عشق خديجه

حلقات خاصه *الحلقه الاولى *

السلام عليكم ورحمة الله وبركاته
ورجعتلكم بالحلقات الخاصه زى ما طلبتوا وكمان علشان عايزه اشاركم بحياه بطلتنا الجميله (خديجه) وكمان العشاق بتاعنا (خالد) وكمان علشان نشوف باقى الابطال ايه ظروفهم وحياتهم وكيف ان خالد اتعامل بعقلانيه وبحبه لخديجه قدر يتغلب على صعوبات كتير اتحطط ادامه واولها هى صعوبه الوصل لخديجه هو عانا كتير وتعب كتير لحد ما وصل لحبيبته وكله انتوا عارفينه
الجد عرف غلطه وصلحه واهو مات ولا تجوز عليه سواء الرحمه
اللهم ارحم موتانا وموتى المسلمين اجمعين يارب العالمين
تذكير كدا بالناس اللى موجودين معانا فى الحلقات دى علشان ما نتهوش وكمان نفتكر هم وضعهم ايه قبل 5سنين تمام 👌
#عشق_خديجه
#اميرة_العمرى
#حلقات_خاصه_عشق_خديجه
#خديجه_خالد
#منار_احمد
#مريم_مازن
#ياسين_تمارا
#يُمنى_مالك
#ياسر_سارة ودول بقا المفجاءة 😊💓
بعد 3شهر من جواز خديجه وخالد كانت خديجه حامل وكذلك الامر مريم
والاتنين كانوا حوامل فى تؤام خالد رجع شغله بعد موت جده وتمت مهمه القبض على الناس اللى كانوا سبب فى موت ميسا مرات احمد واحمد اتجوز منار وسافر على باريس علشان يقضى شهر عسل وفعلا قعد شهر كامل 30يوم حب يعيش حياته وينسى الماضى مع البنت اللى خطفة قلبه من اول نظرة
اكيد كلكم فاكرين اول نظرة هى اى وكانت امتى وفين😉
💓💓💓💓💓💓
فى الصعيد وخصوصا فى قصر البحيرى
سعاده وفرح وسرور يارب يديمها عليهم
منى فى المطبخ كالعاده بتشوف يومها كاى ست مصريه من الريف بتقوم الصبح تؤدى فرضها وتنزل تباشر تجهيز الفطار للعيله
سليمان فوق بيلبس علشان عنده اجتماع فى المندرة لحل مشكله فى البلد
خالد وخديجه بيجهزوا شنطهم علشان راجعين القاهرة هو راجع شغله لانه كان نازل اجازه وهى هترجع كليتها بحكم انها حامل فى الرابع بتقعد مع والدتها لحد ما جوزها يرجع من مهماته طبعا الشنط عمرها ما هتجهز بهدوء تعالوا نشوف ازاى 😉😂
عند خالد وخديجه فى شقتهم
خديجه: خالد حبيبى قوم بقا الساعه 8 يلا
يوووه بقا كل يوم سفر على الحال ده اصحيه بالعافيه
خديجه ضربت برجلها فى الارض زى الاطفال وجات تمشى لقيت اللى بيشدها وكان خالد ووقعت فى حضنه
خالد/باسها فى خدها وقال صباح الحب يا حببتى وكمل كلامه وقال وانا كام مرة قولتلك انى ليا صحيان خاص وانتى مش بتتعلمى اعمل فيكى ايه يادكتورة هاا
خديجه /ربعت ايدها على صدرها وقالت طيب والصباح الخاص مش هينفع النهارده
خالد /ليه بقاان شاء الله
خديجه /علشان يا سيد خالد يا زوجى العزيز النهارده احنا راجعين القاهرة لانك راجع شغلك بكرا وانا علشان كليتى وكمان مرات عمى بعتت على ان لازم نفطر معاهم قبل ما نسافر والساعه 8 ده غير عمى تحت عايزك علشان المشكله اللى فى البلد دى وعايزك تكون معاه فى الاجتماع بتاع المندرة علشان تحلوها وباقى ساعه عليه لانكم هتبداؤا على 9 وكل ده وسيادتك نايم وفى الاخر تقولى صباح خاص
خالد/كل ده بيسمعها وهو مبتسم للغضب بتاعها اللى كله طفوله شكلها حلو فى كل حلاتها حتى غضبها
وكمان هى فى الرابع يعنى هى بتغضب كتير اوى فى فترة الحمل وهو عاجبه كدا اوى
خديجه /افهم بس انت مبتسم على ايه اوعى اوعى انت هتنقطنى
خديجه حاولت تقوم وهو شدها عليه وحضنها جامد وكل محاولاتها فى الفرار باءات بالفشل 😂
وبعد معافره كتير منها استكانت بهدوء فى حضنه لما عرفت انها مش هتقدر عليه
خالد ضممها اوى لصدرة وهي لافه ايدها حوالين خصرة
خالد باس شعرها وهو بيقول ربنا يخليك ليا وميحرمنيش منك ابداا يارب
خديجه /وميحرمنى منك ابداا يا حبيبي
خالد /الله حبيبى منك على الصبح ليها طعم تانى
خديجه /ده بس علشان انت حلو متستاهلش غير الحلو يا قلبي ❤
خالد /بيمشى صباعه على شفايفها وبيقول كلامك مابين شافيفك له طعم تانى هى الشافيف دى بتنقط شهد ولا ايه على الصبح ما تخلينى ادوق كدا 🙈
خديجه خبططه على صدرة وقالت بطل قلة ادب
خالد بتوجع مصطنع اه ايدك تقليه بس انتى اد الخبطه دى 😏
خديجه /اه ادها😏
خالد /متاكده 😑
خديجه /ههههه اه
خالد /طيب هو انتى جهزتى الشنط
خديجه /اه ما انت عملت عمايلك امبارح ولما نمت انا روحت جهزتها اعمل ايه وانت معايا مبعرفش اعمل حاجه 
خالد/يعنى مفيش حاجه هتجهز صح
خديجه /باستغراب لا 
خالد /طيب علشان اعقبك على خبططك بقى بطرقتى
خديجه لسه هترد خالد مدهاش الفرصه وكان خاطف شفايفها فى بوسه طويله 🙈🙈وبعد وقت حس ان الهواء خلص سابها وسند جبينه على جبينها وقال
من هنا لحد ما يجى معاد السفر مفيش طلوع من الشقه انا بكرا مسافر مش عارف هرجع ولا لا وعايز اشبع منك تمام 👌
خديجه /بعد الشر عليك تروح وترجع بالسلامة يارب
خالد /باس راسها وقال تسلمى ياقلبى يلا بقا كفايه كلام هشششششش
وكفايه عليكم كدا انتوا كمان يلا امشو عيييب
ولحد هنا وتسكت شهرزاد عن الكلام الغير مباح 😂
            💞💞💞💞💞💞💞💞💞💞💞
فى قصر يوسف الوضع مختلف الكل قاعد فى الجنينه بعد ما فطروا وشربوا الشاى ووبيكلموا منار من على النت لانها لسه فى باريس شهر العسل لسه مش خلص...........
مازن ومريم بيرجعوا البلد فى الوقت اللى بيرجع فيه خالد ووقت مايسافر هما كمان بيسافر معاهم علشان كلية مريم الحمد لله بتحضر فيها بانتظام
ناديه ويوسف سلموا على بنتهم هى وجوزها والحمد لله مبسوطه والحمد لله ربنا يسعدها يارب
ومازن حاضن مريم وقاعد ادامهم مستنى لما يخلصوا وهم يسلموا عليها بعدين
وشويه واخد من ابوه الاب توب علشان يسلم على اخته تؤام روحه
مازن/ياهلا ياهلا
منار/هلا بيك يا اخى
مازن /ازيك يامنار عامله ايه وانت يااحمد اخبارك
احمد ومنار/تمام الحمدلله بخير وانتو عاملين اية
مريم ومازن/الحمد لله
منار/ها يامريومه عامله فى حملك يا حبيبتي
مريم /الحمد لله انتى هاا مفيش حاجه
منار احمد اخدها فى حضنه وقالوا لا احنا عايزين نتمتع بحياتنا شويه 😊
مازن /ربنا يسعدكم يارب واخد مريم فى حضنه وكمل كلامه وقال احنا بقا متعتنا الحلوين اللى هتجيبهم مريم حبيبتي ليا كفايه انهم منها كل سنه هجيب زيهم
الكل ضحك عليهم
احمد/ياشقى بطل شقاوه دانت على كدا هتعمل ازمه سكان 😂😂
مازن /وماله ولاد مريم يعملوا اللى هم عايزينه
احمد ومنار /ربنا يهنيكم ويسعدكم يارب
مازن ومريم /ولكم بالمثل مادعيتم يارب العالمين
وبعدين قفلوا معاهم
مازن اخد اللاب توب بتاعه وقام وواخد لسه مريم فى حضنه وقال
بابا هنطلع نريح شويه لحد ما خالد يرن علشان ماشيين تمام 👌
يوسف /ماشى ياولدى اطلع
ناديه /خلاص راجعين القاهره النهارده
مازن /ايوه ياماما علشان شغل خالد انتى عارفه بننزل معاه ونرجع معاه
ناديه /طيب ياحبيبي جهزتوا شنطكم
مريم /ايوه ياماما من امبارح
ناديه /طيب ياقلب ماما ريحى شويه علشان طريق السفر طويل عليكي
مريم /حاضر
مازن اخد مريم وطلعوا
               💞💞💞💞💞💞💞💞💞💞💞
فى قصر مصباح ابو جبل البيت كله حس وفرحه بسبب ولاد ياسين اخو احمد لانه نزل استقر فى مصر بعد فرح اخوه وقعدوا فى قصر ابوه بيسافر القاهرة يتابع شغله فى الشركه بتاعت بباها اللى طورها وبقا ليها اكثر من فرع فى الجمهوريه وبيرجع كل اسبوع احيانا بياخد امه ومراته وولاده علشان يغيروا جو واحيانا هو ينزل يقعد معاهم بالاسبوع بعد ما يرتب شغله وحاله هناك
يُمنى بقا عايشه فى القاهرة علشان اهل جوزها مالك هناك وكمان وعلشان هى قعدت لولادها وخصوصا للبيبى الجديد لانها كانت قرب خلاص تولد وقت فرح اخوها وبعد ما الفرح عدى هى ولدت بقالها 15يوم وانما جوزها افتتح المستشفى بتاعته اللى كان طول ماهو فى المانيا بيجهز فيها وبقا شغال هنا بعد ما نزل واستقر فى مصر وعايش حياة سعيدة مع مراته وولاده...........
💞💞💞💞💞💞💞💞💞💞💞
فى القاهرة عند معاذ ومها
بيفطروا علشان معاذ عنده اجتماع فى الشركه النهارده
مها/هتيجى بدرى
معاذ /اه ياحبيبتي كلمت سليمان اخويا وقال ان خالد وخديجه جايين النهارده هاجى بدرى علشان اقعد مع خالد قبل ما يروح الجهاز
مها/طيب ياحبيبي
معاذ /متنسيش اعملى غدا كويس مريم ومازن انا عزمتهم على الغداء
مها/متقلقش كل حاجه هتكون زى ما انت عايز
معاذ /باس ايدها وقال ربنا يخليك ليا يارب
مها /ويخليك ليا حبيبي
وبعدها معاذ راح الشركه
        💞💞💞💞💞💞💞💞💞💞💞
فى لندن
: خالو
: ايوه يا ياسر
ياسر جلال /ابن خالة خديجه كنت عايز اادم معاد الفرح ليا انا وسارة وكنت عايزك تيجى معايا لوالدها
مازن خال خديجه/طيب يا ياسر ماما هتيجى معانا
ياسر/اه جايه انا سيبتها فى البيت وجيت ابلغ خضرتك علشان تاخد لينا معاد
مازن/طيب ياحبيبى ربنا يتملك على خير
ميا/مبروك ياسر
ياسر/الله يبارك فيك طنط ميا امال فين ماجد وماهر
مازن/ما انت عارف باقى اسبوع على معاد مناقشة الدكتوراه بتاعتهم ومحدش بيشوفهم
ياسر/ربنا يوفقهم يارب خلاص هيبقوا الدكتور ماهر وماجد مازن ابراهيم محمد
مازن/يارب كان نفسى بابا يكون معانا
ميا/الله يرحمه ويغفرله حبيبي لا تزعل
"ميا مجدى مهران بنت دكتور من اكبر دكاترة جراحه القلب بباها عايش فى لندن من سنين ميا اتولدت وعاشت هنا من صغرها العربى بتعاها متكسر لانها عمرها ما نزلت مصر ابدا اتعرفت على مازن لما كان فى بعثه واتجوزوا وبعد جوازهم بباها ومامتها اتوفوا من خلال جوزها ونزولها معاه مصر احيانا اتعلمت العربى ومعاهم ميسون الكبيرة وماجد وماهر تؤام ماجد وماهر حبوا التخصص بتاع بباهم وجدهم ودرسوا طب جراحه القلب وقربوا يناقشوا الدكتوراه فيه
انما ميسون بقت من اكبر مصممين الازياء فى لندن وعندها شركه تصميم خاصه بها متزجه ومعها بنت اسمها يارا"
ياسر /ومازن/ربنا يرحمه
*ابو مها مرات معاذ اتوفى بعد جواز خديجه بحوالى 15 يوم تعب فجأة وبعد فحوصات اكتشفوا انه عنده القلب ابنه نزل من لندن علشان يتابع حالته بس للاسف مينفعش يعمل عمليه ابنه سفروا بره علشان يتعالج فى المانيا وكان نفس الكلام مينفعش يعمل عمليه علشان سنه ده غير ان السكر والضغط مش مظبوطين وفضل هناك فى المانيا الدكاترة متابعينه وكمان ابنه وقعد اسبوع هناك وبعدها فاضت روحه الى الله وعاد جثمانه فى الطائره الى ارض الوطن ومروى بعد موت ابوها سافرت تعيش مع ابنها واخوها وبقالهم 6شهور هناك
ياسر خاطب سارة محمد مجدى مهران بنت اخو ميا مرات مازن شغاله فى نفس الشركه اللى هو شغال فيها هناك مهندسه لسه متخرجه جديده وبتشتغل بنفس قسم ياسر شافها حبها فى الاول كان اعجاب لانه لسه متعلق بخديجه لكن بعدين ابتدى يتكلم معاها وهى بادبها واخلاقها وهدوءها قدرت تنسيه خديجه واتحول الاعجاب لحب وخطبها من 4شهور وكانوا متفقين ان الجواز بعد سنه بس هو رفض فاخدوا فترة للتعارف ووالدته تعبانه وحابه تفرح بابنها فعلشان كده هيستعجلوا فى ميعاد الفرح*
         💞💞💞💞💞💞💞💞💞💞💞
فى باريس احمد ومنار،عايشن حياه زوجيه سعيده وهو عاش معاها اللى فات من عمروا وهيعيش معاها اللى جاى وهى بشقوتها وحبها قدرت تنسيه كل وجع الماضى وبقت ليه الزوجه والحبيبه والام والاخت والصديقه وكل يوم حبهم بيكبر اكتر
          💞💞💞💞💞💞💞💞💞💞💞

وده كان حال العائلات والسعاده التى كانت تغمرهم بعد اجتماع العيلة ولم الشمل من جديد واستمر الحال هكذا لمدة 5 سنين الحلقه الجايه نشوف اخبارهم بقا بعد ال5 سنين *😊💞 
ولحد هنا ونقول استوووووووووب،
واشوفكم فى حلقه جديده ان شاء الله
والسلام عليكم ورحمة الله وبركاته