Beray

الحلقه التاسعه

الحلقه التاسعه

نصيب تبكي ـ انا عليش اندير هكييي انا من الاول نبي نطلق نصيب خلاص اهدي و غيري حوايجك و خليني اندير شاور و نعدي نحجز تذكره لتركيا

نصيب خشت دارت شاور بميه بارده تبي اطفي الناار يلي في قلبها بس للأسف النار مازلت والعه
نصيب اطلعت البست سروال اسود و قميص قصير اسود و جاكيت سوده و شوز اسود
رنا ـ ع وين
نصيب ـ نبي نحجز تذكره
رنا ـ حتى انا معاك
نصيب ـ باه تو نحجزلك معايا
رنا حست ان نصيب تبي تقعد معا نفسها
رنا ـ تمام حبيبتي انا قاعده معا اعميمه نازلي
نصيب ـ تمام رونا نبي انقولك
رنا ـ شنو
نصيب ـ ماتخليش طلاقي اياثر في علاقتك معا انس انا من الاول نبي نطلق فا انس مالش ذنب في شي تمام
رنا ـ تمام بس انتي اتحبي الياس
نصيب تجاهلت كلام رنا و طلعت و سيبتها
نصيب اركبت سيارتها و اتجهت ل المطار تحجز في تذاكر
نصيب عدت احجزت تذاكر و ذكرت ان هيه نست شحنها و سمعاتها فا اتجهت لقصر الشامخ

نصيب ـ السلام عليكم
الكل بصدمه ـ و عليكم السلام
نصيب ـ نسيت شحني و سمعاتي حبيبتي نسمه ممكن اتجيبيهن من جناح الياس
نسمه ـ مانعرفش وين اركبي انتي
نصيب اركبت ل جناح الياس خذت سمعاتها و شحنها و هيه نازله اخبطت في الياس
نصيب ـ اسفه
الياس ـ ولا ايهمك
نصيب اعيونها تعبو ادموع و الكل لاحظ
نصيب ـ نستاذن
الياس ـ اذنك معاك
نصيب اطلعت اركبت سيارتها و اتجهت لبحر
نصيب لما درست سيارتها انفجرت بالبكاء هيه مش عارفه عليش تبكي بس قلبها محروووق

ع الساعه 11 في الليل روحت نصيب

كانو الكل في فيلة خالد ، عائلة الشامخ و عائلة سالم و رنا

نصيب درست سيارتها و نزلت
نصيب ـ شن في
الياس متكنطي ـ وين كنتي
نصيب ـ تي شن في خيركم كنت ع البحر و خذاني النوم
الياس بعفويه حضن نصيب ـ خوفتيني عليك
نصيب مارفضتش حضن الياس و بادلاته الحضن
اوس ـ هئحممم
نصيب بعدت من الياس ـ ماما خيرك تبكي راني كبيره و نعرف شنو اندير
نازلي حضنت نصيب
نصيب ـ بما انكم موجودين كلكم طيارتي انا و رنا بكره الصبح
رنا ـ هكي طول
نصيب ـ اي ، و بما ان طيارتي بكره فا لااازم الكل يقعد الليله
الشامخ ـ واللهي يا بنتي شن نبي انقولك
نصيب ـ اووو جدي تبي اتزعلني منك
الشامخ ـ تمام الكل هايبات
نصيب ـ و طبعاً حتى انت يا عمو سالم
سالم ـ لا واللهي يا بنتي بكره عندي شغل
نصيب ـ ع فكره انا مانطلبش منك انا نأمر
سالم قعد يضحك 😂
نصيب ـ هيا انا نستاذن عندي مشوار سريع
اوس ـ ع وين
نصيب ـ مش هانطول
نصيب طلعت و الياس ماهنش عقله و طلع وراها
اوس ـ شوف شوف خايف عليها
غيث ـ الحب يا برو
الياس يلحق في نصيب و نصيب انزلت ع سوبر ماركت كبير خذت جميع انواع الشكلاطات و الشبس و بوم بوم و بيبسي و هكي و روحت

نصيب ـ جيتتت
و دخل وراها الياس
نصيب ـ وين كنت
الياس ـ اءء كنت بره اندخن
نصيب ـ اممممم
ايه ـ الله
نصيب ـ اندير شاور و ننزل بيسي تعال خود DVD اعلقه
اوس ـ رنا عدي انتي
رنا ـ امشي روح
نصيب ـ خزي مافيكم فايده تعالي يا ويه معايا
اوس ـ حتى انا
نصيب ـ مكااانك
اوس ـ خزي
ايه ـ هيا نيبو
نصيب اركبت و معاها ايه ، نصيب عطت ايه DVD و خشت دارت شاور و نزلت
الياس بحب ـ صحه
نصيب ـ سلمك
اوس ـ شن رايك هذا حلو
نصيب ـ هذا رومنسي فكنا منه حطلنا رعب
رنا ـ لالا نخاف
نصيب ـ معاك انس😉
رنا ـ 😒😒😒
نصيب ـ هذا حلو
اوس ـ براحتك
و قعدو يحظرو و في الفيلم تعالو نحكيلكم شن قصت الفيلم 😂
" بنت عايشه معا باتها و امها و في يوم و ليله انقلبت حياتها و تحولت لدمار و طلع فيروس و الناس تحولو ل زومبي و الفيروس هذا حتى في امها و بوها و قعدت تجري في المدينا و خلاص و تقابلت معا شاب و قعدت عايشه معاه و حباته و حبها و تلاقه معا حبيبته يلي يحسابها قعدت زومبي "
و نصيب معا اللقطه هذي قعدت تبكي
اوس ـ تي خيرك
نصيب ـ خذت منها حبيبها هيه اصلن واطيه و سراقت رجاله و حرام انجيلا باتها و امها ماتو و اخر شي فظلها من الدنيا هو جاك😭💔
اوس ـ باهي خلاص امسحي دموعك
نصيب امسحت دموعها
و كملو الفيلم و نصيب دارت قهوه اطلعت ل جنان اتشم في هوه
الياس طلع وراها
اوس ـ طلعلها
رنا ـ لا اله الا الله و انت مش مخليهم في حالهم ركز في ايه و سكرفمك
اوس ـ مادخلكش
انس ـ باين ان هوا ايحبها و هيه اتحبه فا نبي انموت و نعرف عليش اطلقو
اوس شبح ل رنا ـ انتي اكيده تعرفي
رنا ـ مانعرفش و مادخلنيش و خليك في حالك
خلينا انعدو ل نصيب و الياس
الياس ـ خير
نصيب ـ خيرات
الياس ـ شن جو
نصيب ـ بخير و انت
الياس ـ الحمد الله
نصيب ـ باهي تمام
الياس ـ خيرك قاعده هنا
نصيب ـ قلت انشم اشوية هوه
الياس ـ اممممم
نصيب ـ اها
الياس ـ تريحتي بعد اطلقنا ؟!
نصيب ـ م
قطع عليها رنت فون الياس و كاين رقم غريب
نصيب ـ نستاذن نبي نرقد
الياس ـ اصب
نصيب اقطعت عليه و عدت و سيباته
الياس ـ من الرقم ال— هذا
نصيب اركبت دارها و قعدت تبكي لين خذاها النوم
ثاني يوم الساعه 8 ونص
اوس ـ نييييييبوووو
ايه ادربك ع الباب و رنا و البنات ايصفقن و الشباب يلي ايصفر ويلي ويلي و الياس يشبحلها و بس
طبعا الشباب و البنات كلهم في دار نصيب
اوس ـ حي حي
نصيب كانت لابسه توته قطنيه عباره ع شرت اقصير ل الفخذه و قميص نص كم لونها وردي
نصيب فاتحه عين وحده ـ يااا ولد الحمااااار اطلع بره
انس ـ نوضيييييي
الكل ـ نوضيييييييييي
و عامر ايصفر و ايه ادربك و رنا اتزعرط
نصيب ـ يا انس يا زفت صكر خاااربك
رنا ـ نوووضي يا زفته
اوس خذا من عليها البطانيه
نصيب ـ يا حمااار لبستي مش مستوره
الياس ـ 😍😍😍😍
نصيب خذت البطانيه و قربت من الحمام و عزقتها و الياس ذااايب و عيونه قلوب
اوس ـ وين يا عم الناس خيرك ذايب
انس ـ وين يا ولد امي عيونك قلووب
الياس ـ تفاهه هيا اطلعو
و طلعت كلهم نصيب دارت شاور و طلعت البست و نزلت تفطر
نصيب ـ صبااااحو
الكل ـ صباح النور
نصيب مالقتش مكان اله جنب الياس فا قعمزت جنبه
انس ـ شن رايك اختي درباكه ولا لا
نصيب ـ لا الله اكبر و الافكار هذينا ماطلعن اله من اوس و متاكده 100‎%‎
الياس ـ سبحاااان الله انا ماقلت شي
نسمه ـ وووه متت😂
محمد ـ سالم يا بابا تعال
سالم ـ نعم
محمد ـ قول ل عمو عامر تف
سالم ـ اتفوه
نصيب ـ مشاءالله و نعم التربيه
محمد ـ حتى انتي امغير ايجيك عيل تو اتشوفي باته شن ايدير
نصيب ـ نقتله هوا و باته ماناقص امغير هكي اقسم بالله نقتله هوا و فرخه و ع كل حال انا مش ها نجوز
محمد ـ تو انشوفو
رنا بعفويه ـ لو كانت تبي الجواز راهي ماطلقتش من الياس
نصيب فنصت في رنا
نازلي ـ كيف كيف
رنا ـ ولا شي يا اعميمه انا ندوي هكي و خلاص
نازلي ـ في شي صاير من ورايه
نصيب ـ ماتعدليش هذي فتراشه
نازلي بشك ـ امممممم
نصيب ـ حي الساعه 9:30 هيا نوضي الطياره الساعه 10
رنا ـ جعانه
نصيب ـ تو نفطرو في تركيا
رنا ـ اوووف
نصيب ـ هيا
ناضت نصيب و رنا خذن الشناطي (الحقائب) و ودعن العيله و عدن ل المطار ولتركيا