عليهم لارد
خديجه قلقت لان لحد دلوقتى تليفوناتهم مقفوله
خديجه للسواق: خلاص روح انت
مشى السواق وخديجه بينها وبين نفسها بتقول كدا بردوا انا قولت هتكونوا موجودين معايا بيوم زى ده بس تليفوناتكم ليه مقفوله
بعد ماعدى يوم الحفله بتاع الافتتاح وكمان اللى هو يوم خطوبه خديجه بالليل على الساعه 12 خديجة بغرفتها زعلانه انها مش عارفه توصل لاصحابها وشويه وجاتلها رساله ان تليفون رنا اتفتح
فرنت عليها
خديجه: الو الو يارنا ايه مجيتيش ليه بس
رنا بتعب معلش ياخديجه ظروف بس
خديجه بقلق مالك صوتك ماله
رنا /ابدا بس اول امبارح طلعت انا وهدى نعمل شوبينج علشان نجيب فساتين نحضر بيها خطوبتك واحنا بنعدى الشارع عربيه خبططنا وانا مش كنت ادامها بالظبط يدوب بس كسر فى دراعى وشويه تعاوير فى دماغى من اثر الوقعه على الاسفلت اما هدى هى كانت ادام العربيه بالظبط وكان عندها جرح كبير فى دماغها ادى لدخولها العمليات وطلعت النهارده بس لسه مفاقتش وبصراحه من تعبى وخوفى عليها نسيت خالص ارن اقولك اننا مش جايين
خديجه بخوف الف الف سلامه عليكم طيب انا هاجى اشوفكم بكرا الصبح هكون عندكم
رنا /لا يا حبيبتي ادعى بس انها هدى تقوم بالسلامه لان من ساعه ماخرجت من العمليات وهى فى غيبوبه وبعدين انتى عروسه الف مبروك ومعلش......
خديجه بعصبيه/ عروسه ايه وزفت ايه انا هاجى الصبح سلام دلوقتي علشان ترتاحى والصبح هكون عندك يلا تصبحي علي خير
رنا /وانتى من الف خير
نهايه الفلاش باك
خديجه واقفه فى الجنيه مستنيه ياسر علشان هم خلاص راجعين القاهرة علشان هو قرب يسافر فهى هترجع معاه
بس وهى واقفه طلع لها خالد وقال
خالد/مفيش سفر معاه
خديجه كانت مدياله ظهرها فلفت ليه وهى بتقول
خديجه/نعم مفيش سفرليه
خالد/لا فيه علشان صحباتك بس لكن مع ولد خالتك لا
خديجه/بس علام اعتقد ده خطيبى
خالد مسكها من يدها وهو بيقول مبين اسنانه
خالد /انا جولت لا يعنى لا ومتطلعيش فيها جوى اكده يابت عمى بلى خطيبى بلا زفت
خديجه اتالمت من ايده لانه ماسكاها وبيضغط على ايديها اوى وهى اتوجعت وعيونها دمعت حاولت تتماسك بس مقدرتش دموعها خزلتها ونزلت خالد اول ماشاف دموعها عرف انه وجعها ساب ايدها فورا وقال
خالد/انا اسف
خديجه/اسف على ايه ولا ايه يابن عمى
خالد /انتى اللى بتوصلينا لكده
خديجه/دى تانى مره تمد ايدك عليا وتوجعنى ولعلمك محدش يعرف لكن لو اتعرف انا هعرف اجيب حقى منك ازاى
خالد اتغاظ من كلامها ماهى بردوا المرة اللى فاتت هى كانت غلطانه ممدش ايده عليها من الهوا
خالد/انتى اللى بتوصلينا لاكده واعملى حسابك انا مبتهددتش
خديجه/بعصبيه وبعض الصوت العالى انا مش بهددك انت ايه بتعمل كدا ليه انا عملتك ايه بقالك شهر بتعاملنى بجفا اوامر وزعيق وغضب وفى الاخر رايح تتقدم ليا وتطلبنى من ابويا ليه فاكر بعد معاملتك ليا دى هوافق عليك لا يا استاذ متحلمش
خالد مسكها من اكتافها بايده الاتنين وهو بيقول
خالد/محلمش ليه انا اجل منه فى ايه ناقصنى ايه
خديجه نفضت ايده من عليها وهى بتقول
خديجه/ناقصك كتير كتير اوى
خالد لما حس ان صوتهم هيتسمع جوه خدها وراحوا الجنينه اللى ورا عند الاسطبل دخلها الغرفه اللى هناك وقفل الباب خديجه خافت لانه كمان قلع العمه بتاعته ورماها وعلق العابئه بتاعت الكتف
خديجه بقلق /انت بتعمل ايه
خالد/بضحك بسخريه هئ متقلقيش يابت عمى انا مش من النوع ده عمرى كا فكرت احط يدى على بت وهى محرمه عليا مبالك بقى ببت عمى وحبيبى
خديجه سمعت كلامه وعند كلمه حبيبتى اتصدمت وبصتله كتير وهى بتقول
خديجه/ايه حبيبتى
خالد /ايوم حبيبتى حبيبتى اللى كل يوم بتضحك وبتهرج ولا حاسه بيا حبيبتى اللى كل يوم عايشه حياتها ولا كان فيه حد بيعشقها ليه ليه بتعملى فيا اكده وقال اخر كلامه بصراخ
خديجه/معرفش واللهى معرف
خالد مسكها من دراعاتها جامد وقالها /متعرفيش متعرفيش ايه بدك تعرفى ايه وانا اعرفهولك بدك تعرفى انى بدور عليك من وانتى صغيره بدك تعرفى انك سرجتى جلبى من يوم ما شلتك على يدى وانتى لسه مولده ده انا شوفتك جبل ابوك ما يشوفك دانتى جيتى على الدنيا دى وانتى على ايدى انا ليه ليه كل ده
كل الكلام ده وهو ماسكها من اكتافها وبيهز فيها وهى مستسلمه بتسمع بس وعيونها مش مبطلين دموعها غرقت وشها
خالد ساب ايدها وفضل رايح جاى فى الغرفه وهو بيقول
خالد/يوم الحادثه بتاعت مصر كنت كل ما اشوفك جلبى يدق بس كنت بقوله متدقش غير لحبيتك كان بيصرخ ويقول هى دى بس ماكنتش سامع ولا مصدق
منت لما اروح امطلع صورتك دى وراح مطلعلها صوره من جلبابه ليها وهى بنت الخمس سنوات وراهالها خديجه قربت منه براحه ومسكتها وقالت
خديجه/دى انا وانا عندى 5 سنين
خالد/ايوه نسيتوهاهنا خليتها معايا 17 سنه بدور على شكل بنت مشوفتها الا وهى عندها 5 سنين
خديجه/جات فى بالها الفرسه وقالت وعشق تبقى مين
خالد/استغرب عشق عشق مين
خديجه/الفرسه عشق اسمها عشق على اسم مين لو انت بتحبنى انا يبقى ليه مسمى الفرسه عشق انت قولتلى انها على اسم الغالية وفهمت من كلامه انك تقصد حبيبتك انا مش اسمى عشق يبفى عشق دى مين
خالد/يعنى انتى قولتى انى بحب واحده اسمها عشق من اسم الفرسه
وبعدين قرب منها وهو بيجز على اسنانه من الغيظ لا لا يابت عمى الفرسه اسمها عشق صحيح بس ليها تكمله
الفرسه اسميها عشق عقش خديجه
خديجه من الصدمات مش عارفة تعمل ايه
خالد كمل كلام وقال / ايوه عشق خديجه جدك مش كان عايز يتذكر اسم حد يخص عمى معاذ هنا وانا مكنتش اجدر اسمى الفرسه على اسمك فمن كتر حبى ليك سميتها عشق خديجه بس البيت ميعرفوش باقى الاسم يعرفوا انها عشق وبس
لف بعدي عنها وادالها ظهرة وهو بيقول مخلتش حد يركبها ولا ختى انا كل يوم كنت اروحلها واحكيلها عنك واقوله اد ايه انا مشتاقلك
خديجه /من امتى يابن عمى
خالد بصلها واستغرب سؤالها بعد الكلام ده كله وبتقول من امتى اتعصب خالص منها وجاب اخره راحلها ومسكها من درعاتها الاتنين وهو بيقول بحبك بحبك من يوم ما كنتى فى اللفه وانا همووت عليك بوك اخدك وسافر بسبب المشاكل وبعدتى عن عينى بس عمرك ما بعدتى عن قلبى
من وانتى صغيره يابت عمى شوفتك وانتى لسه مولوده وفتحت عينك كنت اول حد تشوفيه شوفت عيونك الزرق اسرونى كانهم لعنه واترمت عليا جولت لجدتى الله يرحمها زوجهانى ياجدتى وهى جالت هجوزهالك ياخالد ومن صغرى وانا كبرت على انى متجوزك حرمت على قلبى اى واحده تانى يدى ملمستش بت تانيه وصلت ل 32 سنه ومش راضى اتجوز وافر امى بيا لانى مش عايز اكمل باجى عمرى غير معاك معاك انتى وبس وبردوا بتسالى من امتى
خديجه من صدمتها .............

🌹ياترا رد خديجه هيكون ايه؟🤔
🌹 وهتفسخ خطوبتها من ياسر ولا لا؟🤨
🌹ايه هيكون رد فعلها بعد كل الكلام ده؟🤔🙄

🌹🌹سؤال بقا😉 كدا من الكلام ده كله يدل انها اتخطبط بس هى فعلا اتخطبت ولا لا؟😂🤔🤨
تفاعل على الاقتباس ده لان الحقله هتكون دمااااااااااااار شااااامل

😉😉😉😍😍😍