Beray

الثامنه

الحلقه الثامنه

الممرضه ـ الحمد الله الدكتوره نقضاته في اخر لحظه انشاء الله توا انحطوه في الملاحظه لمدت 24 ساعه
سمير اب فهد ـ تقدرو انشوفو
الممرضه ـ انشاء الله بعد 24 ساعه
الياس ـ تمام دكتوره
نصيب امسحت ادموعها و طلعت
الياس ـ خير عليش البكاء
نصيب ـ من امتى انا نبكي لا مانبكيش بس في حاجه خشت في عيني
الياس ـ عليا انا
نصيب ـ مش هكي بس قبل خسرته و انا ماعمريش خسرت مريض فيا هذا عليش خفت
الياس ـ اهاااااا
نصيب ـ خلاص عاااد فكنا من البراده
الياس ـ باه😂
ابراهيم ـ دكتوره معليش في حاله مستعجله ممكن اديري انتي العمليه لي انه حالته خطيره
نصيب ـ تمام
ابراهيم ـ تمام دكتوره
نصيب ـ حطو الحاج مسعود في الملاحظه
الممرضه ـ تمام دكتوره
نصيب ـ اندير العمليه و نطلعو تمام
الياس ـ تمام انراجي فيك
نصيب ـ تمام
خشت نصيب دارت العمليه و في نص العمليه مات المريض
نصيب ـ لالا ماتموتش بالله عليك😭
الممرضه ـ خلاص يا دكتوره وسعي بالله هذا عمره
نصيب اطلعت من العمليات منهاره و تبكي لي انها اول مره تخصر مريض
الياس ـ نصيب شن في
نصيب ـ خصرته يا الياس خصرته
الياس ـ باهي خلاص وسعي بالك هذا عمره
نصيب ـ لالا كله مني😭
الياس ـ انتي مادرتي شي هذا عمره
نصيب ـ 😭😭😭
الياس خذا نصيب و طلع من المستشفى
نصيب تبكي ـ نقدر انسوق
الياس ـ لالا تو انكلم عامر ايجي
نصيب ـ الياس نقدر انسوق
الياس ـ باهي خليك ورايه
و طلع الياس و وراه نصيب لين اوصلو ل القصر
نصيب انزلت و دموعها ع خدها و مابطلتش بكاء
امينه ـ خير شن في
الياس ـ تو نحكيلكم بعدين
اما نصيب اركبت ل جناحها و قعدت تبكي كلموها ع الغداء مابتش فا رنو ع رنا قالولها تعالي
رنا ـ وينها 
ايه ـ فوق
رنا ـ كلميها
ايه اركبت ل نصيب
ايه ـ نيبو تعالي انزلي معايا
نصيب ـ حبيبتي واللهي ماعندي نيه
ايه ـ لالا عندي لكي سربرايز
نصيب ناضت انزلت معا ايه
نصيب كانت لابسه بنطلون توته لونه اسود و قميص الياس واااسع و كبير عليها لونه اصفر و شتوي معا انه الجو حمو بس نصيب كانت والعه المكيف و الجناح افريز
رنا ـ حي ع البيبي معقوله تبكي
نصيب تبكي ـ واعره يا رنا لما اتشوفي انسان ايموت بين ايديك
رنا حضنت نصيب ـ خلاص يا روحي هذا عمره هذا عمره فا سوا مات ع ايديك او علي يد حد غيرك انتي مامنه بربي صح
نصيب ـ و نعم بالله
رنا ـ خلاص انتي تبي تعترضي ع امر ربي اكيد لا فا عسى ان تكرهون شئ و هوا خيراً لكم هيا امسحي دموعك في العاده انتي مستحيل تبكي قدام حد و مستحيل اتبيني ضعفك الحد و ديما اتقولي يلي يبكي و يبين ضعفه هذا ضعيف و عديم الشخصيه و انا مستحيل انخلي حد ايشوف ادموعي ولا لا
نصيب ابتسمت ـ صح
رنا ـ هيا تعالي تغدي راه ايصيرلك هبوط و بو نسيب يقعد يجري بيك
الياس ـ لا مادخلنش بيها
نصيب ـ شينك طولان
رنا ـ هي تعالي
قعمزو الكل ع صفرت الغداء
نصيب تحرج في انس ـ شن جو فطورك
انس و رنا شرقو ـ احو احو
الياس ـ اي صح شن جو الفطور اليوم
انس ـ تمام
نصيب ـ و انتي يا روكانا
رنا ـ تمام حبيبتي
نصيب و الياس اخبطو ايديهم في بعض
انس ـ الياس شن جوك امس في اليل
الياس شرق و نصيب وله وجها حمررررر
رنا ـ لا لا شن في من ورانا
انس ـ نحكي
الياس ايفنص
انس ـ امس الياس زرقت عليه يعطي في نصيب بوكس كندر و ورد حمر شكله مزعلها
نصيب اشرقت في الطعام ـ احو احو
الياس ـ امسكي اميه و انت يا انس تو اتشوف
الشامخ ـ تحشمو قدامي
عمران ـ حي حي شكله جدي اذكر زماناته
الكل ـ 😂😂😂
الياس ـ نذكر جدي كاين ايجيب ل جدتي في ورد اصفر من الزرع يلي قدامنه كابسك يا حويج
الشامخ ـ فروخ معش ايتحشمو
نصيب ـ باهي احكيلي يا جدتي كيف تعرفتي ع جدي
الجده فتحيه ـ حقني و انا ماشيه ل جارتنا فاطمه و قعد يلحق فيا
نصيب ـ وعاد انتي طرتي
فتحيه ـ مش غير يا بنتي
الياس قعد ايصفر و نصيب اتصفق
فتحيه ـ شفت يا حاج مهابيل اشر من بعضهم
الشامخ ـ ربي يهديهم كيف يبو ايربو اصغارهم
نصيب و الياس اشرقو ثاني ـ احو احووو
رنا ـ امسكي اميه راك اتموتي قبل مانشوفو صغارك😂😂😂
الكل ـ 😂😂😂
نصيب ـ تحشمي🙂
اوس ـ السلااام عليكمممممم
نصيب ـ بيسييييي💃🏻
اوس ـ اووووو نوض يا الياس خليني انقعمز ناكل
الياس ـ توا في كرسيين فاضيات مافيش مكان عجبك اله مكاني 😒
اوس ـ يعني عادي انقعمز قدام اختك😑
الياس ـ قعمز ماعندي مانديرلك
اوس ـ باه انت حر
و قعمز اوس جنب ايه و ايه وجها حمر
نصيب ـ غريبه الجيه
اوس ياكل ـ رايفت عليك و قلت انخطف عليها
نصيب ـ اممممم خيره جوك مش تمام
اوس ـ لا جوي مليح
نصيب ـ على مين يا حلو نوض نوض قدامي نبيك في موضوع
اوس ـ حرام عليك جعااان
نصيب ـ ماجاعه نوض
اوس ناض ـ هاااا
نصيب ـ تعال نبيك
اوس و نصيب بعدو ع العيله
نصيب ـ احكيلي شن صاير معاك
اوس ـ في شي
نصيب ـ و غلاوتي عندك تحكي
اوس ـ كل مافي الموضوع مكبد
نصيب عيطت ـ ووووووه في من احكي
انس ـ شن في من مات
نصيب ـ الها في روحك
اوس ـ ايه
نصيب ـ نعمممم من ايه
اوس ـ ايه حماتك
نصيب ـ محلاها البنت هيا قوللها انحبك
اوس ـ اهدي ماه مانبيش تنهون صاحبي انشاء الله اليوم نبي ندوي ل الياس و انس و نحددو الخطبه الاسبوع الجاي
نصيب ـ تمامممممم
اوس ـ هيا تعالي جعااان
نصيب ـ هي
و مشو نصيب و اوس قعمزو في مكانهم
نصيب اتفكر معا روحها ـ الاسبوع الجاي اخر اسبوع ليا و هانطلق اوووف تعودت عليهم نصيب انتي في شنو تحكي انتي تبي تردي ل حياتك الطبيعيه و فكينا من الكلام الفاضي اوكي😕💔
رنا ـ وين مشيتي🙃
نصيب ـ معاكم معاكم🙂
رنا ـ امممممم😑
رنا تحكي معا روحها ـ بجد انس انسان مايتعوضش انا ليا كم يوم ندوي و معاه و حسيت روحي بديت انحبه بس نصيب تبي تطلق اووووف يا ربي عقلي💔
نصيب ـ وين وصلتي🙃
رنا ـ معاكم معاكم🙂
انس و الياس ـ انتن الاثنين تكذبن ع بعضكن😂😑
نصيب و رنا ـ مادخلكمش😒🙂
اوس ـ اجنون بسم الله
نصيب ـ 😂😂😂
نسمه ـ نيبو
نصيب ـ نعم حبيبتي
نسمه ـ ممكن فونك
نصيب ـ تفضلي
نسمه خذت فون نصيب
نورس ـ خير شن تبي فيه
نصيب ـ هوا فوني ولا فونك انا حره عطيته الها ابجوي و بكيفي عندك مشكله؟!
نورس ـ تنحرقي
عامر ـ عارفه عليش انحبك يا نصيب
نصيب ـ و عليش
عامر ـ لي انه شخصيتك قويه و يلي في قلبك ع السانك و ماعندكش في النفاق
نصيب ـ حلاتك اقسم بالله😂
الياس ـ باه خلاص
جمال ـ غااار غااار
جلال ـ حي حي كبسوك
الياس ـ خلاااص عاااد
ليث ـ حرجتوه يا جماعه
بلال ـ تي امغير لا معقوله يا خيتشي سلمه
اوس ـ بو نسيب مغرم شكله
عمران ـ تي طايح بوجه
انس ـ تي مش غير طايح
الياس ناض متكنطي
نصيب وجها حمر ـ خلاص تحشمو
اوس ـ لا لا وجها فراوله
انس ـ حي حي
نصيب ـ حرجتوه قدام العيله😒
ميسون ـ عيب عليكم
نصيب ناضت مشت ل الياس و هوا كاين مقعمز في الربوعه و مقابل العيله
نصيب ـ اوسي
الياس متكنطي
نصيب ـ خلاص عاد هما ايبصرو عليك
ع الصفره
عامر ـ شوفو كيف اتراضي فيه
اوس ـ الحب يا خيي الحب
رنا ـ عطك كلب
اوس ـ انا منكلب بروحي
رنا ـ شكلك طحت
اوس ـ مادخلكش
رنا ـ وجك
انردو ل نصيب و الياس
نصيب ـ خلاص عاد فكنا من الزعل
الياس ـ تي يحرجو فيا قدام العيله
نصيب ـ ايبصرو
الياس تعصب ـ و انتي فكينا من البصاره معا الشباب راكي مازلتي حلالي
نصيب تعصبت ـ الياس ماتعصبش عليا انا شن دخلني اصلن العتب ع الكلبه يلي اتراضي فيك
نصيب اطلعت متكنطيه و الكل لاحظ و ركبت ل جناحها
ميسون ـ حي شن في
رنا ـ مش عارف
رنا ركب ل نصيب
رنا ـ نصيب
نصيب ـ نعم
رنا ـ خيرك متكنطيه
نصيب ـ العتب عليا انا انراضي فيه لكن هوا حماااار ايقولي معش اتبصري معا الشباب تي يمشي ايملح مازل اسبوع ونص و نطلق
رنا ـ اسسس راه يسمعك حد
نصيب من العصبيه خذت فازه مرش و كسرتها و يديها قعدن يرعشن
رنا ـ نصيب اهدي اهدي
و نصيب ايديها يرعشن
رنا اتعيط ـ اوس اليااااس
اركبو العيله اتشوف شن في
اوس ـ نصيببب اهدي نصيببب
الياس ـ تي شن فيهااا
رنا ـ نصيب من العصابيه بدت تفقد في اعصاب يدها و الدكتور نبهنا ع العصبيه
نصيب افقدت الوعي من العصابيه
الياس شالها بين ايديه و طلع بيها لمستشفى
و الكل لحقوهم
الياس ـ شن صار
الدكتور ـ شن تقرب لدكتوره
اوس ـ خوها
الدكتور ـ المريضه عصبيه و بدت تفقد في اعصاب يدها فا مش معروف الجاي شنو العموم ياريت اتحاولو ماتعصبوهش لي انه مرات اتخش في غيبوبه
الياس ـ انشاء الله
الدكتور ـ كتبتلها احبوب مهدئه و كل ماتعصب تاخذهن
الياس ـ تمام شكراً دكتور
رنا ـ دكتور نقدرو انشوفوها
الدكتور ـ اكيده دكتوره تفضلو
رنا ـ تمام
و دخلو العيله ع نصيب
الياس ـ نصيب كيف حالك شن تحسي
نصيب ـ اموري تمام
رنا ـ خوفتيني عليك
نصيب ـ خوافه😂
الدكتور ـ السلام عليكم
الكل ـ و عليكم السلام
الدكتور ـ كيف حالك توا
نصيب ـ بخير
الدكتور ـ باهي تمام يا دكتوره لازم اتخففي من العصبيه مش كويس عليك
نصيب ـ انشاء الله خير
الدكتور ـ صرفتلك مهدء ولازم تخذيه لما اتعصبي تمام
نصيب ـ انشاء الله خير
الدكتور ـ انشاء الله الحمد الله ع السلام
نصيب ـ الله ايسلمك امتى نطلع
الدكتور ـ تكمل التغذيه و انشاء الله نكتبلك خروج
نصيب ـ تمام دكتور
الدكتور ـ الوالد قاعد
نصيب باستغراب ـ لا بس جدي قاعد عليش
الدكتور ـ كيف حالك يا حاج
الشامخ ـ الحمد الله
الدكتور ـ نبي نطلب منك يد بنت ولدك نصيب
الشامخ ـ واللهي شن نقولك يا وليدي
الياس ـ ع وين انشاء الله ماتحقش في يدها مثلاً نصيب ـ الياس اهده و خلي جدي ايكمل كلامه
الشامخ ـ نصيب جوزت حفيدي
الدكتور ـ اسف يا حاج بس واللهي ماكنت نعرف
الشامخ ـ ولا ايهمك كلنا نغلطو
الدكتور ـ انا نستاذن
الشامخ ـ اذنك معاك
رنا ـ حي علي صاحبتي مازالو يخطبو فيها الناس و هيه قريب تقعد ماما
نصيب ـ هبله😂😂